泰國廚房

Open Now

Now Closed

山長水遠來到粉嶺朋友家拜年，本身住九龍區 的我感覺車程就好似返鄉下一樣，不過冇計拜年大過天，我朋友為咗安撫我哋，已經揾定一間喺粉嶺略有名氣嘅泰國餐廳帶我哋品嚐，名字叫泰國廚房。地點對於我哋陌生人嚟講比較偏僻，粉嶺朋友比較易搵，由粉嶺火車站大約行十至十五分鐘，餐廳係單幢式地舖，有燈光同椰樹做標記，可揀室內或室外，室外多為泰式BBQ之用。我哋一行六人揀咗室內，坐得都好寬敞舒服，叫咗八碟餸，食物味道尚算滿意，份量適中，大家食到攬住個肚回家。

唔想食西餐，又同老婆食泰式菜。 今次係第2次食泰國廚房。住在係北區多年，成日坐車都行過呢度，但光顧既次數唔多，只有兩次。呢間餐廳是獨立一座建築物，有室外雅坐，坐外面都幾有氣氛，感覺好relax，而且位置好闊落，客人坐得好舒服。今次同老婆唔係好餓，少少地叫左三野野。今次無叫咖哩、串燒呢d。反而叫左個黃金蝦，蝦大隻汁惹味，撈飯一流。老婆想食飯菠蘿海鮮飯，酸酸地好開胃，不過有d朋友可能覺得太酸，鐘意唔鐘意視乎口味而定了。我去親泰國餐廳都差不多叫馬拉盞炒通菜，呢度炒得唔錯。當然，我唔係專業食家，唔敢夠話呢度一定比其他泰國餐廳既食物美味，我相信比呢度更好食的泰式餐廳都唔少。但最少我兩次黎，叫左唔同既食物都好滿意，好味而有穩定水準，份量十足。而且，呢度的環境風味，唔係市區好迫好嘈既泰國餐廳或樓下鋪可比。

一直都知粉嶺有一間泰國菜都幾出名，而且位置都容易搵，以往都係同朋友食晚飯為主，今次第一次同老公去食晏，原來都幾抵食㗎，而且質素都有返咁上下我哋叫咗一個炒金邊粉同一個湯河，湯河好清好入味，金邊粉有好夠鑊氣，而且份量都唔少，我都食唔晒🙈最正嘅係加少少錢就有泰式飲品啦，（平時好多餐廳可能要另叫）我哋叫咗一杯珍珠冰同一杯三色冰，可能因為我好鍾意飲椰汁嘅嘢，我覺得佢好濃郁，而且都好足料，飲埋野都好飽㗎啦，住粉嶺嘅朋友得閒，可以過嚟食晏呀！

泰國廚房今晚又到我最喜愛的廚房，我喜歡這裡的環境，郊外氣色坐在露天位置，感覺自由自在舒服寧靜，飲酒聊天最合宜。今晚不想食太多菜類為主，有木瓜沙律、濕炒海鮮河粉 、蝦醬炒椰菜苗同泰國星啤 。木瓜沙律 $78爽脆帶辣醒胃又消脂，全因本身纖維量極高。濕炒海鮮河粉 $85鑊氣足海鮮料一般。蝦醬炒椰菜苗 $82消消甜甜有鹹香味，雖然是炒菜但油份不多，同是高纖食物有益健康！泰國星啤 $35來一杯泰國啤酒🍻啤啤佢爽啊！餐牌

聽同事介紹黎哩間餐廳食放 lunch好肚餓好肚餓餐廳都幾多位置 不過冷氣比較凍睇左餐牌決定叫泰式豬脾飯朋友就叫左紅咖哩魚柳飯奶茶 就一般 有d苦 同唔係好滑豬脾豬有少少酸茶幾開胃都好足料豬脾都幾香 肉幾嫩的食左3/4左右 都幾滯下次想試埋紅咖哩 好似幾香咁

過來慶祝我表弟生日， 距地住上水，揸車過來幾分鍾到。呢到幾偏僻，但我覺得幾寧靜。餐廳出面影，幾靚！我最喜歡的泰國菜-生蝦！唔錯！ 豬頸肉好易咬，加埋泰式辣醬，好味！冬蔭公湯材料充足， 但唔夠辣，不過我覺得好味既。豬手個皮好硬，我咬唔到，但肉係整得好味，所以我凈係食左裏面的肉。個蒜香包好出色，建議叫多d蒜香包同咖哩一齊食，好正！個crab 都ok. 個甜酸魚就冇預期中好食，可能我食呢道菜時已開始飽。魷魚燒得耐左少少，同醬一齊食係ok 的

泰國廚房個位唔係話好就腳，基本上每次光顧都係揸車泊喺粉嶺法院後面，全港唯一4蚊一個鐘嘅咪錶停車場。佢門口對住單車徑嘅隧道，餐廳裏面有舒適裝修同冰凍冷氣，簡直一天一地。午市供應飯餐同湯粉，五六十蚊連特飲，以環境計唔過份。香矛豬扒豬手金邊粉，湯底甜美，金邊粉有咬口。香矛豬扒稍嫌細塊同乾，豬手無乜肉，唔推介。可取處係份量好足。泰式海南雞配油飯，雞夠滑嫩同已經去骨，食得放心。一旁嘅點汁夠惹味。雞油飯未夠油，味道不過不失。

今日放假就同媽咪去試下平時都好爆場嘅泰國廚房,一入到去伙記話室內無位,要坐露天,問我地有無問題,天氣有三十幾度,其實都幾難頂.因為唔夠人手,我地坐左好耐都無人比餐具比我地,咁為有自己去拿,好彩上餐嘅速度都算快…青咖喱牛腩, 青咖喱做得幾出色,好重嘅香茅味,仲有好多泰國香草,好醒胃,牛腩也不會太韌,又吸收曬D咖喱汁,好入味,幾好食,個青咖喱汁加落D飯度,已經可以送曬成碗飯. 干炒雞絲河也炒得幾好味,炒河最重要係夠獲氣，河粉色澤幾靚,feel到係用大火猛炒先做到既效果,但又唔會乾身,每條河粉都非常入味,加埋D配菜,有介蘭,紅蘿蔔,棷菜,感覺健康D,無咁邪惡.整體來講,食物方面都做得好出色,但人手方面就有待改善.同室外坐,真係好熱,但食物可補返人手同環境的不足.

又到每月拍拖紀念日7號☺️☺️男友話要帶我食好野～帶我去粉嶺試新野-泰國廚房。book左8:30pm,但我地7:30pm到左，餐廳未算多人，俾我地早入！哩度環境唔錯，黑黑地⋯好多唔同綠綠黃黃既燈光，營造出一種夏日風情！我地兩個人，點左兩送一小食，兩杯野飲，兩碗白飯！今晚主要都食海鮮🤣🤣叫左蝦同加哩軟殻蟹，兩碟既送都好大，好足料，d黃咖哩仲可以撈飯食😆😆每碟都係百幾蚊，算抵食！仲有小食串燒，3豬3牛，真係好飽！味道好好味⋯飲品方面我叫左芒果沙冰⋯一般般⋯男友叫左個檸檬西梅⋯好似😅個名⋯佢話好飲！埋單食左五百幾蚊⋯中等價錢！晚餐來講⋯有加一服務費！

今晚又來到粉嶺 「泰國廚房」原因這裡環境寬敞像在郊外，有無拘無束之感，今晚外面正下著雨，就感受一下下雨天所掛念的人，感覺雨水打在玻璃天花板的聲音，感恩生命中沿途有你！細雨中柔和燈光如此環境配合一杯啤酒，在適當時間配上適當飲料，這就是簡單 · 完美泰式四拼，永遠都離不你，全因你太合我心意了，為配合我杯啤酒你提供了香、脆、辣三種不同食物，Amazing大蝦金柚沙律香辣爽甜，泰國菜永遠都把這幾個關鍵弄得這麼出色👍

今日同老闆走到老遠粉嶺見客，老闆就請食飯，太肚餓，這間暫時有位,行過見到呢間就入去試吓啦！ 先來一個木瓜沙律開開胃，未到過醉，辣味不夠泰式通才，太多水，炒得不夠乾身，味道略鹹了一點泰國海南雞飯，油飯味道不錯，雞肉也很滑，不過這個雞就少了海南雞嘅精華就係皮同肉之間的凍肉！炸蝦餅，太多油，蝦味都夠，也很香脆彈牙！豬手飯，豬手也帶點鹹，肉質也過老了！整體來說，他們價錢都略貴，每碟的份量也不太多！兩個人食咁多野都唔係好飽！

知道這間店跟thai妃雞同一集團，應該不會太差。外賣比堂食份量多好多好多！Thai 式炒金邊粉，食後很滯非常漲肚；味道太淡，沒有香味。只有「一浸」鋪面的餸，下面全是粉海南雞飯，雞沒有雞味，飯沒有飯味；唔知食左乜野；也不夠熱。Don’t 蔭功湯很貴，細細碗$6x 仲貴過個飯set但有好多隻大大隻既蝦！也算是足料。

呢個位置之前係酒吧黎，開左好耐都未黎試過，成日搭車都見到D燈飾整到好靚，咁就去左一次食，環境都幾好幾靚，但食物味道唔算好好食，點左個冬陰功完全無原本冬陰功應有既味，其他食物就不過不失唔算話太差，但價錢黎講相對起粉嶺區其他泰國菜館我諗呢間算係全粉嶺區最貴價錢既泰國菜，但咁既價錢一般既味道，都唔會再黎幫親第二次，完全失望，只係比佢既燈飾環境吸引左黎一次就夠。位置亦唔算方便，火車站行過去大約都要15-20分鐘。

中午餐在公司附近呢間泰國餐廳食，今次人多比咁室外長方枱，雖然係室外，不過有帳篷同封咗透明膠布，所以都唔凍，不過為咗拍埋啲枱，兩個店員又攪咗一輪，因為太長會阻到出入口，最後每邊移少少解決問題！出了新午餐餐牌！又揀樣新嘅菜色試下！食物上得都幾快！冬蔭公炒飯（$48）賣相幾好，用模具造型！擺盤幾好，兩隻蝦爽口，炒飯雖然色水夠，但味道唔夠，完全無冬蔭公嘅辣味，而唔理冬蔭公嘅主題，味道都太淡，最後我要落調味架嘅魚露先夠味！夾雜嘅生菜爽脆！不過味道一般，但主題味道一啲都無就差熱檸茶（跟餐）夠熱茶底濃唔澀！正常同事食：海南雞飯（$58）牛腩湯河（$38）紅咖哩魚柳飯（$48）熱華田（跟餐）凍咖啡（跟餐加$2）食物一般，店員有禮斯文，不過反應較慢，好似食湯粉嘅同事想攞調味架都要問兩個店員先攞到，第一個店員聽完無攞來！服務一般！食物水準一般

秋意濃濃涼風送爽，在戶外享用美食別有一番詩意，今晚就同幾位朋友約會到粉嶺泰國廚房晚膳，交通尚算方便在粉嶺火車站步行10分鐘，在粉嶺舊法院旁邊就是了！柚子沙律食泰菜一定要試沙律，柚子、青木瓜沙律都會試到廚師是否正宗，因為醬料配搭各有千秋，甜、酸、爽、辣都各有一套，這裡做的柚子沙律只可算是可口！泰式拼盤包括：炸魚餅、炸魚餅、春卷及香葉包雞，我比較欣賞香葉包雞，肉嫩有汁非常入味，其他炸品都不錯起碼不會有過多油份青木瓜沙律辣度剛好，這也是因人口味而定，我認為一碟開胃前菜可令我全晚食慾大開菠蘿炒飯非常足料，炒飯乾身有蛋香！泰式肉碎生菜包香茅洋蔥醬汁炒豬肉再包片生菜，同樣是泰式料理必食菜色，這裡的味道帶點魚露香就是辣了點卻又愈食愈惹味，真的有點矛盾。戶外進食別有一番浪漫！夜空中柔黃燈光配上現場氣氛，在攝影師下拍攝的是有故事之作品餐牌 - 頭盆類別套餐 - 適合不想苦腦的人適逢該店四周年紀念，全單仲有八五折添真認真抵食