泰角海南雞 (Changed Hand) New Restaurant

星期六出mk食完街，雖然係多野揀，但budget所限又唔想食放題韓燒打邊爐，又係搵食煩惱，行到接近街尾，見到有間新開既泰國餐廳，又有至愛既海南雞飯，所以就入左去食，晚餐黎講價錢好吸引，2人餐都係170有找，1人1個飯，有串燒又有蝦餅同甜品食，可以講係好經濟🙂泰式甜點，Okay 的炸蝦餅，炸到好脆丫，唔算好乾，配埋個泰式辣醬好開胃雞扒飯，啲皮燒到好脆口，不過啲飯有少少硬海南雞飯，雞比較少同薄身，都一般般串燒，燒得好香口

招牌泰式海南雞飯：雞好「霉」，一D都唔滑😰，感覺唔新鮮，大部分去骨，而且有兩種調味醬：豉油同酸辣醬。油飯完全無香味。湯：用胡椒同芫茜煲出黎既湯 胡椒味太濃 感覺辣😖😖😖加上本身唔鐘意芫茜味，所以感覺好差真係有好大進步空間😓味道：⭐價錢：⭐⭐（價錢算正常）環境：⭐⭐衛生 : ⭐⭐服務：⭐⭐⭐

旺角女人街有好多間唔同嘅餐廳中菜、西菜、日本菜、越南菜、泰國菜應有盡有今日放學之後搵食個陣比依間餐廳嘅綽頭吸引左寫住海南雞專門店，對於一向鐘意食海南雞飯嘅我黎講緊係要試下啦食物選擇唔多，得海南雞飯、雞扒飯同埋泰式串燒飯揀三款都係$42，附送一碗例湯至於飲品方面就要加$12所以我今次只係叫左泰式海南雞飯餐，冇加到野飲因為我覺得有少少貴泰式海南雞飯 $42等左5分鐘度就已經送上海南雞飯但我覺得唔係即叫即整，因為店員送上海南雞飯個陣原全聞唔到油飯個香味海南雞原全冇雞味，需要點上黑醬油同埋水門雞醬先有味黑醬油有少少甜味，較容易入口。而水門雞醬辣味同酸味都不足至於油飯都食唔出有任何香味，只係令我覺得好油膩加上海南雞非常之薄身，咬落口冇咩肉感秘製雞湯落左黑胡椒嘅味精湯，飲完之後喉嚨覺得好乾總結黎講，以一間以海南雞為招牌嘅餐廳黎講真係好失敗價錢唔算實惠，食物款式少得黎又唔出色成間餐廳仲有好大嘅進步空間

下午放食飯,難得今日功作不太煩忙,便決定離開辦公室到街上逛ㄧ逛。行到女人街見到這間泰角海南雞,記得U-magazine 介紹過,就入去試ㄧ試。店子不大,ㄧ般旺角平民小店的格局,只有幾張枱。午餐食物選擇也不多,海南雞飯,炸雞飯,沙嗲串燒飯。不想吃油炸食物,就選了海南雞飯。上菜都很有效率,五分鐘不到,就有得開餐,絕對是乎合香港人的非常有效率的特性。講返個海南雞飯,賣相也不錯,齊齊整整的雞肉放在香飯上,加兩片青瓜,伴菜看似少了點。飯很香,軟身,不油膩。雞肉夠滑而且已經去骨切條，食落啖啖肉零舍爽歪歪。但平常的三色醬料就少了一款，覺得有些不充實的感受。食完後,聽到有位食客話價格比起ㄧ個月前,己經由$38加到$42。這個價格在今日的香港,也算合理。

喺旺角真係食到唔知可以再食乜...喺女人街見哩間未食過，價錢又唔貴，就入去食個快飯，揀咗海南雞串燒雙拼飯同水蜜桃梳打。首先奉上類似辣椒豉油同甜醬油滴海南雞，沙嗲汁就點串燒。海南雞肉質唔算好嫩滑，但有雞味，而且點甜醬油比較好食，油飯無出邊果啲咁香，串燒我想要豬肉，但侍應話無得揀，廚房俾乜就俾乜，最後俾咗雞肉我，串燒味道正常。例湯係冬瓜胡椒湯，宜家哩啲天氣飲都幾暖胃。水蜜桃梳打原本我睇餐牌以為+$2先要，點知落單果陣先知係+$12，個餐牌寫得太細啲字，不過又無其他嘢想飲，所以照嗌，味道就是有氣的水蜜桃水味。整體平平哋食餐晚飯都Ok

收工搵野食，見佢新開又唔洗等就入去試下，中哂伏，係我做左廿幾年人食過最難食既港式泰國菜叫左個2人餐，-雞飯/雞脾飯/串燒飯 揀2雞飯冇咩野，個汁仲好好味添！雞脾飯！？叫雞脾既果樣野乾到冇朋友！一食就知係翻整，成塊望落係豬扒甘樣既野叫雞脾唔知佢煎定炸啦下，總之我食左一舊就冇再食-豬/雞 串燒8串 （又有串燒飯俾人揀又串燒，唔知以為佢d串燒好好味）好野呀，每串d肉同我手指差唔多長啦，兒童餐？味道冇咩野，係size真係嚇親， 沙嗲汁我可以話係好味既-蝦餅/春卷正常，唔夠脆囉，冇咩野佢送2個湯俾我地飲渦我地放左我諗10分鐘都冇，飲第一啖完全係凍架！唔係暖渦！係凍！我同侍應講：點解個湯凍既？佢仲想屈我放太耐先飲渦！大佬呀！出面飲d湯係熱既話，我食飽走都仲熱緊啦！話我放太耐凍左？唔通我放d冰落去屈你咩！！！呢d叫泰國菜，唔好玩啦，真係食一次都覺得我丟左錢落垃圾筒，我做左廿幾年人食過甘多間泰菜，呢間真係不知所謂，食完我同男朋友仲去左第2度再食過，因為係又唔飽又難食，埋單仲唔提甜品，我地走左先記得不可一不可再呀！！！

我們午餐最喜歡到女人街覓食，女人街選擇多人流少，所以午飯時間一去到就有位了，一入到去正想坐下突然烏黑一片停電了，正想是否要離開呢，原來只是跳掣，等了２,3分鐘後重開電掣就沒事了。海南雞有雞味總算滑雖不算份量多，不過都夠飽了，油飯不會太油膩不過是暖的不夠熱，湯有點似韓國餐送的蘿蔔湯，附送的醬油都甜甜地，點雞食味道不道，$38一碟飯都幾抵食啦！雞扒煎得脆皮，不過嫌味淡不夠味，都是海南雞較為出色蝦餅都炸得香口美味

平時係旺角想食平野都會黎橫街呢邊，有d餐廳好高CP值，有d就伏伏地😂見呢間新開價錢又平，就試下。食落真心不錯，價錢又平👍🏻去個日應該新開，好多人，但冇拎飛等位系統，靠客人自律排隊💁🏻佢有個2人餐，勁豐富價錢又平，但怕食唔哂，就散叫🤔⭕️海南雞飯 $38雞好滑，又夠多，配汁撈飯一流！d飯望落似白飯，但應該係油飯，有d似水門雞飯，真心正！☺️⭕️脆雞飯 $38又係好大塊雞，炸得剛剛好，唔會老！有得點個甜酸醬食，怕飯乾可以撈甜豉油👍🏻⭕️豬串燒 $38有成8串甘多！肉就唔算多，但食落唔差，配沙嗲正！⭕️泰式奶茶 +$12又唔算太甜，茶應該用泰國手標茶因爲見店擺左好多😂

今日番工好忙好辛苦，遲左成個鐘放飯，晚餐時間決定同同事食好d。起女人街見到呢間新開泰國餐廳，見到$38有個晚飯。貪平入去試試先～餐牌唔係有好多款式揀，主力賣3款飯：海南雞飯、炸雞扒飯、沙嗲串燒飯。我地3個人決定食豪dd，點左一個二人餐再加一個飯share。二人餐轉泰式飲品加＄6，單點飯就加＄12。椰汁珍多冰，幾大杯幾好飲。豬肉串好食，唔鞋口，點沙嗲汁👍 有成8串。炸蝦餅，食落去似魚餅多啲 。海南雞飯，普通冇乜特別。脆炸雞扒飯，第一次上見到d雞扒未熟哂，幫我換過份新 都係普通炸雞扒飯冇乜特別。泰式千層糕，好似食緊茉莉花hand cream 。買單每人$70

行行下旺角見到呢間新餐廳，決定一試雙拼飯 - 泰式海南雞+串燒 (試業價 $45)一向都鐘意食海南雞既MINICOUPLE又發掘到一間性價比高既餐廳呢到既海南雞都整得好滑，同幾香同埋佢雞既分量唔少咼！而佢既油飯都整得唔錯，食落唔會太油太膩，岩岩好至於串燒都ok，係雞肉串燒黎既！點埋個汁食直係幾好，個汁都有好多花生，所以點埋黎食會食到唔同既口感架泰式蝦餅 ($28)呢個蝦餅唔算係好厚身既蝦餅，佢食落唔會好多粉而且都幾有咬口，唔會好似一pat野咁佢係即叫即炸既，所以真係熱辣辣架！