泰傳奇 (Closed)

今日黎展貿哩邊做野，見到有間新開既泰國餐廳，午餐都幾抵食，於是決定試下。餐廳採用開放式設計，所以望落去非常闊落，牆邊有啲泰國風既壁畫同埋紅酒架，都幾特別。佢係用QR code電子落單嘅，都幾環保。🎈海鮮喇沙米線🍜 $65喇沙份量頗大，配料豐富，有芽菜、青口、豆卜、鮮蝦，魷魚同肉碎，喇沙湯底非常濃郁，有椰香同蝦米香，微辣，而米線煮得滑溜入味，真係幾好食。🎈泰傳奇海南雞飯🐔 $62海南雞飯份量亦多，雞件約5-6件。配料有青瓜及蕃茄片，另配三款醬，分別係老抽、薑蓉同泰式辣椒醬。雞油飯煮得乾身，亦有雞油香，雞肉唔鞋，有雞腿、雞翼同雞胸肉，建議點醬食味道會更濃。🎈三色冰🥥 跟餐加$8🎈珍多冰🥥 跟餐加$8兩者都有濃濃既椰香，飲得出落左好多椰奶，配料方面，三色冰加左三色既馬蹄，食落比較爽口，而珍多冰就加左斑斕葉製成既粉條，味道好似平時綠色嗰隻泰國甜品一樣，好好咬😋整體黎講，哩間餐廳既食物份量頗多，性價比都幾高。

平時都好少入九龍灣，今日就黎到依度覓食，原來Emax依個商場都幾多選擇，而泰傳奇就係其中之一😎• 海鮮喇沙米線 $65一黎到先飲一啖湯底，味道濃厚椰奶味好重，個湯底做得幾唔錯！海鮮份量都唔少，青口大隻唔縮水亦唔會腥，仲有魷魚、蝦等等，質素都唔差，而米線就煮得比較軟身😗• 泰式炒金邊粉 $69配上青檸同辣椒粉，可以根據個人嘅口味作適當調節😌金邊粉炒得唔會太濕或者太乾，入口有好大浸嘅花生味，調味如果可以濃返少少應該會更加啱我口味😶• 珍多冰 +$8用咗椰奶做底，入口順滑，不過偏甜咗啲，綠色粉條口感清爽🌞• 三色冰 +$8同樣用咗椰奶底，而配料就換成咗顏色鮮艷嘅粒粒，粒粒嘅口感有啲似珍珠，外層煙韌，中心混合左馬蹄肉所以會帶啲爽口，留意返三種顏色係味道上喺冇分別嘅🤣

趁要過黎emax開會,約埋同事食返個泰式午餐🥣黎到坐低服務員已經好好.見我拎得多野都安排張大少少既枱比我地🙌🍜海鮮控既我點了海鮮喇沙米線 $65 一上枱已經嗅到好香好濃郁既喇沙香味☺️大大碗配料十足😍有兩隻大大的青口、大蝦🍤魷魚🎣及魚片💁‍♀️仲有索哂啲湯汁既豆腐卜😋米線軟硬度適中☺️我把好多料既湯底都全部飲哂😜🐣泰傳奇海南雞油飯 $79呢度既海南雞肉質嫩滑😌肥瘦適中.唔會食到成口雞油🙌油飯帶少少薑粒好啱胃口👍跟餐仲會送泰式特飲🥤💁‍♀️椰汁珍多冰椰奶味十足而且唔會太甜🤗💁‍♀️龍眼冰非常清甜.啱哂我呢個熱氣既朋友等我降下火🥰總括來說呢間泰傳奇不只食物好食又平😋服務又唔錯😎下次要再同多啲朋友過黎可以叫多啲野食一齊享受🥰

又係一個放閒日嘅日子，咁岩朋友得閒就出去九龍灣搵佢食午餐啦，以為死場無野好食啦，點知都唔錯喎～🦐海鮮喇沙米線 $65海鮮喇沙湯頭唔錯，椰奶香得黎無搶走喇沙嘅辣味，鹹度適中配米線岩岩好。而且喇沙好足料，又有蝦仁多，魷魚同青口真係好滿足。仲有埋魚片頭同豆卜，哩兩種配料都勁索湯，所以好入味好好食。🐣海南雞飯 $62海南雞夠嫩滑，雞味夠香仲有少少雞油流出黎，飯底仲係油飯而且炒得粒粒分明，認真夠誠意。🍹題外話：其實仲叫兩杯餐飲，三色冰同珍多冰不過兩杯飲品都偏甜，我就唔多介紹啦。📍泰傳奇 (九龍灣)九龍灣展貿徑1號E-Max 國際展貿中心2樓21-23號舖

為了去EMAX的數字屋補給零食，Jon媽和Jon仔順道吃了一頓性價比頗高的泰式粉麵下午茶🍜🍹。Jon媽👩🏻選了海鮮喇沙米線，原價$65包基本飲品，跟餐改配珍多冰+$8✅Jon仔👦🏻選了香茅雞中翼金邊粉配船麵湯，改配三色冰，合計$53✅店家不設加一，結帳價$126✅海鮮喇沙米線有豐富椰香🥥，湯底泛紅而不辛辣。海鮮料包括蝦🍤、魷魚🦑、青口、魚片，都是各兩件左右，還有四大顆豆腐卜。米線屬於軟滑一類，很合Jon媽的口味！Jon仔說香茅雞中翼炸得剛剛好，肉質軟滑，一碗有三件。船麵湯我們第一次試，初嚐只覺微微帶酸，再嚐有點鹹香，吃到一半開始覺得有微辣🌶。因為金邊粉本身較爽身而不吸湯，配這個濃味的船麵是很配👍。可惜Jon仔吃不了辣，吃到一半放棄了，真浪費😪！EMAX停車場車位充裕，時租$20，憑電子消費收據$100或以上可免1️⃣小時泊車費，消費$200免2️⃣小時。有泊車🚙又有性價比高的好餐廳🍽，懶煮飯的港媽們不妨一去啊！😉

琴日到訪，叫咗炒金邊粉唔知點解要有一堆唔知咩肉喺上面，又唔熱，一粒蝦海鮮都冇，非常失望，金磗比之前食都差咗好多，賣相唔得，親戚食青咖哩牛腩又硬又鞋，個泰式冇骨鳯爪又差咗唔少，希望快啲比返以前個水準出嚟啦，佢其實好多嘢之前都好好食，所以先會再返嚟，今次真係超失望囉

報告報告～今次同老友記喺九展又搵到一個好味泰國菜🤩話說經過九展附近一帶，見到呢間泰傳奇就入咗去。我哋叫咗一個海鮮喇沙同埋火車頭炒飯🤟🏻🤟🏻🤟🏻🤟🏻。。。。。。。。。。。海鮮喇沙俾我印象最深刻嘅地方就係佢濃郁嘅湯底😱😱😱😱真係好正！ 另外佢嘅海鮮包括有魷魚、青口等等，都幾足料🤓🤓🤓🤓至於火車頭炒飯，其實俾佢個名吸引，所以想試吓😎😎😎😎我嘅評價就係刮目相看😝以前總係覺得炒飯冇乜好食，原來呢個泰國炒飯又幾入味喎🤫🤫🤫🤫

去到九龍灣嘅E-Max品嚐正宗泰國菜 - 泰傳奇💞! 裝潢華麗，好似去咗泰國咁，有大電視收睇節目外，播著外語音樂，真係泰享受🥳!🐷豬手飯就食得多，今次食 #泰式豬手飯，餐廳將豬手嘅骨頭拆咗，咬上去啖啖肉🥩，而且🐷豬手嘅皮軟腍配上泰式醬汁，提升風味😋，奉上秘製辣汁，食落好惹味🤩!#海南雞飯嘅🐔雞香口滑嫩💕，油飯有🐔雞油嘅香氣同埋食到有香茅味道，味道層次豐富🥳! 餐廳配上3️⃣色醬汁，有辣嘅薑蓉醬汁、薑油、甜豉油醬，可按自己口味去點上💞飲埋龍眼冰，消暑解渴🍹!泰傳奇 Thai Legend 📍九龍灣展貿徑1號E-Max國際展貿中心2樓21-23號舖

新春去左EMAX, 好多食店都未啟市，試左間<泰傳奇>，有驚喜。用QR code自助下單。好快就上菜，帶住小朋友要求特別多，自己都唔好意思，幾個年輕侍應態度都好好，大讚欣賞。裝修設計有心思，播住柔和音樂，舒適用餐。午市套餐有4款火車頭炒飯- 用心製作，香噴噴，份量頗多，用料豐富，扎肉切絲， 魷魚絲，蕃茄切粒，芥蘭洋蔥切絲， 調味不錯，甜甜的。另外叫左海鮮喇沙米線又係大大份，小小辣，花生味重，惹味入口，豆卜吸曬味，正。青口兩大隻脹卜卜， 新鮮肉嫩。魷魚爽口彈牙。餐飲可配三色冰/珍多冰/龍眼冰揀左龍眼冰， 中和返微辣喇沙，滋潤下。真係唔錯，讚。

今日擺脫兩隻小魔怪同老公仔行街拍拖嘆番個下午茶😌我哋都好耐冇食泰國嘢了今日就食泰國菜#泰傳奇啦下午茶泰式湯粉+香茅豬扒(多件數又大塊）+金邊粉(爽滑彈牙）+船麵湯(清香濃郁）茶餐D：火車站炒飯(扎肉)超大碟超好味😋每一粒飯都沾滿晒秘製嘅肉汁，再加上超好味嘅扎肉，好食到停不了口😝這是我有史以來食過最好味嘅泰國炒飯🥰叫得茶餐當然少不了我至愛的龍眼冰啦🧊超多龍眼的龍眼冰(清甜潤喉又滋潤🥰）用嚟打卡都唔錯㗎😂😂😂跟餐都只係$8,超抵飲仲有多款茶餐任君配搭👍👍👍@泰傳奇📍九龍灣展貿徑1號E-Max國際展貿中心2樓21 & 23號舖#foodies #泰傳奇 #泰國菜 #船麵 #扎肉 #香茅豬扒 #龍眼冰 #香港美食 #好食推介 #九龍灣

我係嗌咗海南雞飯（$62）之後再加三色冰（+$8）我覺得佢哋呢度嘅海南雞食落去真係幾滑同埋幾滑嫩💕💕一啲都唔鞋颯颯同埋雖然佢冇標明無骨但係其實大部份都係雞肉嚟嘅👍👍不過我自己就覺得嗰個油飯嘅份量有啲少（因為我幾乎食曬啲飯都未食完啲雞）之後我朋友係嗌咗（下午茶）香茅豬扒船麵（$45）之後再加三色冰（+$8）呢個湯聞落去係幾香嘅而飲落去就一開始會有少少酸酸嘅感覺，之後就會feel到辣嘅🤩🤩（其實我好少食船麵）我自己就覺得呢個麵底嘅咬口都幾唔錯嘅跟住嗰個炸豬扒都真係勁大塊😝😝

🔘 泰式炒金邊粉 | $78評分: 🌕🌕🌕🌕🌑評語: 金邊粉份量極多😂大大碟多到食唔晒。味道分面有好香嘅花生味，如果食得辣嘅朋友，可以撈埋佢哋自家嘅辣椒粉食，撈完之後更加野味！另外值得一讚係金邊粉經烹調之後依然保持到一定嘅濕潤，非常不錯。。。🔘 泰傳奇海南雞飯 | $79評分: 🌕🌕🌕🌗🌑評語: 海南雞雞肉皮嫩肉滑，油脂分布平均，唔會太肥亦唔會過瘦，食落口有一種唔洗咬都會溶化嘅口感！雞肉配合埋醬汁十分好食。雞油飯好香噴噴，飯身比較乾，冇油膩嘅感覺。不過如果份量多多少少會好d😛。。🔘椰汁冰、珍多冰| 跟餐+$8評分: 🌕🌕🌕🌗🌑評語: 特飲只需要加$8就飲到😛咁當然要試下啦。兩杯都係椰子味濃郁，入口幼滑。但有少少偏甜，淡返少少會更好。。。🔻以特式泰國菜作招徠🔻款式繁多，味道不錯推介指數: ⭐⭐⭐

泰傳奇 (九龍灣)九龍灣展貿徑1號E-Max 國際展貿中心2樓21-23號舖朋友係呢頭地膽，黎搵佢食飯，問佢話今日食d咩，扮晒神秘咁帶過我黎左呢間泰傳奇，朋友表示呢間係佢最愛，一於黎探下店。店員服務態度好好，好細心咁同我地介紹菜式。餐廳環境不錯，非常有泰國風情，仲播著輕音樂，相當放鬆。海鮮喇沙米線🍜好耐無食喇沙米線，呢間既喇沙米線相當大碗，配料豐富，爭d食唔晒😂😂，湯底濃郁，有d微辣，非常好食。肉碎生菜包泰菜一定要食既小食之一，生菜洗得好乾淨，亦非常新鮮，肉碎香辣，食落口感非常正。下次會再同朋友返黎食🥰

泰式金邊粉🥣金邊粉上碟份量幾多，都係有嗰啲基本嘅配料蛋絲🍳豆乾花生碎🥜等等。味道偏辣🌶，如果食唔到咁辣嘅朋友就唔好撈咁多辣椒粉落去啦。整體金邊粉炒得濕潤，但如果有啲海鮮係入邊就更加好味啦😗海鮮喇沙米線🍜 $65喇沙湯底幾濃香，椰香味重🥥有幾粒海鮮例如蝦，青口，魷魚🦑 每間都係新鮮爽甜。但係米線就比較碎同埋淋，有待改進😂珍多冰午餐加$8就可以升級飲珍多冰啦，味道比較甜，椰汁味都幾濃，發揮正常😊龍眼冰同樣係午餐加$8就可以飲到，呢杯龍眼冰係全餐最有驚喜😂龍眼冰味道清甜，好有龍眼香味。而且味道天然👍🏻唔似係用糖水溝出嚟嘅，仲有粒粒龍眼肉俾你食😍環境方面，餐廳位於Emax 2樓，午餐時間入去都幾多人食，座位間隔充足，而且有提供唔同嘅酒精類飲品比客人選擇。我當日入去仲有幾位外籍人士喺度飲紅酒添🍷衛生方面，餐具係每張枱自行領取，所以略嫌冇咁衛生。但係地下同埋座位都整潔😚食物方面，呢個價錢喺九龍灣食到泰國菜算係中規中矩。係等食物嘅時候比較耐，差不多要15至20分鐘先至上到菜🧐總括而言，如果你喺九龍灣附近工作嘅話，又突然之間好想食泰國嘢就都可以試吓。食物同埋環境都係正常水平。地址：泰傳奇 (九龍灣)九

約咗客喺佢哋公司傾啲嘢，傾完見都差唔多夠鐘放Lunch，於是打咗個電話約個中學同學岀嚟食飯，順便叫佢帶我去附近食啲我未食過嘅餐廳試吓。行到去E-Max，都好耐冇嚟，自從冇得睇演唱會之後都冇再嚟過。朋友推薦咗幾間佢食開嘅餐廳，有間日本拉麵、有間泰國茶、有間茶餐廳，款式好多好難選擇。最後諗諗吓揀咗間泰國茶。 當日餐牌上有四款午市優惠，朋友介紹一係喇沙一係炒飯，咁我就叫咗碟炒飯而佢就叫咗喇沙。炒飯都ok啦，稱不上為好好食，但又未去到難食，總括而言叫做一碟好普通嘅炒飯。遲啲會再有機會過嚟同客傾嘢，下次就再去發掘下九展嘅其他美食。