泰傳奇 (Closed)

新春去左EMAX, 好多食店都未啟市，試左間<泰傳奇>，有驚喜。用QR code自助下單。好快就上菜，帶住小朋友要求特別多，自己都唔好意思，幾個年輕侍應態度都好好，大讚欣賞。裝修設計有心思，播住柔和音樂，舒適用餐。午市套餐有4款火車頭炒飯- 用心製作，香噴噴，份量頗多，用料豐富，扎肉切絲， 魷魚絲，蕃茄切粒，芥蘭洋蔥切絲， 調味不錯，甜甜的。另外叫左海鮮喇沙米線又係大大份，小小辣，花生味重，惹味入口，豆卜吸曬味，正。青口兩大隻脹卜卜， 新鮮肉嫩。魷魚爽口彈牙。餐飲可配三色冰/珍多冰/龍眼冰揀左龍眼冰， 中和返微辣喇沙，滋潤下。真係唔錯，讚。