泰妹麵 (Closed)

呢間餐廳老闆娘佢會每星期都派面比老人家， 而且就算公司之前有火災都堅持， 好respect,當然d 面既水準都好好， 我一定會keep 住支持，kerp 住order , 加油呀泰妹👍

外賣8折就即管試下。上到去門面係一間酒吧，我諗疫情唔開得，所以轉型做麵店外賣，佢外賣紙都寫只做外賣。見佢係轉型嗰下真係擔心食物質素一般。叫左泰妹正宗船麵（有豬腩肉，豬肉丸，蘿蔔，通菜，豬軟骨，走左豬膶），麵底加$5要左泰國新鮮肥河粉。包裝得好好。有分湯，豬皮分袋，調味料有辣粉同醋。蘿蔔好入味，不過咸左啲，豬腩肉唔靱算爽口無臭羶味，但豬軟骨係硬加柴，呢個唔得，豬肉丸正常無乜特別。肥河粉做左外賣都無粉到keep到玻璃煙靱質感，好食。湯底就夠味但唔濃，我比較偏好好血色嗰種濃味，佢係偏清。觀感同味道都差啲啲，擺明就唔係正宗嗰隻㗎啦。啲辣粉落左成包都唔辣。個豬皮好脆口唔油，幾好。咁樣$44性價比係高嘅。可以再食。

話說之前路經銅鑼灣買外賣，發現有個易拉架寫了推出泰式船麵，之後就決意試一試。這店沒有堂食，只有外賣，所以我通常都會買回公司吃。這一次叫了C03 牛肉船麵(普通金邊粉)+熱菜蜜+炸蝦餅。🙂首先，我加了$15去買炸蝦餅。炸餅是冬甩型，熱燙燙，也感受到是新鮮炸起的。唯一美中不足的是，他給了我茄汁不是泰式辣醬。（因為之前他都是給我泰式辣醬🥺）牛肉船麵有牛根丸、肥牛，配上船麵湯底，牛有牛味，湯底很濃郁，配上通菜和芫茜，特別得來也不會令人覺得口渴。😄而炸豬皮放入濃濃的湯底中，隱約會聽到「炸炸」的聲響，吃起上來很脆、很美味。而最令我驚喜，反而是調味料，因為它有一包辣粉和一小瓶醋，辣粉可以因應你想要的辣度去調，至於那瓶醋絕對是整碗麵畫龍點睛之處，事關酸酸甜甜的味道確是有提味的功能，這瓶醋我真的完完全全沒有浪費。😜這小店的外賣最吸引我的地方，就是外賣自取是有8折，換言之只需要$52埋單就可以了，所以性價比真的很高呢！🥰

限聚令要二人一台, 冇曬心情出去食飯, 同啲同事喺公司叫外賣發現咗呢間新開嘅泰國嘢咪試下囉叫咗6碗船麵， 武里南府生菜包 泰式鳳爪撈粉絲 手打蝦餅 炸雞軟骨 冬陰功 喺foodpanda叫過咗45分鐘店員打嚟話外賣仔仲未去攞貨, 怕外賣會凍, 問我哋地址喺邊如果唔太遠佢哋可以親自送嚟, 重幫我哋立刻熱返啲滾湯, 勁有heart麵湯底冇得輸, 全部分湯, 分量都幾多生菜包都幾辣, 但係食得好過癮, 好想係咁食撈粉絲賣相都幾靚, 味道酸酸辣辣咁幾開胃手打蝦餅都幾彈牙, 好大塊, 想再加多一份都已經賣曬冇得加炸雞軟骨都好開胃, 一轉眼就畀同事食曬冬陰功味道濃沃, 好味佢哋話下次如果叫夠 500蚊可以打畀佢哋, 叫佢哋安排lalamove送貨, 送貨錢佢哋包埋, 咁樣可以準時送到, 又唔使畀外賣平台食咗啲差價

叫咗外賣， 送到嚟係分湯上， 賣相都幾靚， 材料都鋪滿個兜。叫咗正宗泰妹船麵加泰國空運金邊粉， 用泰國豬肉丸幾爽口， 豬腩片同豬軟骨都幾入味。 泰國芽菜肥啲爽口啲， 加入個面度都幾好feel。個湯底好濃， 食得出係冇乜味精， 基本上我連個湯都飲埋清曬成碗麵。 佢哋另外畀咗個泰式醋， 加咗入湯味道立刻提升咗好多， 真係泰國feel咗好多。個午餐包埋嘢飲， 叫咗泰式奶茶， 甜味適中冇喺泰國飲嘅咁甜， 茶味都香濃， 有啲似珍珠奶茶。。

見到新開咗間 泰國船麵 叫咗外賣自取 叫咗牛肉船麵， 份量都夠食， 個湯底真心正， 掛住食冇影相， 連個湯都飲曬鳳爪入味， 大件夾抵食，賣相又靚外賣自取8折抵玩， 可惜冇堂食， 不過而家疫情 外賣都冇乜所謂

間餐廳門面好搞笑, 係酒吧, 等外賣嘅時候同店主傾左陣偈, 原來佢哋係租咗酒吧入面嘅廚房做午市同晚市, 廚師係泰國人好後生嘅女仔湯底好好味, 因為掛住傾計放咗個湯一陣, 佢哋勁窩心, 煲返熱啲湯畀我廚師話泰國嘢好多都落味精, 但佢呢間就寧願慢慢煲夠八個鐘以上, 都唔落味精, 因為佢好鍾意見到啲客整個湯飲曬佢又話正宗嘅船面係好細碗, 但開左一個禮拜個個客都話唔夠食, 所以最後都變咗香港人size用泰國豬肉丸同金邊粉, 一般地方好少食到招牌生菜包真係好好味, 甜酸辣味有齊, 我本身唔食得辣, 辣度我ok, 佢話本身係整到好辣, 但發覺好多香港人都係食小辣, 所以寧願有客要求加辣佢先至加炸蝦餅 -我見佢自己喺廚房自己打緊個蝦餅, 佢話試咗幾間叫貨, 一啲都唔正宗, 所以寧願自己每日打, 正冬陰功佢剛剛煲起, 啲味都係好正, 唔似出面啲好稀好多水重點係價錢一啲都唔貴, 我試曬咁多嘢都係一百蚊左右