Video
Telephone
34887873
Payment Methods
Above information is for reference only. Please check details with the restaurant.
呀嘛呀！呢間泰寶龍真係一個寶地，啱啱喺西貢飽覽自然美景之後，搵嚟都係要填填肚吖嘛！每樣野食都惹味到令我停唔到口，嗲㗎！椰子雞湯好夠kick，湯頭香濃撲鼻，入口即刻有種暖笠笠嘅感覺，小辣得嚟唔會太過火，啱晒算唔會食辣嘅人！佢個柚子蝦沙律真係勁爽口，柚子肉多多汁潤，配上噴香嘅炸蒜粒同埋花生碎，真係食咩都開心！喂，點解每樣嘢都咁夠味㗎？沙嗲串外皮香脆，肉質嫩滑如絲，一撈個沙嗲醬汁，秒變味蕾狂歡嘅Party場🎉！咸豬肉炒椰菜苗食落好過癮，咸香中又帶點辣味，正！糯米飯跟個心型芒果配一齊，係咪話我鍾意你咩？好心思，好甜蜜！整體嚟講，呢度嘅泰國菜真係喺口感同味道上做足咗功夫，下次一定會再嚟嘗試其他菜式！吃泰不離，真係飽到篤！🥥🍤🌶️
continue reading
今日心血來潮，腳步引領我去到「泰寶龍」試吓正宗泰式美食。首先，個炸蝦餅真係得意過癮，外皮金黃鬆脆，一口咬落去，蝦味濃郁又彈牙，真係㗎嘞！串燒我就揀咗牛同豬來試，發覺牛肉真係夠晒嫩滑，一啖肉嘅滿足感爆燈💥！然後青咖哩雞，真係巧妙到爆，個汁香滑惹味，微辣得嚟又唔會蓋過其他味，d嘅茄子仲係個中亮點！來到蒜蓉包，呢個可好，外脆內軟，吸晒啲青咖哩汁，正到喊出嚟！再講吓咸肉炒椰菜苗吧，咸香鮮脆，好夾飯，一個字嘅感覺：正！飯後來杯菠蘿沙冰清清口，微微的乳酪味，感覺好特別，吃得出來啲菠蘿碎，好滿足呀🍍！整體來講，「泰寶龍」真係一個泰菜好去處，地道到不得了，賣相、口味甜鹹適中，每一味都係掂擔擔！大推薦俾想要一個開心飯局嘅朋友，你又點會錯過呢？👍🏻🌶️🍚
continue reading
成日嚟西貢，好多餐廳其他都食過晒啦，呢間餐廳算係不過不失，性價比都OK，就做咗我哋嘅長期飯堂。.本身諗住去食另一間海南雞嘅，但係朋友話想飲冬陰功湯，又嚟咗呢個老地方食泰國嘢。說好嘅冬陰功湯呢？點解冇圖嘅，因為一上到枱就俾人瓜分晒，相都影唔切😂😂.補番個海南雞俾大家睇啦，味道唔錯，價錢都算係中等，但係一定冇專賣海南雞嗰間咁好食㗎啦。跟住帶咗個豬手，炆得好淋好入味唔錯唔錯。鏡頭以外嘅仲叫咗個油飯，但係就好普通囉唔算好香。.有飯有肉當然要嗌埋菜啦，嗌咗個泰式炒通菜，香辣辣好惹味，配上通菜嘅爽口非常啲開胃同送飯。.經過都可以試吓嘅，不過就唔好期望太大😀
continue reading
今日嚟到西貢，一落巴士就行到附近的食街睇下最後妹揀咗呢間係巷仔嘅泰國菜，都有唔少人坐係度食呢度個格局都好有泰國風味座位係巷仔之中，廚房就係旁邊邊食邊聽到炒菜的聲音同香味餐牌都貼滿係牆上及放在枱面睇過餐牌後，都有好多款式揀妹揀咗泰式金邊粉炒蝦，等咗十多分鐘就上菜嚟到賣相唔錯，橙紅色的金邊粉配上幾隻大蝦旁邊仲有大量花生碎、芽菜及香蔥先試大蝦，入口爽滑，可惜不新鮮肉質有點霉金邊粉調味還好，酸甜味挺開胃連埋配菜同花生碎食落層次分明
continue reading
偶然入西貢行吓，老友介紹呢度有泰國野食，就跟佢去試吓。行入去條巷仔，入面都幾似泰國街頭橫巷食店，因為鋪仔細細所以坐落有啲逼，坐低求其叫幾個常食泰式食品做個比較。叫左串燒、蝦醬炒飯、芥蘭炒牛肉同泰式蠔仔蛋。4樣野只係覺得個炒飯同泰式蠔仔蛋可以。炒飯有別於平時茶餐廳嘅蝦醬香味，佢比較惹味咸香，不過飯就偏濕軟。而泰式蠔仔蛋鉄板上有特色，甚有蛋香，不過啲蠔生生地同有少少沙，所以我都唔敢品賞太多。串燒只係做返基本品質，估計可能用現成急凍貨。至於牛肉炒芥蘭啲牛就慘啦，一啲牛味都無，唔知啤水定本身牛肉問題，加返啲底味會好啲。價錢方面，4樣嘢加埋三百六，份量就唔係好夠。不過望出去成街遊客，忽然覺得收遊客區價都好合情合理。
continue reading