泰寶龍

Open Now

Now Closed

難得入西貢，除了海鮮其次就係泰國菜，今次選擇了表示’泰寶龍‘！原因就係店舖呀姐服務態度非常良好👍🏻見我們帶住毛小孩，幫我加檯，移走部單車，務求讓我們有一個舒適的位置🥰🥰我們點了柚子沙律，泰式炒通菜,咖喱炒蜆加薄餅和吃泰國菜一定不能沒有的冬陰公湯😋😋😋每天碟分量看似很少，但其實是足夠二至三人吃的😗柚子沙律的柚子很多又多汁，柚子沒有苦澀味👍🏻會想大蒜花生味到一流又開胃👍🏻我的至愛冬陰公湯，有大小size 選擇，我們的是size是大，有三隻蝦， 辣味剛剛好不會泰勒亦不會太鹹泰式炒通菜，通菜新鮮嫩滑不老！值得一讚就是咖喱炒蜆，咖喱味出眾配上薄餅可可吃！但配白飯應該更正!人均$150！超值的泰國菜👻👻

今日難得黎西貢，揀左間泰國餐廳食lunch.叫左豬手飯配椰汁冰，另外再叫左冬陰公海鮮炒飯，呢個會有碗湯送。兩個飯都好好食，豬手好淋又滑，炒飯好香口，啖啖都有料，毫不吝嗇。我見店家係講泰文既，可以食到地道既泰國菜，好滿足

船河後只想晚餐後才離開，一行10多人走著走著便來到這間店子坐下。雖然坐在大街上沒有冷氣，但也算是舒適的🤗走來招呼的是一個笑容滿分的泰國男生🇹🇭，大家泰語、英語、廣東話夾雜地交流，很好笑😂各人各自點了飲品，另外點了泰式鳳爪、生菜包、小食拼盤、串燒、燒牛肉、炒椰菜苗、通菜、炒飯......林林總總的13、14碟食物。每次吃著都不禁說：「這個很地道！這個真的很有泰國風味🇹🇭🇹🇭🇹🇭！」😂😂😂而且這裡價錢很相宜，我們吃得肚子滿滿的，每人都只不過付一百三十元😆P.S. 由於十分饑餓，照片也只拍了泰式鳳爪🙈🙈🙈🙈

Weekend入左西貢，見倒有間泰國菜就試下啦，見店員都係泰國人，應該味道幾正宗！因為時間仲好早，我同朋友唔係叫左好多野食。行到熱熱地，一坐底就叫左個鮮椰青飲，個椰青好新鮮好清甜！雪到凍凍地好清涼！消暑一流！另外仲叫左椰子雞湯，柚子蝦沙律，沙嗲串(雞肉，牛肉)，泰式咸豬肉炒椰菜苗。椰子雞湯好足料！湯底加左好多泰式香料，仲有小小辣椒，飲落除左好香ge香料味仲有勁香椰子味，又有小小辣味，正！雞肉煲完都仲係好嫩滑！仲好多草菇，秀珍菇做配料！飲完個湯就上左個柚子蝦沙律，個沙律份量好多！柚子肉好多，又多汁，而且柚子好甜冇咩澀味，撈左特色酸辣汁，好開胃。上面有兩隻大蝦，再撒上炸蒜，花生，撈埋一齊食好好味！沙嗲串我地叫左一串雞肉同一串牛肉，上台已經聞倒好香串燒味！雞肉嫩滑，牛肉又唔會太韌，燒得啱啱好，就咁食已經好好味！再點下個秘製沙嗲汁就更加惹味！不嬲都好鐘意食椰菜苗ge我要俾100分依碟泰式咸豬肉燒椰菜苗！用左爆香左ge咸豬肉燒椰菜苗，令椰菜苗添多一種咸香味，再加上本身菜ge甜味，同用左小小辣椒吊味，成個配搭真係好出色，我食到停唔倒口！黎泰國餐廳食野點少得芒果糯米飯，個賣相都幾有心思，將芒果切左薄

星期六帶咗媽咪去遊西貢，行左一兩個鐘之後就見肚餓，於是就去咗附近搵食！黎到敬民街，發現呢間幾有地道風味嘅「泰寶龍」，印象中開業咗好多年。地點鄰近小巴或巴士站，方便易搵！餐廳內嘅員工全部都係泰國人，唔使去泰國都食到泰國人主理的菜色啦由於當日下午4pm先黎食午飯，所以顧客未有太多。而菜單上嘅選擇都幾多種類泰式炒雜菜雜菜分別有椰菜、娃娃菜、甘筍、雲耳、菇菌、芥蘭等等，雜菜新鮮碧綠，用蒜蓉炒香，所以每一口都帶有蒜頭香！而用油份量唔算多，所以幾健康，又好味！蒜蓉牛油雞翼一上枱就聞到好香嘅蒜蓉牛油味，雞翼好大隻，多肉又肥美，醃得都幾入味！充分吸收晒蒜蓉牛油嘅精華，所以咬落好香口，充滿蒜油香，好邪惡嘅小食呀泰式海鮮炒飯呢個炒飯好足料，海鮮配料有鮮蝦、魷魚、小青口等等，食材優質又新鮮，炒飯除咗有唔少海鮮之外，仲有雜菜粒同蛋絲，炒得好香口，飯粒乾身唔算油膩！味道同口感層次都好豐富泰式炭燒虎蝦我最期待的大大隻炭燒虎蝦！蝦肉已經貼心地開邊，清楚見到有大量蝦羔，非常肥美甘香！蝦肉新鮮爽口彈牙，味道都幾鮮甜，仲帶有微微炭燒香

西貢呢條巷仔不嬲都出名多泰國食肆。今次嚟呢一間餐廳真係無心插柳，純粹係見到出面啲相好似都幾吸引，所以就入咗嚟食。估唔到又ok喎。餐廳唔係好大小本經營feel， 同一般嘅泰國餐廳一樣，都係有啲金嘅擺設，同埋有啲佛像。天氣開始有啲熱，所以要先飲個椰青消消暑。 清甜夠凍，椰肉香滑。 一間泰國餐廳好唔好食，取決於佢嘅冬陰功湯煮得好唔好飲。呢度嘅唔錯。唔算太辣，亦都唔會唔夠酸。 色水幾靚，而且料落得好足！好鍾意食冬陰公湯入面呢隻菇。 蝦唔算太多，但有幾隻都ok啦呢。呢個係細碗，但我地完全估佢唔到佢咁大碗！蝦餅炸得好香，好厚身而且好彈牙！ 冇油益嘅感覺，而且剛剛炸上嚟新鮮滾熱辣，值得一讚！好多地方食嘅時候都唔係熱辣辣嘅！重頭戲嚟啦！因為我真係勁想食魚，所以就叫咗個爐魚！一向都好喜歡食泰國嘅鱸魚。咁樣用個爐熱住佢，條魚就暖笠笠，食落覺得特別好味！而且唔會越煮越硬！亦都冇好似雞煲烤魚嗰種重口味。泰國嘅煮法係比較清新一啲嘅！佢用嘅調味料無論係蔥蒜，定係粉絲等等，都係同條魚非常之夾既！突出到佢嘅鮮味，唔係重口味嘅感覺，好喜歡。行番出嚟先發覺佢有另外一個門口， 出面都有啲枱凳，晚市應該會多啲人， 所以要坐出

入左西貢搵朋友，佢首先就帶左我黎敬民街呢邊醫肚！佢話呢間泰菜館就腳又抵食，係佢老公仔既飯堂，久不久就會黎食飯：)店内唔係好大，但就明亮企理店内店員都係泰國人，全部都好nice又有笑容，仲識聽識講普通話，唔怕溝通唔到落錯單xpp除左牆上貼上Menu 菜式，仲有圖文並茂既餐單，價錢一目了然，而中午仲有價錢價惠既套餐添！！！個日分別同朋友每人叫左一款午餐：“海南雞飯”HKd$45同“金不換豬頸肉炒金邊粉”HKd$50，之後加配左個“蒜蓉炒雜菜”HKd$38同單點左一份“泰式燒牛肉”HKd$98先黎既係我既海南雞飯，除左個飯之後，仲有一碗紫菜湯跟住一齊送上海南雞去晒骨，肉嫩而不梅口，沾上帶有酸辣味道既醬汁連不膩既油飯一齊食，開胃又滋味而朋友個金邊粉望落都幾正咁啵，眼見炒得乾身唔油膩，仲有唔少配菜同豬頸肉添散點既泰式燒牛肉都好快黎到啦燒至色澤粉嫩既牛肉片份量一啲都唔少，堆至一座小山丘咁，上面仲有一大堆辣椒蒜蓉！！牛肉食落嫩而不韌，連同辣椒蒜蓉一齊食，個種微辣既刺激感會令人一塊一塊咁接住食架就連加配既炒雜菜都唔馬虎 ，分量唔少之餘仲炒得好有鑊氣，食落好香蒜蓉味個日我地仲每人加左10蚊配飲“龍眼冰”

今日難得入西貢，悠閒地遊遊走走一個下午後肚子餓了，便打算去吃個早飯然後再去附近的My Friend Thai Massage按摩一下。走到敬民街看到街上放了「泰寶龍」的餐牌，食物看似美味而且價錢親民，於是決定內進。（6時還未到晚飯時間：）餐廳裝修簡單，職員更全部是泰國人，未嚐食物已令人增添了一份地道感。《鮮椰青 $38》椰青水清甜潤喉，配泰國菜的不二選。《泰式蠔仔蛋 $78》蛋非常嫩滑，好汁潤，蠔仔份量不多，用鐵板上能保持熱度，整體不錯。《泰式青咖哩(雞肉) $78》因為咖哩內的蔬菜會出水令咖哩變得稀身，但味道並沒有變淡，咖哩味香濃帶微辣，雞肉份量多肉質嫩滑，下飯一流。《泰式炒雜菜 $58》用上多款菜炒，火喉十足，多款青菜口感也豐富。《炆豬手飯 $48》豬手份量好足，皮腍軟肉質帶口感，醬汁味道也調得合適，很快已經把整碟飯吃光光，個人覺得十分抵食。《雜燴湯河 $48》湯底就不算特別，沒有地道的泰式味道，當中有牛丸、魚片和魚蛋。店員態度親切，怪不得看到有不少街坊特意來捧場。

吃泰國菜除了在九龍城，就是去西貢吃，今天出完海就順道去吃吃。其實，吃一下小店的味道也是蠻有在泰國的風味。真正泰國人主理，不時聽到泰文。泰國必食海南雞飯、豬手飯，lunch set都有，抵食。柚子蝦沙律 ($88)，蝦子好吃，柚子肉好清甜，加了花生，更有口感，味道甜辣的，不是酸那種，也很開胃。燒魷魚筒 ($128)，魷魚很新鮮，肉質彈牙，配泰式醬汁，辣得過癮。泰式鹹豬肉炒芥蘭 ($60)，菜根部分有削過，很嫩，不會有渣，很貼心，蒜味重，炒得很香，肉肥瘦剛好，味道帶甜，蠻正宗的。海鮮冬蔭公湯河 ($48 lunch)，有蝦子、青口、蜆肉、魷魚、魚片、芽菜、菇，料很多，真材實料，湯味道夠，酸酸辣辣的，河粉也不少。龍眼冰(午餐+$10)，龍眼肉很多，味道也很濃郁。

週末入西貢行下hea下，搵左間泰菜食。泰寶龍 - 位置就在往彩虹小巴總站附近。價錢都幾大眾化。食泰國菜通常都會點呢個：泰式酸辣鳳爪（$68）酸酸辣辣的開胃前菜！牛油蒜蓉雞翼（$58）雞翼新鮮炸起，熱辣辣呀！沙爹串（$12/串，最少order三串）呢個好好食！價錢又抵！我地order左2牛1雞，牛肉好有燒烤感，有肉汁；雞肉調味得剛剛好，燒過後更香！泰式炒通菜（$58）泰式海南雞飯（$48）雞肉無骨（除左雞翼位）好嫩滑，油飯有香味，加埋泰式辣醬更佳！鮮椰青（$38）

西貢除游水海鮮外，亦有很多泰菜館。泰寶龍位近碼頭橫巷中，有室內亦有室外位，可與寵物共同用膳。泰寶龍兩舖相鄰，一舖為室內位，另一舖為廚房。全店由廚師至侍應都為泰國人，口味正宗。餐牌菜式種類很多，看得眼花撩亂，意屬平日愛吃款式。冬蔭功湯 細份量大概可以分到四碗，湯料如南薑、香茅、檸檬葉、辣椒份量很足，每人亦可分到兩至三隻鮮蝦。此湯雖加入椰奶，但辣味不輕，有點越飲越辣的感覺。泰式炒金邊粉炒金邊粉酸甜適中，少油不膩，旁邊附上芽菜及花生碎，可根據個人喜好隨意混合，鮮蝦有三大隻，肉質鮮甜彈牙。金邊粉份量不少，十分飽肚。泰式鹹豬肉炒椰菜苗 鹹豬肉不太鹹，爽口彈牙，椰菜苗爽脆鮮甜，經鹹豬肉鹹鮮味輕輕一釣，很清爽的一道菜式。泰式炭燒魚 炭燒魚因為即燒關係，等了差不多半個鐘。燒魚很大的一條，用了不少鹽醃，撕開外皮內裡魚肉鮮甜嫩滑，魚肚放入香葉、南薑與香茅同燒，不用點醬已非常美味，當然點辣醬就更加增添味道。

是日跟朋友去西貢郊遊，開始之前當然要去市中心醫飽個肚先啦!平時行過見到呢間泰國餐廳都多人，所以就諗住試下!泰式炒金邊粉($52)，是次覺得比較好食係呢款了!金邊粉淋到剛剛好，唔會粘住!味道酸酸甜甜，感覺很開胃。炆豬手飯($45)，豬手炆得偏淋，都算入味，但是飯的狀態有點奇怪，一時食到爛溶溶，一時食到未熟既飯，而且食落沒有飯香!泰式炒通菜，味道可以接受，但就是差一點鑊氣，未能令人食得滿足。炸蝦餅，蝦餅炸粉太多，蝦肉唔算好彈牙，食唔到好有泰國風味!個酸甜醬可以幫到少少，但不足以令人有想再食的衝動。總括黎講，餐廳侍應服務係可以的，但係食物質素就麻麻，唔會係我係西貢首選的泰國菜!

誤打誤撞入左呢間泰菜館🇹🇭，竟然有驚喜！？趁住天氣涼涼地，去左行山⛰，行到西貢見肚仔餓就去搵野食，隨便揀左間泰國菜館就坐低左。我地簡單叫左4️⃣樣野試下，點知每碟黎到大大碟，好彩冇叫太多，否則一定食唔曬！酸辣鳳爪鳳爪都幾大隻，而且好爽口；自家調製嘅酸辣汁味道岩岩好，酸酸辣辣係一道好醒胃嘅小食前菜👍🏻！泰式串燒我地叫左豬🐷、牛🐮、雞🐔各一串，每串都唔錯，本身已經有基本醃過，燒完都保持肉質幾嫩滑，唔會燒得太熟而變柴。不過最驚喜都係佢地嘅沙爹汁，花生味🥜好香而且好惹味🤤泰式炒通菜通菜有揀過，太老嘅都全部摘左，所以食落都係脆嫩嘅口感。味道正常，冇咩大驚喜。蝦醬炒飯🦐蝦醬味道好香，每粒飯都沾左蝦醬嘅味道，好惹味，岩曬我地呢d鐘意重口味嘅人啦😋！原來泰國人都岩食臘腸架？！🤣泰國菜除左九龍城外，其實西貢都有好幾間值得一試嘅平、靚、正泰國菜。

今日十一假期周圍都好多人遊閒地去西貢逛下食下順便帶埋啲散銀去西貢市中心附近兌紙幣🤣口痕想食泰國野隨心入左小巴站附近既一間泰國餐廳有驚喜呀！🔥芒果沙冰同椰汁冰😋都好好飲芒果味濃夠凍唔會好似其他鋪頭咁溝好多水青咖哩雞😋夠味唔辣不過有啲稀整體黎講都係好味蒜蓉包😋一份有五件可口夠脆點咖哩食一流小食拼盤😋有春卷 炸蝦餅 炸魚餅熱辣辣都好脆店員服務都好好唔會催你走仲要識講廣東話好親切呀！👍🏻👍🏻👍🏻👍🏻👍🏻

假日入去西貢碼頭找嘢食，真的不容易，間間都非常多人，遇然見到一間小型的餐廳，全部侍應都是泰國人，所以吸引我想入去試試！今天實在太熱，所以只想吃湯河！魚蛋湯河，與廣東的湯河味道上有很大分別，而且賣相靚D !雜燴湯河，如果把魚片改為扎肉就更好！簡簡單單地食一餐泰式湯河也不錯！