Video
Above information is for reference only. Please check details with the restaurant.
沒有太大期望，係見新開張，又黎試試，水準都幾唔錯，又分享下。小食要左幾款，少不了的當然係沙爹，要左豬串同雞串，兩款都燒得剛好，唔會d肉乾哂，醃味就普通，唔係幾夠味。至於個靈魂沙爹汁，味道就調得麻麻，不過唔係太花生，都好過唔少連鎖泰式店。蝦餅，唔係好膠，食到有蝦肉，個皮唔會好油，偏向剛身，係有誠意的蝦餅。仲有小食係炸雞翼，好街頭小食檔既感覺，不過無咩調味，係三款小食中最唔ok的一款。到主打，要左泰式海南雞，雞肉爽滑，有點香芽味，想不到地區店有呢個水準，係好野。爐魚，個湯底係唔錯，不過條魚本身唔多ok，d肉好實下，影響哂成碟魚既味道，仲要係愈煮愈出事。仲有要左既係青咖哩豬扒，青咖哩睇落幾水，只有微微既咖哩味，食落都好一般，豬扒反而唔錯，挺鬆化，另叫左個蒜蓉飽用黎配咖哩，應該係即烘，熱辣辣，蒜蓉略為少了點，多一點應該會更好。最後要左個金邊粉，味道唔太突出，正常金邊粉味道，係飽肚之選。晚飯有甜品送，味道都不過不失。四個人，每人百三蚊，以地區計，水準都唔錯既泰國野。
continue reading