Thai Ros Zab

Open Now

Now Closed

金邊粉愛好者再次岀動，今次食左呢間泰國餐廳，餐廳係泰國人開的，而且環境都幾有泰國feel，有啲泰國裝飾，餐廳大部分午餐都係65蚊，同朋友叫左一人一個午餐，我叫左個金邊粉超好食，好足料，雞肉同雞蛋都好多，個汁都唔係求奇番茄汁，份量都算多，都好夠食，朋友叫左咖哩雞飯，個咖哩有埋芋頭，汁都好夠，一開始同驚飯太少，但其實都夠食，咖哩幾特別，而且午餐都包一杯野飲，凍熱都係得，午餐呢個價錢呢個質素！絕對推介！！

呢間位於西環堅尼地城荷蘭街嘅泰國嘢交通都方便嘅泰國舖頭啦就舊式裝修簡單乾淨企理佢真係由一個泰國人煮食料理所有餸菜啲嘢食充滿泰國風味特色嘅泰國菜係嚟到呢度食啦就最好食就係泰式金邊粉 好有鑊氣呀炒得好好食個口感好好呀好似一啲濕炒河粉咁樣嘅乾濕適中大概$60蚊嘅價錢就食到呢個咁出色嘅 金邊粉就非常唔錯 👍🏻同埋真係好抵食再加埋佢有個泰式奶茶好飲咁另外兩個朋友就食豬手同埋海南雞嗰啲不過就冇影到同埋喺香港飲嘅泰式奶茶都好好飲真係好難得囉推薦大家去食呀

Thai Ros Zab🐘係一間正宗泰國人主理餐廳。而佢地午餐價格親民抵食😋所以深受街坊，同附近大學生歡迎。而今次我喺非食飯時間去幫襯🕝，都仲見到有好多人堂食！！🍑海南雞飯🐔午餐海南雞份量都好足，食落去雞皮好滑，雞肉都好嫩🐣，配佢嗰個泰式醬一齊食，微微辣好味🌶。而套餐配嘅雞油飯香料味唔會好重🍚，食落去都吾會好油膩，幾好食🍑泰式乾炒豬肉河🐽自從上次食過泰式炒河之後，就好鍾意炒粉嘅質感，所以今次都叫咗，佢配菜有芥蘭🥬，紅蘿蔔🥕，雞蛋🥚。而今次就揀咗要豬肉🐽， 佢豬肉好大塊，食落去好軟，唔會好柴，同埋好韌😋。配菜都炒得好有鑊氣，味道唔會過鹹，但食多咗就會有少少油膩感🪔，都吾錯🍑椰子冰🥥珍多冰🥥飲品係午餐包咗，椰汁味好淡，飲落去冇乜味，但食到有少少椰子肉。而珍多冰飲落去椰子味都偏淡，但下面綠色粉條份量比得幾多

簡餐好好味道 到嘅時候人唔系好多 老闆娘超級熱情~下次應該會繼續黎 便靚正入去其實裝修比較簡單 不過唔會好熱 而且出餐速度好快下 不過泰式奶茶覺得麻麻地 可能都系飲港式好d咯 幹炒牛河超好味！

最近出街食飯真係覺得百物騰貴，去茶餐廳都要$70、$80。但竟然在西環這家餐廳價格實惠的午餐，讓我驚喜不已。我叫了泰式乾炒牛河，份量十足，牛肉也不少，但最吸引我的是河粉上的豉油王醬汁，河粉沾滿了醬汁，讓我吃得津津有味。除了食物，午餐送的飲品選擇也很多。我點了一杯泰式奶茶，茶味夠，重點是煉奶似乎落得很大方，夠甜，夏天喝特別開心。還有其他選擇，例如珍多冰、三色冰和椰汁冰等等，讓人心大心細。大概12:30 ，餐廳滿座，建議大家有興趣可以稍早前往。

週末的時候專程從九龍去港島試試。性價比高，週末也有lunch set！自然人也很多。不過等了十分鐘就進去了！選了肉沫飯和一個豬頸肉湯河，味道ok，泰奶茶口味略淡，龍眼冰不錯

近排Thai Ros Zab成為左我嘅飯堂，地道泰式碟頭飯，份量多，價錢優惠，而且到lunch hour 都必定高朋滿座。《香葉辣椒炒牛河》$60呢碟乾炒牛河份量真係好足，牛肉炒得夠香嫩，配上彈牙嘅河粉，一口咬落去，肉香和醬汁嘅味道完美融合，令人食唔停。調味方面，味精適中，而且有泰式特有嘅香辣風味，又唔會過濃，食完唔會覺得口渴。《扎肉湯河》$51扎肉湯河同樣份量十足，湯底鮮甜而清爽，加埋厚切嘅扎肉同嫩滑嘅河粉，一碗熱氣騰騰嘅湯河令人心暖胃滿。落味精嘅份量亦把握得岩岩好，調出成碗湯河嘅鮮味。Thai Ros Zab嘅午市碟頭飯，份量多，而且好好味，既有正宗嘅泰國風味，又不會過分濃郁。

lunch得登係中環搭車去食🚨‼️海鮮冬陰功金邊粉勁足料包嘢飲🧃都係人均60味道好好係較傳統泰國味道，姐姐都好好人～好多kong u 學生食🤣Thai Ros Zab 西環堅尼地城荷蘭街3號地舖

雖然啲間小店係食泰國🇹🇭嘢，但都見到有啲越南🇻🇳河粉lunch set：$48（包一杯泰式特飲）😆🇹🇭泰式金邊粉lunch set & 🥤珍多冰：$58金邊粉好大碟，同事叫菠蘿炒飯、咖喱飯、炒河都好大碟，基本上女仔應該唔會食得曬🤣。比較特別係啲個金邊粉既豆腐乾好似係炸過先再炒🤔（可以看看相中面頭的豆腐乾🤣），但個人認為炒得偏濕，可以乾身返少少應該會仲好食。———————————總結：珍多冰好飲，多謝店員解釋珍多冰同三色冰既分別🤣！有粉紅色條的就係三色冰！

午餐包飲品海鮮冬蔭湯河 $55豬頸肉湯河 $45 (轉金邊粉)(轉冬蔭公湯 +$5)👍 豬頸肉似蜜汁燒，好入味，甜甜地，都有少少厚度，仲好多片👍 冬蔭公湯都唔錯，幾濃郁，唔算太辣，係溫和 version 👍 小店形式，睇落有啲舊，但衛生唔錯👌 河粉係泰式粗啲嗰種，厚薄剛好，但略淋👌 海鮮係急凍野，無乜特別👎 無乜人但係落錯單，海鮮嗰碗變左金邊粉，不過我地都無追究，算啦

荷蘭街泰菜小店，頂住疫情仍然做得住，入去試下之際就見到入面既食客同員工有講有笑，似乎都好多熟客，員工服務親切好有親和力裝修唔錯既，你會以為係有Chang贊助因為好多牌、餐牌、周圍都見到，直至發現無Chang賣餐牌都係正常泰菜，價錢中低價椰子雞湯，要左個細既，都有碗仔3-4碗唔錯，賣相幾靚，味道ok，雞肉都仲滑，飲落都幾舒服既係唔係好有椰味，不過配料夠多所以個味都真係ok既泰式燒豬頸肉，上枱幾香，份量都多既，肉質算ok，個汁就唔算好辣個種，比較港式，整體不過不失啦泰式炸蝦餅，入到餐廳枱枱都叫，有人叫外賣淨係叫兩客蝦餅添，應該無死送到黎發現都幾大碟，寫住4 pc以為係兩舊剪開4舊，點知係4舊剪開8舊，依個價錢相當抵食炸皮唔厚而夠脆，蝦餅肉厚而滑，蝦味好濃下都幾好食既，係有少少覺得唔夠鮮味，但已經性價比奇高泰式炸軟殼蟹，都幾大碟，炸粉唔多，好多蟹味道唔錯但個醬有啲咖哩魚蛋醬feel就唔太好，但都係好食既椰子冰真心驚喜，有椰子條，仲好椰好好味計埋份量，依個價真係超值，一班人食會係超抵THAI PARTY TIME員工亦好似同你做緊朋友咁，所以長做長有好值得繼續落去既小店#我只係得一個意見就係我

下午和友人經過，見入面都幾多人食，所以入去試吓啦。我揀左個泰式炒金邊粉，味道好夠好濃，而且入面既材料都好多，有雞肉，蝦，雞蛋等等，而且份量都好大。而且午餐仲都會送野飲，我就揀左椰汁冰，味道唔會太甜，飲完令人有種開心既感覺。友人就揀左泰式豬手飯，份量都係好足夠。豬手切得好好，而且每一舊都好夠淋，而個醬汁辣辣地都好好食，送飯真係一流。食野既時候都見到多人買外賣，而店員雖然好忙，但係都耐心聽客人既要求。

第一次寫食評！平時都係西環街坊所以間中都會喺呢度食午餐。今日中秋節都揀咗喺呢度食晚餐。嗌咗一個雞腳沙律一個海南雞一個生菜豬肉包同埋一個通菜，個生菜豬肉包超級好食！勁有鑊氣佢入面又有啲檸檬香葉！之後本身想食生蝦同佢哋講佢哋話因為呢排生意唔好所以冇買定啲生蝦返嚟，話下次想食嘅話早一日打電話俾佢哋。之後諗住唔生蝦嘅時候佢哋請我地食自己私伙嘅醬油生蝦，正啊🤪🤪仲好詳細咁樣去教我哋點樣樣去整，當然啦泰國人整嘢食點都好過我自己係屋企整🤣人情味+好味，呢個中秋節，值得！

今日星期六但係要番工，想出去office食lunch抖下氣。想飲熱龍眼水，即刻諗起Thai Ros Zab嘅熱龍眼水。其實純粹想飲熱龍眼水🙈就去左Thai Ros Zab。當然價錢都係我其中一個重要考慮啦。呢度價錢相宜。有飯同粉麵揀。跟餐送野飲。三色冰同珍多冰都唔使加錢！叫左個牛肉湯河餐（$45）。本身以為牛肉係肥牛，點知原來係厚切牛肉。食落好韌，好難咬。要細細啖咁食，如果唔係好易哽親。牛肉同河粉份量都好多。河粉薄而滑。配料有莞茜蔥、芽菜同白蘿蔔。面頭撒了一些炸蒜，令湯底更香。但略嫌湯底油了些。餐飲點了熱龍眼水。除左龍眼，重有紅棗。唔會好甜。好滋潤，好補呀！除左野食，見餐廳都嚮應環保，用上汽水罐製面紙盒。整得好靚～😍美觀又環保，一石二鳥，like！👍🏻

今日同女朋友去完西環打卡夜晚肚餓就周圍行下搵餐廳行行下見到依間泰國野幾多人就入左去一坐低發現待應同廚房入面都似係泰國人應該都幾正宗果然不出所料 叫個三樣野味道都不錯而且價錢合理首先叫左個泰式燒雞味道幾特別少少辣再加d咖哩沙嗲咁既香料味再加上個甜酸醬 個味道係好少鋪頭有值得一試食泰國菜必叫既當然係炒金邊粉同炒通菜兩樣都炒得好香有獲氣金邊粉甜酸辣都好平衡算係我食過最好食既通菜夠哂大份 兩個人食都差少少食唔哂整體比7分！