泰廳 (Moved) New Location

我由新界東去新界西食佢，為左個蝦餅皮蛋，無見過有其他地方甘做，好特別，同埋我本身都喜歡食皮蛋，送啤酒一流！飛天炒菜（叫左炒西蘭花），原來飛天係面鼓，好惹味；烤雞個皮crispy 肉juicy，仲有個皮醃得好入味。今次得兩個人，叫左呢3樣野食；下次要一班朋友入元朗再試呢間小店！

元朗認真唔算太多泰國嘢食。今日想食泰國嘢食，依間比較近，所以就去左試下。食完嘅感覺係，寧願行遠啲去食第二間泰國嘢食。價錢唔算特別平。但最緊要嘢食好食。叫左生蝦刺身，一句講完，唔夠新鮮，行前小小嘅爭鮮生蝦刺身可能仲好食。叫左紅咖哩食，咖哩味唔夠濃，而且偏稀身。配料以菜為多，牛肉得幾舊。最大問題係唔香濃同稀身，咁都已經成百零蚊一份。誠意唔夠。蟹肉炒飯，炒飯算幾好食，不過蟹肉偏小，而且凍嘅同略有小小腥味。唯一好食嘅係冬蔭功，算足料。係值得讚的。其他真係算了吧！仲有上菜速度有啲慢。

係元朗搵個午餐食下… 經過呢間泰國菜見到午餐價錢都ok就入去試下午市套餐係40幾蚊有野飮叫咗個泰式無骨海南雞米線… 雞送黎個樣就麻麻哋…甩皮甩骨咁樣…食落雞都無咩味…另外叫咗個泰式蟹肉炒粉絲…上黎都夠熱辣辣…蟹肉碎既份量就少左啲…但都算炒得幾香午餐價錢合理…普通質素算係咁

今日大家突然間想食泰國野，唸起某間的時候又唔想特登行過去，咁不如塔輕鐵近近地一落車過馬路就有得食泰國菜既泰廳啦！一入到去好有泰國feel!好多set lunch基本上 想食咩都有！蝦醬炒飯，好香燶既蝦醬味！泰式炒牛河，如同某間泰國店相比，依度可惜既係牛肉麻麻地，因太老了....波蘿炒飯，都幾實心架，好有波蘿香味一齊連飯食好好味！午餐配野飲，椰汁冰，同平時既椰汁差不多！特別既係依杯特飲，椰汁涼粉！大熱天時好正！甜品 依個椰汁西米膏同東涌某間泰國店既味道係一樣的，可能都係同一貨源！好味架！

元朗多野食就係人都知今次食既呢一間就係元朗廣場對面地點好方便海南雞飯黎到泰國餐廳一定要叫既就係海南雞飯你D雞係正宗既油黃色一睇就知係靚既部位呢度食雞一定要食埋皮個口感同味道都比起去皮既升左一個層次泰式生蝦生蝦!!! 係我最愛既生蝦呢度一客有六隻仲要係用杯裝住咁特別超正!! 好新鮮既生蝦佢好方便的可以成隻杯就咁啪入口點埋D辣醬就真係PERFECT了!!套餐可以加10元就可以飲到珍多冰如果原價都唔平架!!呢度既珍多冰都幾足料JELLY多得黎又夠彈牙飲埋呢個真係勁飽了

同家人一齊黎左呢間食泰國野，叫左好多野食呀！我地叫左海南雞（無骨），芝士焗大頭蝦，扎肉湯粉，豬頸肉湯粉，燒雞翼！兩個人食好似叫得有D多HAHA個扎肉湯粉真係超大碗，好抵食！個湯十足十泰國風！到左我最愛既豬頸肉，真係好香，呢個真心必叫，因為次次去其他鋪頭食豬頸肉都好中伏，雖然我真係覺得豬頸肉係泰國餐廳必叫，但間間水準都不太一，呢間既豬頸肉好既位就係佢外香內都香！唔洗點汁都正！雞翼都一樣超脆口！海南雞真係必叫，味道唔錯，2個人食半隻真係夠！最後係芝士龍蝦，超濃郁既芝士味，芝士控必叫！！！！！！！！實物仲要超大隻！

老豆話要學整泰式明爐烏頭，但佢整極都係爭緊少少味道，做仔嘅唯有帶佢出嚟食下，研究下人哋點整，偷下師！元朗好多泰菜我哋都食過，今次就試下呢間泰廳先！兩父子先嚟啤啤佢，冰涼泰象啤清清地每支27蚊。熱辣辣泰式明爐烏頭139蚊，落左好多香料同肉碎，屬開胃菜式酸酸辣辣，我地連湯都飲唔少。嚟多個泰式海鮮沙律 89蚊，有大量粉絲，幾隻青口，魷魚，同蝦，都幾多料，同埋好夠辣！芒果沙冰都幾好，新鮮芒果打成，咁大杯$32蚊！呢度地方坐得幾舒服，2父子食啲野吹下水都唔錯！

通常學完瑜珈就會同朋友係附近食個飯！朋友話想食泰國野，見呢道地點咁方便就試下啦！我地叫左個泰式海南雞湯河，蟹肉炒粉絲同小食拼盤！泰式海南雞湯河幾大碗，我地兩個人分黎食都有唔少河粉，雞肉是去了骨的食起上黎啖啖肉好方便！蟹肉炒粉絲炒得夠穫氣，入面都有唔少蟹肉呢！粉絲唔會吵到碎晒！小食拼盤有串燒2串，紙包雞，炸蝦餅，炸春卷同炸魚餅！樣樣有小小，可以一次過滿足自己個胃！🤤 個人覺得炸蝦餅整得好好味，外層鬆脆蝦肉彈牙！而紙包雞都整得好入味雞肉好話味都唔錯！如果兩個人去食泰國嘢，叫呢個小食拼盤就最好不過！

就近元朗廣場輕鐵站嘅泰廳非常就腳，平時個lunch menu每碟野都只係$4x，泰國野黎講算係抵食！閒日去食dinner,唔駛好似weekend咁等入座，坐得舒服，野食都好快上到(平時星期五六行過都要等位，好似幾受街坊歡迎！)先飲個龍眼冰，味道啱啱好，唔係好似飲緊成啖糖水咁，ok的。$5x蚊晚市有菜有肉，算係划算。略嫌味道唔夠濃，如果放多少少醬炒會更好。串燒味道最為不錯 分別嗌左豬牛雞三款，表面燒得脆皮，又唔太燶，唔知點解牛肉比較鹹，豬雞都係啱啱好的。燒嘅時候應該有搽沙爹醬，令個串燒好香，食嘅時候仲會見到燒過嘅沙爹醬黏附喺肉上面蟹肉炒粉絲炒得乾爽嘅，但對我黎講唔夠惹味，味道比想像中清淡，呢道比較適合鍾意食冇咁濃口味嘅朋友。甜品係今餐嘅亮點！雖然賣相冇話好突出，但泰廳整嘅椰漿好creamy，好有椰味，非常令人滿意啊！而且芒果全部都好甜添！黎到一定要嗌一份！

話說泰國野唔會日日食..但總係每隔一排就會想食下🇹🇭今晚黎到位於元朗既🐘泰廳🐘去到門口已經見到2個傳統既泰式女人人像雙手合十係門口兩旁🙏🏻入到去店內裝修比較簡約但充滿泰國風味🇹🇭牆上掛住唔少泰國風景畫同傳統佛像擺設🙏🏻食物選擇係非!常!多!! 炒飯,炒粉,湯粉,小食,炸物,泰式沙律,海鮮,咖喱,甜品...我地呢個moment都忍唔住!_! 要食返晒呢幾個月黎無食泰國野既Quota喇!!😋泰式香芒蟹肉炒飯 $72🦀炒飯一上枱就聞到好香蟹肉味喇🤤夾芒果肉落個飯度又可以解膩~~食入口都係很不錯! 飯粒分明, 炒得幾香同惹味呢~!💛醬汁大頭蝦粉絲煲 $188足足有三隻大蝦🦐🦐🦐 (仲有2片豬頸肉😆)蝦頭勁多蝦膏!!! 蝦肉就扎實彈牙成個粉絲煲都有好多香蔥在內..又唔會炒得過乾👍🏻但係食到有少少椰奶/椰油味...感覺有少少羶🥥朋友好鐘意~ 我自己就食唔慣有呢種味...好彩唔係好重味皮蛋蝦餅 $78 第一次試呢個配搭😆原來又夾得幾好味~~係蝦餅在外包住皮蛋再炸🍤蝦餅味係主導, 炸既程度剛好沾埋酸辣醬層次就更豐富😋蒜香包$39🌟暫時食過最正的一份蒜蓉包!🌟點正法::1⃣厚身長方體🍞比起薄身的咬落更加有

父親節前一天，星期六經開飯啦在泰廳訂了3人位晚餐預祝父親節。食滿4佰送一客5隻蒜蓉青口。首先來個冬蔭功湯，不太酸，辣味在喉嚨先散發，有很香椰奶味好飲豬雞串燒就唔夠香又唔夠熱，雞肉重有雪藏味。炒通菜都ok。最奇怪係個蝦頭油臘腸炒飯，飯面有兩隻雪蝦但冇臘腸，問店員話切粒炒落飯度，但真係一粒都食唔到又睇唔到，祗有雜豆同小蕃茄，臘腸真係可以切到塵咁細？又冇乜蝦油味，（見綱友相片泰式肉碎炒飯都有幾片臘腸吖。）個炒飯唔好食，。青咖喱牛腩個咖喱汁就好好食忍唔住叫多個蒜蓉包點汁，牛腩就有D嚡。兩杯飲品就普通。蒜蓉青口唔夠蒜蓉同過熟了。整體都可以，下次再試其它餸。

之前食過泰廳，味道好; 價錢抵，泰國小店特色，食物坊價錢，性價比高，住元朗朋友經常買外賣返屋企做晚餐 馬拉盞通菜 $65每次食泰菜都鐘意叫馬拉盞通菜，通菜不會太油，都幾好味 咖哩軟殼蟹 $189咖哩配上香脆軟殼蟹同香濃黃咖哩，咖哩汁用洋蔥青椒炒過令咖哩汁更香，咖哩汁撈白飯非常惹味，每人足足撈一碗白飯鐵板蠔仔煎蛋 $89蠔仔煎蛋份量頗多，沸騰鐵板上載滿蠔仔蛋，蠔仔新鮮又大粒，點上“士拉差辣椒醬“味道好好椰青 $35食泰菜飲椰青十足去泰國．Menu

今日經過元朗，突然想食泰國野，就入左來呢間泰廳喇。餐牌睇落幾多選擇。價錢都比較平易近人。柚子鮮蝦沙律 $72呢個沙律好特別，唔係好似平時果Ｄ咁多菜，而係好多柚子肉，酸酸地好開胃。而且蝦肉又鮮甜，唔錯！皮蛋蝦餅 $72超級邪惡的小食！！！吃這個等於吃２個皮蛋了吧！！！但無可否認的是，愈邪惡的東西通常愈好味......香脆蝦餅加埋大片皮蛋，膽固醇的問題先不要理吧？泰式炒金邊粉 $69經典的泰式炒金邊粉當然是招牌菜，炒得乾爽不油膩，兩隻蝦都很爽甜，加埋靚靚蛋網，冇得輸！椰汁涼粉冰 $28這個簡直是甜品！甜到入心的椰汁加滑溜涼粉，超正！泰國新鮮椰青 $35如果想健康一點可以選擇天然的椰青，更清甜而且可以食埋Ｄ椰肉！整體來說是ＣＰ值超高的泰國餐廳，如果去開元朗一定要試下！

今日同朋友入左元朗搵好野食，山長水遠入到黎都想搵啲自己少食嘅，而且當日嘅天氣實在太熱，想搵啲舒適嘅餐廳坐下，最後就揀左有朋友介紹過嘅泰國美食。餐廳雖然位置唔多，但座位都算好寬闊，大汗搭細汗咁都唔想同人逼。有幾個加分位就係店員非常有禮貌，而且黎野同收野都好迅速。咁我地就嗌左一個泰式鳯爪，賣相唔錯，並且係有伴碟同有泰式沙津係底，而唔係求求其擺幾隻鳳爪比你hea你。係炎熱嘅天氣下，鳳爪涼涼地又酸酸地又帶少少辣，帶黎嘅係一種醒胃嘅感覺。本人都好鍾意食香葉肉碎炒飯，餐廳本身仲要跟左隻蛋，賣相亦吸引左，師傅功架十足，炒飯嘅飯粒粒分明並上曬色，唔會有鴛鴦色，亦無痴住一嚿嚿。再者，個味道唔會太咸，但又唔會淨係得辣味，而又食得到師父嘅鑊氣，絕對係水準作之一。另外，我朋友每次入親泰國餐廳，佢一定要食椰菜苗，咁我地就叫左個飛天咸肉炒椰菜苗，首先又頭食到尾，碟底都唔會滲出多餘水份令個汁越來越稀，咸肉絕對係點綴整碟菜，咸肉本身都炸到脆身已經好好食，加埋佢落鑊炒簡直係將佢嘅咸香味帶到碟菜度，下次黎到元朗一定會再黎食過。仲有芒果沙冰同椰青解渴, 炎炎夏日最好既選擇

同肥仔去元朗行完街，去左呢間食泰國野。入面D裝潢都幾有THAI特色，唔會覺得好dirty。原來午餐幾抵食。小食拼盤 炸蝦餅，炸魚餅，香葉包雞，泰式素春卷，串燒兩串$129每款有兩件，特別推介蝦餅，爽口彈牙而且有蝦味。香葉包雞咬落有香葉的味道，本身雞件都是泰式釀製，雙重口味。四人share都可以。真係即炸，所以都唔敢即刻食，怕太熱氣泰式蝦醬肉碎炒飯 $69蝦醬味重，面頭仲有臘腸片，炒得好均勻，啖啖蝦醬味。泰式豬頸肉湯河 $59有四款醬料可以配搭，可以自行調較自己的口味。豬頸肉燒得剛剛好，仲有辣醬可以點，湯底濃ｄ會再好ｄ。椰青$35椰青好大個，而且真係好鮮甜。oveall 都係食左＄３００左右,個拼盤食完已經好飽,都幾抵食,野食又黎得快。