泰泰 (Closed)

觀塘少有泰國菜。觀塘出名多人多office, 每逢lunch觀塘d食市就逼滿人。為左領方便，我地就去咗泰泰lunch, 冇咩人等位，門面算乾淨。坐低點餐，價錢合理有set lunch, 原先見shop冇咩人都驚伏，食物黎到比想像中好。我地點咗雞絲船河，豬手飯，招牌船河，而飲水叫咗珍多冰（加錢）同凍檸茶。雞絲船河湯底黑，但一d都唔咸，份量足。招牌湯河湯底基本上同雞絲船河一樣，餸唔同，值得一提係扎肉幾好食。豬手飯都ok, 豬手好淋唔柴！珍多冰就一般，唔算特別。

我個人自問食盡香港船面，有日經過官塘見到居然見到有餐廳用船面做招牌，我點可以唔會一會佢。一入到去隱約聽到廚房用泰文溝通，應該係泰國師傅，即管問吓佢地有咩好介紹，店員介紹如果中意泰國嘢又中意食辣就試吓 招牌船河 加冬陰功湯底（要加$10）。講真我食過咁多地方，冬陰功湯底真係少見，驚你呀，試咪試囉。個船面一上台，賣相OK喎！都好足料，大雜燴，豬、牛、雞、扎肉、丸、豬紅咩都有，可以一次過試晒所有配料。河粉居然係闊條嘅泰國河粉，呢個真係有誠意。到個重點冬陰功湯底，整體出嚟嘅效果正喎！個湯底十分足料，有少少辣，辣得來又開胃過癮。真係冇介紹錯。特別係而家天氣開始凍，暖一暖胃真係一流。凍0茶就泰式做法，泰國茶葉加青檸檬。可以一試。有機會下次一定會再嚟，試返佢個豬骨濃湯，咁就知係咪真係有料。

#觀塘#泰泰🗣雞絲船河配金邊粉 $54發現有間泰式米線豬骨湯底味濃帶配上煮到林林地既蘿蔔索盡湯味勁鮮甜 而且雞絲份量足料 似雞塊多於雞絲🤩🤩🍜意外驚喜👍🏻👍🏻環境方面就無設計可言畢竟細鋪 但坐落都舒服😌 （🌟：3.8/5）

昨晚約咗朋友係觀塘食飯 食完飯行過先見到呢間食泰國野 地方雖然吾大 聽朋友講話呢間開咗吾係好耐但係都好好食😋我朋友成日下午兩點就會黎食佢哋嘅招牌船河今日得就過黎左食呢個雞絲船河48蚊真心抵食 湯底濃郁 入面好足料 啲雞絲又滑 聽伙記話係用返海南無骨雞整成嘅雞絲 下次一定要試吓呢個泰式無骨雞飯 係咪真係甘滑先仲見到有豬手飯 睇黎要帶埋朋友黎先試到更多好野食又有我最鍾意食嘅鳳爪 仲有其他小食 想一次試曬佢 再下次要食埋個招牌船河先得

放假同喺官塘做嘢嘅朋友食個快閃lunch!!佢聽聞有一間新開嘅泰式小店唔錯，就帶埋我去探店～招牌遊船河～基本上佢就係一個雜薈，有豬紅、幾款肉丸、肉片、蘿蔔⋯⋯當中冬陰功湯底需要加$10， 但絕對值得！酸辣度恰到好處～扎肉船河～扎肉非常厚切，而且帶有極濃黑椒味，係黑椒控必食item，而且肉質結實，口感一流！ ✳️重點✳️用上正宗泰國地道嘅河粉！形態呈塊狀，滑溜之餘帶有微微嚼勁‼️飲品方面，我點咗龍眼冰，味道夠晒香濃，而且甜度適中，另外，亦有多款其他泰國地道特式飲品，lunch時間叫主食就可以用優惠價加配，抵呀！

搬離開官塘工作地方，難得到附近，咁就諗住食個米線，點不知去到巳變咗另一間店，見係泰國船面，就入去試下。入到去，見到$58一個船面，都算合理，咁就叫左兩個招牌船面，一個冬陰公，一個豬骨湯底。點不知伙記放低張單後，突然發現冬陰公加左$10😱 落單時伙記又無講要加，所以睇番個餐牌，竟然係個深色位寫左冬陰公要加$10😰 真係唔留意點會見到☝🏻考考你眼力🤣到船面郅時，又發現冬陰公係無跟羅白，咁問伙記點解，佢最初話唔知點解，之後又話少比左，就補番比我地。 但我哋睇其他人D都係無羅白，咁大家自己去演繹點解啦☝🏻後補羅白至於食物就可以接受，湯底唔係濃，羅白已太林（所以好入味-豬骨湯味），不過以上的問題，會令我唔會再返轉頭😰

又再一次試, 已經失望過好多間, 竟然比我搵到一間真真正正好味既冬陰公湯底粉麵, 之前試既一係太酸, 一係太辣, 呢間剛剛好.食晒先記得影, 一黎到已經忍唔住食食食!

路過官塘密集嘅地區，見有新舖開同朋友試下，見價錢唔貴，坐得舒服😌泰式豬手飯$58豬手夠冧夠入味👍🏻椰汁冰$28好香椰香味，入口香滑🤤招牌遊船河$58嘩！佢啲河粉係正式泰式河粉，係比平時食嘅河粉闊身，其他地方好少有，真係要試😆湯底加十蚊轉冬陰公湯底，個湯好夠濃郁，香已不辣，我連河底都飲埋🙈泰式無骨靚雞飯$58飲係雞油加黃薑粉，雞無骨，好多件，真係好夠飽😆秘製汁時菜$18個汁有蒜蓉同秘汁，唔係一般蠔油，值得一試！