泰然 (長發廣場)

Open Now

Now Closed

今日去青衣探朋友，跟住順便同佢地食泰國嘢。我哋去咗長發廣場既泰然，據聞好正，一於試吓先😃餐廳比我想像中大、整潔同光猛，感覺舒服👍🏻🤗我地叫左個四人套餐（$438），可以揀5個餸：1.泰式經典明爐烏頭: 上枱時已經好吸睛，大家二話不說就試飲啖魚湯先，太好味，烏頭魚肉嫩可口，加埋配料酸味味，朋友即刻話要叫碗白飯送飯😆估唔到碗白飯都好大碗🤪2.泰式明爐花甲鍋：花甲肥美，無沙，湯底微辣，食左成個人溫暖晒🔥🔥3.泰式鐵板蠔仔炒蛋：我既至愛！勁推！蠔仔撈蛋汁煎得香口滑溜，我貪得意試加烏頭魚汁，酸酸地出奇地好味，好正😋😋😋4.招牌焗黃咖哩麵包軟殼蟹：好吸睛，上枱大家都"嘩"左一聲，朋友已經忍唔住即分4件趁熱食。脆口既軟殼蟹加軟屬既麵包再撈埋惹味既咖哩汁簡直係口感與味覺既享受🤩🤩5.豬頸肉啫芥蘭煲：芥蘭好爽口，同豬頸肉成煲上，正！😬梗係唔少得食甜品，冷的椰汁西米糕加熱的薑汁千層糕， 好yummy, 我特別鍾情薑汁，所以覺得千層糕好好味🤤🤤生啤半價超抵飲，大家都開懷暢飲，好盡慶，食到飽晒每人都係$150真係超值🍺🍺🍺🍺作為街坊的朋友話，下次會再幫襯，haha💯🈵㊗️

簡約木色裝修為主嘅泰國菜🍽️整體配色都好 relax再加上少少柔和嘅背景音樂，環境非常舒服😌食物方面，有啲dinner set可選擇亦都可以單點食物👍🏻👍🏻我哋兩個人，所以叫咗個二人set$268抵食自選3個餸/炒飯/金邊粉呢個set加嘢飲有仲有半價tim😝菠蘿海鮮炒飯🍍係大大碟同埋個碟都好有特色，好似一個筲箕咁除咗好食之外，打卡都一流📸📸有青口、大蝦、腰果，仲有魷魚等等豬頸肉通菜蘭煲（馬拉盞）煲仔🔥熱辣辣一咬落去就感覺到啲通菜好嫩呀🥬同埋仲有豬頸😝一次滿足晒想食菜+肉泰式經典明爐烏頭明火燒烏頭👍🏻keep住熱辣辣煲住啲魚肉好入味同埋有個酸酸辣辣嘅醬，好夾呀！最驚喜係魚底有粉絲芒果芝士沙冰🍧飲品面頭有芒果果肉🥭芝士甜度剛剛好！重點係2人set野飲半價即係$16一杯😆大推！

青衣成日俾人話係美食沙漠 但青衣長發邨入面嘅商場就有好多唔同種類嘅食物 今日忽然好想食泰國菜 就去咗一間呢間位於長發廣場嘅泰然餐廳。餐廳環境乾淨同光線充足 我哋兩個人見到個餐廳咩都想食(⁎⁍̴̛ᴗ⁍̴̛⁎)最後叫咗六款食物同兩杯飲品。食物方面：生蝦一定要有😍 佢啲生蝦有唔同汁 好新鮮同特色😆呢個冬陰功湯，好啱兩個人 酸酸甜甜又keep住熱 好啱冬天飲！小食拼盤：春卷 蝦餅 雞翼 烤雞同豬 兩個人食 每人share兩件 都夠食(⁎⁍̴̛ᴗ⁍̴̛⁎) 好香口。熱氣都抵🤣健康啲 叫咗碟炒菜 通菜有蒜茸炒 好香🤤每次食泰國嘢 都好鐘意見魚食今次都叫咗！無咩骨 好入味！最後叫咗杯火龍果沙冰 🍧同椰青😌 好好飲！火龍果沙冰有啲估你唔到咁順滑😂

近排好想食泰國野，就嚟左呢間泰然餐廳，佢位於青衣，估唔到小商場裡面竟然有間泰國餐廳，仲要係平民價，如果食lunch的話，都好抵食！我同朋友今次叫左好多野食，前後落單，唔洗15分鐘已經上齊野食，職員好有禮貌好細心，會問下食辣程度去到邊👍🏻泰式生海蝦（六隻）$88生蝦上到嘅時候覺得好驚喜，每隻蝦都用不同嘅杯仔搭配唔同嘅醬汁，真係好少見，醬汁好開胃，生蝦鮮味重，好後悔叫左6隻，應該叫個12隻份量先夠喉🤪冬陰功海鮮湯$108冬陰功湯已經用個爐仔keep住煲，值得一讚嘅係，入邊材料好多，有幾兩隻大蝦，仲有啲雜菇同魷魚等等，辣味酸味剛剛好，值得叫！泰式明爐青檸汁烏頭$138呢個價錢食到泰式爐魚，真係好抵食，平時去到九龍城先會食到呢個價錢。條魚一啲都唔腥，搭配青檸汁食，好fresh，佢另外仲搭配左個泰式辣汁俾我哋，有唔同嘅食法，好抵食☺️小食拼盤（小）$108小食拼盤好適合兩個人叫，每樣小食都有兩件，啱啱炸出嚟仲熱辣辣，搭配咗一個沙嗲汁，串燒肉好惹味，蝦餅同春卷都好鬆脆，大家可以叫個細份試下。泰式菠蘿海鮮炒飯$98我冇諗過個炒飯$100都唔使，嚟到嘅時候伴碟好靚，好有泰式風情嘅感覺，仲要大大份，真係好

前排有個朋友講開耐無去泰國玩，但試過有間泰國野都好正，就介紹咗間喺青衣嘅泰國野食，今次咁啱嚟青衣探人就順便試下呢間泰然先，一去到門口個門面都好大，幾有泰feel😅一打開個餐單已經俾套餐吸引到了，即刻點返個二人餐嚟試下，另外睇到餐牌又有其他都好吸引，就忍唔住叫多咗幾樣野。😂月亮蝦餅呢個份量真係好多，有两個醬俾你點，一甜一酸，都諗得幾周到。生海蝦呢個佢都有分两款醬裝住，食到都停唔到口，可惜因為叫套餐得6隻，下次會叫12隻食夠本。鐵板蠔仔炒蛋呢個真係好足料，蠔仔又多又大粒，食極都有，個蛋都炒得夠晒香口👍🏻👍🏻冬陰功湯金邊粉呢個湯底我覺得辣味較重，如果中意食辣嘅應該會好中意炭燒豬頸肉燒到啱啱好，唔會太過干身，不過就真係要快啲食，熱身先仲好食。最後試咗杯泰式拉茶同椰青，拉茶真係同平時飲開奶茶好大分別，甘香同甜好多。😋

今晚黎到青衣長發廣場入面既泰然，泰國菜一年四季都想食，睇到個餐牌都覺得幾抵食。餐廳既環境都幾闊落乾淨，坐得都舒服，員工既服務態度親切。二人餐$268一行兩人黎到，睇下有咩套餐，於是就叫左個二人餐。有泰式明盧花甲煱，凍凍地食呢啲熱野幾正，花甲幾多同大粒，湯底酸酸甜甜，係泰國既味道。套裝另外仲叫左招牌咖喱焗麵包軟殼蟹，份量勁大，咖哩配麵包係絕配，軟殼蟹都有好多舊，仲要麵包底，唔想食飯食麵既可以選擇呢個。套餐揀多個豬頸肉啫啫芥蘭煲，叫番個菜，豬頸肉同芥蘭都正正常常。泰式乾炒牛河＄68最後驚唔夠食但又唔想食飯，就叫多左個泰式乾炒牛河，乾炒牛河份量多，夠乾身同夠鑊氣，色香味俱全。🍽泰然 (青衣)📍青衣担杆山路6號長發廣場地下114B號舖

屋邨商場泰國菜，以為裝修只是茶餐廳貨色，入到去都環境裝潢都算雅裝啦！都乾淨企理嘅！適命屋邨附件街坊幫襯，專誠去就免啦！4條友叫左4人餐，再加散叫冬蔭功湯和炒菜，飲品有半價，人均都要2舊水。冬蔭功湯濃，好辣者首選。明爐烏頭吾猩，熱辣辣，次選。咖哩牛腩吾夠熱，欠蒜蓉包伴食，唯有加單，反而蒜蓉包有驚喜。串燒拼盤一般，雞翼和串燒得2件？4人餐喎，點分呀！菠蘿炒飯都係一般。豬頸肉和甜品麻麻地，可以不吃。飲品半價都抵嘅！見隔離枱食咖哩麵包軟榖蟹和海南雞，賣相幾好。店員推介蚝餅。下次幫襯再考慮吧！BTW，好朋友玩緊轉工，順便祝福他願望成真，面對新挑戰，都如店名：泰然。

當日叫左個四人餐，泰式生海蝦，去骨海南雞，經典明爐烏頭，鐵板蠔仔炒蛋，焗黃咖喱麵包軟殼蟹。另外仲加左個冬蔭海鮮湯，菠蘿芝士沙冰同西瓜芝士沙冰🙈冬蔭海鮮湯🍲先飲個酸辣既冬蔭功海打個底䁔䁔胃，湯入面有一隻帶膏既大蝦，青口，魷魚，蕃茄，秀珍菇同香料等等。湯底夠哂酸辣濃厚又鮮甜，係開胃之選🤭焗黃咖喱麵包軟殼蟹🦀呢個我推介大家要試呀🤗黃咖喱有好香既椰醬味，加上洋蔥，紅椒同西芹做配料，點麵包食一流。而且黃咖喱係咁多款泰式咖喱入面，辣度最低既一種，所以唔食得辣既人士都可以試下架🤩經典明爐烏頭🐟又係我最愛既酸辣味道😋有魚有湯有肉有粉絲有菇，粉絲吸收哂湯既精華，即使滾左一陣，魚肉都唔會變得鞋口🐟西瓜/菠蘿芝士沙冰🥤誠意之作，飲落去飲到果肉，絕唔係溝果汁糖水既hea你沙冰，芝士奶蓋味帶小咸順滑，夠解渴。跟餐叫仲有半價架😎今餐超滿足，食到個肚賬卜卜，岩哂我口味。除左店員民有禮，連價錢都極之親民架🥰支持小店💪🏻

青衣好味嘅泰國🇹🇭菜👍🏼青衣一向都係冇咩好食嘅餐廳，住青衣嘅人多數都會去荃灣食嘢或者出九龍！！呢一間餐廳青衣機鐵站行大約10分鐘就搵到～～～～｜位於係一個小型商場入邊❕泰國菜嚟講都幾高質素💯我哋叫咗 小食拼盤(細份)..鮮蝦炒金邊粉..泰式冬陰公湯轉了河粉..蒜蓉炒芥蘭入邊仲有菇呢小食拼盤有雞翼，春卷，串燒，蝦餅 非常豐富呀！冬陰功湯都好香濃 又唔會太辣嘅✅飲品叫左椰青水 另外甜品叫咗千層糕 一入口有驚喜👍🏼👍🏼👍🏼因為我們估唔到竟然是熱的…… 😁因城坊間平時出去食多數都係凍食🫶🏻總括來講 👍🏻🫶🏻住附近嘅人應該會成日幫襯，炒菜都非常夠鑊氣，味道正宗，出色呢座位環境都闊落呢🫶🏻值得再次光顧💯

呢間泰國餐廳一入去就覺得裝修得好舒服，裝修大部份用咗木同藤🪵，一瞬間好似飛咗去泰國咁🇹🇭。背景仲要播住純音樂，好適合一班friend去坐低傾偈🍹。焗黃咖喱麵包軟殼蟹 $168 🦀麵包或者印度薄餅加咖哩真係一絕！🍞麵包係切成一個碗咁🥣，裝住啲咖哩同軟殼蟹，仲要烘過係脆架🤩。咖哩份量就超多，多到個麵包都裝唔晒🤤。咖哩比較creamy，而且唔辣，食落有香濃嘅椰奶味🥥。串燒沙嗲半打 $88🐽🐤有豬同雞揀，我哋就各一半，咁就可以試晒兩隻味。豬同雞肉質都好滑，兩隻味嘅醃料都唔同，雞就偏向多啲香草味，豬就鹹味重啲。加埋重花生味嘅沙嗲醬，一流！👍🏻👍🏻明爐花甲鍋 $108🐚花甲份量好多，而且大大粒，肉質鮮甜，加埋肉碎同香茅，可以帶出花甲嘅鮮味。呢個鍋嘅特別之處就係加咗鹹檸檬🍋，酸酸地好有泰國風味，而且好開胃。🤟🏻月亮蝦餅 $88 🦐蝦餅好有厚度，外面仲要包咗一層春卷皮再炸🍤，好脆。蝦餅仲要加咗蔥同馬蹄，增添口感。蝦餅亦附上兩款醬，泰式辣醬同甜酸醬，真係食極唔停口，食落唔油膩好香口。蝦醬炒通菜 $58 🥬通菜好嫩，蝦醬亦都好香口，好夠鹹香味。上面亦都撒咗炸蒜，增添泰國風味。推薦！✨👍🏻

放假約咗幾個朋友黎泰然,青衣站行大約10分鐘就到～平日2點lunchtime唔係好多人等緊,可以即刻入座！呢間餐廳唔單止有lunch set,仲有二,四,六人餐😂可以就返人數同食量去叫～今次想同朋友食多d,所以選擇咗散叫月亮蝦餅 $88好抵食😂一碟有8件,仲好厚身,比較特別嘅係佢仲有炸雲吞皮係面,蝦餅入面有馬蹄增加口感咖喱麵包軟殼蟹$168 + 印度薄餅 $32好大份,3-4人食都好飽😂 軟殼蟹份量都多,成磚麵包都有咖喱cover曬,因為太多咖喱嘅關係所以特登叫薄餅送咖喱食🤣其實淨係食呢個都半飽!!花甲鍋 $108唔好睇佢細細煲,入面起碼10幾20隻花甲,個湯酸酸辣辣好開胃,食唔到辣嘅可以試下小辣～蝦醬炒通菜 $58呢個有驚喜!!本身諗住食唔曬就算,結果大家都堅持一定要食曬佢因為真係好重蝦醬味,d汁完全唔稀,$58好大碟😂串燒沙嗲 $88半打建議叫半半可以試曬豬同雞，兩隻都唔差!西瓜芝士沙冰 $32冇見過泰國餐廳有芝士沙冰,好特別,好夏日feel～上面嘅芝士奶蓋好好飲!

其實平時好少去青衣呢邊，不過約咗個Friend佢咁啱要去呢邊拎嘢俾人，所以順便搵吓呢到有咩好西啦！因為呢邊唔係青衣城，係屋邨商場嗰類，第一次見好多都係連續快餐店，以為冇咩嘢好食，最後搵到有呢間泰國菜，之前未見過，一場嚟到，當然食啲未食過嘅嘢啦！🤭因為我同朋友都唔食海鮮，好彩呢到有用雞絲炒嘅金邊粉！🤩 味道仲要炒得好好食😍😍 （出面好多都係用蝦炒又唔俾轉其他🥲）仲叫咗個必食嘅馬拉盞通菜🥬 呢個特別啲唔係炒，佢係通菜煲連豬頸肉～🐷 都幾好一次過食晒兩樣嘢😆 唔洗額外叫多碟肉👍🏻酸辣無骨鳳爪，酸酸甜甜，味道適中👌🏻 要提一提個燒菠蘿🍍好有驚喜🤩 估唔到$32係好大舊！食完超飽🤣 而且係舊舊都好甜㗎🥹🙌🏻最後甜品 我哋叫咗椰汁千層糕結尾😋 煙煙韌韌 有椰香之餘重點係唔會太甜👍🏻叫埋兩杯嘢飲埋單先$300幾😂😂 性價比絕對OK👍🏻 食物水準🉐🉐🉐 所以說屋邨商場都會覓到好西啊！🤤

平時真係唔會特登去青衣，長發廣場都係第一次去。因為朋友住附近，拜訪完順便到佢樓下商場行下（題外話-有個好大既街市好好行）行到下午茶時間喃住人少少去食嘢，朋友強烈推薦呢家泰然泰國嘢，咁梗係要試下啦！結果都真係幾驚喜，價錢平仲要味道仲好好添！！食泰國嘢都一定會點個椰青清新爽口少甜正好可以解解膩～下午茶時間點左個$268套餐包三樣嘢，大大份非常足夠兩個人食，驚唔夠仲叫左個飯無骨海南雞：食過唔少海南雞，但呢個真係好滑，夠香，有兩款泰式醬，酸酸甜甜有d香草味幾清新，如果多一碟甜醬油就好啦～！真係好嫩滑！好嫩滑！招牌軟殼蟹黃咖哩：以為下午餐套餐會係細細件，原來好大份！滿滿的咖喱，大大份麵包，咖喱味足，但朋友覺得呢個稍微甜左少少，如果辣味多少少就更perfect啦！招牌豬手煲：豬手燜淋到筷子都差d夾唔起，要趁熱食，有個半熟蛋，不錯不錯

泰然琴晚同屋企人出去食泰國菜，帶佢哋衝出去葵芳食，揀咗近近地去青衣食，喺屋邨商場入面，輪椅又方便去，餐廳又大，最緊要係抵食！我哋叫咗4人餐（價錢$438），可以叫5個餸，套裝可以用$68加冬蔭海鮮湯（原價$108），飲品仲可以以半價買（酒類及椰青除外），點菜點到最後個店員好好，話比優惠我可以用半價叫泰象生啤（原價$58）🤗👍1.冬蔭海鮮湯（9/10）2.泰式肉碎生菜包（8/10）3.去骨海南雞（半隻）（8/10）4.泰式經典明爐烏頭（7/10）5. 招牌焗黃咖哩麵包軟殼蟹（9/10）6. 鮮蝦炒金邊粉（7/10）4人總共價錢$535，免加一服務費！個人口味總評分：8/10呢間性價比真係超高，份量又多，超抵食，又無啦啦有象啤半價，鍾意食泰菜嘅你不妨去試下啦！@thaiyinthai地址：青衣担杆山路6號長發廣場地下114B號舖#泰國菜 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigf

這間泰國菜館前身是一間日式菜館，已經一段時間沒有來，到門口才發現日式菜館已經關閉了。於是問一問「開飯」大神指點迷津，食評不錯於是就衝着試環境衛生店舖夠大，同時間可以容納很多客人，夠光猛而且裝修格局舒適，卡位為主，分隔分明，每枱卡位私隱度高。枱和座椅都乾淨，餐具情況亦衛生。服務態度上餸姐姐、寫單哥哥及收銀靚女都很有禮貌，而且感受到屋村人的友善，走的時候還跟我們說再見，感覺舒服。食物味道=======海南雞配油飯 $60（午餐）雞已去骨啖啖肉方便享用，這個價錢不期望會是新鮮雞，這個海南雞可以做到皮薄爽滑亦算幾唔錯，配的醬汁野味。油飯亦好味不太油膩，雖然已經很飽，但每一粒飯我們也沒有浪費，好味！泰式生海蝦$88入口夠新鮮又彈牙，半浸於兩款醬汁(青/紅酸辣味）用小酒杯盛載卦杯，配有薄荷葉、辣椒、生蒜，精緻指數爆燈，打卡吸睛一流。怕辣的要把辣椒移走，薄荷葉生蒜一起吃感覺好Flash。青木瓜豬頸肉沙律$68青木瓜絲紅蘿蔔絲混入蒜蓉花生碎辣椒醋，材料感覺新鮮，但略嫌醋味少了點。豬頸肉夠爽夠香，把沙律拉高很多分，每碟鋪上六大件，份量也不少。榴槤波波(3件）$18 ** 跟餐加配 **咬開見榴槤餡料唔少