泰瀾鑊 (朗壹廣場)

Open Now

Now Closed

之前聽人介紹元朗工業區，有一間好好味嘅泰國菜今次老友慶祝我生日特登走去呢度試吓環境真係幾清幽我哋今次冇訂位，所以早啲去Walk in…師兄，侍應哥哥都帶咗我哋去一個角落頭我哋會有75分鐘用餐時間…不過去到6:30已經座無虛席我去值🤩🤩🤩好在早咗嚟，如果唔係肯定冇位坐餐牌都有好多唔同嘅選擇而且一坐低就會每台都有一碟蝦片…老實講，又真係幾好味😋脆卜卜我哋叫咗呢個咖喱炸鱸魚… $268…真係好多肉…而且咖喱好惹味👍🏻👍🏻👍🏻送飯，真係一流另外呢個馬拉盞炒通菜都好好味叫埋呢個蟹膏蝦炒飯…但係又唔係幾食得到有蟹膏未？最後呢個魷魚筒就失色咗少少…因為比較淡味🥹🥹🥹但係總括而言，呢間泰國餐廳都算OK…因為佢嘅咖喱真係整得好好味🧚🏻‍♀️🧚🏻‍♀️🧚🏻‍♀️下次想試吓佢哋嘅串燒應該都會唔錯

睇到d食評山長水遠入揸車入黎食晏，滿懷期待的火山排骨，勁難食唔辣，好咸，肉差，似食緊蒜蓉排骨，差到癲左！😂牛肉沙律屬正常，但都唔會有想再食既慾望。青咖哩牛腩飯，都算正常既雖然佢已經有辣椒推介，不過就係bb辣都稱不上，不過味道冇乜野既，未去到要罵但茶記分分鐘好味d。成間餐廳，除左其中一個泰國ee係正常態度，全部都黑面人，唔想做咁款呢D食物質素加上呢d冇服務既差態度絕對唔想再去，亦不推薦不過出面涼亭位，而家天氣唔熱，係坐得幾舒服既

泰瀾鑊位於元朗康業街8號朗壹廣場地下17-18號舖，由朗屏站步行十分鐘到達，而渣車既朋友可以泊餐廳出面錶位停車場，非常方便。餐廳設有室外座位，亦可以帶竉物一起用膳，餐廳裝潢好有度假泰國feel ，室內室外座位亦好寬敞，門口亦放了一架泰國篤篤車，環境打卡一流。餐廳會送上餐前小食炸蝦片小食拼盤最愛小食拼盤，可以品嘗到不同的小食，小食拼盤有蝦餅、春卷、魚餅、雞丸、雞翼各4件。其中魚餅有濃濃的香茅味，蝦餅爽口彈牙，雞翼炸得入味夠嫩滑。頂級蘭王蛋泰式鐵板蠔餅用鐵板上，一上枱還嗞嗞聲，份量十足，蠔仔夠新鮮，蘭王蛋蛋味濃郁，底下配菜亦有大量芽菜，沾上泰式辣醬，份外滋味。蝦頭膏鮮蝦炒飯炒得有穫氣，炒飯炒得均勻，炒得乾身，粒粒分明，鮮蝦夠大隻，爽口彈牙。

Amazing Yuen Long😚元朗工業邨最近開咗間泰國菜 Sawadee 🛺無論室外或室內裝橫好似去咗泰國咁好chill 甚有度假 feel~~😍平日午市不用加一👍食物分量多又好味 價錢合理~正#無骨豬髀船粉 💰72 湯底香濃 豬髀大件分量多 好肥美 👍 豬皮軟Q 肉質軟腍 湯檬份量都唔少 抵食🤤#黃咖哩牛腩飯 💰78甜甜地椰香味香濃🥥 辣味溫和 🌶牛腩牛筋軟腍Q滑 餸飯一流😋#串燒雙拼 💰68好耐未食過咁正嘅串燒🐔🐷超值肉質嫩滑 肉汁豐富點埋秘製味🌶汁醬食 yummy🤤#榴槤波波 💰24外皮酥脆軟糯 榴槤蓉香甜😋Omg 大杯又好飲😳 飲足全場😆#芒果沙 💰18#冰椰汁沙冰 💰18

泰瀾鑊📍元朗康業街8號朗壹廣場G17-18號舖🌄環境首先門口已經夠吸引啦，勁有泰國feel，仲有一架泰國嗰種車俾人打卡，十分有feel🥳入面充滿熱帶植物裝飾，店員都着住花恤衫，而座位方面都闊落嘅，坐得舒服，值得一提嘅係餐具好精緻，配合埋個環境，打卡一流！🧡食物🦐蝦片 Free一坐低，就上咗一碟蝦片，喺等嘢食嚟嘅時候咁啱可以醫下口痕，十分貼心。味道方面算係比較辣，好香口好鬆化，十分唔錯～推薦度：😋😋😋😋🐟 酸安辣束青檸明爐烏頭 $198上面滿滿鋪住嘅係各式香料，下底係飽滿嘅魚肉，唔算好嫩滑，但係勝在冇咩骨，食得好爽，酸酸辣辣咁，連我一個唔太鍾意食魚嘅人都不斷食不斷食，而且因為下底猛烈嘅火一直燒，一直保持住熱辣辣，十分好，但係我呢碟嘅火有啲太猛，所以我夾嘅時候勁熱🤣推薦度：😋😋😋🍚蘭王蛋辣肉碎炒飯 $138超大份！米係泰國香米，比較黏糯嘅，入面有好多辣椒啊、菜啊咁，口感幾豐富，個蛋好值得贊，煎到出面好焦脆而入面仲係流心嘅，撈埋飯一齊食，橙黃色嘅蛋黃撈埋粒粒分明嘅飯，蛋香、辣味、米香，各種混雜，十分惹味！但係有一定辣度，大家要小心～🥹推薦度：😋😋😋😋😋🥣南薑椰奶雞湯 $118呢個係我今晚最鍾

脫罩後的第一個晚餐，我地去左食美味嘅泰國菜啊！新開業不久的【泰瀾鑊】係元朗朗屏站步行大約10分鐘，餐廳設有露天座位，很有泰國風情，而且仲係pet friendly，大家可以帶埋寵物一陣入座！ 見到餐廳外嘅tuk tuk都忍唔住衝左上車打卡喔~呢度嘅泰式食物和飲品種類繁多，好多樣都想試吓~先來【泰式酸辣鳳爪】，鳳爪結實又入味，酸辣度適中，做頭盤啱晒，好開胃啊～【香葉爆炸軟殼蟹】酥香撲鼻，外脆內軟，一碟有3隻，我地每人一隻啱啱好～喜歡食蠔的我，當然不會錯過呢款【頂級蘭王蛋泰式鐵板蠔餅】啦！蠔仔好新鮮，而且份量十足，被滿滿的蘭王蛋包裹著，蛋香濃郁，入口十分嫩滑～   沾上酸辣醬或辣椒醬一齊食，份外惹味～最後就係【蝦頭膏鮮蝦炒飯】，粒粒分明嘅炒飯被香甜嘅蝦頭膏包裹着，還有大大隻、十分爽口嘅鮮蝦，非常豐富！本來還想點些泰式甜品作結，但係因為已經太飽了，唯有下次再試啦！豐富又美味的泰國菜，值得encore！

最近好多朋友都飛泰國，雖然我暫時就未有去泰國，但周不時都心思思想食泰國嘢。揀左一間勁有泰國Feel 嘅餐廳，無論室外室內嘅裝修都勁有心思。室外嘅圓枱好適合一大班Friend聚聚，近門口位置仲有架Tuk Tuk可以打卡。冬陰功海鮮炒飯 $128每粒飯都非常飽滿，而且包裹住香濃嘅冬陰功，裡面加入香茅、九層塔等香料，令整個炒飯生色不少。冬陰功嘅功(即:蝦) 同其他海鮮亦好新鮮。泰式碎貓炒河粉(肥牛) $128雖然餐牌上有辣椒🌶️符號，但個人覺得唔算好辣，炒河夠鑊氣，牛肉亦香嫩，炒河用蔬菜墊底，撈埋一齊食減輕罪惡感。馬拉盞炒芥蘭 $78夠鹹香、爽脆！金磚蒜蓉多士(6件) $48表面焗到金黃，外脆內軟，好香蒜蓉味。

今個星期第二次到訪呢間新開嘅泰國餐廳泰式生蝦真係好好味佢冇用冰底用咗一杯杯黎裝住感覺衛生啲 又有心思泰式鳳爪 我哋諗住細細碟 點知好多😆泰式拼盤一次過滿足你幾個願望今次試 泰式奶茶 叫咗兩杯少甜少冰好飲喎小朋友就叫椰汁冰俾佢❤️搞掂菠蘿海鮮炒飯 本身以為食曬，點知拎開個菠蘿殼，下面都仲有成碗飯嘅份量🤣最後呢個泰式鱸魚🐟我哋叫咗烏頭💕好多肉配菜都好味😋個湯就酸酸甜甜辣辣哋😝last order唔記得嗌甜品 下次要記得帶芒果糯米飯😌

元朗新開嘅餐廳，當中有兩大元素非常吸引我：第一，身為寵物主人只要可以帶到寵物一齊去嘅餐廳都必定有興趣，仲要有打卡位。第二，佢係一間泰式餐廳，啱晒我嘅口味😋餐牌價錢合理款式多元化，由於帶咗寵物嘅關係，需要坐戶外位置，用嘅會係外賣餐具，但只要好食，用咩餐具我並不在乎，而戶外位置依然有特別嘅佈置，別具一番風味。馬拉盞炒通菜～通菜顏色依然翠綠，香香辣辣非常惹味，而且非常夠味，份量都算多👌泰式菠蘿海鮮炒飯～以為用外賣餐具就冇咗特色嘅菠蘿殼，竟然依然可以保留，有點喜出望外😄當中嘅炸腰果非常香脆，配上乾身又粒粒分明嘅飯粒，得到大滿足‼️泰式乾炒金邊粉～炒粉嘅配料非常足，不乏蔬菜類，樣樣菜都有一啲，可以食到唔同口感，肉片唔會太肥，減重中既人都唔會有罪惡感😬

朋友一行3人食午餐時段 一坐低 張枱係一格格既磚 可能太難抹 枱面痴粒粒 好多醬汁漬見啲侍應好忙我哋唯有自己搵濕紙巾抹叫左海南雞飯、鮮蝦炒金邊粉、串燒雙拼、小食拼盤同生蝦等等一落單個侍應已經好冇耐性咁 問我地飲咩 諗左兩秒岩岩講左椰青個椰字佢就掉頭走左 ok 可能係我地諗耐左😓午餐上得好快 放低個海南雞飯 就話 今日冇雞湯 ？？？呢啲唔係落單果時講架咩？又冇其他嘢補返 都算串燒上枱睇落好正 大家拎起手食 食食下竟然見到啲雞肉係生既仲係紅色 叫侍應黎睇 佢就叫我地將生既放低俾返廚師睇 話唔係廚師會唔信 咁就幫我地換過碟之後個小食拼盤上枱 冇耐性既同一位侍應企左係度等我地幫佢執枱上菜 我地執好個位唔知佢嫌我地執唔夠位定點 又唔放低碟野 就咁企左係度換個姿勢 咁我地就唯有再執開啲個位俾佢上菜 個侍應全程唔出聲西面 成個感覺真係好差 唔知以為我地食免費餐生蝦都唔係好新鮮 個杯仔都濛查查 最後大家未返屋企已經係街搵廁所痾左兩轉😥😥都唔知係啲串燒出事定生蝦出事整體黎講啲野食味道雖然唔會話好好食但ok既 不過衛生問題就真係好嚴重同埋啲侍應態度都幾惡劣下成餐飯食左一個鐘左右 真係冇咩心情慢慢坐住食

元朗向來美食多，但自己甚少到朗屏附近吃，這次因為朋友帶了狗狗，要找一家per friendly 而且又不是Cafe的餐廳，找到這家新開不久的泰菜！環境想不到元朗工業村發展下竟然有新建商場，商場附近都是工業區，晚上去到環境尚算寧靜，餐廳有室內外座位，位置非常闊，而餐廳外亦有泰國名車 “TUK TUK” 供食客打卡，而餐廳亦是歡迎各位 “攜寵出席” 。餐牌近期新開，但餐牌選擇非常多，亦有泰國餐廳少見的加拿大青口。 酸辣鳳爪 $108 甜，酸，辣無一不缺的鳳爪大大增加了晚上的食慾，胃口增加了不少。 串燒雙拼6串 $108作為泰國必吃的沙嗲串燒，餐廳選用豬肉及雞肉，燒得香口，除了沙嗲醬亦有沙律醬供客人選擇。 蛋網鮮蝦炒金邊粉 $128另一道充滿甜酸味道的泰國經典菜式，餐廳亦附有一少塊青檸檬，讓客人自行調節酸度，蛋網混上金邊粉一齊吃，香氣倍增。 椰香青咖哩-燒雞扒 $128 出奇的是餐廳所煮的青咖哩並不辣，而是帶甜，加上用了青檸，咖哩很重的青檸清新味，很特別，味道也討好，而雞肉量非常多以及雞扒皮煎得非常焦香。 火山排骨$228 近年泰國最熱門的菜式之一，餐廳用上南薑、芫茜、香茅及

Thailand Wok- 元朗一間新既泰國餐廳。點咗一杯泰國奶茶，味道ok，唔算太甜。芒果糯米飯有陣淡淡既青檸味，芒果算甜同多汁，配合米飯幾好。餐點嘅主食係曼谷鮮蝦炒金邊粉。蝦都算新鮮，有好好嘅咬口。金邊粉質感ok，主要係茄汁既味，再帶小小辣味～總括來說，覺得如果住附近既話可以一試 Thailand Wok。價錢都合理。不過需留意如坐室外會提供外賣盒及外賣餐具。如果想去呢到打卡就可能會坐室內比較好，會有碗碟。

之前上網見朗屏站附近開咗間裝修好泰式嘅新餐廳，價錢又合理，呢日Lunch time就決定同男友去試試佢！ 🧡頂級蘭王蛋香葉辣肉碎飯（$78）有隻蛋味勁香嘅煎蘭王蛋係面頭，加分！香葉辣肉碎濃味香口，送飯一流！ 🧡正宗泰國船粉（$72）牛肉肉味香濃，湯底味道同樣濃郁，炸豬皮夠哂脆，唔錯！ 🧡秘製串燒雙拼（$68）雞肉豬肉兩款各有3大串，雞肉夠滑，豬肉夠香，燒到表面焦黃色啱啱好。醬汁配有沙嗲汁同比較少見嘅拉差醬兩款，正！ 🧡青木瓜沙律（跟餐+$24）青木瓜新鮮爽口，味道酸酸辣辣，非常開胃！ 🧡榴槤波波（跟餐+$24）表面香脆，咬口黏軟，入面滿滿榴槤肉！ 🧡泰式奶茶（跟餐+$8）滿滿泰國茶葉味，唔會太甜啱啱好！ 🧡香茅薑蜜（跟餐+$12）入口暖身又舒服！

. Thailand Wok 泰瀾鑊 🇹🇭👩🏻‍❤️‍👨🏽情人節決定試新餐廳睇相已經覺得環境好靚，現場睇室外環境80分，室內就70分（冇咩特別🤣喺OpenRice book咗枱，等咗5分鐘左右就可以入座👍🏻如果嚟食嘅話一定要嗌燒安格斯牛小排😍 好食到驚艷！！就咁食牛肉完全唔會乾，大概5成熟，點埋個汁重好食🤤🤤🤤 另外蒜蓉金磚都唔錯，唔會剩係得個面有蒜蓉味，每一嚿都好香🧄 紅咖喱配燒雞扒一般，雞扒好乾唔好食，咖喱汁偏重椰汁味，用嚟點麵包就還可以乾炒金邊粉第一啖食落好有楊州炒飯feel😂 好足料，不過d粉好碎🤔 都可以一試👌🏻用咗OpenRice訂枱減$50優惠，埋單💰$436💰 所有食物都大大份，價錢都唔貴，雖然個位真係有少少格攝，不過cp值高，可以接受🤭

海南雞飯d 雞係鞋既,人地係好滑,其他嘢食都唔好食, 服務態度差, 明明book咗枱，但係好似冇預留枱俾我哋咁，我哋五個人，有張大嘅圓形枱又唔俾我哋 ， 話張大嘅圓形枱係六人枱 ，但隔離嗰張圓形枱只有一家四口其中一張仲係BB凳 ，之後有一台客人走咗張枱拍成六人枱比我地 ！我地張枱仲要好近個大垃圾桶， 整個過程好唔愉快 、價錢唔係特別平 ，唔會再去 ！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻😡😡😡😡😡😡🤬🤬🤬🤬🤬🤬🤬🤬🤬