泰尚泰國菜館

Open Now

Now Closed

呢間餐廳啲野食份量適中，但味道不錯，Have a try is ok!價錢略貴......如果一大群朋友聚會，這裡不太適合......因為好可能要叫多幾碟先夠食.....

冬荫功汤---味道一般，甜不够酸柚子虾沙拉---好大腥味，估计里边有虾酱。也是甜不够酸。都不会再点。香辣肉碎炸蛋饭---算是最好吃的一份了。猪肉有汁，很香。不过有点闲。烤串（猪牛鸡）---也不错，味道很好。2人，总计235。

同女友經過，試下呢度既Lunch睇左外賣紙，晚市同散叫價位是一般泰國餐廳(即係唔係太平)女友叫左黃咖喱雞飯，我叫左炭烤豬頸肉飯，加野飲黃咖喱雞飯o係menu英文係mild curry，所以味道唔係好辣，幾o岩香港人口味，d雞又幾彈牙豬頸肉炭烤之後好香，同埋個點豬頸肉既汁酸酸甜甜好開胃，好適合送飯埋單每人40多d，Lunch黎講貴左D，不過總算發現西環也有不錯的泰國菜

11月22日, 今日呀菲話想食d辣辣地嘅野, 因為之前食過呢間泰國菜水準唔錯, 所以我地黎睇下有冇d啱胃口嘅lunch~ 咁啱佢有冬蔭公河, 咁我地就決定食喇~::: 海南雞飯 + 熱檸茶 ::: $35上次黎食過佢d炒粉麵唔錯, 今日坐低見到隔離枱有海南雞賣相仲幾好添~ 所以我都叫個海南雞飯試試~ 首先黎個例湯, 有肉碎同椰菜, 清甜得黎帶少少肉味, 唔會係味精湯飲完口乾~ 海南雞飯佢俾咗雞髀肉, 我覺得佢好好, 因為大多數都只係俾雞胸~ 雞肉嫩滑雞皮又冇乜肥膏, 配上少少辣嘅汁刺激味覺, 很不錯~ 油飯唔算太油, 所以味道差少少, 要撈d 辣汁先得~因為上次叫過奶茶中咗招, 所我今次我地要檸茶, 不過檸茶都係有dd怪, 茶色睇落已經好橙, 味道比港式紅茶澀, 原來唔只係奶有事, 茶都係咁…::: 冬蔭公河 + 凍檸茶 ::: $35 + $2冬蔭公味道算是十分正宗, 香料清新, 湯底酸酸辣辣, 食落好開胃! 雞肉, 磨菇, 車厘茄等配料份量適中, 雞肉都似係比咗d雞髀位, 望落好似會鞋但咬落又ok嫩! 河粉夠爽入口彈牙~ 食得出全碗野都係freshly prepared!喺西環尾泰

舒適的地方, 不錯的服務態度, 合理的價錢!三個人叫了以下的東西:椰汁海鮮湯 - 椰味頗濃, 湯料足, 好好味雞絲蝦柚子沙律 - 好味串燒牛和雞 - 份量大, 牛的肉質麻麻炒菜 - 味道清甜, 不錯炒金邊粉 - OK, 要加青檸汁更好味SO FAR SO GOOD啦, 但如果要在西環食飯, 呢喥係好好既聚腳地

將近十時…要在西環找點吃的…印象中西環尾有一家泰國菜館還未試過…所以就來到這裡….那時候店內只有一檯客…似乎是店主的朋友們…正在猶豫該怎樣時…店員就熱情的招呼我們進去…其實我本身已經吃過晚飯了…所以不能吃太多…最後我和sheep點了一個小的泰式併盤和一個泰式酸甜芒果炒雞球…(名字大約是這樣~確實的我忘記了~) 併盤裡有炸魚餅…炸蝦餅…春卷和香葉包雞…蝦餅的蝦肉不算彈牙…只是香口搭夠…魚餅只屬一般…沒什麼特別…香葉包雞的味道還不錯…因為香葉包雞裡面的雞很容易會弄得很乾很鞋…這裡的雞肉雖不算嫰滑但至少不會乾得吞嚥不下…最令人失望的是炸春卷…春卷皮太厚…裡面的餡料淡而無味…應該每人分得兩件春卷的…結果我連一件也沒吃完….另外的泰式酸甜芒果炒雞球…單看賣相已經要先扣分…因為酸甜汁並沒有均勻的包圍著每一件雞球…很明顯是雞球有雞球炸…汁另外煮了再淋上面…至少最後也該再快炒一下…讓雞球的炸外皮可以有些少時間吸收甜酸汁…雞球不錯…只是那個酸甜汁太酸太甜…我真的不太喜歡…或者送飯會好一點吧…我看到其他的評語似乎不是那麼糟的…或者是我們今天失了魂點…錯了菜吧….

may 20, 09,4人來dinner,叫咗 : 1) 椰青 x 2 2) 柚子鮮蝦沙律-蝦唔夠爽,質素麻麻-柚子都唔乾,但都唔夠甜-幸好椰子油味不重 3) 蒜蓉炒椰菜苗-椰菜苗幾挺身,有咬勁,友人就嫌喺硬咗少少,但我就幾欣賞喇-蒜蓉夠,所以香口,又夠味 4) 泰式蝦醬炒飯-呢個飯炒得好乾爽,又夠味-材料有蛋,肉鬆同臘腸,所以好惹味 5) 香茅蝦餅-初時友人猶豫叫呢個定芝士蝦丸,店員還是推介這個-上枱時,見到每塊蝦餅做嘜會吊住幾條鹹水草呢???..............拉出嚟先知道喺香茅嚟ge!!好特別嘅做法-蝦餅混有輕輕嘅香茅味,但質感就未至彈口-但也不錯 6) 泰式地道豬手 (hk$78)-甜甜的豉油醬汁-配以有彈性嘅豬手仔,有肉,唔會齋食膠質7) 泰式燒烏頭 (hk$98)-呢個要等耐少少,尤其佢話比我哋聽第1條燒燶咗............要燒第2條-魚並非好肥美因都無泛滿黃油-但好好肉,亦好juicy,因魚內填有好似香茅嘅香料,所以1d腥味/泥味都無

1) 豬頸肉 - 先唔好講味道, 一眼已看出唔係用新鮮肉, 收呢個價錢唔應比雪藏野人地食, 而味道當然唔好食啦 2) 燒"膳" - 略咸, 唔夠肥美 3) 冬蔭功 - OK 4) 青咖喱豬 - 汁好味, 最啱撈飯食, 但豬肉"鞋"口 5) 明爐魚 - 好味, 個湯汁可以當湯飲 6) 蒜蓉飽 - OK 7) - 紅咖喱南瓜海鮮煲 - 味濃了少少 8) 蛋包炒飯 - 油多了點, 味道OK 環境 - 裝修算靚, 但坐等屈"側", 枱面細, 唔夠位放餸服務 - 以價錢收費及環境來說 ….. 差左D! 總結 : 本人不會再光顧

同朋友食左1 個2 人餐叫左 泰式春卷, 炭燒豬頸肉, 青咖喱雞同馬拉盞炒芥蘭泰式春卷: 好新鮮, 好熱, 好脆, 不過有西芹係入面, 未必個個都鍾意食炭燒豬頸肉: 配佢個醬真係岩岩好, 酸酸地, 好開胃馬拉盞炒芥蘭: 好味, 芹蘭好新鮮, 切到細細條, 好入味, 好易入口青咖喱雞: 係呢個差dd, 因為太重椰奶, 無乜咖喱味, 而且d 雞唔係好入味食完有甜品, 都ok不過成個餐唔送飯, 要另外叫大致黎講都ok餐廳幾靜幾舒服

4人叫了一個明爐烏頭、一個酸辣海鮮湯，一個黃咖哩鴨，一個泰式炒雜菜，一個飯及一個薄餅﹗明爐烏頭–一般，條魚上面加左好多粉絲，到最後，粉絲吸收左湯的味道，好好食﹗酸辣海鮮湯–原來是無椰汁的冬陰功湯，好辣同好酸，飲完全身熱，由其是個胃﹗黃咖哩鴨–鴨是鴨胸，我對鴨，無什麼興趣，不過點薄餅或伴飯，一流﹗泰式炒雜菜–一般﹗最後飽到，連甜品都食唔落﹗*枱與枱之間比較迫，而4人枱的大小都較細﹗

呢間野真係無容易揾, 加上本身就係路痴行左好耐先行到.餐廳簡單舒服, 老闆娘服務態度良好, 不過食物水準就有點飄忽.食了五次, 三次掂兩次唔係太掂. 有時候都要碰下運氣, 好的時候真係不錯.推薦任何炒的食物包括蠔蛋, 米粉等絕對係一流的水準, 廚師好識炒好掂.

受食評照片所吸引，趁星期天過去嚐一嚐這泰菜館。原來特惠午餐全星期均有供應，除了單獨的湯粉飯麵跟餐飲之外，還有二三四人套餐，選擇更多，就連小吃，也以特價發售。今天要了一個泰式炒金邊粉跟熱檸茶（38元）和一份蝦餅（28元）。炒金邊粉賣相美麗，紅紅綠綠的，上有銀芽、韭菜、芫荽、紅椒等等，配料有豆干、大蝦數隻和魷魚數片，異常豐富。金邊粉炒得夠勻夠香，油不多，一箸下來，有粉有菜，決不‘立’口，而且味道怡人，相當不俗！蝦餅一碟三件，脆漿夠薄，蝦膠打得鬆厚，吃落外脆内軟，甘香有蝦味，好味得連甜酸醬也可免卻！以前試過泰式奶茶，味道怪異，不敢再試。亦因此知道泰國茶本身有濃香，所以這次叫來的只是配上檸檬，味道反而變得可口。漂亮女店長說他們的廚房都由泰籍廚師主理，怪不得食物如此有水準，加上午餐時段價錢相宜，還免收加一，絕對是會一來再來的食店。

6月9日, 端午節過後天氣悶熱, 最適合去食下消滯開胃既泰國野~ 所以就同呀比去左屋企附近裝修好有泰國格調, 食物又好似幾吸引既泰尚食lunch啦~::: 泰式豬頸肉炒飯 + 泰式奶茶 ::: $38飯粒乾爽炒到好香香料味~ 而且飯粒尖細食得出係泰國香米!! 豬頸肉燒過好冶味, 而且份量好多, 食到尾竟然係豬頸肉多過飯~ 其他配料仲有蛋, 雜豆, 洋蔥同番茄. 全部都洽如其份, 而且成個炒飯都好香口好有泰國味~泰式奶茶既茶應該落左d香茅等香料, 開頭有少少酸, 餘味較澀, 加埋濃郁既奶味好怪. 我同呀比都有d飲唔慣~::: 泰式炒金邊粉 +泰式奶茶(凍)::: $38炒金邊粉比起炒飯就有d遜色, 味道偏鹹少甜… 不過都算合格~ 而且竟然落左蝦, 魷魚, 青口等海鮮做配料, 真係出乎意料之外!! 而且海鮮都好新鮮, 蝦球爽口彈牙, 魷魚滑溜, 青口甜美, 為整個炒金邊粉加分不少~!!凍的泰式奶茶比熱的仲怪! 建議如果大家想試的話都係飲熱的會較好. 因為我見好多客人的凍奶茶都飲剩大半杯…想不到西環一條後街里會開左間咁有特式的泰國菜館~ 店裡的老闆娘雖然有2個員工幫手但接待落單收錢放餐具以至

坐下叫了食物，看看牆上的雜誌鱔稿才知，原來這幢是以前清風街的泰玉，害我還要了海南雞飯，看來是要找多一次機會再來了。在不顯眼的厚和街，隱藏著幾間水準不差的店子，也有新開的店，是日趁午市來試試這裡。坐下見餐牌有海南雞的選擇，二話不說，就要了這個。海南雞飯整體來說是不錯的，雖然不是雞油飯而只是雞汁飯，味道也算不錯。飯身偏硬，合個人的胃口。雞是鮮雞，屬胸肉的部份，也一點不鞋口。湯反而是最後才上，想不到的是幾清鮮，下了幾片芫茜提味，也很好。埋單40蚊，不收加一，個人覺得比同街的另一海南雞飯店略勝一籌。會再來的。

14/2/2008 (晚)我同geisi，同一個湖南朋友練習完後的晚餐 我地叫左薄餅~我覺得油左d囉~份量小得很~一個人份量炸蝦肉芝心丸~普通炸蝦丸，個芝士餡無咩芝士味，一patpat咁~同埋都幾油下的~黃咖喱雞~對我黎講ok啦~味道可以，不過d雞肉少得可憐呀~無咩薯仔~ 南瓜海鮮炒飯~最好食的一個，飯炒得都算乾身~南瓜肉加炒飯食清清地都幾好~千層糕~ 熱的，味道十分奇怪，係金寶綠水的味道...香草味過重~一份有多件~好辛苦先食得曬~貼錢買難守~上菜慢得很！吹佢都無用！