The Beef & Leaf (Closed)

今日黎到旺中發現，呢到愈開愈多美食店啦。呢間美食店仲要係陳柏宇同趙勁皓聯合開架，勁係要試試啦。今日揀左"牛葉流心半熟蛋饅頭"，師父係塊牛中間開個窿放隻生雞蛋落去煎再加芝士，哇真係不得了。食落饅頭微暖鬆軟，漢堡超重牛味超香，面頭嘅芝士加埋半熟雞蛋超juicy，讚。但立食嘅地方就唔多，只可以容納四至五個人。另外，店員態度幾好，會問下覺得味道如何，會同你講如果好食就介紹比朋友仔知啦。今次因爲係一早係第二間店買左野飲所以試唔到牛葉飲品，下次試下先。

好：- 饅頭做包，幾有gimmick，食落就比普通包甜少少，都幾襯～- 漢堡扒夠厚，都幾多款揀整體味道中上，叫到法式蘑菇漢堡個菇汁都幾濃，個人覺得味道10分都都有7分。- 店員態度友善，睇得出都有心搞的，呢樣對新舖來講好緊要啊~- 店舖同食物/飲品設計都幾靚，幾岩影相的，哈哈不太好：- 漢堡扒入面稍微乾左啲，未到好juicy咁，可以再努力做好啲。- size稍細，可能要細食女仔先食得飽，另外叫左蘑菇漢堡，最後好似只食到4-5塊菇，如果可以多少少就好啦😂係2-3個客人情況下等左20分鐘先出到，都算少少慢，但都知道慢工出細貨，可以接受的，飲品好似都好有趣同造型幾靚，下次有機會再試～

耐冇去旺中，見假日就去同人迫下，行到1樓，行入少少，點知發現開咗幾間食店⋯⋯就試咗呢間 The Beef & Leaf 。講咗飲品先～～牛葉三青 又幾好飲喎！另外又叫咗個 牛葉雙重芝士饅頭，好好味，d夾住個塊牛好入味，勁厚，又有肉汁，唔會乾曾曾咁，加饅頭呢個組合又幾特別！！！ 間店廚勁好人，仲多加汁俾我，啱曬我d重口味ge人！你睇！你睇！！勁 juicy!!!!!都係六十幾左右。下次再試下佢個"牛葉船" 先～～btw 個杯牛葉三青堅係唔錯！！！！