The Beef & Leaf (Closed)

一開頭係為左支持柏宇BB黎試～但呢間burger 店都冇令身為burger迷的我失望！因為想掃街，所以只係叫左兩個迷李burger，都只係四十幾蚊咋～有芝士味同埋蘑菇味～兩款口味都好正！！特別鐘意芝士，因為夠曬惹味🤤特別一讚係就算係咁細個burger，塊牛肉漢堡仲係😍好厚好juicy~鎖住曬d肉汁！饅頭另比想象中同burger夾，真係估佢唔到😳軟屬得黎又唔會影響burger口感～下次自己一個去要試返一整個burger享受下☺️

要去旺角上堂，時間唔係好多，所以去搵D又快又新潮的野食下，今次來左旺中試下 白饅頭手打牛肉漢堡!!!!!可能因為閒日 黃昏，小食店門口都唔係太多大光顧。一去到見到門面好多種饅頭漢堡可選，立即搵個無咁肥膩的 牛葉咕嚕 (牛肉漢堡+菠蘿+咕嚕汁)。師傅收到ORDER 先立即煎牛肉，在門外都嗅到好香。等左5分鐘，漢堡新鮮到手。一打開個包，個牛肉好大件，D咕嚕汁充滿哂成個饅頭，咬落口的感覺正正就係我想要的 (由細細個已經想用饅頭 包住D肉食)。 饅頭軟熟但比較乾身，所以會吸哂D 牛肉汁同咕嚕汁，而且包身吸完汁會「淋」一D，口感一流。平時外國包，一係就太乾太硬(歐洲)，吸完汁仲係比較硬 ; 一係就太薄同軟(美國)，一加汁就成個包好似溶左咁，太淋。 雖然係咕嚕汁，但味道唔係好強烈，沒有蓋過牛肉本身的味，我還食到有少少胡椒的香辣，令味道唔單一之餘，亦可食到牛肉的味道。再加上一片菠蘿，更加開胃。這食品唔應該叫小食，因為我食完都好飽，如果加多$12 仲有特飲，價錢都合理。不過，如果可以相宜少少(因為環境始終係無得坐同比較窄，多人時要拿著邊走邊吃我覺得更加會大賣。 最後，如果饅頭可以再大一點點 (完全覆蓋

有冇人都係柏宇 bb 既粉絲 😎 我唔係！雖然我唔係，但係佢既歌真係幾好聽既，佢有份開既包店一樣咁掂！仲食緊傳統漢堡包既普通麵包？實在太 out 鳥！而家已經改用左潮爆既饅頭包去代替，口感令到 baby 大為驚喜！饅頭食落好軟熟，比起傳統既包我更中意饅頭，除左軟熟之外，仲索埋牛肉醬汁既精華 😛 真係好正，如果有埋煉奶點就更正 😆今次叫左兩個包都各有特色，首先食左呢個 #牛葉雙重芝士饅頭，相信都大家喜愛熟悉邪惡既芝士，雙重芝士用左車打芝士同水牛芝士，啲芝士多到瀉哂出黎！！！極邪惡！而牛肉唔記得左佢地話堅持用咩澳洲乜乜靚牛肉，的確幾重牛味又厚身，好好味 🤤而另外一個就係 #牛葉流心半熟蛋饅頭，兩者既分別就係呢隻饅頭堡少左一樣芝士同多左半熟超超超超超級流心蛋 😍 狂影狂影再狂影！而牛肉一樣都係果隻靚牛肉，流心蛋 + 芝士 + 牛肉食落比較冇咁膩，好味還好味，我都比較中意食重口味既雙重芝士果隻，$4x 食到咁有質素既包呢個價錢真係絕對超值絕對抵食 🤑🤑🤑——————————————————————#牛葉雙重芝士饅頭 $48#牛葉流心半熟蛋饅頭 $46——————————————————————

行街經過mongkok centre發現一樓定二樓多左好多食店成個葵涌廣場咁😍行行下見到beef and leaf 原來係陳栢宇有份開🤣即刻支持下係門口睇緊有乜食之際個收銀姐姐好好服務逐樣介紹俾我地聽最後我揀左個流心旦既牛肉漢堡見到廚房即叫即製🍳🧀🍔饅頭煮得好軟熟，食落都好夾味👍🏿d旦汁流哂出黎😻另外見店員強烈推介d野飲我就試一試，但我唔記得叫乜名😹佢話係自己調製嫁d野飲，好健康！飲落都唔錯👍🏿

好耐冇黎過旺角中心啦~ 商場規劃過，引入左好多食肆，今次試左本地薑Beef & Leaf同台灣過江龍洪祖師(將會出旺中掃街記（二))第一站Beef & Leaf就已經好有驚喜！ 正當我揀緊食邊款Burger之時，店員就介紹話可以揀一個雙拼迷你版既組合，啱曬咩都想試既我！Why not both?其實我覺得迷你版同正常Size唔係相差太遠，加上正常版一個要$3x-$6x，迷你版$45就已經有兩個。相比起黎抵食好多～迷你雙重芝士漢堡及迷你日式芥末漢堡 $45/2個可能地段同價錢問題，本身都唔係抱太高期望。但一接過手，兩個包仔賣相望落就已經好吸引迷你雙重芝士漢堡雖然佢細個但餡方面比得好足料，餸同芝士多到爆曬出黎！咬落去件漢堡扒超‧級‧JUICY，一路食一路不停滴出肉汁，好鬆化，但又唔會過份油膩。個饅頭好軟熟，有新鮮蒸起既感覺，完全唔會乾爭爭，好好食。再加上份量慷慨既芝士，我覺得$45/2個係超值咖！佢食物既質素好好，份量亦都交足貨日式芥末漢堡食得出wasabi味，醒一醒神。wasabi+蛋黃醬既組合令個醬汁唔會太嗆鼻，喜愛wasabi既朋友都可以試吓~漢堡同樣Juicy，蔬菜都夠新鮮。迷你饅

#chinesesteamedbun, #mantau, soft and chewy in texture and which is good to absorb the juice and sauce that paired with the 4oz juicy and aromatic #pattybeef with #meltedcheese .3 Green - #mint#cucumber#lime with soda but it's not popping .😋9/10 planning for next visit💰$71

之前去旺中，多數都係食下手卷，雞蛋仔，買下野飲咁，上次試過雞扒都唔錯，已經返啅。一樓新開幾間都未試過，當中最想試就係呢間牛葉, 一來知道陳柏宇有份做老闆啦，二來男朋友本身都鍾意食漢堡。除左旺中有店，葵廣都有店，落腳點夠哂年輕。主打白饅頭手打牛肉漢堡，款式不少，材料都幾特別，有沙爹饅頭、墨西哥辣汁饅頭、半熟蛋饅頭等，價位$38-$68。牛肉漢堡足4安士，選用澳洲牛角肩位置，每日新鮮手打，聽落就幾足料。牛葉拉絲雙重芝士饅頭 $48食漢堡冇芝士好似爭咁啲野，所以點呢款有雙重芝士。 即叫即制，饅頭拎上手熱辣辣，夾住手打牛肉漢堡扒、熱溶芝士、蕃茄、少量沙律菜，非常豐富，賣相唔錯。烘過嘅饅頭軟熟，食落煙韌，有別於漢堡包嘅鬆軟。手打牛肉漢堡厚身，牛味香濃，而且有肉汁，幾好食芝士夠多，但芝味唔算濃烈，沙律菜新鮮，加分！除左中西crossover嘅饅頭漢堡，同時提供三款飲品，分別係三青、兩紅、一白。三青即是薄荷葉、青瓜、青檸梳打；兩紅係洛神花茶；一白指生熟薏米水。三青、兩紅為即制梳打，店員就話薏米水係每日新鮮自家製作~本來就唔打算試埋飲品，但買饅頭漢堡有價惠價，所以飲埋！牛葉三青 $13 (原價 $28

身為柏宇粉，佢有份投資的小吃店點都要撐下。The beef & leaf藏身係新興的旺角中心1樓食街，鋪頭細細，只有好少空位畀你企係度享用。佢主打漢堡，特色在於個包唔係一般漢堡包，而係中式饅頭，同埋手打澳洲牛肉漢堡扒。供應的漢堡大約十種，都幾有特色的，例如芒芒饅頭、咕嚕饅頭等等，我第一次試，叫個穩陣d嘅好了。流心半熟蛋饅頭（$46）限量供應，印上店logo的饅頭脹卜卜，加埋漢堡扒、菜、番茄、芝士，賣相係唔錯，但搵極都唔見隻蛋，原來係藏左係漢堡扒裡面。雖然有兩層包裝紙，仲有個盒，但因為太滑又太多料又多汁，一咬d餡就開始走位，d汁仲沿住我手臂流下，搞到好狼狽。撇除呢樣嘢，整體係幾好食嘅，尤其塊漢堡扒好juicy，調味亦夠，個饅頭夠晒鬆軟，好似咬緊叉燒包咁。有食評嫌佢唔夠大個，但我覺得作為下午茶剛剛好了。

嘩原來旺中裝修完多左勁多小店食得意野，今日收工等交收，同男朋友來了這兒醫下肚。The Beef and Leaf 位於一樓，主打漢堡，意粉等小食，價格屬相宜。見焗薯特價，點了一個卡邦尼焗薯，二十八蚊。比起連銷快餐店的，平左一半。映的相有點醜，但其實好食！個汁好澎湃！本來以為只是＄28的價錢，份量可能相對地會少。但焗薯的份量就如外面連鎖店買的一樣，食焗薯最怕吃到最後變得十分乾爭爭，當加上熱辣辣的卡邦尼汁之後又唔愈喎！汁的材料絕對不遜色，有蘑菇、煙肉、薯粒等等，淋上焗薯後好豐富，又飽肚，好暖胃！冬天食一流！好有心思的創意，從此卡邦尼汁不止限於意粉！

見旺中而家成個新葵廣咁，還掂星期六無野做，地鐵又有半價，就一個人出旺角行下，順便食下野！上到去見到好多當，一檔賣食物盒嘅好多人，一檔賣日本野又好多人，唯獨是賣饅頭漢堡呢間裝修最靚就無乜人，咁我又見係明星開，咁就試左個牛肉漢堡，其實還可以嘅，不過一咬個饅頭面，啲料就好容易走位，食到尾已經走位走到好似分開食咁，但味道就好食嘅，不過貴左小小！

There are a lot of East meet West creations these days in Hong Kong, and one shouldn’t be missed is this Mantou burger, served by The Beef & Leaf in Argyle Center, aka “旺中”. In this small area of Argyle Center, there are plenty of food to choose from such as egg waffle, Taiwanese bubble drinks, Japanese hand rolls and the particularly impressive 12″ long waffle with oreo, purple sweet potato, durian and many more!One recent popular addition would be The Beef & Leaf who sells hand-sized burgers u

There's a foodie area happening in Argyle Center. Yes, Argyle Center. Once a place for buying inexpensive clothes and items popular among younger girls, they have now done something different by adding an area with small food shops geared for take away. It began with just one floor but now they now have another floor opened up!Boyfriend and I decided to check out this new floor and try out a few shops here.One shop was The Beef and Leaf. A smallish shop with a small area for you to eat while sta

聽說旺中一樓多咗啲小食.去睇下有咩好野食☺️.呢到有3間野食.一間野飲.而The Beef&Leaf 雖然一小角.但裝修得幾靚.雖然饅頭包唔吸引我.但見到Keep住有客人.於是試試係咪真係咁好食.芝士真係好足.饅頭包軟既.肉質唔差.又唔好諗到好好好好味.整體嚟講都幾好味嘅唔好之處係：包唔大個.但包裝紙好大張.好難去食.包裝紙膠面.啲汁好容易跣出嚟.由於好爆汁.所以唔係咁易就咁拎起食.（👆🏻不過呢個優點嚟🤗）

行過見到新開美食區，好奇行去睇，見到幾特別嘅饅頭漢堡，諗咗陣就叫咗個試吓，行咗入鋪等見到兩個專業西餐師傅look嘅廚，着住整齊嘅黑色西廚制服，望過嚟一邊微笑一邊繼續打漢堡扒。。突然諗到少林足球嘅一段。。從佢地整齊嘅制服 友善嘅眼神 我完全感受到嗰份誠意同體育精神。。唔係，係專業精神先啱。。有啲離題講翻嘢食先。。個饅頭漢堡望落有啲似刈包，但比其更鬆軟同吸味，拎上手有啲燙手，咬一啖啲醬汁就瀉出嚟。。佢有好多唔同汁，我就揀咗佢嘅招牌主打汁---野菌汁。。呢個汁同個漢堡好夾，佢混合咗幾種菌，做出嚟嘅效果，絕對比得上高級西餐廳嘅出品。秘製野菌醬汁當野菌天然甜味，令其本身有啲似牛肝菌嘅濃郁菌味當中又有一點清新感。*利申，我唔知師父個汁有無用牛肝菌，但食落有啲似。。。個汁如果有得配飯正到爆。。而個饅頭吸咗汁嘅味，令個味道更提升。。之後就再試咗佢個牛葉船即係牛扒。。。佢可以配兩隻汁，我就揀咗咕嚕同沙爹，沙嗲好香，咕嚕對比下就略遜色..絕對值得一嘗再嘗

行開旺中買嘢，就順便搵嘢食! 行到1樓嘅角落有幾間鋪頭，間間都幾多人買，咁我比較鍾意食burger又見到佢用饅頭做包幾特別同吸引，所以決定買嚟試下， 我買左個牛葉芝士漢堡(唔知點解叫牛葉呢)，仲加左$13叫左杯青瓜青檸梳打。好快就有杯野飲啦，杯梳打賣相幾靚，絕對啱哂用嚟影相呃like，飲落去都幾清新，有啲荷葉香香地，仲有切碎左既青瓜咬下，都幾特別。揸住杯野飲等個包既時候，門口有部電視睇鋪頭開張花絮，先發現原來係陳柏宇開既哈哈。等多一陣就有包食啦，個包熱辣辣，包面印左鋪面名幾特別，咬落去牛肉有啲筋但有肉汁，由於個包係用饅頭，啲肉汁滲左落包度，同埋口感好煙un，的確比一般漢堡包食落口感唔同。整體係幾好食，不過有少少細個，食哂個感覺都唔會話好飽。另外員工好有禮貌，佢會主動邀請你入鋪頭食嘢，即使我朋友拎住其他鋪頭既食物，真係值得一讚!