The Beer House (Closed)

跟朋友飯後又想再傾吓偈，六點最後去了旺角朗豪坊13樓 The Beer House 繼續下場🥳說實在，朗豪坊去得多但第一次上13樓，果然是一個好地方！環境優美又清靜！價格也貼地👍🏻我們點了2 杯cocktail, Bring me home and Long Island iced Tea , beer and 佐酒一流小吃的墨西哥粟米片👍🏻👍🏻結賬發現原來星期六下午至晚上也是happy hours 😱 一共$300🥳🥳下次吹水又一巧地方了🥳🥳

久違的聚會，今日我話事，其實想係呢層食好耐，因為氣氛真係好好。原本都念住叫啤酒or特飲，但天氣太凍了，下次再試吧。叫左四樣野食，三文魚沙律，辣肉腸扁意粉，墨西哥玉片&德式香腸併盤。好快上菜，都幾大碟，味道好，服務態度值得讚，雖然無叫飲品，但店員經常為我們加水。我fd話意粉較辣，不過我ok，肉腸好食既，不過太多，好膩，最後都食唔哂，沙律個醬調得好好，整體都好好，環境非常適合傾計，愈夜d人愈多，多數飲酒，叫食物最多應該係我個枱。

雖然到過朗豪坊無數次，但沒有一次到過最高層吃飯。今次是因為朋友提議，所以跟著去了，感覺在這天幕下喝酒氛圍挺不錯的。原來到最高層有好幾家選擇，因這家有酒優惠又比較多食物選擇，就選了它。食物方面也是不錯的，當中最驚喜的是炸雞薯條配黑松露醬炸物向來是我的愛，而且炸得香脆，那個黑松露醬真的很好吃，我們還吃完再添呢，真是善良的店家意粉也不錯，是不會出意外的卡邦尼香腸也不錯，但朋友說酸菜酸了點。最後酒也不錯喝，有7折，加一後就算8折，也是化算的了。

誤以為這間是德國菜😂原來只是普通的西餐廳 位於朗豪坊頂層 環境昏暗 亦有假夜空 感覺挺適合喝酒聊天《Sileni Estates Cellar Selection Sauvigrion Blanc》挺易入口的白酒 有回甘的味道 甜甜的 《Sparking Rose》比同牌子的Apple Cider 更易入口 有淡淡的花香味道 適合平時很少接觸酒類的朋友 輕嚐其酒醉的感覺😆《Suffering Treasure》普通Mocktail 有種雜果的味道 又酸又甜😂菜單選擇不多 先來個沙律作前菜 《Vital Salad》當中有起碼5個新鮮蝦球 更有很多青蘋果 車厘茄 蔬菜🥗小吃《Nachos》有脆有軟之分的墨西哥玉米片 點配醬料 挺開胃的 酸酸的 配啤酒感覺不錯👍🏻主菜《BBQ Pork Ribs》豬肋骨表面有甜甜的燒烤醬 兩者混合一起吃 更滋味😋肉易分離 不費吹灰之力便能切開 很喜愛這肉的軟硬度 剛好 再加上黑松露醬的薯條 雖然薯條很快便軟了 但黑松露醬勝過一切😂 所以都好吃 更有少少的沙律伴碟 不怕膩👍🏻最後與友人暢所欲言起碼三小時才離開 結帳每人約$170 挺化算的 是喝酒聊天的好地方

天慕下變晒阿凡達，大家到左dinner又5係好餓，又熱又焗決定去朗豪坊搵野食，是但揀左尼間，左同右都係同一間，不過左邊主要係bar, 右邊係restaurant, 我地為左可以坐耐d打左bar, 不過都有野食供應德國菜點會少得豬手會有店員幫你切開晒佢，不過5係個個都切得令，最後我地舊豬手仲有大舊肉痴住個骨，唯有自己尼，5好晒Ribs味道好味，黑松露薯條超香，但肉真係太少，5夠過引德國腸就不過不失啦番茄大蝦意粉都係一般重頭戲就梗係飲酒，我地為左襯德國菜個個都揀啤酒，5同呀味香味因人而異真係要自己試，不過整體我地5支啤酒都係好評，下次再試其他味！

四月第二個星期六中午，陰天有雨粉。跟閨密約了每月一次在朗豪坊的美容療程，找地方等待的時候很自然往13樓去。頂層為餐廳酒吧集中地，有一家已經試過，想要試試別家，看到這家人不太多，環境像露天酒吧一樣，就進去試試看。看了menu，要了一杯Spirit Whisper ，以Black Rum和Malibu為base，還有Triple Sec，所以帶點椰子跟焦糖香，配上Lime，Pineapple juice跟Orange juice ，讓整杯cocktail充滿熱帶風情。酒精分量可以加多點，喝到一半已經明顯變淡，味道一般，調酒師要再加強技術。很想特別說一下服務，從進門，坐下，下單子，服務生都是撲克臉，睡眼惺忪一副不願意服務，連多問一句也懶得搭理你的樣子。無論是任何原因， 這態度應該沒有人會覺得他在上班吧？連基本的專業也沒有，難怪客人那麼少，我是不會再過來的了。

本身想食隔離Beerliner, 但無晒位, 就入左the beer house. 佢地同一個集團, 個名唔同咁解.個menu都係一樣, 不過the beer house最少要叫一杯飲品.飲品簡左杯德國生啤, 無咩特別, 正正常常, 夠大杯.另外叫左個墨西哥脆片, 配配莎莎醬同牛油果醬食, 佐酒吹下水食一流.Pizza 一般般, 上面D菜苦既, 唔夾個pizza.腸仔就幾好食, 不過都係現成野煮熱佢, 無咩技巧可言.同埋張台細到一個點, 叫左3樣野張台已經迫到無可再迫.

♥️♥️♥️📦老公生日，梗係要同佢慶祝下，諗住去朗豪坊最頂浪漫一下，🙈🙈🙈有好多間選擇，最後決定坐低食呢間德國菜，喺最右手邊，環境同氣氛都好舒服，唔會太嘈😄😄😄😄😄😄先來一個頭盤，頭盤有炸雞，附有特色醬，之後仲有豬手同飯，，，呢間其實都幾好食，轉過隻味都已經唔同左好多。另外豬手好正好新鮮！😄😄😄😄😄，可能你會覺得飽濟，但又OK喔，另外兩個唔多講，大家都估到唔錯，口感同熱氣控制得好。一上菜即刻可以食。

三兩個friend約左出旺角聚聚，來到朗豪坊，周圍都要排隊，我地唔想等位，就來左13/F 的餐廳睇睇。行到門口見happy hour去到10點，cocktail, mocktail, draught beer 選擇幾多幾吸引，食物方面，有幾款snacks 如：黑松露薯條，nachos，雞翼，洋蔥圈......主食又有幾款pizza, 意大利飯咁，都係百幾蚊左右，就行左入去坐低。環境唔太嘈，都啱朋友傾計。我地嗌左：1. 蘑菇釀雞翼外皮幾脆，唔太dry，但略嫌細隻左少少，唔夠濃味🤤2. 巴馬火腿pizza(含大量火箭菜）parma ham同d菇都好香，pizza底好脆，仲有少少洋蔥，不錯👍🏻要趁熱食3. 海鮮意大利飯夠creamy，都足料，有3-4隻青口，蝦，芝士都好多，好香...食完呢個飯，飽哂😃4. princess peach (cocktail)桃味cocktail, 冇乜特別😆總結：幾適合3幾個fd飲哂食飯吹水👍🏻會再去😊

Happy Friday 本來想去隔離間德國餐廳, 點知 full house, 經理好 nice, 推介我地去呢間 The Beer House, 可以照點返德國餐廳嘅主餐牌, 不過多一個條件 : 每人最少要叫一杯 drink. Okay, why not?!趁8點前 happy hour 嘢飲有7折, 叫左生啤同 fruit punch 先 ( 仲叫多定2杯, 後上, 哈哈).試左2款 waitress 介紹嘅生啤, nice, 吾錯.老婆點左杯 Heart Catcher (薄荷葉+果汁), 好味喎! 不過 encore 果杯就甜左少少.嘢食方便真係要推介佢個 Rib Eye Burger, too good !塊肉眼扒嘅肉質好靚, $158就算淨係食呢塊扒都值.無落咩 sauce, 薄薄的 cheese, 少少 gherkins, 完全就係塊肉眼扒嘅鮮味, 正. (伴碟薯條 soso, 我本身鍾意脆薯條多D)另外再點左佢得獎嘅 Award House Sausage, OK啦.地方坐得幾舒服, 不過有樣嘢好 funny,單點 drink 有免費 pop corn 送,但如果點埋

The Beer House幾日前，同一班同學完SEM 去食好西同啤一啤，放鬆放鬆。去到旺角朗豪坊，本身想試下SKY BAR，但係太多人就轉左黎E間The Beer House。首先講下個環境，其實真係好不得了。暗暗的燈光，再加上天空上營造到夜空一樣。四周的桌子亦有一定的空間，是個安心談天的好地方。在每人的位置也有一張妻搞笑的「港男港女飲食關係圖」。分析一下你是邊種仔同女仔，讓你有個方向點餐。E種別開新面的玩法同推介菜式的方法，實在吸引。其次，講下食物方面，當天我們旨在吹下水，同埋食左飯的關係下，只叫了一個小食拼盤來佐酒。小食拼盤中有5款食物，包括﹕炸尤魚、炸雞、吞拿魚酥卷、煙三文魚芝士卷、忌廉撻。炸尤魚: 不過不失，味道還好，也是熱的炸雞﹕熱辣辣，有很多肉汁，很正的說!!!!吞拿魚酥卷﹕E個我食唔到，因為有5個人，但係得4件，不過朋友都話幾好食煙三文魚芝士卷﹕E個真係超好食，煙三文魚加上一大舊芝士，雖然好邪惡，但真係絕配!!!忌廉撻﹕E個我食唔到，因為有5個人，但係得4件，不過朋友一樣都話幾好食至於飲品方面，我叫左芒果味cocktail，味道不錯，不會有很強的酒精味，同時感覺幾似沙冰

尋晚收工去咗朗豪坊同我一位好尊敬嘅前輩食飯，其實都冇諗住去邊一間餐廳咁就上咗去13樓Sky bar，見Beer House有位，咁就撞咗入去啦。我哋兩個女人都好鍾意飲啲麥味好重嘅啤酒，所以一坐低各叫咗一杯黑啤。前菜叫咗炸雞鎚同一個無花果紅菜頭沙律，主菜就有一個煙三文魚火箭菜Pizza。個沙律嚟到，我哋兩個都超級開心，因為好大碟，又有前輩最愛嘅紫洋葱，同埋我超喜歡嘅紅菜頭，喺香港普遍嘅餐廳來講比較少有。沙律仲有山菜、火箭菜、無花果、椰菜等等，用料十足，伴汁開胃，好好味。Pizza就係薄底，有好多火箭菜同埋每片上面都有煙三文魚，算係幾抵食。食完嘢之後，我哋有各自叫多杯嘢飲，繼續傾計，侍應都冇催我哋走。餐廳由於喺Sky bar嘅關係，燈光比較暗，同埋係屬於open area，有其他餐廳係隔離，所以都比較嘈，談情嘅話就唔係咁好啦。不過我哋兩個女人冇所謂啦，都係放工飲兩杯啤酒鬆一鬆、傾吓計。

入門口嗰時見到happy hour有七折其實我真係估唔到點解星期日夜晚飲到十一點幾都仲有7折所以坐咗三個鐘每人飲咗round半都係百幾蚊 仲要食埋嘢雖然佢炸魷魚圈真係勁多粉有成堆嘢黐埋一舊不過 魷魚 都炸得幾好唔會冇曬煙韌度今次最恐荒就係佢畀咗 一直用過嘅叉畀我佢嘅唔乾淨程度就正如 隔離枱 啱啱食完洗都冇洗過就直接攞過嚟畀我用咁不過佢嘅啤酒選擇種類繁多又抵飲真係每試一款都有唔同口味同埋有詳細解釋唔同啤酒嘅分別我自己鍾意機出嘅啤酒多泡啲

老朋友相聚原本是約happy hour時段，先到先等…喝著…吃著小吃，談談天，說說地…！齊人的時候…已是晚飯時間但好在這裡Happy hour時段(到11:00pm)飲品7折，因有最低消費每位要叫一杯飲品，隨口再問問服務員姐姐有沒有什麼信用卡做promo或折扣？原來AE白金咭也有晚膳優惠 選了一杯花味較重啤酒，酒精份量只得3%，入口比較甜，即使唔喜愛啤酒的人也適合，因為一點酒味的感覺也沒有！炸雞翼，薯條都係佐酒小吃不二之選， 黑松露薯條，香脆乾身，不太油膩但個人口味…不太喜歡黑松露味道炸雞翼也很惹味原來1kg切起來實在很多…始終都係肉腸，太多肉，有點肥膩，結果三人都吃不完所以也沒有試其他菜式了…不到一個月，與另一班三五知己又約飯聚… 就提議到這裡，實在是傾計飲嘢的好地方今次可試試其他菜式除了提供The Beer House小吃...也可共享Beerliner餐牌，優惠折扣也一樣但這邊happy hour時段較長所以訂這邊較為抵吃首先再來同一杯🌷🍺今次佐酒小吃就叫了nachoswith cheese dip, 還有牛油果醬，蕃茄醬！等到齊人正式叫主菜… 當然係不少得的德國肉腸，香脆豬手，

Happy Friday！黎到同姊妹傾計飲酒既好地方..貪呢到靜..同埋可以坐bar枱..旁邊有位置可以放手袋...可惜今晚太多人..坐唔到...今晚大概10點左右黎左... 全場full哂...等多一陣...終於有位入得！ 叫左一支白酒...大概$289 支...唔算貴 . 當然品少得就係薯條黑松露薯條 $68 Keep住水準！好大碗...好抵食！ 送酒一流呀...有時見到隔壁枱有花生小食...唔知佢點樣先會俾...好奇怪同埋薯條食左大部分，白酒都未到...人手好似不足...揮手大半日先見到...服務有待改善...