醉香小食雞蛋仔

Open Now

Now Closed

嚟到觀塘就會好想食格仔餅🤤🤤即叫即整最香脆，伯爵茶味好濃，而且好大份，一個人食真係好夠飽🤣可能係夜晚嚟既關係，都幾多人排隊，好彩都係太大影響，整完就食得，唔洗十分鐘🤗

只能說 $3x 食到咁香濃嘅開心果醬格仔餅係超值！！好鍾意醉香嘅雞蛋仔同格仔餅 夠蛋香 外脆內軟呢個開心果醬真係冇得頂 好香開心果嘅nutty味 仲會食多少少開心果碎粒整體味道唔會過甜 基本上食到最尾都唔會覺得甜耶耶得濟 隔幾個禮拜就會食一次😚😚😚

今日去左呢間買左兩底雞蛋仔同埋一底夾餅😋 我哋講明個夾餅係要走糖同埋走花生醬，我哋等咗15分鐘就攞到😽我哋拎到上手就已經發現有好大浸花生醬味，我哋就即刻搵老闆娘諗住改返佢，但係佢仲服侍緊其他人。咁我哋咪繼續等🤨🤨然後我哋好聲好氣同佢講，佢就勁惡咁樣話俾返個夾餅佢？！然後我哋就呆咗一呆😧 之後佢又再同我哋講「唔好望住我做嘢！」我哋心諗 我哋都冇特登望佢 係佢自己喺度發癲🥹 然後我哋就俾人趕埋左一邊🙂之後等咗5分鐘之後佢就咁”劈咗”喺個櫃檯度，叫我哋自己拎😊？？態度非常差。唔好幫襯呢間！

推介開心果醬格仔餅🥹d開心果醬一啲都唔小氣每淡都有濃郁既開心果香味😚$35呢個價錢幾值得👍🏻舖頭好夜先收 係食宵夜既好選擇另外有試過咖啡味雞蛋仔 覺得一般咖啡味唔夠濃

因為電視節目介紹雞蛋仔，其中介紹了觀塘有間賣好似大魚蛋一個個波嘅雞蛋仔。從節目拍攝的環境研究一輪，終於搵到是這間店記得節目中介紹這款形狀的雞蛋仔是從台灣引入的概念，太耐無外遊，我也不知台灣是否有這款雞蛋仔。不過一粒粒圓波波串起來幾得意，而且味道選擇很多，其中有我最愛的伯爵茶味，當然要試試。今次是指示外子外賣給我，因為最近腳傷唔方便周圍行，但無阻食美食嘅心是次買了：伯爵茶雞蛋仔：茶味適中，食落外脆內軟，一粒粒有份量唔係食空氣。朱古力伯爵茶雞蛋仔：兩種味加起來沒有誰搶誰，兩款味平衡得好，都好香濃惹味雙重芝士雞蛋仔：芝士味ok嘅，唔會很濃烈或膩的感覺，我個人好鍾意芝士，有睇開我冬天介紹芝士火鍋就知我愛芝士，所以如果可以再濃郁芝士味些更好，現在感覺是芝士雞蛋仔，未去到我心目中的“雙重”咁勁。但都好味其實這小食鋪有很多香港地道掃街美食，不過今次專程為雞蛋仔而來，都無失望，是可以再試其他味嘅。外賣遲了15分鐘食都唔算太大影響，相信即場食更熱辣辣更脆就再正些。以前食過大澳炭燒雞蛋仔，兩種無得比較，各有各風味，大澳就再香港地道些，這款是走外形得意特別味道多的路線。筲箕灣出名果間雞蛋仔都好食，和大澳炭燒