THE BOTTLE & STEAK

Open Now

Now Closed

之前試過其另一間分店，依次和同事在午餐時一同前來試試灣仔這間新分店。餐廳共有兩層，環境整潔舒適，上層位置較為寬敞，特別適合一班人聚餐 🍽️🙌🏻這次我點了烤美式豬頰肉，配菜是薯條沙律🥗。豬頰肉烹調得不錯，調味偏向美式風格的蛋黃醬，但味道整體來說比較中規中矩，沒有特別驚喜。配菜的薯仔也算合格。整道菜的價格是$78，以灣仔的消費水平來說還算合理～👍🏻🐷需要注意的是，餐廳在午餐高峰期的上菜時間較長，用紙碟上菜亦不是太理想。另外，點餐需要透過手機App完成，需特別注意加配飲品的選項，App 預設為不附飲品，需自行挑選🙈整體而言，人均消費約$100的西餐在灣仔來說算是合理的選擇，特別適合一班同事聚餐。如果餐廳能在點餐流程和出餐速度上有所改進，整體體驗會更好 🤔🤔

昨晚到咗灣仔品嚐這間牛扒放題 好老實講 真的好失望 第一塊牛扒 都叫做可以接受 再order第二快已經份量係畀原先個快細好多 奈何 完全係好生 及韌 完全食唔到但值得一提 炸物真的畀 塊牛扒好好多我們連最後杯雪糕都完全都冇食就已經離開不過 灣仔這間店嘅服務真係比想像中差好多 因為我們坐樓上嗰層 根本就難有服務員 會standby在這裏 因此除了我們之外都有好多客人坐喺度不斷等服務員 上來才可以再order食物 而且個環境係好侷促 講真我們 連同飲品300多元 如果我們在出面去食所謂嘅放題真的有好多選擇所以真的唔會再有第二次 到訪

5成熟，都遇左叫外賣唔會係好好食，但塊扒係成塊都係筋，可以食嘅部分連10%都冇成個餐基本上只係得薯條同埋個舊麵包可以食😁留意返個餐係$118打左過去問，個店員寸到乜咁，話呢個部位係咁架，top blade係點都有筋💁🏻‍♀️我都明有筋但會唔會成塊扒都係筋💁🏻‍♀️然後連沙律菜全部都係黃哂唔知擺左幾耐咁👍🏻然後個車手送餐過黎個時遲左成半個鐘，佢同我講話呢間野出面有成十幾廿個外賣平台車手等緊餐⋯大家諗下值唔值得試💁🏻‍♀️

琴日見到IG show 咗呢間喺灣仔新開嘅餐廳有得鋸扒，擺盤又好似好靚咁，今日就嚟咗食lunch試試佢。入到去全場都坐爆曬，安排咗坐2樓。有一個好奇怪嘅現象出現咗，每次一有店員上嚟，全世界都望住佢，好似個個都諗緊拎上嚟嘅餐係咪我嘅。最後我哋明啦，因為我哋叫完嘢食之後等咗半個鐘多啲先有飯食，上到嚟啲嘢仲要係凍嘅…叫左3個lunch sets:★̆̈ 美國安格斯牛板腱扒 （$98）叫咗5成熟，牛扒好香有炭燒味，咬落肉味都好香同個烤汁都唔錯，但係好韌，有啲失望。★̆̈ 烤美式豬頸肉（$78）豬頸肉係叫嘅三樣嘢當中最好食，豬頸肉肉質鬆軟，油脂豐富，食落都有肉汁出嚟。★̆̈ 皇牌慢炆雜菜安格斯牛肉粒 （$88）個汁有啲似薯容味，牛肉粒完全煮到冇肉味，如果唔睇menu完全估唔到係咩肉，入面有啲紅蘿蔔仔，完全唔吸引。每個lunch set包左✐ 橄欖油香草中東包✐ 澳洲雞鹽薯條✐ 特式沙律✐ 果汁梳打/梳打水/罐裝咖啡（星期1-5先有）中東包食落幾香，但好少橄欖油，有啲乾；薯條唔脆，沙律睇落唔太新鮮。總括嚟講，都好失望 🫠

呢間餐廳一直都有bookmark到，第一間鋪係向西環個邊，既然開到嚟灣仔咁近返工位置，就要試試啦。初初睇門面以為得地下一層幾張枱，原來仲有一層，不過樓上樓底比較矮，所以當日lunch太多人嘅時候，就會有啲太嘈嘅感覺，上到去qr code落單，會有店員送餐上嚟。今次試左個法式油封鴨脾<$98>已經包左薯條沙律同中東包，再加1罐嘢飲，所以性價比都幾高，鴨脾幾好食有少少juicy唔會太乾，薯條佢係用粗薯條，所以口感一流，中東包亦都好驚喜幾好食，美中不足嘅係用紙碟上菜。

因為要去港島區上堂，放學後趁機約住在港島區的朋友，來了這間。事先預約下午茶時間，結果係包場，心諗點解咁少人，原來係試業同主打夜晚吃吃喝喝。後生仔店員好客氣又有禮貌，仲安排我哋上二樓乾淨闊落，又坐得舒服，不過唔記得影相。和友人同時吃了安格斯牛板腱扒：塊牛扒都幾入味，而且嫩，汁還好，個包一般，薯條唔夠脆。（友人：手機落單的選項幾好，幾成肉熟都可以選well-medium，而且又可以轉晒沙津同薯條。)（我：係咩？唔係間間都得？是但啦，快啲叫。)加點烤豬頰肉：係好食既，煙韌爽口，如果係配埋叫枝酒，應該好正。下次夜晚再出灣仔而又有時間，都會選試下佢個任食同其他小食。

有一晚行過先知開咗呢間The Bottle & Steak，上OpenRice先知原來係西環總店開既分店，試業中。晏晝試，以為得下層，點知上層都幾大，QR code落單，叫咗美國🇺🇸牛板腱6安士$98，有埋沙律🥗，我走醬同薯條🍟，可以再脆d，有埋牛扒gravy汁，牛扒🥩炭燒有網紋，性價比高，不過紙碟就格調低咗，餐湯加$15，今日係粟米🌽磨菇，比較細碗，但都好飲，上層冇侍應，要走落樓搵人

我和同事於2024年8月13日午飯時間用餐。餐廳仍在試業期間。我們坐在上層，由落單到上菜超過半小時，中間有落樓下催單，才得悉整張單甩咗。從觀察其他食客知道，他們亦都等了非常長時間仍未得到食品。正如其他食評一樣，這間餐廳的上菜速度非常慢。如果是附近的上班族，相信要做好心理準備。另外我坐在樓上的二人座位，點了牛扒。但餐枱好搖，用餐時很不舒服。除了送餐期間，樓上是沒有侍應候命。如果送錯餐或餐點有問題，需要客人捧餐落樓下反映。整體來說，極不推薦。希望試業期後會從客人角度改善整個流程。

呢間好似係一間小眾扒房，佢喺灣仔嘅廈門街，估唔到晏晝都可以平平哋咁食到唔錯嘅扒，咁喺呢一度就係首先揀嘢食俾咗錢之後先至上去上面嗰層坐低，咁佢就有幾個卡位同埋幾張枱，座位就唔算多，但係趁而家冇乜人快啲寫篇食評俾佢啦🤪咁整嘢食大概要15至20分鐘，咁話晒都煎塊扒俾你，呢個時間我哋都仲可以等到嘅！咁我哋今次就食咗佢個美國安格斯牛板腱扒背薯條同中東包，我朋友就試咗佢個王牌慢炆雜菜安格斯牛肉粒咁講返件牛扒先，佢係大概六安士，原本我都驚作為一個男仔會唔係好夠，但係佢配咗半個中東包同埋一堆粗薯條，個薯條仲要落咗雞鹽，喺出面好少食到呢一種薯條嘅配料，連我平時食薯條一定要點茄汁食呢一個薯條嘅時候都完全唔需要，件扒大概煎到五成熟，食落去唔會好硬，亦都好多肉汁，個人認為好抵食而我朋友嘅安格斯牛肉粒，亦都煮到好腍，唔會有種好老嘅感覺！呢間係一間值得再嚟嘅餐廳，遲啲多啲人認識嘅時候應該就要等好耐位！

現在灣仔返工，公司十分刻薄，食飯時間只有一小時，遲到早走要記名。寫字樓等𨋢搭𨋢層層停咁又無左10分鐘，所以食lunch既地方不能遠。只能去同公司一條馬路之隔既廈門街食，最近見到呢間The Bottle & Steak新開，上openrice search過佢西環既分店好似唔錯，於是膽粗粗試下啦。一落𨋢就衝過黎門口望望餐牌，見同分店一樣，於是就入去啦。我係第一個客，呢度先點餐揀野飲俾錢之後會安排入座。野飲可以加錢轉湯或者自己去雪櫃揀梳打水。野食我叫左個慢煮雞，本身叫薯條但佢可能聽錯最後變左薯蓉。點完餐就上左二樓等食。第一個客先見到既整齊吉位，我食完既時候係full house。由於每日lunch都好趕，的確做好最壞打算幾點未食得就唔食都要走，不過當然無咁既事啦。感覺上少少耐，不過就係等左15分鐘囉！由於我係第一個客，整先黎先要15分鐘，都係可以接受既。不過人多又唔係第一個客就可能未必食呢間，係有擔心食唔切。講返食物落單既時候拎左檸檬梳打等左15分鐘到了！慢煮雞！隻碟有啲頹，即棄既，可能新開無人洗碗。而味道就好好👍🏻香草包算係我最中意既包之一，好難得食到呢個味既包，好開心🥳雞肉就係期望中既