Video
Introduction
本餐廳以提供美式漢堡為主,配以薯條及汽水,材料新鮮亦有多種選擇,有雞,有菌類,亦有牛肉等.絕對係麥當勞外的另一個選擇,但價錢略為昂貴.
continue reading
Opening Hours
Mon - Sat
11:30 - 21:00
Sun
12:00 - 19:00
Above information is for reference only. Please check details with the restaurant.
Signature Dishes
nov 20, 07晚上2人來, 叫咗 :1) 牛魔皇-友人叫咗呢個(右手面)-有塊免治牛肉啦,仲有菠菜(另可揀生菜),煙肉條,洋蔥,建議配garlic mayo醬-叫友人講吓個感覺,佢話牛肉未夠juicy(不過要juicy是有d難,除非塊牛要夠脂肪先得),個煙肉好脆,但就少咗醃青瓜。佢個包有塊大片菠菜,好綠,配咗茄汁,lemon mustard.......-伴以薯條,好好味,比m記好因外炸到脆身,內裡好軟,好似起沙嘅薯蓉咁,good-包1杯飲品: 叫咗汽水 2) the 'shroom-我周旋於磨菇定夏威夷好呢?????最後都選咗磨菇,因未見過其他食家寫過,都喺穩陣d好-有磨菇碎,菠菜(另可揀生菜),無特別建議用咩醬-塊牛肉都唔"鞋",但唔講得上嫩,亦唔夠厚身(同shake'em xxxx比),不過食緊時,仲見到有少少肉汁滴出嚟,我最後配咗茄汁(1路食1路加)同honey mustard,個包嗰part就幾好,外有小脆,軟熟-包個size剛好,我1個人都可以照顧到1整個-伴以薯條: 意見如上-包1杯飲品: 叫咗汽水- 多種醬料比你揀就喺此店1大特色,我地試咗honey mustard, lemon mustard同balsamic vinegar,整體上佢地都好企理,乾乾淨淨,而且質地好滑,但就1d都唔攻鼻。我還是最鍾意加茄汁........因我是1個番茄怪.......1致認為可以做得好d- 因為現在漢堡包大行其道........越開越多,試過mxx burger,shake'em xxxx,triple x,個人還是喜歡shake'em xxxx多d,因佢個士多啤梨奶昔好好味(不過d包就太大),但這間都值得1試,因佢個醬個心思比嗰幾間強同有誠意- 另1個特色我都估唔到就喺張leaflet/menu竟然註明邊款包配咩醬........讚,例如魚包就建議跟balsamic vinegar,當然最後你想點加都喺你話事啦~~~~~~- 唔食牛嘅話,都照顧到,有魚啦,雞啦同大菇包揀,都幾全面- 環境簡潔,地方唔大,1張大長枱+bar凳,因來到都已經>7.30pm,又喺閒日,所以無嘜人
continue reading
跟中環客戶見面後，不由自主地從IFC 逛到這兒，本來想到家家樂吃炸雞腿，但因為那兒滿屋，才行過些少，到這兒吃漢堡。點了客Classic Burger（$54），一個紙製器皿，盛載粗身薯條、漢堡包。飲品選了Coke Light，是罐裝的。餐桌擺放著七式醬料，什麼意大利醋美乃滋、蒜泥美乃滋、蜜糖芥末、日式青芥末美乃滋、…等，看似陣容龐大，實際上每款味道都唔算濃郁，似有似冇。這兒的漢堡扒僅六成熟，老實講：係幾血肉模糊，基於香港衛生情況，啖啖驚心，要冒些險！薯條唔脆，仲偏油膩，好聽就叫做「無咁油膩」或者「啖啖薯肉」…，實際上根本就係「undercooked」！服務其實幾好，奈何我不太欣賞那種「未煮熟」的食物質素。還是White Spot 那脆口帶皮薯條和那經典的Triple O's Burger 比較適合我。題外話：我的少年時代係食White Spot、Wendy's、Burger King，初回這個城市，三間都冇，現在只剩下Wendy's 未在港插旗。以此情況，相信指日可待。
continue reading
我今日又係想同老婆去食，之前打電話去，駁左去fax，去到門口，見佢有個牌寫住Sun 12:00 - 6:00，但又有另一個牌寫住CLOSED，無可奈何，只好行去附近食桂林米線。
continue reading
兩次都係叫classic BJ, 兩次塊肉都係未完全熟透.味就真係幾好味, 不過安全第一, 幾好味部係假. 第二次由於係帶走, 結果在屋企番叮塊肉, 味道大打折扣.碎牛肉如果唔撤底煮熟其實係可以好危險的. 因為牛肉而言, 有危險性的病毒係散佈表面的.如不攪碎, 表面的細菌殺死左便沒問題. 但攪碎後, 原本在表面的細菌便散佈肉內.美國的Jack in the Box 若干年前便試過未煮熟的漢堡飽食死人, 此問題不可輕視.
continue reading
早已聽過這裡的大名，不過下午到來，總是其門如市。是日午市經過，發現有位，就立即鑽了進來試一試。這裡舖面不大，座位也少，坐在旁邊的高椅，也是「吃完就走」的格局。也不用左想右想，就要了個蘑菇漢堡「'Shroom」及羊肉漢堡「Mutton Burger」。先吃蘑菇漢堡，包是熱辣辣的，漢堡牛肉燒烤香味十足，非常對辦。吃一口，牛肉帶點生，口感鮮嫩，美味。燒蘑菇卻是凍的，如果可以新鮮熱辣一點更好。單吃有點不夠味道，檯面有三款醬汁可下，以檸檬蛋黃醬及辣醬最適合，與牛肉很對味。總括而言，這個蘑菇漢堡，吃得過。羊肉漢堡是九月精選，羊肉是羊肉片而非免治羊肉，吃起上來，味道始終不及牛肉漢堡般濃，完全沒有羶味，似在吃豬柳多過吃羊肉。配上粒粒鮮芒果做的醬汁，酸酸甜甜的幾開胃，而味道也不錯的，不過比起牛肉漢堡，還是喜歡後者。每份漢堡都附上飲品及薯條，這裡的薯條，熱辣脆口，又有薯仔味，雖然較「港式」，但比起Daddyos那說是the Best Fries in Town的是更勝一籌。埋單百三蚊有找，吃用料認真的漢堡，這個價錢是便宜的了，如果可以再在醬汁上下多一點功夫，會更好。也值得一試的。
continue reading