Video
Telephone
24123183
Opening Hours
Today
12:00 - 23:00
Mon - Tue
12:00 - 23:00
Wed
Closed
Thu - Sun
12:00 - 23:00
Above information is for reference only. Please check details with the restaurant.
Recommended Dishes
位置：在西貢有啲隔涉（不過如搭van 仔或巴士，在總站前一個站落車行3分鐘也ok，即普通道個站落車（滿記甜品巴士站），由滿記甜品行過去就大約1分鐘😊朋友已幫襯過多次，今日帶我去試，地方寧靜，裝修雅緻，私隱度高，食材新鮮，食物即叫即整，服務也非常體貼，招呼親切，在這裏用餐十分舒適，所以喺度極力推介❤️午餐有優惠套餐，唔係特別平，但用心製作，好好食😍✨主菜～龍蝦汁意大利麵配香煎帶子有三隻帶子，帶子鮮嫩多汁，意大利麵軟硬度適中，搭配上濃郁的龍蝦汁，味道豐富，食得很滿足。帶子的鮮甜能與龍蝦汁的濃郁相互融合，帶來口感的層次感😬～英式漁夫焗海鮮批英式漁夫焗海鮮批，製作需時，係等幾耐㗎，不過我哋分享完第一道菜就整好，時間啱啱好！佢嘅皮酥脆金黃，內裏有滿滿的海鮮，每一口都能品嚐到豐富的海鮮風味，也感受到濃郁的薯香；另外值得稱讚的是海鮮的選材新鮮，有蝦肉、魚肉、魷魚、蟹柳及蘑菇等，融入批內後更顯鮮美👍
continue reading
Follow IG thecabinsaikung, 去到西貢the Cabin, 門口巳充滿浪漫氣氛😍店內已高朋滿座，位位型男美女🌹🌹正呀！店內由老闆大厨主理，食材新鮮，洋蔥湯好味，芝士蒜茸多士必追加，忌廉白汁青口正👍👍👍焗薯牛肉批香氣濃郁，蟹黃帶子意粉好creamy 😋 😍 💕 招呼親切，原来經常有客人包埸，私人party,地方寧靜，私隱度高, 自成一角🥳🥳.門口有outdoor, 可帶狗狗齊齊開心，今晚我們過了一晚開心，浪漫及特别的晚上🎉🎉😍😍
continue reading
講真唔係有優惠都未必嚟試，因為位置有啲隔涉，西貢市之入口成日經過，每次直入市中心😑由市中心行入餐廳一刻，感覺寧靜、舒適、優雅😍干邑烤焗西班牙豬腩肉$235⋯⋯皮燒得香脆，肉唔多醮上蘋果蓉食，感覺無咁肥膩🥴肥膏都唔小，怕食肥膩食物之人就要唸唸😅法式紐西蘭羊架$265⋯⋯羊架有d over如果正價食，真心唔抵食😔茄汁燴海鮮意大利飯$105⋯⋯茄汁太酸英式漁夫焗海鮮批$115⋯⋯expect個底係批不過係好食😋但係要等…等…得耐，因為要焗真係需要好長時間😂炸魚薯條$135⋯⋯有啲貴😅前面個兜係醋，醮上炸魚好夾👍🏻甜品：紅酒🍷焗啤梨點set lunch 可+$28（優惠價）吃甜品真心唔錯😍餐廳怖置簡潔餐廳細細，適🈴️情侶用餐慢慢食慢慢傾唔確定是疫情關係，減少開支🙄餐廳只有1位侍應（估計是老闆）另外㕑房只有1位㕑師，故此出餐之速度極慢第一次食飯超過2小時，餐廳唔趕我走🤫午餐有優惠情況之下，唔覺得平🤭整體來講都算好，用心製作，小店之食物是即叫即整，接受到較長用餐時間先好嚟😛希望下次有機會再嚟食💪🏻💪🏻💪🏻
continue reading
朋友喜愛英國, 特登約佢去西貢食英國菜,環境裝潢好温馨, 點菜叫了個法式紐西蘭羊架, 另外見到有三款特色菜,我選了牛肉批Cottage Pie, 一心諗住薯仔會一片片鋪面焗,點知上枱先知原來誤會咗, 果款叫Lancashire Lamb Hotpot, 冇辦法,下次再來試過, 而牛肉批有啲似肉醬焗薯蓉, 面層薯蓉，下面係牛肉碎加了甘筍、蒜頭和迷迭香，味道非常濃郁, 其實可以叫個白飯同意粉餸,但因太多菜色想食, 所以留肚叫多個小食~焗豬腩肉Roast Pork Belly, 再加了$88 upgrade 做set dinner, 多個湯, dessert 同飲品, 湯係洋蔥湯, 超愛, 上面有一塊芝士多士，芝士軟淋淋, 多士雖然浸住湯，但依然脆口, 索晒洋蔥湯味, 個湯還有洋蔥絲, 又香甜, 又濃郁, 超好味。羊架有四件, 不過唔係好熱, 而且叫了五成, 但太熟了, 而小食~焗豬腩肉, 比預期中大碟, 有四大塊, 外皮有脆身,也有韌的, 中間有沙律菜,到上甜品, 有Tiramisu, 口感不錯, 可惜欠了咖啡酒味,另一款係cheesecake, 都好味。老闆服務好好, 有禮貌。另外見到佢地午餐做到5:00，下次都想食。
continue reading
同老婆去完外島 返黎西貢seaech 網上飲食平台見到呢間餐廳 諗住book黎試吓，點知過咗時book唔到6點半果round 打去搏一搏，店員說ok照俾折同枱我哋，於是照去，結果造就我倆口子試到呢間餐廳，否則唔會特登行入黎，因不是位於一些必經之路。來到餐廳，老闆細心招呼我地，由於我地剛行完山，好口喝，老闆好好地不停為我地添水。食物方面，一流。叫左一個焗豬腩肉，一個牛肉批，加左8x蚊可跟餐，會有洋蔥湯/沙律，加飲品同甜品。食完後覺得超級值得加錢，淨係個甜品都抵返，而且沙律同湯都相當高質。沙律的菜好新鮮，sauce好fresh,微微酸甜洋蔥湯一流，上面加了一塊芝士多士，吸了湯，好好味。腩肉皮脆肉嫰，蘋果醬酸甜掌握得很好。值得一提嘅係皮𠝹了幾刀分成六份，正好方切開share食，非常貼心。成世人第一次英式牛肉批，唔知咩黎，叫黎試吓，原來係面頭薯蓉，下面係牛肉碎加甘筍、蒜頭、迷迭香等，味道混和起來很和諧，好夾，無後悔試新野。甜品揀了紅酒煮梨同Tiramisu紅酒煮梨入口酸甜消膩Tiramisu雖然唔係傳統Finger bread，但蛋糕底浸Baileys，味道非常濃厚，好好味！兩個人連加一，計埋網上飲食平台主菜7折，total兩個人食左將近$600，人均唔駛$300，我地仲要嗌左杯白酒（又係好好飲，重果酸，不過無影相）食到嘅係Fine dining級嘅味道。呢餐份量真係好足，味道一流，而且很有人情味非常抵！利申：非收錢寫食評，非打手因為真心覺得呢餐個experience好正，而今晚餐廳大部分時間竟然得我老公婆，無其他客人，包場！到尾聲時（8點幾）先見有第二枱客（應該都係熟客）覺得呢間餐廳值得多d人識同幫襯。總結：我唔係住西貢，下次去西貢郊遊完，一定會再黎呢間餐廳！
continue reading
You may be interested in