Video
1-min walk from Exit C, Kai Tak Station
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Airside開左好多新既食店，呢間喺Airside唯一有雞蛋仔賣，仲要有啲菜式可以外賣拎去草地chill下，呢到店員好盡責，有陣時會拎到出店鋪到交俾食客。價錢非常相宜，所以今次叫左呢啲：雙皮奶雞蛋仔🐣Double Layer Milk Custard Egg Waffle原來雙皮奶都可以整到雞蛋仔，食落去好似食緊雙皮奶咁，但唔會好甜～招牌單骨雞翼配明太子白汁意粉🐓🍝Deep Fried Single bone Chicken Wings今次揀左蜜糖單骨雞冀，煎得非常白口，而且個明太子醬汁好creamy, 愈食愈開胃～英倫炸魚（4Oz）配薯條🐟🍟Fish and Chips* (4oz)4oz既炸魚份量都超級大份，長過隻叉～呢個份量足夠食得飽～配左自家製粒粒他他醬酸酸地幾易入口～另外配埋脆身薯條～英倫咖哩大魚旦English Curry Big Fish Ball超級大粒，同埋好彈牙，整粒魚旦都沾滿咖哩汁士多啤梨原個檸檬果汁🍓Strawberry Lemonade金橘熱情果原個檸檬果汁🍋Passion Fruit Lemonade食啲煎炸野，似返杯檸檬果汁係好解膩，士多啤梨個杯個底仲有粒粒果肉呀～
continue reading
帶住狗狗我就最鐘去啟德 Airside，既有好多地方打卡走走之餘，仲可以同狗狗去食好西。我地係商場同玉桂狗打卡次後，就去THE CAPTAIN'S食返個下午茶抖返一下啦！第一次嚟「THE CAPTAIN'S」食，當然就食佢地嘅招牌主打，英倫炸魚薯條，有8oz同4oz選擇，我地想食多少少款，所以就嚟一份4oz。不過唔好睇少依4oz，原來都好有份量，估唔到炸魚係會咁大條，即叫即炸所以啲炸魚外層炸得好香脆，入面嘅魚肉厚身得嚟好嫩滑，而且又唔會好油膩，配埋自家製嘅粒粒他他醬，提升哂成個味覺。粗身嘅薯條都係另一亮點，有口感得嚟又脆口，而且份量仲唔少添。另一個驚喜就一定係雙皮奶雞蛋仔，雞蛋仔外面脆卜卜又充滿蛋香味，入面包裹住濃郁軟滑奶香嘅雙皮奶餡料，食落足料爆漿，食落超有層次感，最重要係每一粒雞蛋仔入面都有雙皮奶餡，絕對係超足料。我地仲再叫多左一份燒賣，有多款口味選擇，仲可以揀蒸或炸，仲可以自己配醬汁 ，最係我地就揀咗蒸嘅香菇豬肉燒賣。燒賣唔會好粉而且個口感都好彈牙，而內餡就充滿豬肉汁同香菇鮮味，味道唔錯哦。當然就唔少得飲品，既有英倫炸魚薯條所送嘅香濃烏龍味嘅冷泡冰茶。另外仲有奇異果原個檸檬果汁，入口非常清新，而且味道酸酸甜甜，啱晒炎熱天解解渴呀！
continue reading
行街經過依間小食店，鮮橙色裝潢令人眼前一亮，重點佢係 ᴘᴇᴛғʀɪᴇɴᴅʟʏ .ᐟ.ᐟ 可以帶埋毛孩們一齊黎 ᴄʜɪʟʟ ੯• ໒ ꒱ 店員同老闆都好親切熱心，一路食一路吹水，由演唱會講到寵物體檢，真係食得開心 ~呢度嘅特色係全部炸物都可以自選醬汁，包括自家製粒粒他他醬、辣沙律醬、咸蛋沙律醬、黑松露沙律醬、明太子沙律醬、蜜糖芥末醬同車打芝士醬。本人係選擇困難症患者，企喺 ᴍᴇɴᴜ 前諗咗成 10 分鐘，好彩有店員推薦，最後每款菜式都配唔同醬汁，完美體驗各種風味 ~○ 巨 大 英 倫 炸 魚 & 薯 條 // 4oz $88份量十足，外層麵衣酥脆得嚟唔油膩，魚肉雪白鮮嫩多汁，配埋自家製粒粒他他醬，酸甜開胃，解膩一流 .ᐟ.ᐟ薯條炸得金黃香脆，外脆內軟 ⸜(｡˃ ᵕ ˂ )⸝♡○ 招 牌 單 骨 雞 翼 配 明 太 子 白 汁 意 粉 // $98雞翼可以揀蒜香風沙 / 香脆蜜糖，最後揀左後者 ~外皮炸得金黃酥脆，蜜糖醃製充滿甜香，肉質嫩滑多汁。香濃 ᴄʀᴇᴀᴍʏ 嘅白汁包住彈牙意粉，微微鹹香，食到停唔到口 .ᐟ.ᐟ另外意粉都有四款口味畀你揀添 ~○ 雙 皮 奶 雞 蛋 仔 // $38之前係 ᴛʜʀᴇᴀᴅs 見到話雞蛋仔好食，終於試到꒰｡• ◡ •｡꒱雞蛋仔可以揀原味 / 朱古力味，即叫即做熱辣辣出晒煙，外脆內軟，內餡嘅雙皮奶滑溜香濃，充滿奶香，甜而不膩，口感層次豐富 .ᐟ.ᐟ老闆話好多熟客都中意外賣返屋企食，120 度焗 6 分鐘，就會同剛做好一樣咁脆 ( ˶ˊ ᵕ ˋ )੭臨走時老闆仲好熱心幫我焗返食剩一半既雞蛋仔，用新設計既立體外賣盒幫我裝好，等我可以攞走一路行街繼續食，真係超級貼心呢 ~○ 炸 蟲 草 花 雞 肉 燒 賣 // 10粒 $30外皮炸得金黃，口感鬆軟兼帶少少嚼勁。怕熱氣可以揀蒸嘅，蟲草花味應該會更突出，嗜辣人士仲可以配埋靈魂辣汁，香辣過癮 .ᐟ.ᐟ○ 英 國 海 龍 島 炸 小 龍 蝦 // $48外殼酥脆，蝦肉彈牙鮮甜，配埋濃郁嘅車打芝士醬，香濃得嚟帶微微鹹香，送啤酒真係一流 ꒰ ˘ ³ ˘ ꒱○ 日 本 原 宿 長 薯 條 // $48條條都長過手掌好香脆，加埋明太子沙律醬勁惹味 .ᐟ.ᐟ留意因為本人太飽，要求咗細份試試味 ~ 正常 size 多好多條 ٩꒰๑´ ∇ `๑꒱۶○ 小 山 園 抹 茶 雙 皮 奶 // $48抹茶香氣馥郁，入口幼滑，充滿奶香 ꒰,,꒪ ᐞ ꒪,,꒱底部仲有粒粒香滑奶凍，完美平衡抹茶嘅微澀。○ 玫 瑰 西 柚 原 個 檸 檬 果 汁 // $28清新西柚同玫瑰超夾，酸甜適中，消暑解渴，仲有淡淡花香，完美中和油膩感 .ᐟ.ᐟꕀ
continue reading
朋友話未去過AIRSIDE，於是有過一次經驗的筆者大膽自薦做導遊，週末一起出來遊玩。搵餐廳醫肚期間，見到地下的這間「THE CAPTAIN'S FISH & CHIP BAR 」大排長龍，一於趁墟加入試試！香脆的單骨雞翼，空口吃已非常香口惹味，選擇了香脆蜜糖口味，鹹中帶點甜。海膽汁意粉呈橙紅色，質感偏乾身，不過口感又幾彈牙，海膽香味都頗為濃郁。4oz炸魚的份量已經非常大塊！魚柳外皮炸至脆卜卜，裡面的魚肉十分滑嫩，也可以蘸點店舖自家製的粒粒他他醬。配上粗薯條，同樣炸至外脆內軟，滿滿的薯香味。根據排隊點餐期間的觀察，小食顯然是最受歡迎！燒賣有6個款式供應，更可選擇炸/蒸做法。揀選了炸的蟲草花雞肉燒賣，外層香脆，雞肉餡幾香，但就未太感受到蟲草花口感。醬汁也是自由配搭，配上明太子沙律醬，增添了微辣感，更加惹味。這個絕對是店舖number 1的人氣小食！基乎人人都有order，誇張到要等候接近35分鐘。雞蛋仔新鮮做起，外脆內軟，入口有蛋香味。而每一粒都有雙皮奶內餡，雙皮奶滑溜，奶香味道濃郁。整體味道不會過份的甜膩，食完一底都不會太膩。
continue reading
平常我多會支持小店，所以今日並非首次光顧此店。下單後，店員表示雙皮奶雞蛋仔要等6-8定7-9分鐘，總之是10分鐘內。等了起碼15分鐘後向剛才的店員查詢，她認同等候時間過長並幫我跟進，不過就一點歉意也沒有。最後我在19分鐘後才接到雞蛋仔。雞蛋仔唔夠脆，好食談不上。
continue reading