The Corner Coffee

Open Now

Now Closed

The Corner Coffee，位於灣仔天橋旁，望住人來人往既繁華鬧市，跟店內悠閒既環境，真係有種偷得浮生半日閒既感覺。餐牌提供多款西日主菜、漢堡、薄餅、沙律、手沖咖啡、果汁，仲有期間限定Bagel和自家手製蛋糕。澳洲和牛芝士漢堡配黑松露薯條：漢堡份量啱啱好，澳洲和牛口感紮實又多肉汁，包身又香又鬆軟，配埋濃香既芝士、爽脆既生菜和番茄，真係咬一啖已經好滿足。照燒雞扒蛋漢堡配沙律：雞扒煎得剛剛好，外脆內嫩，入口Juicy，鮮嫩唔油膩，配上芝士和蛋，整體口感豐富。港式經典格仔餅配Milk Top雪糕：格仔餅非常香脆，蛋香十足，配上一球雪糕，仲有好多花生和乾果碎，跟格仔餅味道好夾。手沖咖啡(蜜瓜冰淇淋味)：這款手沖咖啡用哥倫比亞咖啡豆，帶漿果既香氣，剛沖起仲熱既時候，苦味會較濃，香醇既餘韻停留在口腔中，令我回味無窮。柚子梳打：酸酸甜甜，入面有片無花果，索晒D柚子梳打，都幾好味。總結，可以在這裡享受美食和優質咖啡，實在悠閒又寫意。

上次路過灣仔天橋發現這間 ᴄᴏʀɴᴇʀ ᴄᴏғғᴇᴇ從外面看進去蠻有氛圍的 這次就去探店了 ᴄᴏʀɴᴇʀ ᴄᴏғғᴇᴇ 除了是間樓上咖啡店 原來也是間售賣不同特色小物的選物店 同時是超級工作友善的空間 幾乎每個位置都有插電位再來還是寵物友善的咖啡店可算是超多元複合式空間地方很大 有一整排窗邊高桌適合獨自 ᴡᴏʀᴋ ғʀᴏᴍ ᴄᴀғᴇ也有幾組沙發位跟 sʜᴀʀᴇ ᴛᴀʙʟᴇ桌與桌間有空間感 整體不覺得嘈雜主食主打咖哩飯 蕎麥麵 還有漢堡 全日早餐另外還有生酮餐牌跟甜品 算很豐富的餐牌了𓋪 ᴀʟʟ ᴅᴀʏ ʙʀᴇᴀᴋғᴀsᴛ𓋪 日式咖哩飯配吉列蝦最近又有點重新愛上全日早餐配搭都是常見的腸 牛油果 炒蛋 不過份量很大沙律是難得的胡麻醬！薯角如果有茄汁就完美了咖哩飯則是定食的擺盤 吉列蝦很 ɪɢ-ᴀʙʟᴇ 四條炸得香脆的大蝦配微辛咖哩飯很惹味還有小小的精緻玉子卷 不錯𓋪 雙魚小姐開心果巴斯克芝士蛋糕另外加點了雙魚小姐的蛋糕 橫切面看起來超美的 開心果堅果香氣飄溢不過略嫌結實的口感不夠 ᴄʀᴇᴀᴍʏ 綿密𓋪 ᴍᴏᴄʜᴀ𓋪 ᴄᴀʀᴀᴍᴇʟ ʟᴀᴛᴛᴇ咖啡也有驚喜的高質拉花入口甘香 到底部巧克力味道

灣仔行人天橋成日都會經過，但從來都冇發現原來有間咁舒適嘅Cafe隱藏咗喺大廈之中，坐喺度望住人來人往嘅行人天橋，非常愜意～可能樓上鋪嘅關係，呢間店舖空間感十足，除咗有香梘、精油、手作、寵物用品擺賣，連書架都有！而且每台座位有一定間距，真係可以慢慢坐慢慢傾或者睇住書做個文青！食物質素方面都冇令人失望，澳洲和牛芝士漢堡薯條漢堡又厚又Juicy，有肉味十足又有咬口，非常唔錯！加上黑松露點薯條，真係食到停唔到口～另外 All Day Breakfast超豐富，個toast外脆內帶煙靭口感，仲有煙三文魚同半份牛油果，同芝麻醬新鮮沙律，成個色彩配搭見到都已經十分開胃！最開心係呢度有得食開心果巴斯克芝士蛋糕，蛋糕質地軟滑，開心果味道突出，加上面頭開心果碎，係一款令人食完滿足嘅甜品！Cafe飲品質素最重要，Earl Grey Tea Latte好香，入口順滑，而Hazel Nut Latte比例亦拿捏得唔錯，唔會過甜，而且咖啡味道香醇，同朋友坐喺個咁寫意嘅環境飲吓嘢傾吓計真係有叉電嘅感覺！

設計以木系為主舒適度好高🤎除左食野仲有零售區可逛逛買買🤝有好多唔同類型的物品寄賣採用自助形式自行去櫃檯落單及取餐照燒雞扒蛋漢堡配黑松露薯條🍔🍟麵包烘過好香脆，照燒雞扒🐔食落肉質鮮嫩唔鞋口，再配上煎蛋🍳，蕃茄🍅及生菜🥬層次豐富，最驚艷是煎蛋切開見到溏心效果🤩，粗身薯條🍟新鮮即炸香脆可口，份量都唔少，仲有配上我鍾意的黑松露醬😋全日早餐🍱全日早餐有常見的煙三文魚，牛油果🥑，炒蛋🥚，煙肉腸，多士🍞，沙律菜🥗及薯角等配料豐富，多士食落比較硬，不過上面有芝士粒有驚喜幾特別，整體味道不過不失，但呢個價錢比平時食的全日早餐偏貴🤏雖然座位唔多但面積大空間感十足💯，呢度用餐可以慢慢享受，同朋友食飯傾下偈或者帶埋寵物一齊食野，是一個唔錯的好地方👍

今日收工，同朋友兩個想搵間Cafe坐下，慢慢傾偈，唔想食餐飯都趕頭趕命！ 之前聽朋友推介過呢一間樓上Cafe，可以慢慢坐，食物又OK，所以決定嚟食！秘製蒲燒鰻魚飯配流心蛋 $148 外貌吸引，味道唔錯，鰻魚份量都唔洗份，仲送咗玉子做前菜👍 另外配咗呢杯養生熱飲，加$10 ，叫做清肝護眼養生茶，啱晒而家冬天飲😋 澳洲和牛芝士漢堡配黑松露薯條 $158 相對之下，呢個漢堡更加有驚喜，和牛好Juicy，配合微微烤熱嘅芝士同埋香脆嘅麵包，好食，而且薯條份量好多～ Hand Drip Coffee - Columbia 木瓜乳酪 $85係難得一件幾高質嘅hand drip，感覺就好似藝術品，有侍應會為你講解唔同嘅體驗同埋引發，有少許咖啡粉可以聞吓佢嘅香味，另外唔同嘅容器原來都會影響佢嘅味道，左邊有一杯比較酸，右邊有一杯比較甜，而且仲有一杯冰，可以凍飲！ 港式經典格仔餅配Milk Top 雪糕 $118 個格仔餅味道好豐富，面上有有機嘅腰果糖、果乾花生醬、大量椰子碎等等，個雪糕嘅椰子味都好香，配合香脆嘅格仔餅食味道好夾！

呢間cafe除咗係文青打卡熱點之外，仲有好多本地原創精品同書籍。最正係仲可以帶埋毛孩入嚟第一眼望落去，餐牌有好多選擇我地叫咗個澳洲和牛芝士漢堡，一啖咬落去，個和牛漢堡扒香到暈！肉質軟淋淋又多汁，個人覺得七分熟啱啱好，芝士溶溶地包住個漢堡扒，配埋新鮮爽脆嘅生菜同蕃茄，層次感十足。跟埋嚟嘅薯條都係外脆內軟，灑咗少少海鹽，簡單又惹味。All Day Breakfast絕對係另一大驚喜！個煙三文魚片極厚身，肉質smooth得嚟唔會死鹹，配埋牛油果同炒蛋，口感豐富。香腸炒得香噴噴，薯角外皮香脆！最特別係佢用嘅酸種多士，個麵包味香濃，配搭晒啲配料啱啱好。飲品方面，Iced Hazelnut Latte 一啲都唔會太甜，榛子香氣撲鼻，咖啡底香濃郁，配合適量奶香。養生茶就係同喜居生活合作嘅清肝護眼茶，用料天然，飲落清甜解膩，最啱配埋啲大魚大肉。甜品揀咗本地人氣蛋糕店雙魚小姐嘅提拉米蘇巴斯克，個蛋糕質地綿密又唔會太實，咖啡味香濃但唔會搶咗個芝士嘅風頭，cream cheese味道香濃幼滑，平衡度好好。最後講返間鋪頭嘅環境，成間咖啡店好有文藝氣息，牆上掛滿本地藝術家嘅作品，仲擺咗好多本書俾客人睇。個佈置好

身邊好多喺灣仔返工嘅朋友都會知道呢間樓上Cafe行經灣仔天橋就會見到喔❤️-🔸澳洲和牛芝士漢堡配黑松露薯條（$138）漢堡包厚身大個咬落去和牛漢堡非常Juicy薯條新鮮熱辣香脆軟綿沾上黑松露醬好惹味🤤🔸全日早餐 （$168）包括有炒蛋、牛油果、煙三文魚、煙肉腸、多士、雜菜沙律七彩繽紛豐富又好味😋🔸提拉米蘇巴斯克芝士蛋糕（$62）呢款甜品係人氣蛋糕店雙魚小姐嘅出品糕身鬆軟，唔會太甜👍🏻🔸清肝護眼養生茶（$48）花茶配料有崑崙雪菊同野生杞子啱晒我呢d平日成日對電腦容易眼睛乾澀嘅人喔！跟餐可以減$10好高cp值呀！🔸Mocha($44)呢度嘅咖啡可以揀nutty或者fruity口味非常貼心👍🏻Nutty口味嘅咖啡非常香濃配合朱古力味係我最鍾意嘅Moha味道呀❤️‍🔥面頭精緻嘅拉花超打卡

蒲燒鰻魚蛋漢堡配黑松露薯條或沙律口感獨特，鰻魚鮮嫩，搭配香滑蛋黃醬，令人一試成主顧。黑松露薯條更添奢華，香氣四溢，絕對是完美配角。香蔥香菇壽喜燒汁牛肉蓋飯湯汁香濃，牛肉嫩滑，搭配香蔥和菇類，讓每一口都充滿層次感，簡直是安慰食物的代表。港式經典格仔餅配milk top雪糕外脆內軟，甜而不膩，搭配雪糕的香滑，令人回味無窮。最後，Hand Drip肉桂咖啡香氣撲鼻，恰到好處的肉桂味提升了整體風味，為這頓美食畫下完美句點。

今晚過海搵食,食咗灣仔依間CAFÉ,地點方便,係正灣仔站A1出口旁,電梯到一樓,一開門就到店,入內除了CAFÉ,仲會有貨品出售,約朋友時間未到可以逛逛,有精品公仔匙扣,日用品,酒類,朋友一到入坐座係梳化位置,夠晒舒適,要自助到櫃面點餐,取餐具,食完自己還餐盤,先點了照燒雞扒蛋漢堡配黑松露薯條,熱騰騰既雞扒上枱,夠厚身,夠肉汁,美味!還有喜歡個黑松露醬汁,不太濃味配薯條好夾,再點了香蔥香菇壽喜燒汁牛肉蓋飯,勁香既牛肉配飯有小量冬菇,美味,點了凍朱古力同埋青檸梳打,店內氣氛好好,同朋友傾下講下係好好既地方,見旁邊近窗有好多一人坐位,方便攞電腦嚟工作,一邊工作一邊食餐既好地方,最後點了港式經典格仔餅配MILK TOP雪糕,入口格仔餅好脆口,面頭有花生醬煉奶不太甜,配一口雪糕夠晒美味,整體滿意下次再來!

以前淨係知道corner coffee係一間買咖啡嘅餐廳，但係完全唔知道原來已經開咗幾間分店，仲有得坐低喺度食添，今日同朋友去試咗。一去到同我想像嘅好唔同，又有一啲公平貿易嘅貨品買，又有一啲天然嘅貨品買，好似一個文化交流嘅地方。澳洲和牛芝士漢堡配黑松露薯條($158): 首先一陣間喺呢度擺盆嘅全部都好精緻，薯條份量還可以，都幾鍾意佢本身已經有少少香草同埋鹽去調味。芝士漢堡本身肉質都可以嘅，但係如果再熱少少就更加好。香蔥香菇壽喜燒汁牛肉蓋飯($138): 牛肉幾好食唔會過老，自己覺得牛肉配菇呢一個配搭都幾新穎，唔會淨係得一種口感。而且壽喜燒汁同飯嘅份量都啱啱好唔會過鹹，仲配有糖心蛋同埋沙律添。比較驚喜嘅係佢呢一度竟然可以食到雙魚小姐嘅Tiramisu巴斯克蛋糕，之前想試咗好耐，但係點都冇機會試到。上面啲cream，好幼滑，配上巴斯克蛋糕嘅芝士味就double creamy! 另外試咗佢哋嘅水晶葡萄味hand drip($95)，成個體驗好高級，會有餐廳同事去你嘅位嗰度講解每一樣嘢可以點樣體驗，譬如油乾嘅咖啡粉可以俾你問吓，而且會有兩種唔同嘅杯佢哋唔同嘅質地同埋厚度都會影響咖啡嘅味道，最後

灣仔出名搵食艱難😩，多人又貴，今次試新cafe，喺灣仔站隔離，襟鐘仔🛎️開大閘，上一樓，比想像中大，有零售區同搵食區，門口等侍應帶位，但入完去又要出返去門口櫃位買嘢食攞號碼機，揀咗澳洲🦘和牛漢堡走汁要薯條🍟$138，加latte☕️ nutty豆$30(原價$40），可收卡，冇加一，自己攞餐具🍴同水。等咗5分鐘有咖啡☕️，號碼機響要出返大門🚪攞嘢食，latte有拉花，但太滿，自己拎入去餐飲區倒瀉咗少少🤏，香醇。等多8分鐘有漢堡，薯條🍟都多，有黑松露醬。漢堡既包🍔香口，漢堡扒都juicy，薯條🍟脆。要自己執嘢返門口。可再encore。

每次喺行去會展嘅路上，經過條橋都會見到隔離大廈同埋麥當勞嘅景色，今次咁啱同朋友嚟咗呢間The corner coffee，嘢食大份夾高質，仲可以喺度坐低同朋友傾偈溫書，環境真係好舒適🤙🏻最有驚喜嘅絕對係佢嘅Hand drip，提供嘅選擇都好多，我哋揀咗款比較fruity嘅試，絕對推介大家試吓✨All Day Breakfast $158想像中更加足料同埋大份😮toast仲加咗cream cheese, setting同平時嘅all day breakfast差唔多，都係有牛油果、煙三文魚、炒蛋、沙律、腸仔、Toast等，值得一讚嘅係佢嘅份量真係非常大👀另外煙三文魚同埋牛油果都好出色！腸仔亦都煎得好香✨澳洲和牛芝士漢堡配黑松露薯條 $158好有層次嘅漢堡，和牛好香濃，非常厚身足料！加埋羅馬生菜同埋蕃茄嘅清新，完全唔會膩配菜係極大量嘅炸薯條配黑松露醬✨Hand Drip - Ethiopia 🇪🇹 白桃烏龍 $85Ana Dora, Enzyme WashTasting note: lemon, honeypeach, plum, oolong tea💯好耐冇見過咁高質嘅Hand drip

Cafe座位不算多，吾會坐到好迫好有空閒感都幾舒服星期六4點多到來沒有訂位就算一個人也沒有位置只好外賣吧點了Rose Latte玫瑰拿鐵很香，咖啡及奶的比例剛好mixing 也做得不錯。豆可以選擇,選了nutty 味既咖啡豆，跟玫瑰既淡香非常之夾，微冷的天氣恰一口熱咖啡，感覺暖在心頭溫馨提示：1. 店內有物品記賣，有興趣可以即場購買2. 餐廳在大廈入面，到達大廈門口要按1/F制，職員會開樓下門口閘門進入大廈

喺灣仔行人天橋時成日都見到呢間餐廳，今次終於有機會同朋友去晚餐啦。餐廳位於一樓環境氣氛非常休閒舒適。係一間集於The corner，細味公平和喜舍生活既餐廳。門口經過生活百貨小店，再到室內座位位置。 蒲燒鰻魚蛋漢堡，配黑松露薯條日式fusion 漢堡效果出奇地好，首先鰻魚肉質新鮮爽脆，熟度亦都剛剛好，唔會過老，蒲燒汁甜咸適中，唔會太濃味蓋過鰻魚鮮味，加埋蛋，真係好享受又滿足。香蔥香菇，壽喜燒汁牛肉蓋飯味道絕對唔係單調嘅牛肉蓋飯，充滿醬油香外，香蔥味仲十分之香，真係錦上添花。牛肉份量十分抵食，珍珠米粒粒充滿飯香。三重椰香格仔餅配椰子雪糕椰子做主題嘅甜品，味道十分清新，完全做到甜而不漏，格仔餅新鮮整起，充滿牛油香味，椰子雪糕，為呢一餐做到一個完美作結。手沖咖啡呢度飲嘅手沖咖啡真係個好專業嘅體驗，可以學下點樣品評。真係好推薦想學咖啡嘅朋友嚟體驗下。橙子冰茶清爽解渴，唔飲咖啡都可以有好選擇。

先介紹下食物：秘製蒲燒鰻魚飯配流心蛋鰻魚原條上，啖啖肉好滿足，燒汁都好惹味，而飯嘅濕潤度、份量啱啱好。會再re，必點！澳洲和牛芝士漢堡配黑松露薯條和牛唔會過熟，肉質鮮嫩，肉汁豐富，調味亦啱啱好。黑松露醬唔會好膩，薯條新鮮熱辣辣脆卜卜。Earl grey latteHouse special ，Earl grey愛好者必點，平時唔飲咖啡嘅都可以點呢杯，口感綿滑。仲有靚靚聖誕樹拉花非常igable 🤤Hand drip - 花月夜呢到嘅hand drip會提供幾個唔同形狀嘅杯，咖啡嘅味道同香氣都會隨容器有所不同，好特別嘅體驗。今次試嘅呢杯花月夜就有股花香味，入口酸甜。五重椰香格仔餅格仔餅外脆內軟，超多椰絲啖啖椰香。而椰子雪糕嘅口感係半cream半雪糕咁，好香滑，亦無咁易溶。環境舒服，地方夠大，唔會太多人趕住走，可以靜靜地享受咖啡同美食，staff都好nice