漁舍酸菜魚 (Closed)

酸菜魚嘅餐廳開到成行成市，但講到我經常會食嘅一間就必定係北角匯—漁舍🥢你可以叫佢哋嘅酸菜魚套餐，或者散嗌自己鍾意嘅嘢食，價錢合理份量足夠，約埋三五知己一齊食就最Perfect🧚🏼‍♀️🔥🔥食得辣嘅一定要食 川味辣子雞 ，炸過嘅雞肉酥脆有口感，乾辣椒足料到遮住哂啲雞肉，好辣嘅人必定會喜歡依個味道💥😋😋啖啖肉嘅 老乾媽鴨胸 有微微嘅煙熏味，老乾媽辣醬香而不辣，呢碟餸用嚟撈飯或面都一定好食😋❤️❤️果然係我最鍾意嘅 招牌酸菜魚 ，魚肉肉質結實，鮮甜味突出，配菜好似蓮藕、豆皮、寬粉等等吸收晒酸菜湯嘅精華，酸酸甜甜辣辣每一啖都係好滋味✨唔好睇小呢碟 涼拌土豆絲 ，清脆嘅士豆絲煮得剛好，雖然用料簡單，但我每次嚟都一定會叫，越簡單嘅食物越見餐廳嘅實力💪🏼

終於有機會同屋企人試吓呢間喺北角匯商場入邊嘅「漁舍」💖餐廳位置就腳外，而且大部份座位都係卡位，環境新淨又寬闊，可以舒舒服服同屋企人坐低食飯👨‍👩‍👧‍👦先叫啲開胃涼拌小食，「川式涼皮」好煙韌，每條涼皮都索滿晒麻辣汁，好出色👍🏻 「涼拌土豆絲」唔算太辣，醬汁調配得幾好，薯絲夠清脆，認真開胃🤟🏼爸爸特別指明要食「川味辣子雞」，雞肉唔會嚡，辣椒同香料切到好細，所以更易入味，當堂叫咗碗飯配嚟食🤤🤤🌟🌟必食嘅「椰香BB鴿」都冇令我哋失望，即叫即炸嘅乳鴿炸到金黃色，一咬落去乳鴿嘅肉汁流晒出嚟，連骨都啜得乾乾淨淨坐得舒服，食物又有水準，爸爸媽媽都好滿足，仲講定下次嚟要食酸菜魚添😁

喺北角匯staycation完，拿拿林食午餐醫肚先😙行咗幾個圈之後，對依間✨漁舍✨嘅嘢食最有興趣，等咗一陣位之後，好快就可以入去啦😉🥇招牌酸菜魚：見到每枱都嗌，所以我哋都唔放過😆魚肉無骨鮮滑，每片魚肉都大大塊，食極都食唔完，十分之抵食🤑🥇椰香BB鴿：店員好貼心俾咗對手套我哋食乳鴿，椰子同乳鴿原來都幾match，多咗一份清香嘅甜味🤤🥇涼拌土豆絲：夏日熱辣辣食涼拌菜就最適合不過☺️土豆絲切得幼細，爽脆酸辣好開胃😋以上幾樣嘢食水準都幾高，重點係價錢非常親民，怪唔得知keep住都人來人往啦😎

食晏時間，同事話想有啲新意，提議不如去公司附近嘅北角匯漁舍食四川麻辣菜，我哋當然舉腳支持啦🤟🏼🤟🏼▶️嗌［川味辣子雞］就一定冇錯，超有鑊氣嘅味道，食得出廚師用咗大量嘅乾辣椒同埋香料快炒而成，花生絕對係畫龍點睛，升華咗成碟辣子雞嘅香氣💨▶️想濕濕個口，所以叫咗碗［水煮牛肉］，麻辣嘅水煮湯刺激味蕾，食到流晒鼻涕都仲想繼續食，欲罷不能🥲▶️同事話［椰香BB鴿］係一定要叫，仲要每人一隻先夠喉，因為呢隻炸乳鴿先用椰青水醃過，所以隱約會食到淡淡的椰味，味道零舍豐富👍🏻雖然已經好飽，但都想食埋［川式涼皮］，清涼解膩嘅涼皮可以中和辣子雞同水煮牛肉嘅濃味，作為一餐之結實在係唔錯，食飽又繼續有能量工作lu~~

上網見到呢間川菜館好受歡迎，食過嘅人都稱讚嘢食味道好，款式又夠多元化，等我都嚟試吓係咪真係咁高質先😎我哋總共叫咗4️⃣樣食物，上菜速度都幾快，心急為食嘅我對此非常滿意😆《火焰級🔥麻辣🌶小龍蝦🦞鍋》賣相超有霸氣，一鍋有好多好多隻小龍蝦，小龍蝦沾滿麻辣湯汁，龍蝦肉鮮甜彈牙，真係食到停唔到手🤩《水煮🌶牛肉🐮》一向都好鍾意食水煮牛肉，呢度嘅牛肉肥瘦適中，而且份量重好多，食肉獸一定滿意😝《川式🌶涼皮🥢》呢度嘅涼皮同出邊食到嘅特別唔同，厚身又夠滑😋《川味🌶辣子雞🐔》辣子雞先炸然後再連埋辣椒一齊爆炒，辣味剛烈突出，非常之正宗😍

想食辣嘅心癮每隔一陣就會起，咁就一於擇日不如撞日，今晚約埋班老友一齊開個麻辣party❤️‍🔥呢間川菜餐廳走年輕活力路線，全店用咗好多木系嘅設計同裝修，門口正中間仲有一個大紅燈籠高高掛，好有feel🏮想食辣點少得水煮牛肉～先要讚一讚👍嘅係水煮牛肉唔會有一層油喺湯面上，啲湯飲落都唔會好油膩，係清爽嘅辣✨試埋川味辣子雞先～雞肉預先走油，食落夠脆身，花椒味夠椒麻而不苦，可以送幾碗飯食🍚食咗咁多辣嘢，整隻椰香BB鴿食吓先～乳鴿非常有驚喜，估唔到喺川菜餐廳都食到咁高質嘅炸乳鴿，不得了！😍😍😍

我哋一班朋友都好沉迷食重口味同川辣食物，所以久不久就會約埋一齊周圍去食好嘢👭🏻👭🏻今次去到北角，試吓呢間專食湘川菜嘅舖頭，睇吓佢哋嘅嘢食可唔可以滿足到我同埋朋友們先🙈｜椰香BB鴿｜好神奇！呢隻乳鴿真係有椰香味，所以鴿肉份外香甜，鴿皮鬆化，食一隻絕對唔夠喉🙊｜川味辣子雞｜選用雞髀肉特別滑身，大量嘅辣椒、香蔥、花生同芝麻炒埋一齊好香，夾雞肉食一流🔥｜水煮牛肉｜一見到紅噹噹嘅水煮湯就知正宗，湯底濃郁香麻，浸住肥牛食好夠味🔥｜招牌酸菜魚｜壓軸嘅係呢度嘅招牌酸菜魚，魚肉分量超多，酸菜甜甜酸酸好爽脆，我哋連湯都唔放過，全清！見到呢度仲有麥蘆卡蜜糖同紅白酒賣，食完飯仲可以shopping 一翻添✌🏼

朋友約食中秋飯，就返身處北角，網上搵到呢間餐廳，就決定一試。公眾假期晚上要等位，大約等咗半個鐘就入得，誰知只係中伏第一步。5個人坐4人枱，體諒、明白，算。落單時間係20:05，總共有1盤烤魚、5杯特飲、4份小食等咗大約20分鐘，出咗2杯特飲，加上1份冇蒜泥嘅蒜泥白肉，同一份未熟、熱、辣同雞味完全分開嘅口水雞。已經心知不妙，但求2百幾蚊嘅烤魚，正常過關就算20:40，枱面未有任何動靜，仍爭緊3杯特飲、2份小食、1份烤魚。身邊其他食客比我哋遲入座，盤魚已經上咗枱。20:50，唔知第幾多次嘅催單，特飲到齊。$28嘅價錢，貴唔貴見仁見智，但肯定可以有其他更好嘅選擇。20:55，盤魚終於上釣，質素一個字: 劣！以為慢功可以出細貨，實際上係未食過賣呢個價錢，但湯、魚、料比譚仔三哥仲要差嘅出品質素。止蝕，叫停咗未出嘅2碟小食，所以冇任何評語。埋單$620，貼錢買難受！知道網上世界嘅力量，呢類真實食評係容易被淹沒，希望有緣睇到呢段字嘅你，可以臨崖勒馬，回頭是岸。

想食火辣辣嘅川菜，可以去北角匯嘅《漁舍》，地鐵站一出過對面就到，好方便就食得到😋餐廳環境光猛，坐位闊落乾淨，裝修新潮，同一般川菜館嘅感覺好唔同🤩食物方便，椰香BB鴿炸到脆卜卜，鴿肉多汁香口，加少少嘅胡椒鹽食落更有風味😚川味辣子雞嘅乾辣椒炒得好香同乾身，食雞肉時連埋啲乾辣椒食絕對可以提升辣度🔥水煮牛肉嘅份量頗多，有需要嘅話仲可以加粉皮、蓮藕、萵筍等配料，飽哂☺️《漁舍》仲有好多特色川菜同鍋物可以揀，實可以滿足到你想食川菜嘅心😍

今日同朋友嚟到北角匯漁舍The fish house食飯，一聽餐廳名就知道呢度係食魚嘅好地方，所以我哋都即刻嗌嘢食，齊齊開餐！嚟得呢度食飯，點可以唔叫🐟招牌酸菜魚！魚片好嫩滑，一啲都唔腥，酸菜湯調味適中，飲完唔會好口渴，好難得👍🏻要食嘅仲有🐓川味辣子雞，爆炒過嘅雞肉同辣椒好惹味，一粒一粒嘅辣雞肉食到停唔到口👅👅叫咗兩碟涼菜，川式涼皮滑嘟嘟，撈勻蒜蓉辣椒醬食好過癮，食完涼浸浸好爽🌀涼拌土豆絲上碟時已經撈勻好醬料，土豆絲爽口入味，好正～今日叫嘅嘢食都好合心意，特別係酸菜魚，又大盤又抵食，同朋友share啱啱好🥰🥰

近排天氣熱都無咩胃口食嘢，男朋友搵左間係北角叫做漁舍酸菜魚去食川菜開下胃！結果唔單止開胃，仲非常好食😋😋😋我地叫左過招牌酸菜魚🐠😋！份量非常多，夠晒我同男朋友食！而魚肉完全無骨，可以非常放心放入口，而魚亦非常滑，麻酸辣味亦好適中，我哋食得好過癮！ 🤤🤤我地再食左過川味辣子雞🐓😋！雞肉充常辣，雖然食到出汗，但非常值得，因非常好食！雞肉嫩滑juicy，辣味濃郁！好味！我地之後食啲清新野，食左涼拌土豆絲🥔😋，土豆絲唔會太辣易入口，每條爽脆香辣！最後我地食埋個川式涼皮🍜😋，涼皮晶瑩通透，入口滑嘟嘟，再配合埋啲辣椒醬撈埋一齊食，勁好味🤩

朋友上網睇到北角既漁舍酸菜魚有好多好評，話食辣野超級無敵正！於是我就同佢今日一齊去拜訪一下， 睇吓點正法！我order左以下嘅菜式：「水煮牛肉」，牛肉非常煙韌嫩滑，完全唔老身！啲牛肉吸收晒香濃既辣椒精華，入口非常惹味香辣🌶！正🤤🔥「老乾媽鴨胸」亦非常好味😋鴨胸充滿光澤，外皮濃厚既鴨脂係嘴入口完全融化晒，唔會油膩之餘反而仲好香嫩，食到我哋流晒口水！🤤「涼拌土豆絲」亦非常好食！土豆絲軟硬適中，醃得惹咪，香濃辣味滲透土豆絲每一個角落，亦都非常爽口！而「招牌酸菜魚」絕對一定要食‼️‼️魚肉嫩滑鮮甜，配合咩啲酸菜一齊食非常開胃！☺️

北角既漁舍酸菜魚我已經同朋友係第N次黎！因為佢實在非常好食😋無輪酸，麻，辣各方面都做得非常出色！招牌酸菜魚🥰呢個招牌酸菜魚係必食之選！佢呢個酸菜魚唔似其他地方食食吓個酸味會愈黎愈淡，反而佢愈食酸味愈出，仲令啖啖既嫩滑魚肉變得非常惹味！正😄川味辣子雞🥰雞肉大大件啖啖肉，辣味均勻散佈係雞肉既每一個角落！而且仲鋪滿香脆可口既花生，口感非常豐富！涼拌土豆絲🥰同樣係必食之選！土豆絲充滿辣味，咬落去清新爽甜，亦好開胃，岩晒而家夏天食！川式涼皮🥰涼皮煮得彈牙煙韌滑嘟嘟，Sir一聲就吞左咀落肚！當然亦是辣得出色！臨走時，見到餐牌有新品，仲有個有原條魚上，非常吸精🤩，下次一定要再嚟試！

北角既漁舍酸菜魚一向出名同好食就係人都知，但每次都好多人食唔到！今日我難得同老公放假，於是就趁機去食！🤤我同老公非常鍾意食辣，可謂無辣不歡🌶🌶🌶！於是我哋即黎叫左過火焰級麻辣小龍蝦鍋🦞！果然係火焰級，小龍蝦夠晒辣夠晒入味，而且大大隻同蝦肉非常彈牙，非常好味！而呢個小龍蝦係期間限定，真係手快有，手慢無，大家要快啲黎食！🥰挑戰完小龍蝦既我哋再點左椰香BB鴿🕊！BB鴿炸得非常外脆內軟，咬落去非常熱辣辣同多汁，充滿陣陣椰香，好味😋最後我哋叫左個川味辣子雞🐥為我地今餐劃上完美句號！雞香嫩滑多汁，充滿濃濃辣椒🌶香，非常開胃惹味，送飯一流！🍚

今日同朋友搵食搵到黎北角，見到有間叫漁舍酸菜魚啲野食睇落既吸引，加上價錢唔太貴，於是我地入去食啦！😊😊坐低見到好多人叫水煮牛肉🐂，我地於是都叫左份！果然無叫錯！牛肉煮得好入味，辣味好濃郁，咬落去牛肉亦非常煙韌彈牙，非常好食！🥰椰香BB鴿🕊：亦係我同朋友既美味推介！乳鴿炸得好香，咬落去外皮脆卜卜，而肉質亦好嫩滑多汁，好好味呀！🤤川味辣子雞🐓：亦同樣好食！雞肉嫩滑多汁不在話下，而且非常入味，完全夠晒辣！🤩🤩最後我地食埋呢度招牌菜—招牌酸菜魚🐠亦果然係招牌菜！酸麻得過癮，鹹香開胃，令人食指大動！而咬落去魚肉啖啖鮮甜，啖啖嫩滑，我我朋友仲飲晒啲湯！😝