漁舍酸菜魚 (Closed)

今次第一次嚟呢度食嘢 漁舍酸菜魚不過唔係食佢哋嘅酸菜魚而係食佢嘅口水雞🤪但估唔到佢哋嘅口水雞雖然唔算係招牌都咁好食😍麻辣口水雞未食前已經勁香麻辣味 食到個嘴麻麻地 好重辣椒🌶️ 但越食越停唔到雞肉又嫩 大大舊 份量又多🤤👍🏻我咁大食都夠飽咁惹味梗係要配返碗白飯先夠喉！因為實在太辣喇所以叫咗枝黃金蕎麥綠茶🤭解辣一流 仲有凍飲 爽呀！店員服務態度都幾好 落單之後唔洗話等好耐都已經送嚟而且環境裝修都幾新淨同埋舒服🤭

星期六去完北角買馬豆糕甜品行左過去北角匯食晚飯，呢間位於一樓既漁舍係酸菜魚專家上次試過佢地既招牌酸菜魚，今次同屋企人試埋佢地既胡椒豬肚雞鍋亦都無令我地失望胡椒豬肚雞鍋用左大量紅棗同杞子調味，湯底濃郁之餘營養價值又高，落足料同心機熬製既鍋物好好食，豬肚都幾大件，啖啖肉，繼酸菜魚之後又一誠意之作💯食完胡椒豬肚雞都半飽但又想試下佢地既小菜，最後叫左個脆椒雞軟骨，雞軟骨份量都幾多，辣辣地好惹味，又係一間放係wish list再回訪既餐廳

難得老細放假lunch要食好少少，順便行下商場先返公司，去到公司附近既北角匯食川菜，午市都有得食酸菜魚真係好吸引😍自選湯麵套餐可以揀酸菜湯、水煮湯同番茄湯加魚/牛/豬，店員推介我地試下佢地最出名既酸菜魚同水煮牛，我地另外再追加左三款小食😋招牌酸菜湯 + 海鱸魚 + 米線食左一啖好驚喜，酸辣比例恰到好處，試過其他地方既酸菜魚無咩味所以呢度好驚喜💯惹味水煮湯 + 牛肉 + 薯粉薯粉索哂啲湯果然夠惹味，牛肉油花平均值得一讚😋追加小食我地揀左蒜泥白肉、燒椒皮蛋同麻辣海蜇，三款小食都好高質，等老細放完假返黎要再食多次做team lunch先，多謝老闆😌🤣

北角匯多左好多餐廳進駐，連川菜都有得食😍餐廳環境好光猛，大部分都係卡位坐得幾舒服除左招牌酸菜魚之外仲有好多小菜，選擇困難既我好多都想試😜最後揀左三款小菜: 乾鍋肥腸、脆椒雞軟骨、小椒炒鮑魚乾鍋肥腸炸大腸就食得多，川菜既乾鍋肥腸都係第一次食，脆卜卜既豬大腸配埋辣椒好惹味！直頭要唱返句焫焫焫焫焫焫焫著🌶️👏🏻脆椒雞軟骨一向都好中意食雞軟骨，呢個脆椒雞軟骨就啱哂我啦😍炸到金黃色既雞軟骨加埋七味粉同辣椒調味😎口感好爽脆😋😋小菜黎講份量都幾多，CP值超高💯小椒炒鮑魚用青椒同新鮮鮑魚炒成既小菜食落好彈牙，火侯控制得剛剛好一啲都唔會韌，好難得食川菜都有鮑魚呢道小菜💯👏🏻漁川晚市小菜賣相同味道都好好，價錢又好親民，下次要試埋佢地既招牌酸菜魚先得🥰

假日繼續游走於港島區，坐叮叮去到北角匯試下呢間川菜館漁舍，估唔到連lunch都有酸菜魚同水煮湯。餐廳歡迎食客使用消費券，仲有會員apps，下載完app加入會員仲有優惠券，咁著數你又點可以錯過呀！加上環境好寬敞，樓底好高用左現代化既燈空間感十足😍午市招牌定食套餐都好抵食，無辣不歡既我揀左個惹味麻辣水煮湯，牛肉份量都幾多，麵碗底部更加有蠟燭熱住唔驚食食下食到凍哂麻辣愈食愈濃，麵底我就揀左薯粉，同水煮湯底好夾💯另外我仲追加左個川式涼皮，涼皮整到好晶凝通透配埋個辣醬好好食😋

禁左晚市堂食咁耐已經plan定放寬之後食咩好😜👏🏻之前同同事試過佢地既午市套餐，今日一於試下佢地既晚市先餐廳裝修用上我最愛既藍色，仲有啲紅燈籠幾有特色😍環境乾淨企理好光猛，座位多數都係卡位，闊落得黎亦令客人坐得舒服今日叫左一個胡椒豬肚雞鍋、乾鍋田雞，仲有小椒炒鮑魚。三款上哂枱幾乎無位放其他野，可想而知有幾大份鮑魚炒得好爽口彈牙，都幾多鮑魚絕對值回票價😌乾鍋田雞都幾大碟，肉質鮮嫩爽口一啲都唔嚡，全晚既”椒”點就放係呢個胡椒豬肚雞鍋度，果然係真材實料絕不欺場，我自己都忍唔住飲左幾碗湯😋😋😋

恢復晚市堂食又係時候同屋企人出街食飯啦諗唔到灣仔有咩好食不如揸車去北角匯搵野食啦消費滿指定金額仲有得免費泊車，食飽飽落埋地庫行一田超市都唔錯👏🏻除左有人氣推介既酸菜魚之外，仲有好多鍋物可以揀，我地今日就揀左胡椒豬肚雞鍋同乾鍋田雞呢個小菜胡椒豬肚雞鍋份量都唔少，兩三個人share食就剛剛好👍🏻湯底好足料有胡椒既香味，飲多啲湯都唔怕豬肚比較難處理所以出去食就免卻呢個煩惱，食落都爽口彈牙，雞肉都幾嫩滑以前未有疫情嗰陣間中會返大陸食中菜因為好食又平，上面幾乎每間中菜都有田雞呢個小菜係香港比較少食得到煮得好食既田雞今次係漁川叫左呢個乾鍋田雞好驚喜，完全神還原到四川既味道💯

同朋友慶祝生日 日本菜、韓國菜、西餐佢全部話唔揀 要食辣嘢 難我唔到 就帶佢嚟食川菜😌生日當然要叫返個招牌酸菜湯 配 龍躉魚🥰龍躉魚係厚切嘅 比較大件 份量十足🤩唔會散哂 一夾就夾到😍大大啖咬成口都係嫩滑魚肉 冇乜骨！魚肉索滿酸菜湯精華🥰配菜有蓮藕 萵荀 豆皮等 配左寛粉😚仲有得自選辣度 今次叫左中辣 唔夠辣，下次會挑戰大辣hahaha！再叫多個脆椒雞軟骨 細細粒雞軟骨好好嚼，而且幾香辣味 咬咬下就冇哂成碟！好彩呢餐生日飯嘅安排個fd都幾滿意 佢話本身勁怕我帶佢食大排檔😂呢到環境舒服又食到辣🤭🤪

呢間漁舍酸菜魚已經係我第三次返嚟食😋每次當我想食辣嘅時候呢間就係首選😛同埋環境裝修都好舒服嘅格局😆坐得舒適！但今次同左唔係好食得辣嘅朋友嚟食🤣不過都有嘢岩食😆我地就叫左個胡椒豬肚雞鍋😍胡椒味好濃 又咸咸地 個湯唔油 我都幾鐘意飲🤣仲有啲紅棗杞子🥰🥰好養生💞豬肚份量都好多同埋洗得好乾淨❤️‍🔥雞件份量都多 肉質嫩滑😋唔食得辣呢個都係幾唔錯嘅選擇🥰見到佢個麻辣口水雞我已經流晒口水😂可惜呢個朋友唔食得辣 唯有下星期搵埋另一個fd再戰❤️‍🔥

聽到mirror終於踏足紅館呢個舞台開演唱會好感動，不過真係超難撲飛經過北角匯聽到有人播緊mirror既歌即刻吸左我入去，原來呢間主打食四川菜，仲要有近期好多人推介既酸菜魚。不過我今日就叫左呢個惹味水煮湯配美國穀飼牛肉薯粉，可以自選辣度，我就揀左小辣。好欣賞佢地咁貼心既服務，用蠟燭底住碗底唔驚比冷氣吹到凍哂，湯底除左薯粉之外仲有其他配菜，唔驚食唔飽。我仲追加左佢地既小食同特色甜品: 蒜泥白肉好食過譚仔好多，加埋辣醬又有另一番滋味😋仲有個紅糖糍粑甜甜地又好煙韌，真係高質💯

等左好耐終於等到政府防寬社交距離措施，屋企人好中意食中菜，今日就同佢地黎到呢間位於北角匯既 “從來認第二” 酸菜魚專家今晚叫左一個乾鍋同兩個小炒，三個人食都夠飽 (我同媽咪係細胃代表🤣)父母向來都係海鮮控，以前成日揸車入三聖邨食海鮮，對海鮮既煮法都有一定既要求，叫左個小椒炒鮑魚，用新鮮鮑魚炒既小菜係唔同啲🤤😋非常之有咬口同彈牙，火侯控制得好好以前同屋企人去食中菜多數都會叫乳鴿😋今晚叫左佢地既椰香bb鴿，半煎炸既bb鴿加上陣陣椰香，呢個配搭又幾特別。最後叫左個乾鍋田雞，田雞處理得唔好的話就會變到好難食，漁舍既田雞食得出師傅既好手藝💯😋👍🏻兩老食完今餐都好滿意已經要book定下星期再黎試佢地既招牌酸菜魚😍

我同事呢排迷上左食酸菜魚，話要試哂全港既酸菜魚，佢今日帶我去呢間位於北角匯既漁舍食lunch，價錢都幾相宜。我就叫左麻辣口水雞而我同事就叫左招牌酸菜魚米線，仲加配左佢地自家製既冷泡茶😚午市套餐 : 麻辣口水雞; 口水雞配白飯就最正午市套餐 : 招牌酸菜湯 + 海鱸魚 + 米線; 同事話呢個酸菜湯好高質，魚肉好滑又無骨酸酸辣辣夠開胃👍🏻涼菜: 中華沙律——好香麻油味，作為前菜好好食洛神花紅茶——寧神安睡要飲洛神花茶，雪凍左仲好飲😎黃金蕎麥綠茶——冷泡既蕎麥綠茶呢啲濕熱既天氣就最好不過😋

北角區近年多左好多新住宅項目同商場，仲要有我成日好中意行既一田超市，唔洗成日去到西營盤咁遠又無得泊車，北角匯一樓有唔少餐廳，行到最入隱藏左呢間人氣川菜，價錢非常親民，我地叫左一個胡椒豬肚雞鍋、兩個鍋同兩款甜品，食到捧住個大肚腩走🤰🏿胡椒豬肚雞鍋: 胡椒豬肚雞鍋份量都幾多，湯底好足料有胡椒既香味，好欣賞豬肚整得好好食，爽口彈牙，雞肉都幾嫩滑😚😚乾鍋肥腸: 炸過既豬大腸好香口，加埋辣椒特別惹味🔥乾鍋田雞: 肉質鮮嫩爽口一啲都唔嚡👍🏻👏🏻紅糖糍粑: 甜度適中，煙煙韌韌紅豆涼粉: 紅豆有咬口，消暑佳品!

自從無左wfh要返公司做野好sad又要諗下lunch食咩好今日去左公司附近既北角匯漁川食四川菜近期好多餐廳都有推出酸菜魚呢道菜式見到漁川有招牌酸菜魚米線就叫左黎試下午市套餐 : 招牌酸菜湯 + 海鱸魚 + 米線 辣度可選小辣、標準辣同加辣碗底有加熱既蠟燭，食到最尾都唔驚凍哂魚肉食落好滑一啲都唔腥米線吸收哂酸菜湯既精華好好食😋唔夠飽仲可以追加小食見到呢個燒椒皮蛋好吸引，到底係燒椒定燒焦呢？🤣原來係切好左既皮蛋加埋辣椒🌶️落去辣得好過癮呀😍午市套餐份量都幾多，食飽行返公司繼續開工💪🏻

打工仔每日既lunch hour都唔會好長，最好搵到啲又好食坐得又舒服態度又好既餐廳食個快飯。北角匯入面除左台灣菜、韓燒、日式火鍋放題，仲有高水準中菜，今日lunch time見到menu有午市套餐，食物種類好多而且價錢親民，仲要坐得幾舒服，於是諗都唔洗諗就入左去😚午市套餐 : 招牌酸菜湯 + 海鱸魚 + 米線呢個真係超好食，要推到佢上酸菜魚關注組先得，首先賣相好吸引又新穎，魚片好新鮮一啲都唔腥，叫小辣我就覺得剛剛好，能夠保存到魚既鮮味又有酸菜湯既辣味午市套餐 : 惹味水煮湯 + 牛肉 + 薯粉水煮湯配牛肉開頭會驚個湯底會好油，點知一啲都唔會！水煮湯果然好惹味，牛肉份量都夠多，薯粉索哂啲湯好好食😋甜品有紅糖糍粑同紅豆涼粉為呢餐飯畫上完美的句號😎😍