烏蠅館 (Moved) New Location

#烏蠅館 位於尖沙咀其中一條美食街，主打成都冒菜🌶️🌶️成都嘅冒菜，冒菜較麻辣燙少油，入口辣而不膩。湯底用22種香料炒香，加上藥材，黃油、芥花籽油同三種辣椒熬煮而成，最後再加芝麻、生蒜、葱同芫茜，令到個湯更香！ 晚市時段都要排隊等位，建議要預訂位會比較快😉😉🔹香辣烤魚 $338 由於龍躉魚缺貨，換上海斑魚。冒菜湯關係，上枱時已目測到濃厚香辣料，香氣撲鼻。每份魚都配有三款時令素菜，有芋絲，木耳等。食得大半到，烤魚湯揮發晒而變成干鍋，跟住就可以加入水或者原汁，再點叫其他配料變身火鍋，另一食法。🔹空運四川鵝腸 $98 我覺得比較好的火煱料，因為鵝腸好爽口，配合香辣湯底熱浸，極有風味😁😁🔹其他火煱配料都正常，價錢也大衆化。🔹桂花蜜 $18 吃濃味食物，飲番杯蜜水就最fit😊烏蠅館地址：尖沙咀亞士厘道38號天星大廈1樓B鋪電話：2606 2722

上次同朋友食完烤魚之後, 佢上左隱話要encore~~ 今次就帶佢嚟尖沙咀烏蠅館食啦...店員細心講解呢道既叫法同食法~~烤魚有三種魚選擇, 分別係多寶魚, 三刀魚同龍躉魚"""味道就有六款, 有辣有唔辣, 仲有大中小辣食完烤魚仲可以打邊爐添~~好多配料選擇丫!!因為烤魚醬汁已經夠濃味, 唔洗再加醬料, 所以而家免醬料費~~打邊爐邊可以唔飲野架~有酒類同非酒類飲品...蒜香多寶魚我地唔係好食辣, 所以點左蒜香味~~蒜味又香又濃, 好正!!每份烤魚都包3款指定配料~~今次係豆腐卜, 雲耳同蒿筍...豆腐卜吸收晒汁晒精華, 超好味~~~多寶魚冇乜骨, 肉質鮮嫩幼滑日本黑豚肉食完烤魚就可以直接加湯打邊爐喇~~黑豚肉薄薄的好快熟, 而且肉質軟腍四川寬粉寬粉軟糯煙韌Q彈, 夠嚼勁~~

記得大約兩年前同事帶我黎食開始我就深深咁愛上左😍成日lunch諗唔到食咩就話食烏蠅館好似舊年年尾未表態 我同同事都擔心係藍店好彩係黃店阿 可以繼續支持喇💛💛💛每次都必食魚腐🐟同土豆粉魚腐係順德魚腐個隻 唔係好似魚片咁好索湯好正🤤而土豆粉係其他食肆好少有 夠特別 煙煙韌韌萵筍就越切越薄 明明之前好厚不過唔緊要 可能食材價格上升雞肉就中規中矩 但肥牛偏乾同韌最最最鍾意既係麻辣湯底夠香唔太麻(我好怕麻到好似俾蟻爬咁😖)辣度適中 之前叫過中辣 會再香口啲但同時都比較油 所以都係食返小辣雖然湯底有啲油 但我次次都忍唔住飲啲湯😋不得不讚有位哥哥服務態度非常好見我放部電話係托盤到煲劇主動攞個手機架俾我好細心👍🏻👍🏻

由於限聚令放寬, 咁就約朋友一齊去食下烤魚, 打下邊爐.間店都幾旺, 好彩我地BOOK左台, 一去到就可以坐低.坐低第一時間點左個烤魚先, 有好多種味可以選擇, 我地選左個招牌香辣 (痳辣).十分惹味, 香氣十足. 而且份量十足, 魚夠大條及新鮮.  個湯比較多油, 少一點會更加好.食完舍烤魚, 我地點左D火鍋料. 全部火鍋料都有質素, 同埋新鮮.黃喉 - 黃喉雖然帶一個喉字，實際上和喉沒有任何關係。黃喉的學名叫主動脈弓，即是心室出來的大動脈血管.口感是爽脆的，非常有嚼勁.鵝腸 - 新鮮, 大條, 爽口. 但沒有片走腸內的肥膏.雪花肥牛 - 呈鮮紅色, 油花分布十分平均, 入口嫩滑.

蒜香三刀魚，肉質厚又滑嫩，愛吃魚的我們都夠吃，一大條，加上蒜香的濃味，真的非常好吃👍而鍋裡本身都有3個素食的配菜，蘿蔔，木耳及雞批菇，令整盤的烤魚變得很豐盛還點日本黑豚肉，豬肉很濃味，加上蒜香超正👍自家韭菜餃剛已熟的上菜，心急的想快吃真的"幫到你"🤣白魚蛋也是能快熟快食首選素菜類則點了豆腐，油麥菜，鵪鶉蛋及健康芋絲，都是能索汁的，索了蒜香的醬汁味道變得更好吃，更吸引而甜品方面，則點了玫瑰蜂蜜冰粉及桂花雪燕，兩者的清爽感及甜蜜蜜，剛好把一餐吃的油膩感全消，超正👍

昨晚上網看到朋友吃烤魚已很想吃，今天終忍不住問朋友是那間店🤣🤣蒜香三刀魚~本想吃多寶魚的，但店員說三刀魚魚骨較大，啱我比小朋友吃👍魚肉比想像中的多，厚身且大條，而蒜香亦很濃味，很好吃😍日本黑豚肉~豬肉味比普通豬肉濃，打邊爐一流自家韭菜餃~已焯熟給我們，放到鍋裡反兩下已能吃😎豆腐~是實身的那種，夾起來方便油麥菜 ~把湯汁都索到菜裡，好好味🐭白魚蛋 ~跟蒜香蠻夾，好吃鵪鶉蛋 ~就是鵪鶉蛋🤣但放到鍋裡吃，感覺很開心健康芋絲~把汁都索掉，吃起來很濃香玫瑰蜂蜜及桂花蜂蜜~兩杯都很清潤，啖啖的花香，甜甜的，很適合打邊爐時喝😋玫瑰蜂蜜冰粉~打完邊爐必吃，清爽感完滿結束晚餐

疫情好似有啲緩和跡象，限聚令終於放寬，晚市開返梗係要約埋啲朋友仔出嚟見吓面食個飯朋友話想食烤魚，呢間之前其實我都食過確實不錯好彩有book位，原來真係會咁爆場，Walk in 真係冇位之餘仲要等個幾鐘有三款魚選擇，聽完侍應介紹，我哋唔想太多骨，冇揀多寶魚就食三刀魚，上次試咗招牌香辣，今次就試麻辣小辣每款烤魚送三款配菜今日係木耳，萵筍同芋絲大約10分鐘烤魚出場等5分鐘左右就可以食一上枱已經聞到好香蒜蓉豆豉，同埋麻辣嘅香味，呢款魚真係唔錯，唔係好多骨之餘仲啖啖肉，d魚同配菜索晒啲汁好惹味我哋另外叫咗墨汁墨魚丸，好香墨魚味，西洋菜就係我嘅至愛，皮薄餡多脹卜卜，仲有脆脆午餐肉，已經煎到好香脆，唔好放咁耐啊，淥幾秒就食得㗎啦如果去食記得book位先我哋走嘅時候門口好多人排緊隊

因疫情關係很久沒有與家人外出吃飯，今日難得放假便到尖沙咀逛逛。經過亞士厘道看見一塊吃烤魚「烏蠅館」的招牌，於是就決定上去看看，發覺店內服務態度也不錯👍，於是決定試試。服務員提議我們先點選烤魚，因為魚上枱前需有煮過，但上枱後要煮20分鐘才能吸收調味今晚點選了三刀魚🐠配蒜香烤鍋底。三刀魚身厚肉，肉質緊實啖啖魚肉有咬感。🧄香鍋底散發出陣陣蒜香味，這種味道能誘發我們的食慾。第一步驟就是將整條魚吃掉後😋，服務員為我們加湯，待湯滾後加入寬粉，寬粉滑而煙韌。日本黑豚肉🐖脂肪平均，肉味特別濃香嫩滑👍魚皮餃餃皮呈半透明，店舖很細心上枱前已先燙水去除餃身粉末，避免湯底渾濁。完成以上步驟，已感酒醉飯飽😊

今日突然心思思好想食烤魚😋於是同事建議一齊乘港鐵到尖沙咀「烏蠅館」吃烤魚。店舖裝飾特別，牆壁上放置很多古典陶瓷茶具，店內桌子大多以四人為主坐得舒適。由於不吃得辣關係，今晚我們特選蒜香🧄烤鍋底，另配上肉質厚而肥美，無腥味的三刀魚🐠，鍋底中還贈送三素菜，分別有白蘿蔔、冬菇和雲耳，三種配菜吸入蒜香湯底的味道，非常惹味。日本黑豚肉🐷肉質咬落夠嫩滑，肉味香濃。白菜🥬餃子🥟餡料有白菜🥬豬肉🐷還有🦐蝦米，調味也不錯，餃子加入蝦米口感豐富，皮薄餡靚👍蝦滑🦐墨魚滑🐙雙拼肉質彈牙，沒有太重味精，雙重口感，是不錯的選擇。

今天在附近逛街，和友人一起嘗嘗這間樓上店。店鋪的裝飾不錯，牆壁上介紹了不同種類的茶。本來一心想吃晚市的烤魚系列，但友人怕太飽，於是決定吃冒菜。冒菜有分$50六個餸、$58八個餸等等。餸的種類都幾多。我哋分別叫左$50六個餸試一下。我選了鴨血、豬紅、鮮淮山片、牛筋、豆腐片、豬耳絲、薯粉，要了四川酸辣湯底。友人選了鴨血、豬腸、豬皮、豬腩肉、海帶、薯粉，要了麻辣的小辣湯底。 我那碗四川酸辣湯較辣，有不少酸菜，味道濃郁。建議食得辣的人才叫呢種湯底，因為愈吃舌頭就愈麻愈辣。餸菜方面，鴨血算嫩，牛筋有咬口，豬耳絲爽脆，鮮淮山片同豆腐片吸左唔少辣汁。豬血則較老，豬皮冇咩味，豬腩片和豬腸還可以。薯粉吸了辣湯很美味，不過太油。友人的冒菜是小辣，吃上去沒有四川酸辣湯底那麼辣。吃完後，肚子已經很飽。另外，友人叫了一杯人參烏龍茶，還不錯！下次想試一試香辣烤魚。

係睇完啲網民推介 有咩黃店川菜選擇之後就特登book咗星期六嚟試吓喺尖沙咀嘅烏蠅館因為好多都係藍店嘅關係真係好耐冇食川菜啦餓咗咁耐真係要嚟食返夠本首先係食咗個烤魚先啲配菜全部都好好食調味好好 恰到好處 又唔會太重口味之後就加湯變咗打邊爐啲鴨血好正食得麻辣火鍋點可以冇鴨血花甲真係一百分超級鮮甜啲肥牛都好正 打邊爐一流夾埋啲蒜、配菜、香料一齊食睇住啲花甲一隻一隻卜一聲打開 好過癮杯蜂蜜桂花好清甜蝶豆花檸檬就覺得有啲苦可能啲檸檬麻麻哋新鮮整體覺得好滿意店員服務態度都好好其實個場keep住好爆 好多人排隊又keep住聽到話有人嗌外賣但店員都唔會話 因為好忙而態度唔好食物質素好好 而且仲要係黃店嘅川菜應該會再encore

亞士厘道，以往五光十色，有賣衣服行山用品，拉麵、KEBAB、日式店子、吃鵝店、酒吧等等，熙來攘往，人多擠擁，熱鬧時甚至連約人都難以找到🤔現在，不少地舖或樓上的食肆都執粒了。這大廈地下旁有KEBAB，當年曾與幾名兄弟吃過，也倒閉了。烏蠅館的變化也相當之大，之前還是只有幾名大媽型呀姐在店內做店員落單以及端食物，🤔豈料轉下幾個轉下幾個，現在都是幾名年輕男女做店員，🤔而且介紹、端貨、落單，都是這個年輕男子，其實有沒有轉手呢？而且，顧客亦都有多數的師奶或是中年人，變了不少年輕男女，究竟有沒有什麼人或是網台介紹過烏蠅館呢，🤔我也不知道。多次來烏蠅館，也吃火鍋寬粉，還是湯的，往往因為它偏向麻辣，有時候就會吃到非常之生津，即是越吃越流口水的感覺，但這次，年輕男店員介紹了新出的一個撈麵，有普通的款式的撈麵，另一個就是加了肥牛撈麵，這次我就點了米線。真可惜，往往吃火鍋寬粉份量都比較多，但原來係撈米線，米線份量比較少；撈的其實就加入了一點腩肉切粒、辣椒、以及辣椒粉等等，辣椒粉看來比較嗆，味道不算奇辣，但還是令你有點兒嗆口的感覺。米線亦都煮得比較軟林，和以往吃過彈牙爽口的紅薯粉或是火鍋寬粉，就相形見絀，肥牛都

友人推薦去食呢間黃店，以依家只做午市黎講，客人都坐滿處廳一半都算多人黎。一坐低我同友人就望住張落單紙成15分鐘先揀好要咩，因為選擇太多唔知揀咩好，平時食車仔麵只係食2個餸🤦🏻‍♀️🤦🏻‍♀️加多8蚊多2個餸好似抵啲咁，最後我同朋友都係叫單人b餐🤣一上台嚇親我，真係好大碗！！！啲餸都唔少，連雲耳都大大件，不過雲耳食落好苦😳蘿蔔片就硬左少少同唔太入味，其他餸不過不失。我叫左麻辣中辣，朋友叫左酸辣，二個湯底我都試左覺得個酸辣好食啲！！🤭飲品就叫左玫瑰蜂蜜，個係好淡。。。。飲落似水溝玫瑰花瓣，要另外問侍應拎糖水加先有蜂蜜既甜味😐

«720»朋友推薦去嘅川菜黃店 可以再戰烤魚！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷單人B餐 8款餸 $58▶玫瑰蜂蜜冰粉 跟餐 $15▷茉莉蜂蜜雪蓮子 跟餐 $15「烏蠅館子」係四川泛指店面平平無奇卻別有一番風味，隱身係大街小巷之中嘅特色小餐館。而呢間係尖沙咀食川菜冒菜嘅餐廳就係名其實嘅「烏蠅館」喇！午市食冒菜，晚市就有烤魚食，冒菜同麻辣燙差唔多食法，但啲料就唔會串起，係紙仔剔完就會煮好一兜畀你食～湯底都有幾款：麻辣、藤椒、四川酸湯... 我好驚係四川辣度食唔到所以揀咗bb辣😂 好彩個湯係香多過辣，加埋啲索晒汁嘅餸超正🤪 吸汁推介豬皮、魚腐、娃娃菜，仲有鴨血都好滑😙 寛粉必嗌！好夠煙韌又厚，出色👍🏻同行嘅四川妹子fd表示佢個四川辣湯係家鄉的味道，我飲咗一啖覺得超酸超重口味，鍾意食正宗川菜嘅人可以trytry🤗 土豆粉都係好少可有得食，都係超粗而且又煙煙韌韌嘅麵，同寛粉不同伯仲！食川菜最後都實會叫個冰粉黎食下，冰粉加埋提子乾、山渣餅個啲酸酸咪咪嘅配搭，解辣一流～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣烏蠅館尖沙咀亞士厘道38號天星大廈1樓B舖

成年幾無食過烤魚啦，好難得搵到食烤魚既黃店💛。一上到去已經聞到超香濃既烤魚味，湯底有六款，有三款魚揀🐟，龍躉($338)、三刀($288)同多寶($228)。第一次食就揀左中間價錢既三刀魚，貪佢無乜幼骨😆。————————————————————烤魚上枱後再滾起就食得，三刀魚肉唔算嫩滑，但勝在肉厚少骨😋，配濃味既湯底一流。湯底麻中帶微辣🌶，好惹味，不過小辣辣味唔算突出，中意食辣既建議直接叫中辣。————————————————————隨烤魚附送三款配菜，款式日日不同，所以可以問定店員再決定點咩配料😚。今日有木耳、蘿蔔同豆卜，蘿蔔超鮮甜😍，而且薄切好吸湯，推薦✨！豆卜建議可以不點，因為好易吸哂麻辣湯啲紅油，有啲油膩😂。————————————————————響鈴 $48普普通通，不過索汁一流。-娃娃菜 $32份量超大份，四個人食都夠，好鮮甜🤤。-魚皮餃 $42一般般，可以不試😛。-牛丸 $48雖然係機打質感，但牛味好濃🐂。-玫瑰普洱 $18無乜玫瑰味，普通普洱茶。-桂花蜂蜜 $18好清香，而且甜度適中🌼。————————————————————