玉桃軒酒家 (利舞臺廣場)

Open Now

Now Closed

臨收工真係好想食片皮鴨，馬上查下邊度有得食，搵到利舞臺嘅酒樓有，馬上就同同事去個度食個靚飯，已經有少少夜，好在營業得夠晏。每檯有一個優惠食品，我哋就緊係揀片皮鴨，之後嗌咗個生抽大花蝦同一個上湯白菜仔。片皮鴨分量十足，鴨餅一個蒸籠上，夠哂我哋食。鴨肥皮脆，油香十足，皮多，配料有青瓜、蔥同鴨醬，依個價錢嚟講夠哂實惠，物超所值。生抽大蝦大大隻，蝦肉彈牙，都有牙膏，入味而且保持到蝦肉嘅鮮味。上湯白菜仔有火腿絲舖喺面，上湯夠甜，白菜仔清清地。兩個人食嚟講夠哂飽，地方寬闊，埋單每人都係兩百幾🤩

銅鑼灣玉桃軒，是一家中菜酒家，門面大堂佈置華麗, 座位寬敞, 環境不錯，貌似婚宴場地。波士頓龍蝦做緊特價，$158我揀了蒜蓉開邊蒸 ，加$40有粉絲底，波士頓龍蝦很新鮮, 食落肉質鮮美, 龍蝦十分爽口彈牙，價錢真的好實惠！另外叫了魚香茄子煲和四季豆炒牛肉，都很好吃。牛肉有很多。這裡有涼菜，有小菜, 也有湯，有套餐多款，選擇真的很多。茶$15位，貴左少少但水滾茶靚。 埋貴一人$242, 勝在食品選擇多而且好食, 位置又方便，值得推介。

一入到餐廳就覺得餐廳富麗堂皇，六點幾就入座，位與位之間好闊落，唔驚吵到隔離，另外覺得餐廳上面盞燈好漂亮。見到佢做緊promotion，$188一個扁皮鴨，另外可以加$78一鴨二食。叫左之後好快就上菜，先食一啖，食落個鴨味好濃，鴨皮脆卜卜，唔算好肥，加上醬油一起食好好味。個皮好煙韌，好有口感。另外叫左個鴨肉松生菜包，係片皮鴨二食，加$78就有，見到好多人都有叫。鴨肉松煮到岩岩好，加上西芹咬起來好有口感，好入味，最岩加生菜中和一下個味道。另外仲叫左個海皇翠塘豆腐$98，好足料，好多豆腐。其實平時好少食呢個餸，但係因為友人話佢好鍾意食，就叫左來試下。見到蝦仁冬菇紅蘿蔔豆腐鋪左係蛋白上面， 用嚟送飯一流。走個時見到大家都係叫扁皮鴨，果然係呢間餐廳的重點推介。

玉桃軒位於銅鑼灣黃金地段的高級粵菜食府 交通非常方便 環境又舒適 樓底相當高 仲有閃令令又華麗嘅水晶燈㖭 在這裏家庭聚餐就最好不過餐牌選擇除咗有單點食物之外 亦都有套餐供應 當然叫套餐會抵啲啦 不過我哋各人有各人自己想食嘅嘢 所以我哋決定單點鮑參翅肚羹$338(例)例牌份量啱啱好分到四碗 職員主動殷勤嘅服務值得稱讚 除咗幫我哋分好一碗碗之外 仲有溫馨提示 叫我哋盡快食 因為係羹嘅關係 質感上會比較黏稠 遲咗食嘅話好快會變咗一灘水 口感就會冇咁好加啲紅醋一齊飲 味道更為突出 超鍾意呢個食法材料方面相當豐富 全部切條 口感來得非常工整 花膠嘅份量好多 好重膠質仲有大大條魚翅 真係不得了 又粗又長 雖然奢侈 但係久唔久一餐 我覺得可以接受 同屋企人食好啲冇所謂老京城片皮鴨$298原隻即燒嘅片皮鴨 未食已經見到個皮夠曬脆卜卜 職員會將片皮鴨捧到你面前 先過目一下 然後再切片 每片鴨肉都會有連皮 大小均稱 重點係隻鴨嘅脂肪唔多 所以唔會食到成口油 而且仲係即叫即燒 上枱嘅時候仲係熱辣辣配料有 甜醬 青瓜及蔥段， 是食片皮鴨的三寶 缺一不可 粉皮夠軟熟 厚薄度適中 加咗啲芝麻味道更為香口 每片粉皮

同朋友行開銅鑼灣利舞台廣場，去左呢間酒樓食lunch,環境都幾靚，我地叫左個午市二人商務套餐，包豐料老火湯，雙式點心，燒汁珍菌爆蚌片，瑤柱蒜子爆時蔬，再加一碟粉麵飯，都幾豐富😋首先飲左碗老火湯,無論係湯定湯渣，都好入味雙式點心就係春捲同埋腐皮卷，春卷皮仲好香脆😍裡面都好足料燒汁珍菌爆蚌片: 珍菌配上濃郁既燒汁味，味道好夾，蚌片好有口感😋😋瑤柱蒜子爆時蔬:瑤柱絲好幼細，幾淋身，時蔬加埋蒜子都幾入味👍味菜肉絲炒麵:炒麵好脆口，但又唔會好乾，多汁加埋味菜同肉絲味道更加濃郁可口😍

放工同小同聚 大家都心思思想食中式野 就泥一試片皮鴨。我地叫左一隻 望住廚師一塊塊片落泥 即時上枱. 配埋仲熱辣辣既包 （一定要趁熱食）加韮黃甜醬青瓜。一啖食落去好多肉汁 幾嫩滑～而且皮薄又脆另外加多78蚊就可以有埋片皮鴨剩低啲鴨肉崧 唔好哂 配埋生菜食^^好似生菜包 我地再叫左碟帶子賽磅蟹 無諗過咁大碟！淋埋鎮江醋落去 啖啖嫩滑鮮甜 真係有錯覺食緊蟹肉咁仲叫左個鎮江香醋排骨煲 因為我本人好好食酸酸甜甜既 已經好搏命食 但實在太多喇下次可以encore片皮鴨

自從上班在銅鑼灣後, 午飯及晚飯都試過此店。今天母親節都選擇此處, 跟以前去幫襯連鎖店大不同。有套餐及散叫選擇, 媽媽看過後決定散叫。雖然節日時候很忙, 但待應們個個態度都非常好, 連上菜的姐姐的笑容也很好, 唔似其他的黑口黑面, 真讚!!!👍👍順帶一提, 平時的晚飯時間都好抵食, 環境又唔嘈。是我最近常幫襯的中餐廳!!

臨近母親節 提早同媽咪食飯 盡顯孝道 老一輩係比較鍾意食中菜 所以我今晚揀咗玉桃軒門面精緻堂皇 有一條旋轉型嘅樓梯 梯間放滿假花及白色紗布作為裝飾 馬上令我聯想起婚宴場地內裏空間感十足 樓底又夠高 完全冇焗束感 最鍾意佢天花板掛住嘅水晶燈 感覺好華麗餐牌有各式各樣嘅小菜 選擇都幾多樣化 價錢中上 尚算合理煲仔，燒味，鮑參翅肚……樣樣有齊我哋全家都好鍾意食片皮鴨 鴨片份量夠多 有部分係肉連皮，有部分淨係皮鴨皮燒得夠香脆 入口帶點油份 鴨肉嫩滑唔嚡口包皮即叫即蒸熱辣辣 而且夠軟熟 有彈性配料都係嗰啲 青瓜條，蔥段及填鴨醬好彩隻鴨唔算好肥 最怕食到成口油配青瓜食簡直一流 夠脆又可以消滯 口感又好薑蔥焗美國桶蠔煲 上枱嘅時候鍋中發出吱吱聲 最鍾意食熱辣辣嘅小菜 凍咗就唔好食 我個人係比較奄尖桶蠔有事先炸過 走一走油 令本身單調嘅口感變得有豐富層次 而且薑蔥嘅味道完全比蠔肉所吸收 非常惹味蠔肉又大又肥美 完全冇渣 食得出夠新鮮 非常推介

我要食哂全香港嘅肉餅呢個肉餅好好食，上次已經食過一次，好食到一想食肉餅就會去呢間。❤️❤️佢啲肉餅又夠實又真材實料🤪🤪，餸飯勁一流，有啲爽口，而且肉餅打到好彈牙，好食到我一路食，完全無講過嘢，仲要食到最尾要搶，連奄尖的朋友都要搶😂😂，証明真係好好食😛。其他嘢食都唔差，達中上水平，係個蝦醬石鍋娃娃菜偏咸（但本身蝦醬都咸既）個炒飯係用嚟餸肉餅嘅，雖然都好食，但我都係prefer 用白飯餸多啲！😌😌

<品味指引及詳細食評於下方位置><更多圖片往右刷><點心>🥟座落於銅鑼灣鬧市的中式酒樓，擁有繁華影子之餘，食物質素也絲毫不差。作為這裡的常客，對他們的拿手好菜倒背如流乃自然不過。以近現代包裝演繹傳統點心口味，在多國菜成行成市的香港能有如此心思的中菜館實屬難得，其平民價錢更因為錦上添花而深得人心。🔝《黑松露帶子餃》蒸熟的帶子肉會額外鮮甜，黑松露作為香濃的存在正好補償了因爲甜味而忽視的嗅覺，配合寶盤般的外型形成一款色香味俱全的作品。🔝《懷舊高湯灌湯餃》先用金華火腿和花菇熬湯底，上桌就已經芳香撲鼻。火腿的鹹香及花菇的草香味令人胃口大開又引來一股清新的感覺，以致食用湯餃的時候都沒有一點肥膩的厚重感。☑️《椒鹽魷魚鬚》作為魷魚發燒友，任何魷魚料理都作為優先考慮的菜式。店方慣用薄身脆漿令魷魚的彈牙口感更為突出。香純的芝麻油香跟魷魚味相輔相成。🔝🔝《懷舊千層糕》千層糕乃香港最難得一見的懷舊點心，又因為製作工序繁多而逐漸在點心界淡出，師傅需用奶皇及鹹蛋黃製成的夾層跟煙韌包包逐層製作。鹹蛋黃的香氣、奶黃的甜美潤滑、包包嚼勁無一不為食客所愛。🔝《奶皇流沙包》包

今天放假跟友人飲茶聊天，話說我已一年左右沒有去過飲茶了。 友人建議利舞臺的玉桃軒，地方大又有得訂位。真的好彩訂位了，門口前人頭湧湧在等位。酒樓內環境開掦，有遠景，舒適。陳皮山竹牛肉熱辣辣即蒸，陳皮的味道特顯，好味！燒賣沒有多餘肥肉，蝦隻又爽彈有嚼口。芋絲炸春卷炸得不油不膩，外脆內軟，芋絲材料足有份量。鮑汁鳳爪夠入味，鳳爪充滿著骨膠原，好正！不過伴菜的花生不夠腍。假期鬆一鬆，食番一盅兩件，難得的享受。

小弟飲茶喜歡幫襯集團式大牌子酒家，大牌子酒家勝在食物夠水準，質素穩定，交通方便就腳。玉桃軒就實至名歸，玉桃軒幾個分店如康怡廣場、觀塘鱷魚恤中心和利舞台分店我都是常客。各店都設計高雅，營造寬敞舒適的用餐環境，適合各類大小壽宴喜慶，商務應酬或家庭聚會，更是城中舉行中、西婚宴的理想場地。今天趁復活節假期，忙裡偷閒，走到利舞台20樓玉桃軒嘆茶。利舞台玉桃軒開11點，沒有晨早茶供應。午市有多款精美點心，還有多款優惠點心、優惠主食、大廚推介、套餐和湯餐選擇。利舞台分店和其他玉桃軒分店一脈相承，裝飾高雅，地方寬敞，華麗大堂，環境舒適。坐下先看點心紙，食品選擇豐富，隨意就叫了廚師推介鳳爪排骨蒸飯、招牌精選椒鹽魷魚鬚、紅紅火火沙律明蝦角、蒸蒸日上懷舊千層糕和甜甜蜜蜜宮廷薑汁糕。鳳爪排骨蒸飯用瓦盅上，排骨肥瘦適中，肉質嫩滑，鳳爪細細隻，醃製入味，飯粒晶瑩剔透，加上用瓦盅蒸煮，更覺飯香撲鼻。招牌精選椒鹽魷魚鬚好夠鑊氣，咬落彈牙帶脆，粉漿超薄，非常香口好味。紅紅火火沙律明蝦角看似炸得有點過火，但勝在熱辣辣，食落外皮依然鬆脆，餡料蝦肉鮮甜爽口，再配沙律醬，十分惹味。再來兩大甜甜蜜蜜甜品懷舊千層糕和宮廷薑汁糕。懷

今日趁未夠鐘接放學，約左個好耐冇見嘅朋友去利舞臺間玉桃軒飲茶, 真係吊頸都要抖下氣。做左人阿媽鍊得一對精明眼，坐低拎起menu研究一輪, 決定叫個二人午市商務套餐, 盛惠 $198 +10%, 經濟實惠仲有20樓靚view。呢個套餐只限星期一至五, 每人1盅老火湯，足料冇味精，啱唒冇湯水滋潤嘅白領；仲有燒汁珍菌爆蚌片同瑤柱蒜子泡時蔬，呢2味輕素食小菜，少鹽少油少糖0脂肪，健康有益，唔駛10分鐘就俾我地清唒；個餐點止咁少嘢食，仲有雪菜火鴨絲炆火米，同埋兩個精選甜心， 真係抵食夾大件。

今日同屋企人食晚飯，地點揀了銅鑼灣。要說到高性價比，就想起了玉桃軒，吃一頓簡便晚飯。 玉桃軒的樓底高且舒適，菜式選擇多，而且價錢經濟實惠。 見家人工作辛苦，決定食豪一點，點了份蠔皇原隻十頭鮑魚。 鮑魚有嚼頭，醬汁入味，萬不要錯過旁邊的鵝掌，入口濃郁細嫩，送飯一流。魚香茄子煲這一道家常菜也不俗，肉燥汁用來餸飯一流，整體不會覺得太油膩 。香蔥焗美國桶蠔煲一打開已經是香氣四溢，蠔肉大大隻，外脆內軟，吃下更滲出淡淡的蔥香，蔥段吸收了蠔肉的鮮味，更覺鮮甜。

在選擇這間酒樓前，曾閱讀相關的食評。抱着嘗試的心態在3號晚吃了一頓生日飯。那晚坐下，不停翻動餐牌，逢星期一至四，真的有很多優惠，樣樣都抵吃。最後選了12人的套餐，看到加400元轉乳豬全體，便問是否即燒，回答是即燒，即訂一隻。上桌時看到不錯，品嚐後連要求高的家人都讚。跟着上的素鵝及紫菜卷也。跟着其他的套餐餸也不過不失。其中的蒸海班及炸子鷄，海中養班雖然欠缺魚的鮮味，但火喉掌控，魚肉嫰滑適中，配合煮過的醬油，好吃。另外炸子鷄也皮脆肉嫰，師傅的手工。總括來說，2780圓全包宴，也值得推薦。