一品雞煲火鍋

Open Now

Now Closed

上次食唔到雞煲，今次兩條友再去過！兩個人七點walk-in，已經無晒卡位，要坐大枱，當時大台已經有一伙三人，我地諗住隔一個位放野，被人制止左……要坐埋一齊，只係椅之間隔開d。後來仲有兩伙人，即係一張大枱四伙人 (2+2+2+3)，其實張枱係夠大，不過真係坐得唔自在，你眼望我眼咁，壺湯放枱中間，好似二龍爭珠咁。之但係，好生意真係有原因既，因為野食真係十分之好！今次叫左半隻中辣雞煲，好惹味呀！本來開始食都無咩，但辣既後勁好勁，嗜辣如我倆都唔係好頂得順，叫左兩楂竹庶水……d雞好快食晒，覺得應該無半隻……我地之後加湯，叫左烏冬、津白同雲吞水餃拼，二人份量剛剛好~烏冬浸完d湯好好味，夠煙韌；津白好脆好清甜，我好少叫佢打邊爐，原來好夾！原本叫韮菜餃拼水餃，不過無韮菜餃，但雲吞都ok，唔知係咪上次話完佢餡少，今次好飽滿！味道實在好令人回味呀~一定會番兜！不過最後夾夠人坐卡位或者大枱，如果唔係「劏枱」係幾唔舒服的。

同個fd學完cake pop, 老公等埋我食飯, 因為減肥關係已經好耐無陪老公去食好嘢今晚決定放蹤一晚同佢食餐好!!上次食呢間雞煲係因為雞煲皇無位, 我地搵食之際見到當時新開嘅呢間一品雞煲火鍋第一次去食就一試難忘, 今次再去食當然都極有期望啦!!~可能當時已經夜 (成10點), 所以唔使等位, 但就要撘枱, 老公唔理三七廿一叫左個雞煲先, 因為印象中都要等一陣之後再慢慢叫邊爐料, 為左唔咁上火所以叫左小辣 (其實都係自己呃自己)等左陣終於都到, 到佢煲起開蓋, 唔知係咪小辣好似無上次咁惹味, 但依然好味!!因為兩丁友叫左好少其他嘢, 值得一讚的係島冬, 好滑, 好煙un!!~兩條友狂風掃落葉咁食完嘢, 之後就打道回府啦!!~下次要去試下雞煲皇, 睇下邊間好味d先!!

六人以上先接受電話訂位，我地四個人惟有收工即閃，六點四十五分到左，仲係有好多位，唔駛等，我地仲有卡位坐添。本來一心想來試雞煲，但唔嗜蔥既同事見到個雞煲有佢最唔鍾意既紫洋蔥，即時有保留，我地問侍應可唔可以走蔥，佢話全部都可以走，不過味道就可能無咁好了。我地都明，唔緊要啦，大家決定唔食雞煲，叫湯底打邊爐。原來雞煲以外，湯底都有好多選擇，一般既芫茜、沙爹、鴛鴦固然有，另外亦都有有料湯鍋，豬骨、花膠、豬肚、海鮮、花蟹等等，個名都好吸引字，我地最後叫左「澳門豬骨鍋」，不得了！首先佢個賣相已經好討人鍾意，擺到靚一靚咁，仲要有兩大舊多肉豬骨，粟米(超甜)、紅蘿蔔、蘿蔔、杞子同淮山，十分之豐富，因為上台既時候係生生地的，所以要等一陣清左d湯料先開始淥野。男同事負責ko件大豬骨，佢話食完已經飽左三成！大家都試左d豬骨，真係好入味，又夠腍，而且豬骨面有少許胡椒同香料調味，簡直係我食過最好味既豬骨鍋！食左1/2個鍋，又唔駛擔心個湯無野淆，因為仲有好多豬白骨係底可以淆全程。唔單止咁，佢地唔係加水，係加湯，見你食到咁上下，佢就係放定壺湯俾我地自己加，食呢個鍋真係好滿足，食到最後d料依然好味！國肥牛：d牛好口感好

星期日，媽媽休息天，外出食飯。上次在旁邊的THAI FOOD見到呢間一品雞煲火鍋， 試下，今晚六點去。食品質素各“口”各眼，但態度係好重要，食野重要是開心， 門口個四眼阿叔，打TIE果個，未滿座，我地想換台，我地門口位真係好熱， D 人一出一入。藉口多多，我地都算，反正食完都走。我地ORDER左雞煲，我地都第一次試，我地想羅起D雞，加湯，打邊爐，佢話唔係甘食，我地係客，我地想雞骨撈起先加水。你是可以建議，不是強迫我們點食。最後都有俾個碗我地放雞。個煲無料，只得汁&水， 加左水唔滾，加大電爐， LEVEL 10， 佢話果煲會爆。OMG 如果真係爆，更加唔應該俾果D煲客人用，好危險。之後，我爸爸話用GAS咪重熱，佢先話俾個蓋。＊抱打不平，呢D態度真係不要得，我地坐門口旁，有個女客有兩個小朋友（一家4口）， 四眼阿叔，打TIE果個， 見佢一入店，有台LA，全隻雞煲。對話：女客人OK LA， 30秒後， 都係要半隻，食唔晒。四眼阿叔，打TIE果個，回答：吓，我入左單。女客人： 真係食唔晒， 四眼阿叔，打TIE果個回答：吓，我真係入左單。女客人被迫話： 好LA問題入左單，人地一家都未坐低，點解唔

6月好多人生日,今餐要慶祝阿媽同阿嫂生日,之前試過荃灣個一間,好失望,但今次打算俾多次機會佢!!!BOOK 左8:00 P.M , 但已經7:30到左,想泊車好似得錶位,好爆WOR...幾經辛苦先泊到車!!去到等左一陣入去,感覺好似食韓燒,D 位幾迫!!我地10大1細,被安排響最入一張大枱,我地張枱不需用GAS 爐, VERY GOOD.係陷入枱既電子爐!!.最鍾意坐依D位,張枱算大,好過荃灣個間,成十人迫響一張似6 人枱度!!!我地叫左一隻雞小辣, 一隻唔辣既雞煲!!!侍應一放低個煲,好香呀!!!!!份量十足,比起荃灣食既多!!小辣不夠辣,但好惹味,一路食個口一路有D麻痺,即係FEEL 到有D麻辣味!!,我想再加指天椒粒.佢竟然要收8蚊,出面食雞煲唔使收錢的!!我一直覺得唔辣唔好食,點知發覺都唔係WOR!!D 雞都好入味, 不過個湯底不適合打邊爐,會比較淡!!食到差唔多,就可加湯,佢俾一壺我地自己加,我地點其他配料,D 野食價錢唔算貴,但好細碟,適合4個人來食!!最後,食埋鳥冬...飽哂.....我最愛鳥冬,佢最入味....又夠辣........正!!

見到雜誌推介30間好野，e間近近地，唸住一試，點知。。。一肚氣 ﹣ 食物質素失望，職員態度又差， 超唔掂 未到7:00pm到了門口，見"一品雞"無mug人, 入去問坐門口收銀個女人有無位？佢望都唔望我！ 於是我再說"沒有訂位,8人有位嗎?", 她回答:"要人齊先有位!". ......吓, 間鋪無MUG人坐, 都要人齊入坐?? 唔緊要啦，雜誌寫得咁好食......可能有好多人已訂位, 於是“好”，我等！ 我地食咗“雞煲”- 推介。。。？好鹹呀，唔掂! 牛肉 - 好普通。。。。魚滑同魚頭，魚腩一樣 ， 好鬼腥!! 我地搵唔度一樣野可以推介比大家!仲有門口cashier個女人好無禮貌，有個waiter四眼阿叔又唔想做咁樣,叫10次先應一次。。。唉!紅磡咁多野食，實在無必要去試呢間！！ 食完都幾後悔，所以都要寫封食評表表佢

上星期買左本雜誌，入面介紹左三十幾間必食得奬既食店，為食既我當然要去試下，今日就搵左兩位朋友去呢間一品雞煲。我知上得雜誌都唔會小人食架啦，都約早班為食友七點去到。嘩，點知一去到門口已經有成十幾人係度等緊，我心諗實有排等，所以嗱嗱淋入去攞飛先。入到去問收銀處小姐三位要等幾耐，佢話都都要等六七張，不過問我搭唔搭枱，搭就唔洗等。我聽到好驚訝話打邊爐都搭枱？？收銀處小姐有禮貌咁同我講張枱其實好大，叫我睇下先，我見出面咁情況當然話可以啦，於是唔洗等就有位坐！！正！我地先叫左個小辣雞煲，上左之後再煲多陣，會有職員過黎搞個煲，個煲一開時勁香！！入面仲有好大既紫洋蔥，辣辣地又帶點麻，個汁好食到不得了，雞亦滑既，真係唔怪得大排長龍。我地仲叫左d配料食，手切肥牛幾好，牛丸就麻麻，蔬菜都新鮮，最值得推介係手打滑同烏冬！手打滑又彈牙又滑，仲可以係四款選兩種做雙拼。而個烏冬真係不得了，並唔係普通出面食到，吸埋個煲d汁，一流！我地叫左四碟先停手！呢餐非常滿意，得獎既食店果然係唔同，我實會叫多d人再黎。最後真係要多謝收銀處小姐，唔係佢我話知可以搭枱我諗我有排等。

同朋友慶祝生日, 共7人到紅磡食飯. 未到7:00pm我到了紅磡, 於是先找地方吃飯. 見"一品雞"無mug人, 入去問"無訂枱,7人有無位?!" 坐門口個女人又再問我,"有無訂枱呀??", 我再說"沒有訂位,7人有位嗎?", 她回答:"要人齊先有位!". ......吓, 間鋪8成無人坐, 空聊聊, 都唔可以入坐等?? 另外一個四眼阿叔行過來再說: 我而家係就係有位,不過您未人齊, 無呀!! .....很奇怪啊! 其實已經一肚氣,想搵第二間餐廳食, 不過因為生日位朋友話想食e間......以為有好多人已訂位, 於是算啦，等等啦 等到7:30pm,7個人終於齊哂嗱,於是就入去食野....點知, e間野不但只員工態度垃圾,連食物質數都垃圾!! 雞煲- 吓，係推介？得幾件雞，仲鹹到呢。。。唔掂! / 魚頭，魚腩 - 腥到驚架!! / 牛肉 - 普通啦! 不過普通得嚟貴!／ 連腐皮卷都唔脆？我都仲未放入個湯已經“淋pat pat", 想點？其他...唔想提啦! 總之我地搵唔度一樣o野值得推介...so sad!食到9:30pm都未見到餐廳有多過一半入座率. 覺得自己入去俾

見到開左間專食雞煲o既火鍋店...成日都見排晒長龍專程同媽咪去食番餐...順便慶祝下母親節呢排好興食雞煲...個個打邊爐都轉左口味唔再打傳統邊爐...食唔食得辣o既都要試一餐我地超鍾意食辣野...又好食得辣...點可以錯過嫁雞煲半隻,中辣 $118 羊肉片 $35 大魚頭 $40 脆肉鯇魚骨腩 $50 手打蝦丸 $65 潮州魚蛋 $35 鮮冬菇 $20 蓮藕 $20 脆香腐皮卷 $30 通菜 $20 唐生菜 $22 日本烏冬 $20 話晒未試過...食一食個中辣先如果太辣...火鍋料好易得個辣字...冇晒鮮味雞煲一黎好香...打開陣陣雞味飄出黎先食左隻雞先...之後會加上湯再打邊爐隻雞一入口...輕輕o既辣味湧出黎...有少少刺激好鬼惹味慢慢咬落原來好重雞肉味...超級鮮嫩又滑溜呢度個醬汁好獨特...唔係成日食開o個種辣雞煲唔會只係得死辣死咸...濃烈之中又有少少甜剩係食呢隻雞都值回票價...個個都食到lam lam脷雖然得三丁人...但半隻係完全唔夠食囉羊肉片睇落冇咩特別...但係唔知個湯點解咁神奇可以連肉類都變得香左濃左...薄薄幾片...話咁快清左大魚頭好

今次沒試雞煲, 因首次吃完雖覺味道好, 但不合作火煱湯底, 太鹹了, 似汁多些. 上次聲明要少鹹的, 而且沒吃火煱, 那汁就很合配白飯吃. 昨天要了皮蛋莞茜湯底, 皮蛋不錯. 其他食物又的確有點貴, 服務員又少, 連茶杯和壺也是自己去取. 搭枱2班人中, 其中2人叫大雞煲卻來了細的. 兩班人要的都有錯漏, 侍應忙得滿頭煙, 已不能立刻跟進. 我們要的脆肉鯇(魚片)初時沒來, 催速後卻送來鯇魚腩! 最愛仍是腐皮卷, 魚滑沒有上次的好, 差不多七十元才少少也不值.

訂了位置 8:00, 不需要等位。優點1. 雞煲叫了中辣，味道很好，若不能嗜辣的，叫小辣比較好！2. 安格司牛肉很不錯！3. 價錢合理缺點1. 服務基本是跟大牌檔同級。全部女性的服務員很好，很快的反應，但係有一個身材比較矮嘅四眼中年漢，十問九唔應，斜視望客人！ 只係一邊趕客快d埋單！2. 坐得不舒服，地方很窄很吵！很有MK feel!

某一晚經過荃灣總店, 人超多的. 食友試過說很好吃找了一晚試試紅磡分店, 裡面裝潢是紫色的, 格局很不像吃雞煲的地方呢我們點了一個大辣的雞煲, 但其實沒有預期中的辣. 但要讚的是這雞煲的麻味很突出平常的雞煲很多時只有辣而沒什麼麻, 醬汁味道偏甜, 是我很喜歡的口味!雞肉不少呢, 吃完之後就開始上其他配菜這裡的日本蠔鮮甜富蠔味, 火鍋的話我偏愛選日本蠔, 比美國蠔更鮮甜手工丸也是超好吃的! 吃起來所有肉都是很新鮮蝦丸q彈美味, 牛肉丸但點陳皮香, 很不錯外面很少有的紫洋蔥, 因為之前吃到雞煲內變軟的洋蔥軟軟甜甜的很好吃所以忍不住叫了這配料, 我們都很喜歡煮到很軟很軟, 我吃了很多呢還叫了蠻多配料的, 這裡的炸響鈴很大一卷, 超吸湯的. 其他配料全部都不錯, 就是因為雞煲的味道好香港開了不少雞煲店, 我還沒有吃過銅鑼灣的一品花雕雞跟隨變. 但也試了不少說真的暫時只有這裡跟長沙灣的味川小館讓我回味, 很想再多吃一次如果這裡多加萵筍這個配料, 我想我應該會很常來

兩個星期前剛好去開新界西，辦完事之後已經差不多九點，心想如果要去吃雞煲的話人應該沒那麼多吧，沒料到最終我們還是等了多一個多小時才有位，幸好吃完之後覺得排隊吃也是值得的。是晚約齊雞煲小隊，再戰紅磡分店，荃灣總店是不設訂座的，而紅磡店六人以上就可以訂座，只要集齊人，就不用排太久咯。紅磡分店沒荃灣的大，設有卡座，中間的圓檯比較擠，椅背頂椅背，坐在裡面的人想要移動也不容易。我們訂了八點半的檯，到達的時候門口有幾組人在等位，不過好像過多一會兒他們都入座了，似乎排隊情況沒荃灣的嚴重，可能還是新開張吧。 上一次在荃灣吃了中辣，這次我們挑戰大辣，本來是有想過叫特辣的，不過還是加辣容易溝淡難，還是先試一試大辣的程度先較隱陣。紅磡的雞煲味道跟荃灣的幾乎沒分別，只是沒想到連中辣和大辣都沒有分別！第一口還是充滿麻香味，因為大部份在香港吃到的所謂麻辣雞煲都只是辣雞煲，有麻味的不多，這個可以說是較為突出的。醬汁非常濃烈，帶甜味，咖啡達人更說有帶清甜味（這樣濃烈的醬根本一點也不清甜咯！）至於雞件方面，質素還不錯，走過油的雞肉質彈牙，就算一向對雞胸沒好感的我，錯手夾了一件來吃，也沒有覺得太鞋，當然醬汁也發揮了很重要的

這是第一次惠顧, 叫了招牌菜 ' 一品雞煲 ' 及火煱.所謂招牌菜, 沒有驚喜 , 只是話梅香菜等配料, 雞不覺有雞味,收120元半只似乎貴了些.至於火煱, 脆鯇不新鮮, 手切肥牛不鮮味, 只有青菜質素較好. 我見身邊的幾張枱的客人都吃得不太歡愉,有聽到客人說, 食材跟價錢不相稱.至於服務質素, 如果你唔介意比個經理直接答你 " 無位 ". 沒有唔好意思, 沒有笑容, 客人好似來乞求張枱食飯似的.

之前係黃埔逛街, 本想去五代同糖食糖水消夜, 無意中發覺旁邊呢間雞煲係紅磡開分店。之前都有幾次去過荃灣店食，但太多人要等位，食完返屋企都好晚！！所以決定今晚去食 質數同味道不變，一樣保持到，雞都幾滑嫩，醬汁濃濃辣辣好開謂惹味，可惜的是配菜的紫洋蔥和莞茜滿足唔到我，要order 2 round, 哈哈其他材料新鮮，價錢適中，一分錢一分貨，不是任食的質數可比家下係我屋企附近新開實在太好，唔使山長水遠去食。食完仲可以去食糖水,一流