一品雞煲火鍋

Open Now

Now Closed

前兩日同老公去土瓜灣買貓貓用具，經過一品雞煲竟然冇人排隊，即刻衝入去食！之前去親旺角或者黃埔都要等差唔多一個鐘！土瓜灣呢間應該係新，系地庫，好大，就算食飯時間都不是很多人，可能因交通冇甘方便。。。我同老公都係大食之人，叫咗一隻雞煲，少辣雞煲小小辣好惹味，我就鍾意配飯食！洋蔥索晒啲汁，真系好好味！大碟安格斯手切牛，二百幾蚊真係好抵食！有牛味又有口感，又大碟！之後仲有帶咗啲黑豚肉，墨魚滑，竹笙。普普通通冇乜特別。

這裡的雞煲很出名，今晚朋友請吃宵夜，所以大約十二點後來到。這個餐廳地方很大有幾千呎，可能由於差不多收市，我們被安排於一旁。當時有幾枱客人在座，而整體食物質素都不錯，只是有兩點餐廳應該改善一下。1. 我們點的雞煲上檯時，由年輕的男侍應負責幫我們主理，過了一會兒，他就説可以吃，不過我了一塊很少的雞腿，發現不熟，要由年長的女侍應幫忙處理先可以吃。餐廳應該嚴格監管員工的服務態度和質素。2. 當時有枱客人不停在旁邊抽煙，影響我們的進食，而當時餐廳內的員工視而不見，這個我覺得非常遺憾。

侍應態度差，串嘴，座位很迫，卡位勁窄，不知所謂，九流服務! 劣! 劣！劣！我地6人，佢比卡位我，話加兩張椅，同佢講，姐姐點坐呀！叫我返出門口再排過圓枱，有位再來。以後不雖再幫襯。冇得book位，要walk in!

兩年冇再來， 情況不一樣。 服務態度差劣， 魚頭新鮮到雪咗起碼一個月， 瘀黑到連隻眼都冇埋， 牛肉多根， 手打丸死死實實， 唯一可取韭菜餃和魚餃， 以後不會再來。 咁嘅價錢自助火鍋仲好味過佢，抵食過佢. 個魚頭肯同我退 ，但埋單仲要計多咗我兩杯飲嘢， 你話幾奸呢. 食咗一粒鐘啲嘢都唔想食轉去第二度食

男朋友生日，一品雞煲基本上年年都黎一次，哈哈！一黎就即刻叫半隻微辣雞煲，加兩大杯凍檸茶，仲有叫男友至愛嘅響鈴同我至愛芋絲！雞肉嫩滑，醬汁惹味，醬汁係雞煲嘅靈魂，就算微辣都超級好味，配埋娃娃菜索汁真係一流，本人唔太喜歡加豬骨湯溝到太淡，所以只會加到半煲湯左右。食到超滿足都係$400以下埋單，抵食！不過呢，衛生就一般般，可能係土瓜灣多啲舊樓，店舖位置係地牢，所以未上菜見到細細隻小強喺枱面行過～

人地揀食無限時任食火鍋，任飲任食！但我一定係單點既一品鍋底可選惹味雞煲，食完換湯底打邊爐，平時食開有間每位更送牛頸脊、海鮮拼盤、刺身、鮑魚和水餃，還有50多款火鍋料、汽水、啤酒可無限﹏不過好野都係貴點但質素高來呢到叫小spicy 就夠了想講係佢講汁佢嘅雞煲惹味👍🏻👍🏻食完雞煲最好保留汁先加湯打邊爐呢個係我嘅小技巧

冬天將至，最適而就係打個邊爐，朋友推介一品雞煲，佢話好好食，叫我同佢一齊去食，咁就一齊去試下~因為我唔食得太辣，所以叫左少辣，佢可以點一隻雞or半隻雞，我地點左一隻雞個雞煲來了，見到有d芫茜，紫洋蔥，再加埋秘制雞汁，好香好期待食個下，唔知咩味呢，只聞到好香大約等左20分鐘，終於食得嗱好好味呀，d汁好入味，雞肉都嫩，好香芫茜味，少少辣，正呀，冬天去食雞煲真係一流，朋友果然好推介總結，好食，會再次光顧~

有日朋友突然心血來潮想食雞煲。我在之前聽朋友介紹土瓜灣有間食雞煲不錯的鋪頭(一品雞煲)，於是我和兩個朋友一行三人去試一試。該鋪頭位於地牢的，可能租比較平，所以鋪頭地方比較大。坐定定後，我地睇睇餐牌之後便點了一個中辣雞煲(全隻)，雞煲份量都好足，雞煲味道夠濃，但又唔算太辣，相當“野”味。食完雞煲就落湯打邊爐，我哋叫左一碟大嘅A5肥牛(份量少，都好有牛肉)、墨魚滑、蝦滑、響令、娃娃菜、全蛋麵……兩個滑都相當好味和爽口，分別係由墨魚同蝦做。響鈴就不過不失，娃娃菜都新鮮很有菜味。但不可不提就係果個全蛋麵，事關一向我對全蛋麵的印象都唔係咁好，但今次食過之後令我對全蛋麵完全改觀，因為麵質爽口彈牙，好有麵味 ! 最後講埋佢地嘅環境同服務，地方相當大，燈光夠光猛，清潔程度滿意。至於服務質素方面，員工都不時為人客加湯，落單後，食物都大概3，4分鐘就會送到。另外佢哋設有幾部大電視俾客人收看，如果有球賽賽事佢哋仲有得播，令客人多一樣娛樂選擇，整體黎講依間鋪頭都幾好嘅。

雞煲嚟講呢，覺得最好味都喺呢間架啦~點心小姐已經幫襯過好多次啦🤤兩個人少少，叫咗半隻雞煲，後加料打邊爐~佢啲配料喺好新鮮㗎，仲有成個紫洋蔥、芫茜，味道好甜㗎~香料亦夠香辣同埋夠哂麻~雞肉算喺幾滑嘅，講明先呀，喺好重口味㗎~食完啲雞就加湯，通常唔會加好多，因為想keep返個濃度😬今次叫咗好多素，有鮮淮山、綠色嘅荀、某牌子豆腐、粉絲、菜、墨魚滑、炸魚皮..啲料全部都好新鮮、食完喺飽到上心口㗎!!幾欣賞佢杯巨檸檬茶，用咗原個檸檬架，又夠凍喎~

服務差勁，又話兩小時，未夠鐘，一個多小時已經埋黎叫你埋單，之後續各侍應埋黎收嘢，仲要係大大力，杯踫杯，碟踫碟嗰隻，除左我隻杯仲有啤酒佢無收之外，格面幫我清晒！我同亞姐理論，亞姐仲好話出面好多人等！嗰陣仲有起碼over 30 分鐘以上！咁嘅服務.....幾好食都無用啦！*溫馨提示：如果各位食完，想傾下偈，有人埋黎話老細仲有無order? 如果無不如埋左張單先.......遷其唔好受佢昆......免自己勞氣！🤬

琴晚無啦啦想食雞煲，就同契家姐姐夫去左就近既一品食雞煲。之前就算食一品都無諗過要叫刺身，但今次我地竟然主動望個刺身menu，而且仲order左個蟹柳刺身，哈哈～諗住做得刺身既蟹柳，一定唔會太差既，縱使一品係專賣雞煲。而且呢個蟹柳刺身$48，個蟹柳$42，咁不如貴幾蚊試下個刺身～個蟹柳刺身係ok既放得落口，比預期中好少少(因為一品唔係主打刺身，而係雞煲XD)反而係個雞煲真係太太太咸，所以扣左分。所以下次食一品我應該都會出番荃灣或旺角，雖然要等好耐位，但個煲無咁咁咁咸！而且香d！而我應該唔會再係一品order刺身架啦，食刺身應該去番專賣刺身既日本餐廳

中同聚會，最適合吃雞煲！點了一隻雞，小辣。煮了差不多十五分鐘雞肉還未熟透，咬開肉質還是透明，要再煮久一點。本地手切肥牛價錢不菲，一分錢 一分貨，牛味很濃，肉質很實在。另外一隻雪花肥牛有一半以上都是肥膏，價錢比手切肥牛便宜一半，味道當然也差得遠。手打丸很彈牙，最愛墨魚丸。火鍋必吃凍豆腐，吸盡湯汁的精華，不用點醬料亦夠味。墨魚滑及鯪魚滑也是必吃，不會很膠，吃得出真材實料。友人最愛鯇魚腩，肉質彈牙加上滿滿的魚油，齒頰留香。響鈴及魚皮味道還好，不算很脆。

夏天食雞煲好鬼怕熱氣，但係都忍唔到口想試吓～ 於是揀咗一定有位嘅土瓜灣一品雞煲，呢度咁大就算要等都唔使等好耐～牛雜雞煲第一次試咋真係咩都有啲，叫咗一隻雞，大大隻，4個人都食咗好耐先至食得哂試過好都間雞煲，呢間嘅口味都算幾啱我，好足香料，麻麻辣辣咁，香味足～ 因為有人唔辣得，可以另配個醬，又幾好喎～ 自家制響鈴大大條，點一點即食～ 吸哂雞煲嘅汁，超濃味加拿大肥牛淥一淥就食得，入口即溶，有牛油香味～ 糖心皮蛋有酸薑係底，夾埋皮蛋食皮蛋係流心架～酸薑唔算辣，偏甜，好開胃，我鐘意呀～

一路其實都有間中幫襯開，長期都多人用餐既呢間雞煲。食左都好幾年，味道質素一直都keep到，不過最近又加左少少價😢不過好食還是會再幫襯的。講返個雞煲～通常都係叫原味*麻辣秘製雞煲*（中辣），辣度剛剛好，夠辣又唔係死辣個隻，雞煲醬汁惹味香濃，乾身雞煲做得真心唔錯。雞煲上枱稍滾一陣，再兜一兜就可以食喇。雞肉好嫩滑👍🏻半隻兩個人食岩岩好的。*本地手切牛*$150都係必叫牛肉唔係薄切切，淥一淥好香牛味又滑。*韮菜餃*$38無咩肉多韮菜既韮菜餃，但餡多新鮮又香，煮熟餃子皮少少煙un有口感。*牛筋丸*牛味重，爽口彈牙，唯獨本人嫌牛丸好易痴牙😂*雲耳*大大片，幾新鮮的～今日兩丁友食，叫野唔多，下次再食，希望質素依然保持💪🏼💪🏼

由只有荃灣店時已經好鍾情一品雞煲，不經不覺已開到旺角、紅磡同土瓜灣都有分店。由於一品一直是雞煲的名牌，所以老媽子生日再同全家8口再享受「全港最好食的雞煲」！今次是第一次來土瓜灣店！無他，只他分店星期五六日都只接受10人以上訂枱，唯獨土瓜灣地方大而且人流相對較少。這裏的雞煲一直是都這麼香口惹味，由一行落樓梯已重拾這份一品獨有香味。一直以來，除了雞本身夠吸引外，一品的手切牛肉、響鈴、手打丸類都值得大力推介，今次都沒有例外。土瓜灣店比其他幾間出色的，肯定是位置寬敞，枱與枱之間有足夠空間，坐得很舒服。適逢世界盃舉行，這裏亦有足球比賽直播，食物美味之餘亦有不錯的娛樂節目。不過唯一要負評的是，今晚全場爆滿，似乎店內在周末要增加人手，才能應付客人的服務需求！