一品雞煲火鍋

Open Now

Now Closed

之前有朋友提過下一品雞煲, 有一間就係屋企樓下,今日終於去試下點左個雞煲, 同佢講要最辣, 但食果陣剩係覺得勁咸, 但又唔係好辣, 所以無加水, 因為一加水就無味, 最後咸到要不停叫可樂飲, 另外好似唔覺有茶水供應? 真係得個咸字, 好奇怪完全唔好食都有坐左一半人, 但我以後都唔會再去

之前都已經食過㗎喇...今次再食過...雖然價錢係貴咗啲啲...但真係好惹味...啲牛雜完全索哂啲湯味...雞肉又嫰又好食...今次叫咗豬紅嚟食...絕對唔會有怕怕嘅腥味...食雞煲又好...打邊爐又好最緊要嘅就係必食響鈴...而且杯凍檸茶超級大杯...由頭食落尾就由頭飲落尾...飽哂!

雞煲癮起，同朋友們等位成粒鐘都要食。鍾意呢度既雞煲，因為足料足味。四個人一隻雞，已經係好大煲，食極都食唔哂。雞肉好新鮮，好入味，少少辣，少少麻，好惹味，停唔到口。而且雞件切得靚，無碎骨。雞皮唔太肥，入到口。多謝朋友陪我黎，過足口癮，真開心！

昨晚兩人在這吃晚飯,例牌雞煲半隻,要不麻不辣要原味,可能這樣吃到雞肉不夠味,還有一股雪肉味,要了碟豬皮好多毛,脆肉骨腩,半碟是不脆,枝竹好味,菜好乾淨,豬肝夠粉,不脆的合共五碟,加一杯大檸茶,嘉士百一支,找數四百二十。本人覺得不值,現在的市道大把好選擇。唔怪得全餐廳都坐不到三份一人

今日好早同D同事黎食雞煲，唔係叫左好多野食，不過食得好開心！我地7個人，兩男人、一個準媽媽、四個女人仔！我地叫左一個大少辣既雞煲、細少辣雞煲！嘩！我就唔係好得啦！大既少辣雞煲我都頂唔順！不過佢D雞煲好似冇出面個款花椒八角既味道不過好似佢有大檸茶飲，如果唔係我辣死左啦！唔係好食得辣既朋友記得叫左大檸茶先好食雞呀！如果唔係就辣到飛起！成餐飯我都飲左兩杯！哈哈！大家食差唔多食曬D雞既時候記得唔好咁快加湯呀！因為重有響鈴未食！雞煲D汁，再加上響鈴！響鈴吸曬雞煲D汁！超正！雖然係辣不過為左食響鈴，我要飲多少少大檸茶先得啦！食曬D雞之後就可以叫佢加湯啦！咁就可以變左打邊爐！我地當然唔係只食雞煲啦！重有好野食呀！不過食得蝦既朋友先好叫！佢個蝦滑好好食呀！又大大碟！夠曬分呀！重有個牛拍葉呀！雖然一眼睇落去好似好多咁，不過其實佢下面有好菜菜子>.<邊夠食啦！不過唔緊要，樣樣野食少少先可以食多D唔同既野食！佢地方就夠大啦！四個人去食既話都可以好似有私人空間咁，每個卡位都有部電視機！

平時去雞煲既地方通常得雞。唔好誤會，我唔係講緊廢話。呢到正既係，有牛什雞煲。雖然我唔食牛什，但對男友黎講有得兩全其美就真係perfect啦！因為得兩個人，只係叫左半隻。價錢都算係咁。 姐姐好好服務，得閒過黎幫我地搞，一路搞就已經覺得好香。等左20分鐘到總算食得！雞同牛什都好入味！我地叫左小辣微麻，辣度幾好。肉質都鮮，唔會話太硬。之後就叫左d吸味小食！包括枝竹，粉絲同鮮冬菇。識食呢？鮮冬菇煮到好腍，索晒d汁後就變左麻辣冬菇。

朋友提起想食雞煲，今晚同朋友一家大細就去左土瓜灣既一品雞煲！！(我第一次呢) 入座後，安排我們住卡位，地方環境寬闊！所以都坐得好舒服我地就先叫了原隻秘製雞煲(小辣), 煲內有大量洋葱，煮到淋哂！非常入味！雞既份量都好多，我地3個大人食左好耐都食唔哂，秘製醬汁相當惹味，雞亦非常鮮樕，唔乾身"朋友介紹叫個白飯黎撈汁食非常開胃！食哂9成雞後，我地就叫左d食材打邊爐！叫左桶蠔，來到後店員幫我地將桶蠔沖水，非常細心蠔既size非常jumbo蠔既香味轉到我的鼻！陣陣優香就算煮後蠔既size亦無縮水非常鮮甜亦叫左手切肥牛，牛既肉質紋理非常清悉！牛味非常濃郁！包住大量葱食再加雞煲既秘製醬汁非常好味呢還叫左份響鈴，放入湯拖一拖就食得，非常香脆，響鈴吸收左湯底味道！吸盡精華最後叫左杯特大檸檬茶為呢餐豐富晚飯作為句號

一品，可說是雞煲的朝聖地，她那濃濃的醬汁就是招牌。吃過一品後，回家要騙人沒有吃雞煲基本上是不可能，因為你一定成身味，可以話係由頭到腳，連鞋連袋！ 諗返都成年無去過，放工見返風涷涷地一行四人去土瓜灣一品，貪佢夠大同無咁多人。是日無鱆紅魚，聽經理介紹試條海𩶘。雪白嘅魚肉放滿大盆，絕無打貓，肉質爽口鮮甜，不錯。價錢比鱆紅平一點。 估唔到椒鹽骨腩仲正，炸得好香脆唔過火，食咗幾大嚿先記得影相😅主角雞煲出場，個人至愛中辣，多麻，但今次來得不夠麻，嘴唇無乜麻痹感覺。醬汁依舊濃郁，但整體感覺是不同了，好似無以前咁好食，但嗰一刻就係講唔出係咩唔同咗。最後原來同行朋友都有咁嘅感覺，討論之下得出一個眾人皆認同的結論：今次隻雞應該是超級雪藏大肥雞。肥，多肉但少雞味，不結實，比以前更油膩，所以她必須依賴濃厚的醬汁。講真，有邊間唔係用雪藏雞，但今次就真係有點太重雪貨“feel”，有點失望！

天氣轉涼，決定同老公同朋友食雞煲，朋友介紹食一品雞煲，於是第一次幫襯。等左位大概20分鐘就可入座，太肚餓啦，一入座即刻叫左個雞煲，小麻小辣。跟著再叫個大青檸水，嘩好大杯呀~雞煲中雞件肉多，而且好入味，食完放湯打邊爐都唔會淡左，唔錯。其他火鍋配料都唔錯，老公同朋友都話可以再番食~

朋友去過話ｅ間幾好，咁就當然要試下啦！等左一陣，終於都有位，落到去之後原來個場咁鬼大，個場咁鬼大都要等位都幾好野！我地一行三人叫左個牛什加雞煲，半隻雞，等左一陣，到左啦！賣相都幾好，先後有兩位服務員好細心咁幫我地搞下個煲底，唔錯唔錯！食左之後，第一個感覺都幾濃味下，我覺得就一定要跟飯食，如果唔係一定要怒叫野飲，本人叫左兩個白飯，食落之後，成煲野都好足料下，牛什好豐富，同埋所有野都起碼有幾舊，雞都幾入味，不過正常都係無雞味啦！總恬黎講都係咸左ｄ！一定要叫下野飲！而我就叫左杯大檸茶，杯檸茶好大杯，起碼有一個檸檬，飲完舒服晒！

第三次黎食一品今次係俾左個失望我今日三個人叫左全隻雞味道食嗰時係好味但一食完已經好口乾 應該落左好重師父有一個地方值得讚既係服務員同以往吾同一開始會睇住我地個雞煲煮成點檸檬茶係落足大半個檸檬下次黎希望會落少d師父 吾會返到屋企仲口淡淡 勁飲水

雞煲近年風氣極盛，差唔多周街都有得食雞煲，但如果比我，我就只會揀去食一品。記得第一次去食一品係去紅磡。紅磡分店每次都排勁長龍，又無得book位，所以都有一排無食雞煲，直至朋友介紹土瓜灣開左一品，話唔使等位，坐得闊落，當然要即刻去啦。食雞煲當然首先食左隻雞先，我最中意係一品既秘制醬汁，少少辣但又有少少甜，令人禁不住係咁食。雞無偷工減料得番啲頸呀頭呀胸之類（我真係食過有間係咁，唔知以為食緊雞骨煲。）仲有入面既紫洋蔥都好入味，一啖雞一啖洋蔥，好快就KO哂！食完雞當然就加湯打邊爐，我通常會加多碗辣汁（即係雞煲汁），灼完就點辣汁食，真係好正架！

雖然已預先電話留枱，但由於用餐時間有限，所以大枱都要諗諗係咪人齊先好入坐定食住等啊。一行八人叫個兩個鍋，唔洗爭又方面夾黎食～雖然店員十分主動幫忙加水，但友人們建議水的高度維持在低水位，避免湯底變淡。基本火鍋料也具備，比較出色是：食重慶辣雞煲，解辣飲品係必須嘅：有機會要試埋其他分店比較下先～

每次落去食，都必叫雞煲加響鈴 其實小辣都 痲辣，食唔到辣建議食小辣，中辣一時時，有時辣到食到痲。。。有時又岩岩好@@!不過必叫一定係大檸茶!!雞煲通常叫碗飯撈埋d汁食，好香!雖然杰身。。但侍應會留壼湯比客自己加湯，所以最好食到咁上下先落湯，之後打邊邊先落響鈴!響鈴都超好食，每次去必食呢2樣野😄講返雞煲呢個主打菜，味道好香，有陣麻辣味道，雞肉好滑同埋都有分小`中`大辣三種辣度，而煲黎講有分半隻雞定一隻雞，多一個選擇，而份量亦好十足，而響鈴份量都岩岩好夠兩個人食，脆度岩岩好，一浸完湯吸到湯汁，亦好推薦大家配呢個食。

近幾年興起食雞煲熱潮，開到成行成市，喜愛打邊爐的我當然不會錯過呢個熱潮，呢間一品雞煲應該係數一數二最早開既雞煲專門店之一，也是我食的第一間雞煲，所以味道特別難忘~我和朋友都不太食到辣，所以例牌小辣走麻，都一樣食到鼻水直流，惹味非常😋當然現在本人已練成一身食辣好武功，中辣小麻已不成問題了~~~經驗所得，食雞煲的精髓在於加水前食雞果一part，所有配料加上濃縮到極的秘制湯底，這時的雞先係最入味的，所以每次都堅持食曬啲雞先加水，因為之後的就只是一般的打邊爐，沒有了一開始食雞煲的那種快感😌每間雞煲都聲稱自己湯底是秘制，雖然這間一品雞煲本人已食過不下十次，但每次食都仍然有好惹味的感覺，我想這就是它的成功之道吧~價錢方面，一品算是同行之中較為貴價的，畢竟一分錢一分貨吧，而且佢營業到凌晨兩三點，絕對係一個宵夜好去處😆