Video
Opening Hours
Mon - Fri
Closed
Sat - Sun
12:00 - 18:00
Above information is for reference only. Please check details with the restaurant.
非常失望！😔專程去幫襯這間小店，寫12:00nn開門，12:20pm去到鎖咗門，打電話問店主，店主指落街買野半小時後返，Ok，我願意等12:50pm入cafe，無客人，店主指價目為首小時$50包一杯茶，之後為$20/hour，叫食物另計我依循餐牌叫了豆腐芝麻蛋糕🍰就開始等食物店主突然指無豆腐，問我芝麻蛋糕ok? 我話ok陸續有人進內光顧（大約6-7人），叫嘅係烏冬、多士，基本上其他客人嘅食物叫咗10-20分鐘上枱，我就一直等，而中途店主無同我講要等幾耐見到第二批客人食完，走埋，件蛋糕仲未有消息，我都再追問，但店主只叫我等———好啦，我等咗1個半鐘有多，我走埋去同店主講：「唔好意思，我諗我唔可以再等你件蛋糕，比我更後來嘅人一早食飽走埋，而你只叫我等，亦無俾確實時間我。」店主：「唔好意思，突然有客人到，安排唔切，先整佢哋果啲......」最後，店主收咗我個半鐘「安坐費」，佢同佢媽媽（幫手）亦有講唔好意思但問題係：1. 作為一間cafe，餐牌上寫嘅食物，如果提供唔到，係咪應該直接同客人講？2. 如果要等咁長時間，有無考慮直接叫客人轉另一個餐？而唔係叫人盲等？3. 做cafe嘅原則同最基本服務都俾唔到，如何營運？4. 如果個客唔出聲，就由得佢盲等？5. 第一個落order嘅客見住店主serve晒所有後來者，而第一個客追過單，店主都係叫人等，會唔會好唔尊重客人？6. 店主竟然同第一個客人講，整唔到件蛋糕原因係突然有客人到，要serve佢地先？明白逆境中生意難做，亦希望支持小店，但請唔好漠視客人嘅用心，真係好失望😔希望店主之後做返好，謝謝
continue reading
#中意嘅請分享請點讚🍻----------#黃店 💛💛響應612三罷 💛宣傳818💛「光復紅土」遊行日免費開放+比人免費休息/叉電----------💰基本消費每人$50一小時 包一杯飲品🥑牛油果太陽蛋多士 $55牛油果+太陽蛋+黑椒好簡單嘅配搭，已經好好味， 另外多士加咗牛油令整體更香🍞。🍵玫瑰桂花烏龍茶 $20所有熱茶都可以Refill熱水。-呢度裝修好特別好舒服，有唔同嘅乾花擺設，仲有七隻好可愛嘅貓， 全部貓都好可愛，又唔驚人，仲會同你玩。係一個放鬆嘅好地方🥰---------黎緊想繼續介紹黃店，但人手有限，有黃店推介可以inbox我，要大大力推薦比更多人去懲罰佢！！！---------🔎小房子🚩土瓜灣落山道108號志昌工業大廈8樓C室
continue reading
星期日下午，18:00上到黎，本來店員話要打烊，但都俾我地坐到19:00，好好😍入到黎環境好森林系，好多乾花，仲好多貓咪🥰如果冇數錯，應該都有六隻貓一隻狗，好舒服，仲有望海嘅窗口位😍我地上黎果陣其實都冇哂野食咁滯，我同朋友就揀左牛油果太陽蛋飽，望落個樣好簡單，但加埋醬汁好好味，不過呢度要收坐位費，加埋有少少偏貴，但如果係上黎玩貓、飲下野傾下計，呢度都係唔錯嘅選擇😄
continue reading
炎夏的一個週末，終於拜訪了從旺角搬來的小房子。空間不算太大也不小，其實是花藝的studio，很文青。客人多時座位都是剛剛好（free seating)。本想認真閱讀，但貓奴固然看到貓聽到貓就分心。來店時食物選擇已剩下不多。豆腐cheesecake不太甜，有豆香。蘋果汁很太杯又消暑。鄰桌的點了all day set, 有熱食，色香俱全（不知味道如何）基本消費每人$50一小時，有小杯飲品送。悠然的渡過了一個貓和花的下午。
continue reading
認識呢間鋪頭係因為follow咗Pause Rewind n Fastforward，好鍾意佢嘅風格，估唔到小房子同樣討喜，怖滿牆上地上嘅花、靜躺住等待你發掘嘅書、討人喜歡的明星小貓，徹頭徹尾就係一個俾人輕鬆發呆嘅好地方😊三文魚茶漬飯配蒸蛋同小蕃薯，蒸蛋熱辣辣，入口嫩滑😋小蕃薯好甜，細細粒一啖一個，又唔會好滯👍🏻茶漬飯上面鋪滿三文魚同飯素，茶湯另外用茶壺裝住，比客人自己加入飯入面，湯底有好濃郁嘅鰹魚味同淡淡嘅茶香，配埋三文魚同飯素，非常美味🥰水玄信餅賣相好精緻，好似水滴一樣晶瑩剔透，中間有一朵食用櫻花，感覺更夢幻。本身係冇乜味嘅，配上黑糖漿食用，未食之前以為口感會似果凍，估唔到入口即化，好特別😊本想為小店留下好評，點知轉下眼原來鋪頭最近已經搬咗去土瓜灣。雖然食評遲來了，但願土瓜灣新店一帆風順，繼續人氣爆棚♥️
continue reading