The Luxe Seafood Bar & Resto (Closed)

不過不失，自助晚餐只係二百幾蚊食到生蠔三文魚及蝦，食物其實已經賺返啦，熟食就比較少，味道一般啦，都算係可以接受嘅！依家去茶餐廳食個扒都要$80/90啦，啲生蠔都算係大隻但係當然係一般貨色啦，三文魚都OK，其他食物算普通，但係總算吃得吓😬我平日去所以人唔算太多，餐廳可以五點半開始入座，七點半前埋單仲有特別優惠 ，長者亦有優惠都係只係百零蚊一位（長者65歳以上）須出示長者咭，所以如果想有一餐生蠔食嘅晚餐這裏都算是一個唔錯嘅選擇！今次就忘記咗影相。

係旺角 朗豪坊中，佢午市/下午茶個價錢絕對唔貴!! 什至有d覺得抵! 每一都係一百蚊多d, 就可以依到自助餐，ok吖! 入面既選擇唔係太多，約10多樣到。有熟食， 海鮮 ，壽司， 水果，甜品，飲料。有d煮得好好味，例如佢既 紅酒燴牛肉， 我覺得好好味。仲有佢既泰式蝦餅超好味!! 炸得好好，又有蝦味!不過有d就冇咁好味，例如佢既意粉，比較乾。但環境係十分之舒服，約埋朋友係到食下野吹下水，我覺幾適合。整體而言，以呢個價錢有得任食，又坐得超舒服，係抵既!!

三點三在朗豪坊，諗住同囡囡食個 Tea buffet, 在門口見佢寫住 lunch buffet 至5點，入坐時位侍應講咗只吃90分鐘，我都預咗，只為有個地方 hea 吓當然吾介意。入坐時大部份食物只剩汁冇肉、部份更空空……都算啦！食唔夠半個鐘已經放張單在枱面，我又埋咗張單先！繼而幾位侍應員工等在開大餐（當然係公然地食buffet中食物），當時仲有幾枱客在進食。未夠四點，有位女侍應話要收餐，問我仲要吾要，我回覆要求多等一會，亦告訴入坐只一會，她立刻俾個黑面回應……吓！吾通我阻住你收工！如果呢間餐廳收4點，咁你三點三就吾好入客啦！因為同位小朋友一齊至費事失儀態，只好冇下次！

為提早慶祝母親節所以病住都黎食一食，行街經過見環境幾好價錢又唔貴所以就想試試，雖然見openrice呢道劣評都唔少，但始終日日口味唔同，都要自己親身試下先知好定唔好既雖然病左食左真係好少好少野，眼見食物款式唔太多，味道唔太出眾但未至於話好劣勢最吸引既都係生蠔長腳蟹可以任食據屋企人既講法，生蠔海鮮唔差，好味，食得落肚而我自己就比較中意佢既洋蔥薯仔湯，好味道講述時間到......講環境— 唔洗講啦，我都係因為個環境先入黎食既，優雅得黎又清靜，環境靜餐飯都食得舒服d啦 講味道— 不過不失啦，唔係特別出眾嫁啦，不過都唔錯既講服務— buffet檔黎講算係咁啦，收野收得好快，又幾有禮貌

食前已知負評多 但都抱住一嚐伏嘅心態入去冒險一試食物選擇堅少 一眼望曬 lunch係冇刺身 壽司得幾款 都好麻麻 海鮮就有青口 蝦 蜆個啲 全場最好食係啲麥樂雞 lol 冇點影相因爲冇咩嘢好影甜品冇雪糕 啫喱同豆腐花死唔到人 個千層酥同布甸唔得全程重點就係我冇啦啦食到半路突然想嘔 meet meet下隻蝦我都冇食到喇 懷疑係啲嘢食唔夠熱 我男朋友就冇事嘅 可能係我腸胃差 但都極少食嘢食到想嘔(最終冇嘔到) 總之我唔會再挑戰第二次... 對中意食嘢嘅人尼講 食嘢食到想嘔係何其嘅悲哀 搞到全日個人都唔係好妥食buffet價錢係平 環境係靚 不過100蚊我覺得可以去選擇食其他永久唔會再去尼間成世都未寫過食評 但為咗尼間嘢我寫咗第一篇 完。

和朋友睇完戲好肚餓，見到有中午自助餐，仲要$108一位咁抵，即刻入去試下～裝修都好靚，又坐得好適服，但食物令我有點兒失望壽司區得好少選擇，竟然無三文魚食，好失望....其他食物選擇都唔多，都係普通粉麵飯同中式餸菜，味道正正常常。鐘意食甜品嘅我都係直接殺去甜品區好了，好在甜品款色都算多，所以我食完魚生就直接去食甜品了

上網見到有間二百幾蚊有蠔食，雖然比一般放題更短時間，但係都想試。我哋Book咗最早嗰個時段，當日準時到達，一去到已經有好多人等入座。一入到去坐低，好多人拎生蠔，我拎咗一次已經排唔到，而且fill蠔嘅師傅係好慢，已經無晒見到客人等緊都唔拎出嚟。刺身係有嘅，無奈真係太多人，我無機會食到。食物選擇極少，而且真係唔好味，好多都fill得慢或者唔fill，如果咁嘅價錢但係咩都食唔到，再平都無用。蠔排咗一次隊，之後已經無咩機會攞。海鮮吧都係只有涷蝦，青口同埋翡翠螺，一樣都係fill得好慢。由於攞唔到刺身，所以攞壽司，壽司都係得幾種，而且質素差。全晚係熟食嘅牛尾，焗魚同埋飲得最多嘅忌廉湯好味。

好耐之前食咗餐唔係好掂嘅lunch buffet，因為真係唔太好，所以我記到而家都一定要打返篇食評同大家介紹一下。鋪頭位於朗豪坊，裝修都幾靚，而且價錢都幾reasonable，同朋友經過見到，又想食多啲唔同嘅嘢喎，就走左入去啦。入到去發現佢所有嘢食就原來已經擺晒喺門口見到嘅位嗰度，雖然話係自助餐，但係選擇非常少，枱面都有好多係空咗嘅，而且位置唔多，就算佢夜晚攞晒啲嘢食出嚟，我都唔會覺得好多選擇。嘢食方面以海鮮，炸物，甜品為主，都有三四五款揀。啲蜆非常多沙，我食完一碟之後都無再拎啦，幾乎唔會咬一口都係沙，因為啲蜆比較細隻嘅關係，要浸好耐先至可以去晒啲沙，餐廳冇時間去處理我都理解嘅，但係啲沙真係好影響個質感，我亦都食唔出啲蜆係新鮮嘅。比較好啲嘅係翡翠螺，唔算話係好大隻，不過都幾有口感，雖然裏面都有沙，但係就會比蜆嗰啲少好多，接受到嘅，而且食落都算新鮮，雖然唔算太鮮甜，但係配得上自助餐質素。炸物方面其實唔係好多選擇，都係春卷蝦餅，比我感覺係炸得比較油，食落去油益感好重，食完兩件已經唔想再食啦。甜品算係最多元化，都有好幾款可以揀下，但係食落去比較上就太甜，朱古力泡芙泡芙放到淋晒，咬落去直頭咬唔

黃昏行街經過朗豪坊見到外觀幾好既餐廳 仲要自助形式喎 $200 蚊位左右仲要有生蠔任食 咁就想去試下入到去外觀真係幾靚野食唔多一眼睇晒 一開始拎沙律食 味道唔錯 諗住有個好開始之後去拎生蠔 .... 外表好大隻 食落去 完全唔新鮮味道好麻麻 d 海鮮全部都唔新鮮 雖然我都知依個價位既食物質素唔會好 但係無諗過咁差其他野食都好一般 最好味係個巴拿馬火腿配密瓜 依道菜要讚一讚 真係幾好味最後拎左 d 甜品食 好多都唔好食 最正常係個豆腐花 所以我都唔多講了張價單係度 唔會再食依間野埋單 208+1

我會係環境 食物質素 同食物款式 三方面去評價呢間嘢。環境，燈光暗，枱既數目尚足夠。食物質素🤢真係好吾得！蠔，夠肥大但係好多沙，雪味多過海水味吾夠新鮮。長腳蟹，尚算可以。不過解雪吾夠，過咸仲有員工吾會有心收起，吾俾客人食。食物款式，吾超過五十款，熟食真係吾得，好像去左中學聖誕聯歡會咁！中伏！千萬吾好去食。我係聖誕節當晚食，七点十五分。成个場坐吾爆，我都知中伏。我未試過食一間咁差既餐廳，不知所謂。一定無下次。

7:30pm 前埋單$188+1（90分鐘）食物Parma ham: 原隻腿切出黎， 感覺很好。 可配生果。 味道不錯。 讚。生蠔： 朋友說不錯。吞拿魚： 肥美三文魚： 可以熟牛腩： 幾好。 五成-七成熟。 有牛味， 中價質素。 不算是最高級最嫩的那種， 但又不是茶記鬆肉粉的那種。 這個價錢是可以接受的。熟食： 很一般。 有些熟食太乾， 見到也不想夾。 選擇少。 炒雜菌好吃。 薯蓉， 焗薯也不錯， 如可提供sour cream就更佳。環境/ 服務：高尚裝修， 坐位舒服。 服務很好， 勤收碟， 勤添水， 處理問題能力佳。 雖然食物很一般， 但環境和侍應態度挽回一些分數。 謝謝你們熱心的服務🙏🏻建議：- 熟食的種類可選擇大路小小既種類。- 好像沒有看到有粥粉麵飯/ 麵包提供。

$208 有蠔食既自助餐真係好抵，所以同一班同事Book檯去食因為Hold 檯只會Hold 5分鐘，所以我地都好準時就去到。企係接待處已經見到有好多野食放左出黎，入到去就坐之後都係出返去接待處拎野食餐廳入面既裝修好靚，都坐得好舒服～呢張相大概係餐廳環境既三分一～如果唔係怕影響到其他食客，我仲想影多Ｄ！先係兩舊水仲要有蠔食，都做定心理準備食物種類同埋質素都唔會高，但係估唔到又幾有驚喜Bor！沙律、海鮮冷盤、熟食同甜品都有！沙律一睇就覺得好入味！好似紅菜頭沙律同蜆殼粉沙律，一定係醃左好耐好入味！仲有熟食都整得好有心機！水牛雞翼醃夠味先炸，炸完仲再拎去焗～唔會熱氣又入味紅酒煮牛脷整得好好！唔似食緊牛脷，反而可以煮到牛腩咁啖啖肉，真係好正！餐廳仲好有衣食唔會浪費食物，食物食完一款先有機會轉另一款～食完兩轉鴨胸再轉一次煙三文魚，額外覺得煙三文魚好食呀！仲有蟹腳都好新鮮！D蟹腳好似啱啱上水咁痴住D藤壺，估唔到兩百蚊既自助餐都有咁高質既食材既然呢個自助餐係食蠔又點會無主角呢～D蠔全部都好大隻，隻隻都手掌咁大，好啱整焗蠔食～好重蠔味同金屬味，真係好新鮮好甜！最鐘意食呢D蠔味咁濃郁既蠔！就連臭左既蠔都好

野食難食到爆，又冇乜款，熱盤完全冇味道，刺生只有三文魚，幸好服務生態度不錯，如果唔係.....有個半鐘任食，我同女朋友坐低10分鐘就走，太失望，400蚊可以買個教訓，值得

係 openrice 網上訂左枱, 一心和老公去食下生蠔, 點知... 我老公出去左攞野食之制, 有個貌似大陸人扮聾啞人士周圍拎住張咭叫我買鎖匙扣, 由於佢拎過嚟時我正在玩手機, 沒留意卡上寫什麼, 加上咭是英文, 所以我以為他來傳導, 跟住坐我隔離枱的女人跟我說, 他叫你買鎖匙扣, 後來望真d, 最底部好行好mini 的字 $20 for 1pc, $30 for 2pcs, 為何餐廳會比這些人入到嚟架 , 那我同這個人說 "no need, thanks", 這個人就走去另一張和我一樣, 另一伴出去去攞野食, 得返1個人坐係度既枱兜售鎖匙扣, 終於有侍應發生這個人, 叫佢離開餐廳

非常正既生蠔！！又大又甜，成隻手掌咁大黎到主要真係食生蠔同海鮮熱食實在麻麻，但都係次要重點真係海鮮同生蠔！講真呢個價錢食到呢個質素，係物有所值！星期日晚可以walk in, Jengvery good