The One Bakery

Open Now

Now Closed

近期IG 俾布丁麵包洗板，見到來自不同麵包店的布丁麵包，仲有人做了「麵包店布丁麵包大比拼」，真係好投入。大家仲為了它排上成嗰鐘添! 老實講，我就唔會為了食個包去到咁盡，哈!今日行過這間麵包店，原來都有出售布丁麵包，剛好出場，唔駛排就買返過啦! 在原味和朱古力味中揀了後者。這個朱古力布丁麵包($15)並不是用上法包，是軟熟的麵包，咬落去跟軟滑的布丁好夾。不論凍食或熱食，布丁都係好滑，朱古力味亦幾香濃，整體唔算太甜，但食晒成個都會幾漏。雖然布丁麵包係幾好食，但要用長時間排隊就可免則免，如下次再遇上不用排隊的布丁麵包就繼續試下啦!

早排喺Instagram上面見到有好多人推介左呢一個法式嘅麵包布甸，覺得幾特別，於是今日就走咗過去試吓啦！呢一度嘅法式麵包布甸大大歌，而且都算係好抵食，重點嘅係全部獨立包裝非常乾淨衛生！麵包味道好香，而且中間嘅布甸亦都係好滑，蛋漿好多，蛋香嘅味道十足！

After my ramen, I decided to have dessert. Right after I left the Maki ramen shop, I saw this bakery and decided to try their items.Their Portuguese egg tart was quite great.  The pastry was flaky and its design resembled a cute mini-cupcake.The French Pudding bread I have to say was a bit different from the 2 I tried previously at other bakeries so it would depend on your personal choicebut it was not to my liking. The bread was more closer to the usual bread instead of baguette(french bread) s

美美的冬甩&泡芺🍩🍭冬甩$11: 鮮黃色朱古力脆皮加上彩色朱古力針的冬甩原來冇想像中太甜，脆皮似檸檬夾心餅既味道，冬甩夠鬆軟，幾好味冬甩仲有原味同其他顏色，下次想試埋粉紅色同朱古力心心型士多啤梨泡芺$24 粉紅色朱古力脆皮上灑上仿珍珠，閃閃甘，夢幻又華麗價錢抵食賣相花心思，抵讚。不過拎全有難度，餅店只有普通扁睇神袋，部份冬甩彩色朱古力溶在袋面。泡芙要全程托住，在人來人往既旺角行真驚險萬分。如果有個有袋膠袋客人會唔洗甘狼狽

真係未食過咁難食嘅麵包，同屋企人咬咗啖已經停咗手🤢講返正題先，近排係布甸包熱潮，相信好多麵包店都想分一杯羹製作下。意外地同樣喺油麻地附近搵到一間麵包店相當多款式麵包而門口好大個橫額寫住布甸包，咁就吸引咗我嘅目光，好可惜我見到個實物之後已經有預感唔好食，但都照買想實測俾大家，而結果當然同我預期一樣😂其實佢係一間經濟又好多麵包嘅餅店，只係我冇食佢其他麵包姐留意番係完全不需排隊，都見到有人幫襯買架！👓焦糖法式布丁包 $15/個本身布丁包係參考焦糖布丁做法，平時其他麵包舖會採用法包便挺硬質地，但依個就採用偏軟身嘅普通麵包質地，太淋同啲布丁一樣淋令成個麵包冇口感，如果焗/氣炸鍋都好啲啲起碼會脆返啲。中間嘅布甸根本就唔係布甸，只係一pat醬汁，佢落得太多個吉士，味道上完全冇蛋味冇香味直情冇味！質感上冇布丁嘅凝固質感冇厚度只係淋淋地嘅醬！完全冇布丁應有嘅焦糖脆片或蛋香味，成個包都唔知咩嚟😅勝在貨源十足唔使排隊，麵包獨立包裝夠衛生但見網上都好多人讚🤔評分：5/10

曾經喺佐敦分店訂過幾次生日蛋糕，有保證。今年媽咪生日訂左鏡面蛋糕$300 一磅，佐敦店舖遷移後轉喺油麻地分店自取，🎂蛋糕味道同鏡面顏色都可以自選，例如：士多啤梨味、芒果味、雜果等等⋯呢個係黑森林味，好靚🎂 媽咪好鍾意❤️拎蛋糕嗰陣時見到有近期最Hit嘅法式麵包布甸，忍唔住買黎試吓 😂拎上手有啲重量，好期待！麵包布甸一直放喺廳，食時冇專登整熱，布甸個底幾深，口感紮實，食到蛋香味，食到咁上下就連埋麵包一齊食，麵包仲好軟熟，夜晚二個人share做飯後甜品的確唔錯😋

見到經過就買左😂結果就試左另一種風格既布甸包。🐒法式布甸包💰$15首先拎上手佢個包係凍既，我平時食布甸包都中意雪凍食，所以ok既布甸質地偏向似啫喱口感，比較硬身彈牙，食落奶黃香味重，負擔感比較低麵包方面佢唔係法包而係甜餐包，所以一食落去同expect唔同，呢下會有少少驚嚇左😂。整體來講我心中第一名依然係嘉多利，暫時未有其他取代到佢既位置😙

嘉多利最出名既法式布甸麵包我每次都同佢冇緣😞好想試下到底係咩味～某日經過油麻地見到呢間麵包店好吸引，然後見到我一直想試既野🤩 有諗過買唔買好呢～個時有個女士同我應該一齊諗緊同樣既問題，然後佢問店員係咪新鮮出爐架～店員好誠實咁話先整定既～然後個女士就走了🤣 不過我個陣諗，買完我都唔會即刻食，同埋拎番屋企都會焗下去，所以我就買左了🥰🍮 法式布甸麵包 $15如圖其實個包都幾靚仔～ 番到屋企之後小編都雪左幾日先再食🤣 完全冇變壞！焗左5分鐘，可以令到個包脆左，但入面既布甸仲係凍既😋呢度既布甸好實淨，一啲都唔會流心（我覺得係ok既同埋幾滑😚）另外都食到蛋香，幾唔錯呀😍佢都滿足到小編想一試既慾望😚大家行過都可以支持下！

去開油麻地 本身想去油麻地既某有名餅店買法式布甸包 點知去到先發現油麻地店因為疫情嚴重關係暫停出售法式布甸包😅 不過打算放棄之濟 無意中係地鐵站隔離既依間店發現都有出售依款近期大熱既包 抱住想試下味道既心態決定幫襯下 店舖出售2款口味 ：原味同朱古力味。 因為怕朱古力會太甜 就買左一個原味法式布甸包（$15） 試試。 個份量比想像中大份， 幾吸引咁 今次一時大意 唔記得左整熱佢食 見網上講依款包有2款食法 分別係叮熱佢熱食 或者雪凍食。 不過今次只係照室溫下同朋友分享黎食。 布甸依然好Q彈 食落去口感好有蛋香都比想像中冇咁甜 甜度適中 不過可能冇叮熱關係 個包皮有啲硬身 比較難咬開。

法式布甸麵包💸價錢：$15@1💦主觀指數：4.8/10呢款通常個布甸都會落好多吉士粉，搞到食落去超甜😖但呢間鋪嘅唔係死甜嘅吉士味，有淡淡嘅蛋味🍳但個麵包咸咗少少，可能係想平衡返吉士嘅甜味，但遮咗啲蛋味🥲麵包唔會太硬，布甸質地正常😆作為一個tea嘅點心/甜品都唔錯👍🏻上面個啲粒粒，應該係開心果🤣一開頭仲以為發霉🤣🤣差啲嚇死我大家路過都不妨可以買嚟試試✨性價比唔算好高，但可以一試

禁堂食就唯有在家簡單慶祝爲了要點儀式感,特意買了個小蛋糕因爲只有兩個人吃能買多小就多小看見這家小店居然有半磅蛋糕IGable的玫瑰花鏡面蛋糕居然只需要$180 (超佛心)我2月8日透過whatsapp預訂店家回應速度超快態度很好有很多餡料可以選擇:芒果、草莓、栗子、黑森林、雜果、藍莓芝士慕斯、綠茶紅豆、朱古力慕斯、Mocha、Red Velvet任君選擇我覺得Ｍｏｃｈａ超吸引的可是他不喜歡咖啡唯有買個穩陣栗子味蛋糕～～～～～～取貨當日店員也很熱情還細心提我要小心拿蛋糕（對　我經常亂ｆｉｎｇ食物）想不到現在在香港都可以用＄１８０買到半磅的高質蛋糕玫瑰花鏡面　讚

🍴 輕鬆買The One Bakery麵包布甸🍮繼12月實測了嘉多利麵包布甸 🍮；1月實測紅豆烘焙麵包布甸 🍮；2月份再接再厲，實測The One Bakery麵包布甸🍮這次是機緣巧合下，在星期五晚19:00經彌敦道，看到店舖售賣麵包布甸廣告牌，便進店踫踫運氣。店內還有大概20-30個法式布甸包，每個麵包都獨立袋裝，看上去乾淨衛生。🍮 法式布甸包 $15/個筆者夾了兩個，感覺麵包較上兩次吃到的軟身，在付款前好奇下售問了店員最佳食用方法，及是否需要加熱令麵包變脆呢？店員指店中出品的法式布甸包適合常溫或凍食，如果真的想加熱食用可放入微波爐加熱20秒左右。麵包外觀是較討好的，因為看上去比較濕潤圓渾，撒了糖霜在面，亦加了少許開心果蓉作裝飾，剛妙地增強了視覺和味覺上的層次感。原諒筆者未能即日享用，所以糖霜面在拍攝時有輕微回潮，但麵包外觀仍保持圓好。法式布甸包口味中較似在超市購買到的日式布甸，味道微，布甸滑溜，蛋漿多，但蛋香味較淡。麵包香軟，即使在第二天享用也沒有變得乾身，味道與平常吃到的腸仔包外層相若。📝 實測結果：🥇 嘉多利 - 皮薄、蛋漿多、蛋漿口感似Crème brûlée，味道微甜富蛋香

每星期會到店舖買麵包一次早上沒有什麼人流每次去到店內店員都在買麵包上架已經請問店員可否不要頭一件麵包因為麵包好唔完整 冇咗一大忽但店員回應態度極差 話個個麵包麵一樣 將心比己 你自己都唔會想買一個不完整的麵包每次幫襯都在收銀機前等很久才有人幫忙收錢早上時間她們傾偈都傾得好入神😅經過今次以後都唔會再幫襯寧願行遠啲去其他麵包舖

油麻地站出口隔離，有唔同種類麵包買，仲有素餅👍🏼.1️⃣朱古力扭紋麵包 HKD242️⃣法式布甸包HKD15.味道 ★ ★ ★ ★ ☆買過幾次，今次的起心肝打食評🤣朱古力包好食好足料，真係有朱古力塊係麵包入面，麵包唔會好甜，夠鬆軟。試過抹茶紅豆包都好食，粒粒紅豆都好足料。法式布甸包麻麻哋，冇咩蛋香，一般。.環境 ★ ★ ★ ☆ ☆店舖都大，好多種類既麵包揀，有蛋撻椰撻葡撻，唔同味既卷蛋，仲有中式餅點，仲有齋餅👍🏼.服務 ★ ★ ★ ☆ ☆收銀阿姐好有禮貌.價錢 ★ ★ ★ ★ ☆性價比高，已經好少非連鎖麵包舖，要多多支持

特意反映對該分店嘅年青女員工，待客嘅服務態度及語氣差劣，好不願意替客人將西餅入盒，禮貌欠奉，幸好有一位較年長嘅收銀員工代為致歉，可挽回本人對貴店一些信心，盼貴公司能積極改善前線員工嘅服務質素，避免因一粒老鼠屎搞砸一煲粥，對貴公司及其他員工都不值得。