The One Bakery

Open Now

Now Closed

上月生日第一次在此訂了雜果蛋糕，畢竟阿姐及其他藝人也經常光顧。以前在附近上催眠課，師父及同學們都喜愛這店蛋撻及曲奇。我曾在這裡訂購曲奇作散水餅，結果散水餅變升職餅，助我事業發展順利。蛋糕口味不錯，奶油有點油膩，以花茶作配搭就最合適不過。可惜，奶油內添加劑可能令我過敏，下次會提醒店員及師傅小心處理。

因為方便緣故，小朋友每次學野都會係度買野食，今次小朋友買左蛋糕同楊支甘露，問左句d蛋糕同楊支甘露顏色好靚係咪加左色素？戴眼鏡既女仕冇答，有位有口音既女人沖出來，兇惡既眼神掘住，勁大聲講：我地用芒果做！如果你驗到有色素攞返來換囉！色素！行出街仲聴大聲罵。態度極差，小朋友只係問左一句，係度買野都俾人罵，真係冇下次。雖然係油麻地近廟街，唔代表可以咁既態度罵人。D蛋糕五顏六色咁，唔係加左色素咁係加係乜？？

早上經常經過這麵包店間中有幫襯，但每一次感覺都唔良好，尤其是有一個短髮戴眼鏡好像做得比較耐嘅姨姨，我有時我帶住headphones聽唔到佢問我俾咩payment，好正常平時買麵包根本唔需要同任何人講嘢，但係佢次次都好大聲咁問我俾乜嘢，今日都唔例外我只係遲咗一陣拍個八達通佢已經喺後邊大聲呼叫，我買完之後擰轉面見到佢好惡咁樣掘住我，我想知道究竟呢啲係乜嘢服務態度？雖然呢度係廟街附近但係唔代表可以咁樣嘅態度同人客講嘢🙁

🤍法式布甸包 $15首先不得不說嘅 真係超級大個😍麵包同蛋漿都比人好厚實嘅感覺🍞同埋布甸質感都滑 可惜有啲過甜P.S我係隔咗一日先食😂放落雪櫃 再放落氣炸鍋所以可能味道會有偏差🙈味道🌕🌕🌕🌗🌑-🤍朱古力布甸包 $15唔知點解冇朱古力味🥲味道🌕🌕🌗🌑🌑-回訪嗎：🙅🏻‍♀️整體味道 🌕🌕🌕🌑🌑抵食 🌕🌕🌕🌗🌑

滿心歡喜買個蛋糕返屋企慶祝生日，同老公一人食咗一件，第一落口已覺得味道好奇怪,我明明買朱古力蛋糕，點解會系咸味多過甜味，呢個蛋糕直頭令我懷疑自己味覺有問題。落錯料唔系問題，認真認個錯改善返就ok,個人口味嘅嘢系好主觀㗎，但朱古力蛋糕系咸嘅我相信唔系個個啃得落囉。面飽買過好多次，尚算ok, 估唔到第二次買蛋糕就中伏，仲要我幫襯第二次，平返俾我，仲敢有下次咩，我個人口味咁主觀，真系食唔慣咸味朱古力蛋糕。

油麻地試試唔同布甸包 今次試試⭐️芒果布甸包$26 賣相幾吸引 表面有大量芒果 吸引左我試試 👍🏻芒果甜度幾高 🤔不過都小酸👌🏻中間係常見芒果布甸甜品味蛋漿👌🏻因為係放喺雪糕凍櫃 麵包比較軟身係港式傳統麵包店口感 而唔係法底硬脆果種.整體普通麵包 加左普通芒果布甸 再加芒果 ok啦.除子之外 仲見到迷你葡撻$4 好似幾吸引下次再試.#hkfunfoodrecord窮遊香港#hkfunfoodrecord_油麻地.#TheOneBakery (油麻地)地址：油麻地彌敦道495-497A號麗星大廈地下B號舖.⭐️評分：味道：3/5 ok啦環境：-/5服務：-/5抵食：3/5 ok啦.#飲食 #美食 #優惠 #抵食 #hk #food #foodphotography #foodstagram #hkfood #hkfoodie #hkfoodblogger #hkblogger #hkfoodies #香港美食 #食評 #香港旅遊 #油麻地美食 #油麻地 #油麻地必食 #週末好去處 #甜品 #蛋糕 #芒果 #麵包 #旺角美食 #旺角必食

本身係食咗一次朱古力牛油蛋糕先，唔算話超級好食，但呢個價錢，算中規中矩嘅味道，唔會太甜。所以試一次藍莓牛油蛋糕，點知好難食🥲不值得的卡路里，太甜，中伏🥲🥲🥲但有個蛋芝士火腿toast ok, 布丁麵包都算ok, 有香料味，唔係太high quality，但呢個價錢都不求甚麼quality了。有個收銀幾好，另一個就麻麻。

面包種類好多，而我個人覺得火腿芝士多士好好食不過家人有覺得多士太硬嘅每日唔同時段出嘅面包都唔同，我隨時入去都覺得有驚喜中西式嘅面包都有，真係好難揀，每種睇落都好似好食想多啲選擇嘅人不妨試一下不過強烈不建議試有咖喱嘅嗰隻咖喱味好奇怪

紙袋跟曲奇盒是一套的，非常華麗，充滿藝術氣息，以Tiffany Blue作主色更顯氣派！這是我第一次接觸The One Bakery，這盒Tea Mix Cookies 有三款口味，分別伯爵茶曲奇、桂花烏龍曲奇、玫瑰烏龍曲奇，曲奇屬低糖配方，清新不油膩，曲奇鬆化，入口淡淡茶葉的清香，令人齒頰留香！本人喜愛玫瑰烏龍曲奇，曲奇內帶點微碎茶葉，咀嚼時散發陣陣茶葉的幽香，大愛！

食過有好多間好出名嘅布甸麵包依間係我未試過嘅我平日去下晝買所以就冇咩人排隊買咗個士多啤梨味同埋朱古力味佢面頭嗰個朱古力脆片呢我覺得都唔係咁好味朱古力味唔出囉同埋有啲硬然後佢中間嗰個朱古力cream又太多不過勁大個都食得好飽

法式布甸包都流行咗一段時間，一直都冇機會食到~今日行過呢間麵包店見到有就買嚟試下！個人幾鐘意佢嘅獨立包裝，咁樣衛生得多，而且又唔怕保存嘅問題，拎到返屋企個樣仲好靚！拎到返去食完晚飯就心思思想食， 呢個布甸包熱同室温食都可以，再焗定唔焗都係唔同口感，麵包外層鬆軟，內裏布甸落充滿蛋香唔過甜，夠軟滑，麵包同布甸好match，食完一個都幾飽肚😝整體唔錯，就唔太值要排隊去買，唔洗排隊行過都可以買個嚟過下口癮嘅！

呢間麵包店好多唔同款嘅產品大熱布甸包、曲奇、蛋卷、Donut、瑞士卷、切餅.....款款都好吸引連瑞士卷都勁多口味芒果、香芋、咖啡、朱古力、蛋白....連斑蘭卷都有分淨斑蘭定紅豆斑蘭今次試紅豆斑蘭瑞士卷($11)斑蘭味嘅嘢我覺得好少做得好通常得色但冇咩味呢個瑞士卷，色都有，仲非常濃郁....顏色上不過斑蘭味就唔太突出蛋糕體都濕軟就算雪凍食都唔會硬掘掘最鍾意佢啲cream薄薄一層唔太漏唔膩口都有啲奶香味嘅紅豆我揀咗少豆紅豆有啲啲咬口，反而不錯$11呢個厚度算抵食下次試埋其他口味先

之前朋友話油麻地有間咩布甸包好正，成日排好耐隊，琴日出開去九龍就去八下，但係唔多記得咗個名，上OpenRice search就搵到呢間，見個樣係差唔多，唔使排隊嘅？問店員佢話佢哋唔使排隊已經覺得少少怪，另外朋友上次買嗰款綠茶包又唔見，問店員仲有冇其他綠茶包佢就話齊晒，覺得有啲奇，事後同朋友講原來我去錯咗另外一間呀！🤣嗰間係叫法式麵包布甸，呢個係法式布甸包，其實應該同一樣嘢，冇食過話好好食嗰間好難比較，但今朝試咗都OK嘅，但其實我唔係十分鍾意食呢類型嘅包，所以試過就算。因為好好食嗰間聽講以前係晏晝會出兩次，但而家出一次，仲要4:30pm，我又唔係住附近我諗都好難買到。🙈

抱着期望只會失望🙍呢間出朱古力味嘅布甸麵包，好似幾特別咁我就買來試吓啦～拎返屋企整返熱，朱古力一啲都唔流心，又冇軟滑嘅口感🥲並不覺得是合格的布丁🍮只是凝固咗的朱古力餡⋯⋯體積不算大，吃掉就算了～不抱着期望會比較好🥲

雖然「法式麵包布甸」近期大紅，油麻地碧街的一間麵包店更是每日都有人龍排隊等候它的招牌「法式麵包布甸」出爐，不過之前路過那間麵包店，雖然還有15分鐘便到「法式麵包布甸」出爐的時間，但麵包店外早有超過三十人在等候，要是跟隊的話，隨時到我買包時已經賣光，便打消了一嚐這店招牌「法式麵包布甸」的念頭。另一次路過油麻地彌敵道，無意中竟讓我見到這間 The One Bakery，原來都有「法式麵包布甸」賣，雖然名稱不同，這店叫做「法式布甸包」（$15），其實都是同一樣的東西，而且這麵包店的出品，也得到過飲食網站的介紹，在心裡已留下印象。這一天，我在回家途中再次路過，這店又沒有人在排隊買麵包，正好把這店的「法式布甸包」買回家中品嚐。聽這店舖有禮的女店員說，「法式布甸包」不用叮熱，要是不是第一天才吃的話，也不需擺放在雪櫃，只需放於室溫環境，在吃時掰開包著麵包的膠袋便可食用，到我回到家裡，吃過晚飯，這麵包便順理成章地成為我的飯後甜品了。這麵包其實的確是挺好吃的，麵包鬆軟，裡面的布甸餡柔滑而不太甜，味道著實不錯。這麵包店的「法式布甸包」沒有碧街那間麵包店的「法式麵包布甸」那麼爆紅，那人氣麵包店的「法式麵包布