啊一檸檬茶 (砵典乍街)

Open Now

Now Closed

長期係中環返工，一得閒就會周圍買下野飲外賣拎返公司。試過幾次都覺得呢間既生椰飲品唔錯。今次叫左芒果生椰 少甜$33 Openrice訂，好快拎得，味道剛好，又夠冰凍，正。

--出開中環街市～見到有間近期好紅，而且係新開既手搖飲品店😋係手機App落單～超快就拎得拉👍👍我亦發現係openrice買茶飲，都可以草到印花❤️-手打鴨屎香檸檬茶🍋好香好香既檸檬茶味～好fresh既味道！天氣熱時飲番杯～簡直係透心涼!解渴又可苦澀啊一檸檬茶係采用香水檸檬製作出水果檸檬茶茶底～檸檬係自建果園採摘😌仲要係全人手製作！而且係香水檸檬茶既創造者tim👍啊一檸檬茶 (砵典乍街) (中環)📍中環砵典乍街28號地舖

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 去開中環，就試下新開無耐嘅啊一檸檬茶。發現最正係係Openrice買每杯茶飲，同樣可獲印花一個。使用Loyalty Card 儲滿指定印花數量可獲精美禮品一份，多買多送！4個印送杯套，12個送兩杯檸檬茶等。𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 番石榴檸檬茶番石榴檸檬茶嘅味道酸甜得宜，番石榴嘅香味同檸檬嘅酸味完美融合。茶味清香，唔會搶咗番石榴嘅味道。✨ 污糟邋遢檸檬茶污糟邋遢檸檬茶就係blackberry、jasmine tea、pineapple、apple juice。清爽得黎又有抗氧化功效 ☺️ 正~飲品甜度可以調節。ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 啊一檸檬茶 📍 G/F, 28 Pottinger St, Central

最近出開中環見到中環街市附近新開咗間茶飲店～俾門口大大個番石榴檸檬茶poster吸引咗🤤鮮甜番石榴配上清新解渴檸檬茶！第一次試到呢個配搭！真係一次愛上呀！估唔到番石榴同檸茶係咁match！最正係佢冇嗰啲好假嘅香精味同色素！個檸茶底仲要一啲都唔澀！成件事就係好fresh好解渴！啱晒依加香港呢啲咁悶熱嘅天氣呢！題外話，依加只要一張訂單買滿12杯飲品就可以將嗰隻滑嘟嘟又可愛嘅鱷魚公仔帶返屋企喇！lunch同同事夾單一齊買話咁易就有啦

上星期同朋友路過中環，見到有間新開手打飲品專門店，比隻鱷魚仔吸引咗，一於試一試，起初見餐牌有啲怪😅，甚麼鴨屎香檸檬茶、手打渣男檸檬茶🤪🧐當我哋心大心細諗緊飲乜嘢時，落單的同事又幾好喎，用心解釋各款茶有乜嘢分別，最後我哋叫咗鴨屎香珍珠奶茶，苦瓜檸檬茶、楊枝甘露。😉😁綜合各人口味、鴨屎香嘅茶底香氣濃郁，珍珠煙韌適中，令人愉悅。 而苦瓜檸檬茶就苦瓜味能與檸檬茶充分融合，口感豐富且層次分明，這款檸蜜茶不僅解渴，還有提神的作用。另外楊枝甘露都恰到好處，係一款讓人回味無窮的飲品。😋😋下次行過，想試渣男檸檬茶😂😂😂

同朋友一齊叫咗三杯🤔 淨係試咗兩杯嘅味道 手打鴨屎香檸檬茶 少冰少甜 $34 飲落去有啲似冇咁濃茶底味嘅檸檬茶 個人嚟講 一般般呢杯茶🫤 但眼見入邊有好多青檸而且青檸嘅果粒黐喺個杯邊 應該真係打過😂 值得一讚嘅係佢個杯嘅外表👍🏼 凍飲都會俾個杯套 而且佢嘅杯蓋得太緊 開咗好耐都開唔到阿波羅檸檬茶 少冰少甜 $36原本飲完手打鴨屎香檸檬茶之後我覺得自己都未必會去買第二次 因為感覺味道一般般 而且又唔係平🤔但試埋朋友飲嘅阿波羅檸檬茶 我又覺得佢呢杯OK喎😋 就算少甜都唔會好似鴨屎香檸檬茶咁樣差咁啲茶味 反而甜味啊 菠蘿味 同檸檬香 都喺度 而且又係肉眼可見佢入邊係有真嘅菠蘿果肉喺度😍 但係佢嘅杯蓋又係蓋得太緊 開到隻手痛都未食到佢啲菠蘿肉🥲

沉日出開中環做嘢，搞掂之後就行下街街💕發現左一間近期好紅嘅 - 啊一檸檬茶🍋就梗係叫返二杯試下啦🤭我哋叫左招牌鴨屎香檸檬茶同楊枝甘露😆招牌鴨屎香檸檬茶🍋香水檸檬配上茶味💕呢個配搭冇得輸，成杯嘅感覺都好fresh，而且亦都唔會好澀☺️食到飽飽哋飲返一杯夠晒爽呀‼️楊枝甘露🥭因為有小朋友一齊所以店員介紹我哋試吓🥰仲可以選擇走冰同埋少甜，好適合小朋友，味道清新得嚟而且飲到尾仲有滿滿嘅配料添😋真係無介紹錯呀👍🏻

手瑤系列🧋係中環行行下發現呢間新開手搖店，有好多款檸檬茶選擇，有選擇困難症🤭咁就試左最經典先。⭐️手打鴨屎香檸檬茶 $34 有6塊檸檬好足料，獨特既檸檬香氣充斥口腔，配以清香茶底，茶底冇苦澀味，見到佢地有楊枝甘露，下次試。💬收銀既店員叔叔好有禮貌，耐心解釋問題🤭

上個禮拜，呢間店新開張，我問佢有冇熱飲，老闆話要下個星期先有熱飲，仲請我飲咗一小杯鴨屎香茶。我頭先再經過，有熱飲啦，我叫咗一杯紅棗燕麥茶，真係超好飲，尤其是佢嗰啲燕麥，有一粒粒炒咗嘅燕麥拼埋紅棗，好好味，跟住到飲到最後還有煙韌嘅燕麥爆珠，飲到和吃到最後一啖都仲想回味。(P.S 我平時好少飲呢啲飲品，覺得點解咁多人成日鍾意排隊買嘅呢？今次就憑着一杯免費茶就有機會令我有所改觀😂😂，老闆小小的心意，給我多多的溫暖。）

前天行開中環砵甸乍街, 忽然想飲杯檸檬茶, 見到 ‘’阿一檸檬茶‘’, 諗左都係檸檬茶一杯, 點知只飲了一口, 即刻帶你走進香水檸檬的世界🍋🍋🍋, 佢地個杯 “手打四季春檸檬茶‘’ 及 "手打鴨屎香🦆檸檬茶‘’ 直情係手打檸檬茶界天花板😋, 下次再去一定要試埋果杯 ‘’手打渣男🙍‍♂️檸檬茶” ！

中環區又多一間檸檬茶專門店進駐！開店無耐就即刻過黎試下～夜晚放工係手機APP落單 好快就有得拎🙌🏻 lunch time黎到應該會比較多人.｜鴨屎香檸檬茶好香既檸檬茶味 但同另一間檸檬茶店相比就覺得啊一既茶底偏淡.｜海鹽黃皮甘露茶底較淡 好多大大粒既黃皮 整體黃皮味蓋過茶味 有啲可惜～ 但欣賞有加海鹽 係其他茶飲店未見到既😉.｜海鹽鹹檸檬茶同鹹檸七非常相似既味道 夏天飲會好爽但冬天就希望可以出熱飲/去冰😅 係外賣APP下單時見到大部分飲品都係凍 同埋只可以少冰70%