啊一檸檬茶 (駱駝漆大廈第一座)

Open Now

Now Closed

自從第一次接觸鴨屎香檸檬茶後就愛上了，試了不下十家店，覺得這家最適合和滿足到我。啊一的鴨屎香檸檬茶，香水檸檬味突出，香而不酸，浸久了也不會苦澀，特別適合慢慢飲慢慢嘆人士。一般會選少冰少甜，不用飲管，從上面開始慢喝，然後冰慢慢溶，就可保持甜度。渣男檸檬茶都有香水檸檬清香，但不夠配鴨屎香突出，而且價錢再貴一點，試過便算。本身不介意帶上他們的杯子重用，但上網下單比親身現場下單平，這樣就是在懲罰嘗試環保的人啊...

去觀塘駱駝漆買完嘢，見到樓下有一間檸檬茶，都幾多人買，於是買來試吓。啊一檸檬茶，第一次試。有隻鱷魚仔，幾得意。價錢唔算平，平均30幾蚊一杯，而且唔可以走冰，只可以半糖 、少冰。楊枝甘露 $35 芒果味濃郁，已經係半糖，但係感覺都係偏甜。手打四季春檸檬茶 $34這一杯只是少冰，感覺好甜，而且飲唔出檸檬味。鴨俬香檸檬茶 $34這一杯半糖少冰，的而且確唔甜，但係亦都沒有檸檬味。感覺價錢偏貴，味道不突出，加上服務態度麻麻，不會再買。

試過黃皮， 海鹽檸檬， 桃檸檬一開始覺得好大杯，點知少冰都有半杯冰。份量非常少，如果真係想整杯好野俾人飲，我寧願佢收貴啲。飲幾下就冇哂。 半甜，意外發現甜度剛剛好。黃皮肉，檸檬，都不錯。黃皮肉幾好食，唔似新鮮黃皮肉咁半透明啫喱狀，是白肉黎，感覺幾fresh海鹽檸檬，正常發揮，冇左fresh嘅感覺桃檸檬茶 ，有桃肉，應該係桃果醬黎。唔似大苑子咁，用生果鮮打，所以人地賣$5x， 佢賣$3x. 基本上檸檬茶都係非常淡茶味，甚至冇商業策略係啱嘅，不過都係搵快錢。

觀塘終於開左手打檸檬茶🤫 依間第一間店舖就係尖沙咀 當時都試過覺得唔錯 所以黎到尖沙咀就緊係飲下過下口癮。位於駱駝漆大廈地下， 依廈本身就坐立左唔少食肆， 放飯時間更加多人會幫襯。野飲方面比初開業已經多左好多。 最後分別叫左「手打渣男檸檬茶」（$32） 同埋「鮮橙檸檬茶」（$42） 先取既係鮮橙檸檬茶， 可以望到入面有一個新鮮嘅橙， 味道方面的確唔似係用果汁嚟加，用真橙， 可能因為冇特別話少甜，所以飲落其實好甜。 檸檬味同橙味其實都唔算突出， 但係都叫有飲到橙味。 之前喺尖沙咀店已經飲過手打渣男檸檬茶，當時覺得味道唔錯，不過不失。 手打渣男檸檬茶既精粹係泰涼， 清爽又解渴所以勁中意飲。 等左一陣，手打渣男檸檬茶都到手， 由於之前飲過少甜味道會有小小失色， 所以都冇話特別少甜咁。 點知今次就唔小心中左伏🥲 飲落去真係好甜🫠 清爽既檸檬茶味照有 但比甜味cover哂😅😅 建議如果幫襯依間記得要少甜😅😅

🍴「 啊一檸檬茶 (觀塘)」觀塘最近開咗一間新嘅手打檸檬茶，區內都冇乜呢類型飲品嘅舖頭，舖頭嘅位置就係喺人流旺既駱駝漆樓下，所以都吸引咗好多人嚟呢度。而佢哋嘅招牌以鱷魚做標誌，都幾可愛。《手打鴨屎香檸檬茶》💰$34《手打四季春檸檬茶》💰$34兩杯飲品都叫咗正常冰少甜，飲咗第一啖之後，已經非常失望，兩杯似飲緊茶糖水（已經叫咗少甜），冇乜茶香嘅味道，雖然招牌係手打檸檬，但係檸檬味並唔突出，不過佢都有優勝之處就係佢嘅量，比起其他手打檸檬茶店 多少少，冰量都適中唔會太多^ 總括嚟講店員服務都唔錯，都唔使等好耐到就已經可以取，鍾意飲甜茶嘅朋友呢度應該啱大家

平時間唔時去深圳食野都會叫杯鴨屎香檸檬茶不外乎都係丘大叔/喜茶 試過都覺得同港式檸茶好唔同 多咗份檸檬香氣但香港真係少之又少，所以每次叔大陸食野一定要飲返杯🤪之前已經聽講過尖沙咀有間阿一檸檬茶 但一路都無試難得開到黎觀塘 一定要試吓同唔同口味當日經過已經係收工時間 但都仲係勁多人排隊買點咗杯四季春手打檸檬茶 諗住應該都係不過不失點知一試有驚喜 個茶底係好出色同我平時買四季春茶葉沖茶差唔多 口感好滑結果飲完就念念不忘 每次經過都會買杯😋期待下次試埋鴨屎香同呢排都好興既渣男檸檬茶

觀塘駱駝漆地下新開的檸檬茶專門店 地點超方便 平時食完lunch行過都忍唔住買杯返公司一路做野一路飲 試過3隻味 3隻都可以回購 期待之後試佢既手打渣男檸檬茶(個名吸引左我)同埋奶茶系列😋😋🍋手打鴨喜香檸檬茶材料用左青檸 茶底勁香 完全同茶餐廳既凍檸茶係兩樣野 order左之後 見到員工人手打 飲落甜而不膩 推介少甜少冰 女孩子唔好飲咁多凍野👧🏻 飲完一啲都唔覺得內疚 唔需要還債🍋手打四季春檸檬茶呢杯飲完成個人都refresh左一下 喺翳焗嘅天氣 飲到呢杯咁清香既檸檬茶簡直係返工期間嘅一個小確幸🥹🥹每次返工唔如意嘅時候就會諗起呢杯嘢 飲完覺得世界美好左一點點 呢杯係我每次唔想諗飲咩就會叫 encore之選！🥭生椰乳楊枝甘露呢杯係唔係可以成日飲 因為個人覺得有d肥 但係味道超超超好飲😭😭係我cheat day不二之選 本身鐘意生椰乳 (有時飲咖啡都會揀生椰乳咖啡) 亦都鐘意楊枝甘露 兩樣拍埋一齊真係不得了 第一次飲到咁滑既楊枝甘露 椰味唔重 但簡直係幫杯楊枝甘露畫龍點睛 去左另一個level 平時行過鴻福堂都會買個枝楊枝甘露飲 但飲完呢間人手即沖既楊枝甘露 鴻福堂嗰支簡直係比下去 價錢又

係觀塘做野超熱超多人，食完lunch行過見有新開手打檸檬茶，就買杯返office試下，間店推介楊枝甘露同鴨屎檸檬茶，但我選左好少見既黃皮檸檬茶，見d staff真係用手極速狂打真黃皮同香水檸檬，完全冇機器幫手，真係打得超勁，同staff吹兩句先知依間係新開分店，佢地總店係尖沙咀。我選左少甜，成杯野超清新香甜，勁香黃皮味，飲完消滯又冰涼解渴，office女同事見到又話要買，一定回頭再試其他味既檸檬茶。