The Pasta Shack

Open Now

Now Closed

The Pasta Shack 📍：灣仔汕頭街4號廣泰樓地下B2A號舖🚗：灣仔地鐵B2出口 步行4分鐘📞：+852 2325-2725💲：~HKD110/head for dinnerFood quality✔️：Penne Creamy Mushroom, Spaghetti Meatballs👌🏼：Garlic Bread總結：😋呢間真係超級小店 因為堂食得兩個位 大部分都係外賣🥡 主要係賣肉醬 肉丸 番茄醬雜菜同忌廉蘑菇 意粉可以另選寛條麵 長通粉或螺絲粉😋佢嘅意式忌廉蘑菇🍄‍🟫好惹味 好濃稠😋肉丸意粉🍝就有三大舊肉丸 番茄醬充斥住成碟意粉😋老闆娘好nice 雖然忙但都有keep住同我哋吹水🤔蒜蓉麵包+$20幾抵但唔脆有點淋🥲唔太推薦😨堂食嘅話要坐路邊 冬凍死夏熱死 好彩條馬路都唔算多車經過 但都係建議大家試外賣算😣

用餐時間（12:22pm lunch）過開呢邊做嘢，睇吓有冇咩可以快食，見到呢間pasta幾吸引叫咗個嚟試。佢個Menu得幾款俾你揀，所以選擇困難症嘅食客唔會出事，店員話Shack Special 係俄式酸奶牛肉Beef Stroganoff🇷🇺🥩 ，最後都係揀咗意式忌廉蘑菇。🇮🇹🍄所有pasta 即叫即整，落完order要等佢12-15分鐘左右🕰️ ，如果趕時間嘅就可能會炆憎啲，但我覺得食物最緊要熱辣辣，我覺得還可接受。一煮起急不及待試一啖，食材簡單有幾種菇🍄同埋蔥🌿，配埋意式蘑菇醬汁，已經好有住家飯嘅感覺（以前英國住Hall，有個意大利妹都會煮意粉pasta，係呢隻味啦❣️令人懷念）長通粉唔會太淋，軟硬適中al dente。份量充足男士都夠飽。個人來講，等15分鐘都值得。佢本身一小盒芝士🧀，因為成件事夠熱，落啲芝士落去會即溶。（落完之後掛住食唔記得影相🤪）佢有張印仔卡可以儲印仔，9 stamps for 1 free pasta❣️

叫這間餐廳外賣。起碼要等超過半個鐘。人手嚴重不足。出餐耐。各位趕時間的食客，絕不能叫。一定返工遲到。門外人龍起碼10人以上，而且已經是下午1點，不是做繁忙時間。

今日lunch原本去另一間餐廳，但要排晒長龍，唯有放棄。行多幾步見到呢間，聞到香噴噴的味道，打心一橫去試試吧！老板娘好好人，問我係咪第一次嚟食😅（可能我面上已顯示晒出嚟😂），所以介紹給我知道呢間的意粉🍝。最後，我叫咗肉丸意粉+蒜蓉包😋😋。原來有時候，唔使特登諗住食物嘢，就算隨心，也有可以食好西

依間野我記得開左好鬼耐。但依家佢轉左手比個法國人。以前我記得啲意粉比較港式。依家啲意粉味道就變得外國口味。叫左個ratatouille spaghetti。一開始完全唔知乜鬼黎。上網揾下。原來係法國菜黎。普羅旺斯雜燴（法語：ratatouille）或普羅旺斯蔬菜鍋、普羅旺斯燉菜是法國南部的普羅旺斯和尼斯的一道特色菜肴，各種蔬菜的大雜燴。鍾意食菜既我當然唔可以放過。佢啲菜係先用油焗好調味，再混埋一齊煮。個醬汁幾有層次。唔似果啲現成汁咁單調。啲意粉質地又好彈牙。確實唔錯喎。味道幾好。（我特別叫老闆落左小小肉，menu冇）佢今日個湯係忌廉湯。好濃味同creamy。喝完成個下午都好Full。

嚟到灣仔Bakehouse見到半個場都係為心諗發達唔使等，入到去同我講要等九個字🙂哦轉場過去隔離汕頭街，好似話有間意粉小店要執，諗住試吓，點知原來已經執咗，間舖有人接手，同一個橙。好食，真正意粉味是這種？好香香草味，玫瑰瑪莉味啦啦。好少食肉丸，呢度啲肉佢應該自家製，味道同宜家傢俬食到嘅好唔同，有層次豐富。個湯都唔錯應該係薯仔蘑菇忌lin湯，味道又喺同出邊既好唔同，天氣涼先坐到呢度食。會想再去多幾次每一隻味道都食過為止！

今日體驗左The Pasta Shack餐廳的Shack Special：Beef Bourguignon 勃艮地紅酒燉牛肉非常經典的法國料理，首先牛肉肉質酥爛鮮美而不肥膩，飽含了濃郁的葡萄酒芳香，咬下去像在嘴裡化開一樣，軟糯易嚼。紅酒燉牛肉非常適合搭配意粉，食完就差唔多飽啦。係灣仔咁嘅水平都係70hkd，性價平非常高。餐廳主打外賣，不過門口都可以有位坐，感覺係法國街頭食嘢，下次再試下個lunch set，感覺都好抵。

記得呢個舖位之前都係咁樣嘅setting，坐喺外面食pasta，依家好似轉咗手。見今日凍凍哋，決定再嚟試，記得幾年前嚟食係熱到呢......今日揀嚟呢度真係無錯，一啲都唔熱。一坐低後，親切嘅外籍老闆娘就好親切咁介紹menu。先揀pasta種類，分別有意粉、寬條麵、螺絲粉及長通粉；跟住揀toppings，分別有肉醬、普羅旺斯雜燴、pesto及chef's special；每叫一款pasta可以揀soup of the day或者汽水，今日嘅湯係洋蔥湯，咁就梗係飲湯啦。仲有各式小食，我哋就揀咗薯條及洋蔥圈⁣⁣⁣Bolognese fettuccine + onion soup ($70)Pasta煮得唔會太淋，肉醬唔鹹，而且味道偏酸，食落都非常開胃；洋蔥湯唔係煮到爛晒嗰種，而係非常清澈，洋蔥絲仲係好完整，依然有咬口，入面仲有麵包塊，非常好飲，好在冇揀汽水。老闆娘仲俾咗芝士我哋，加咗芝士後嘅洋蔥湯更加正！Onion rings ($30)食嗰陣已經覺得口感同其他嘅唔同，外層好脆，應該係加麵包糠做，而且食落唔油膩。睇返佢哋IG先知，原來係自家製，怪不得咁正一路食一路覺得自己好似去咗意大利咁，快

之前已經聽過住喺灣仔熱愛法國既一位朋友食過呢間店嘅意粉幾次，力推，話抵食好食又超值既正宗法國意大利粉。終於喺上星期五晚26/11/2021同朋友去呢間店食意大利粉。我哋大約夜晚6點幾去到，雖然呢間店主打外賣，但店外有兩張長枱同長櫈，我哋就坐低食。店既老闆兩夫婦都係法國人，大廚亦都係外國人，佢哋好nice，尤其係老闆娘知我第一次黎食，逐一為介紹意粉。最後，我點咗Ratatouille spaghetti，朋友就點Meatballs fettuccine，點埋onion rings share食，亦點咗嗰日既soup of the day ‘’南瓜湯‘’。 跟住就一直同老闆娘邊傾計邊等嘢食，原來佢哋間店開左個幾月，現時開星期一至五，遲啲可能會開埋weekend。啲意粉嘅材料同份量都好多，又多汁唔會乾，新鮮熱辣好好味，加埋少少芝士粉，更香更好味😋。洋蔥圈又大又脆，老闆俾咗啲BBQ醬同茄汁，點埋超好食呀！好耐無食過洋蔥圈，下次一定會再點。至於南瓜湯係我暫時飲過最好飲既南瓜湯，質感好滑，飲落去有少少南瓜既絲，好creamy，加埋少少黑楜椒，味道更正。如果淨叫呢個湯配洋蔥圈既話，真係人間極品呢！老