Video
Good For
Special Occasion Dining
Opening Hours
Mon - Sun
07:00 - 22:30
Above information is for reference only. Please check details with the restaurant.
成個機場都係連鎖式集團的餐廳，唔想排隊，想悠悠閒閒食個早餐，於是選了太平山餐廳。播住音樂，環境唔錯。首先，咖啡或奶茶都係無限添飲，咖啡怪&奶茶怪岩晒中式早餐有一碗雞粥，三樣伴碟，分別係咸旦，薄脆&咸肉絲，特別欣賞那個咸肉絲，好香，夠咸，令人再三回味碗雞粥雞肉份量算頗多，雞嫩滑，粥又唔會太稀，幾滿意另外，還有個炒面，炒面沒有乾到硬既情況出現，炒的時間掌握得唔錯，又唔會有成口油既感覺。總體價錢唔貴，唯獨侍應好似唔多夠。
continue reading
好友回港兩星期，剛遇著公司超忙。差點連吃晚飯也不能！離港的早上，系機場吃了早午餐才上機！The Peak Lockout時間尚早食客稀少！Chef Salad 有很鞋的雞胸肉，幸好有新鮮蔬菜配上芝麻汁，熟蛋質素也不錯！Buffalo Wings水牛城雞翼，第一口味道不錯，小酸小辣，但肉質不太入味！相反這泰式炒金邊粉Pad Thai 不錯，金邊粉不會過硬，數隻蝦球，豆干同爽口芽菜，再加點青檸汁，味道更出！
continue reading
fried calamari, 呢道嘅魷魚圈比平日食到嘅細，因此，做到真正嘅 deep fried， 但建議盡快食用，因為一凍咗就 "un"...buffalo wings, 醬汁好入味，小小辣， 但可能我嘴細， 隻雞翼實在太大，可以選小一個 size 嘅雞翼，或開邊， 會食得方便d。Nachos, 牛油果醬全部 on side, 失了風味，但方便唔食牛油果醬嘅朋友， 但芝士分量實在太少，起碼要 triple....sirloin steak, medium rare / medium , 兩塊扒都 over cook, 變成 medium well to well done... 由於我從來未食過咁熟嘅牛扒， 只覺得牛扒好乾丶好 "un", 冇曬汁, 浪費左塊牛扒。甜品有心太軟丶芒果糯米飯， 心太軟不太流心， 但甜度適中，唔錯。 芒果糯米飯嘅芒果份量唔夠，芒果有少許酸， 飯上面嘅椰汁唔夠， 但味道 OK...成餐飯嘅質素值 6.5 分，但 waiter 嘅 service 令成餐飯加多一分。
continue reading
因為要送奶奶機, 所以要係機場捱貴野食 --由於機場人太多, 我地又無太多時間食, 見到呢間太平山餐廳無咩人, 就入離試下啦, 一坐低, 睇一睇個menu, 外國食物, 價錢多數偏貴少少, 問題係,間餐廳加我地4個人都唔夠10個客人, 只係等侍應過離落單宦差唔多揮左5分鐘先有人過離...我地點左一個美式早餐, 星洲炒米, 英式西多士, 想話飲杯果汁啦, 點知咩生果都無, 最後只好點一杯西柚汁...等等等.... 等左大概20分鐘,終於有野食啦, 只能說, 味道同其他茶餐廳一模一樣....分別只在於價錢...唔會再離....
continue reading
機場，可帶給人們快樂， 亦可帶給人們傷感！ 然而，對我來說，送機多過旅行！總是帶給我傷感！ 認識了這位埃及俊男，在香港逗留 10天，跟他認識了短短一星期，已建立了一定的友情！ 記得我們第一次見面時，他跟我說過將會 6月3日夜機走！ 我實在不捨得他，如果不送他的話，恐怕下次不知幾時再見面！ 在6月3日當日，還臨時決定送機！於是，問他航班編號及幾點前要入閘，查核機場網站得知是零晨機，我放工後，立即趕去銅鑼灣接他，並搭的士到香港站 check in，轉搭機鐵入機場！我們在晚上 8:30 到達機場，由於他在入閘前，尚有充裕時間，我們先在機場食晚飯！ 在機場，要趕搭飛機，又要趕著找閘口的位置...，如果花上起碼一小時進食，實在好奢侈！我想到一間一直想去的餐廳 <太平山餐廳>，可是，每次去旅行，都會匆匆忙忙入閘，在禁區找地方進食！ 在機場的 <太平山餐廳>，位於非禁區離境大堂上一層，餐廳佔地頗大，空間感充足！ 位於太平山的 <太平山餐廳> 是一間古舊石屋外型，機場分店好像把石屋搬來機場，貫以石屋造型，這裡設計成 L 形，另設有吧枱，把酒談歡一樂也！ 我們被安排到靠玻璃屏的四人桌子，面向機場離境那一層！ 寧靜的餐廳與禁區的美食廣場不一樣！這裡讓食客感覺更舒服！ 當然選擇平日幫襯的話，更能體會到這裡的寧靜！即使下層很多人，亦不會嘈吵得讓人生厭！ 店方的侍應們殷勤有禮，就算部份比較年輕的男侍應們，同樣以禮待客，英文也講得不錯！值得一讚！ 另一個貼心的服務，就是餐廳內有插頭供給食客差電，相當方便！ 恰巧！他的手機無電，要求侍應幫忙差電，侍應為了保障他手機免遺失，走到酒吧內的位置差電；臨到我埋單時，侍應告訴我，轉頭會把手機交給我，實在很細心！超讚！ 看看餐牌時，記得他說過在香港嚐到 Pizza Hut 的 Pizza 很美味！所以，我建議點 Pizza；況且，他要搭零晨機，留肚食飛機餐！ 於是，點了一款素食 Pizza！ 蕃茄羅勒芝士 Pizza (Pizza Margarita) $158等上 15分鐘，Pizza 送到我們面前，香氣洋溢！ 我們也忍不住手拿來食！ 屈一屈 Pizza 邊，然後由 Pizza 尖慢慢食，嘩！幾滋味呀！ Pizza 幾薄身，Pizza 底及 Pizza 邊夠脆，薄得來帶一點煙韌口感，加上茄膏及芝士烘焗，芝味茄味香濃！羅勒帶出獨特的清香，足以提升 Pizza 味道，大家都食得津津有味！ 我不敢肯定口味是否正宗！起碼比 Pizza Hut 更出色！ 太平山公司三文治配薯條 (Club Sandwiches) $142等了一會兒，令我期待的公司三文治送到我面前！ 三文治烘至金黃外脆內軟！餡料頗為豐富！以三層方包夾住！配料包括: 炒蛋、蕃茄、生菜、煙肉、烤雞肉，…色彩繽紛惹人垂涎！ 配合蕃茄及生菜等配料，入口更加滋味多汁！口感層次多元化！ 真是一個美妙的配搭啊！一啖放到口裡的確大滿足！ 配上剛剛炸好的粗薯條，令人無法抗拒！ 至於飲品方面，除了懷舊特飲之外，還有 Cocktail, Mocktail 及其他酒類...。太平山特飲 (The Peak) $80混合伏特加酒、薄荷葉、檸檬汁...冰塊而形成！賣相令人眼前一亮！ 酸甜清香的特飲，帶有輕微的薄荷葉獨特的味道，輕微的酒味更易入口！真是好喝！ 我們實在眼闊肚窄！ 最後，食剩一大堆薯條及兩件公司三文治，要求打包走！避免充滿牛油香味的薯條影響公司三文治的味道及口感，侍應細心把薯條及公司三文治分開盒，茄汁以小膠兜另上！ 我趁他行開的時候，乘機埋單！ 由我請客，讓他留起剩餘的港幣買手信給家人吧！ 當他走回來，我告訴他已經埋單！他也感到很愕然！ 他很多謝我，在這次香港之旅幫助很多，亦為他付出很多！ 平均每人約 $200 有多，以機場來說，算是合理！ 況且，我們在這裡逗留了兩小時！食飽後，繼續傾計！直至我要趕機場巴士回家，他才送我到巴士站，然後，他便斯斯然入閘！
continue reading