The Planet (Closed)

牛年最後一個morning breakfast！逼自己早起食早餐再工作！其實是小店cafe的最後一天雖然一直唔欣賞店的食物和態度性價比亦偏低但店主創立cafe的理念是值得尊重到達前已經有想法 還是特地來支持點了經典歐陸早餐🥣炸魚柳 炒滑蛋 豬手腸 法包（加錢）份量偏大但味道的確是有很大改善空間最後一日 客人反而越黎越多🥲可能大家都係見到網上帖文黎支持Cafe經營一年多 分別試過晚餐，下午茶，早餐感覺相若😢希望店主和員工可以吸引經驗未來重新出發 經營有內涵的cafe🤲🏻📍The Planet 2022-01-31

之前食過一次risotto lunch set覺得唔錯見到green breakfast 有guinoa salad 就外賣try下點知來到主角quinoa 同茄汁焗豆都消失左，instead系一堆薯條...如果系冇果樣都唔系問題，但最底限度，都應該預先specify 下（有d餐廳做得好系會打來remind下，可能呢間真系旺到冇人手啦）雖然系做外賣但都唔洗咁求其（唔知堂食會唔會好d...但睇d下面d comments就...你諗你..）餐湯系幾好飲，但唔系重點...

Classic al day breakfast 經典全日早餐$95 個all day breakfast 有迷你貝果、大啡茹、煙三文魚蘆筍卷、茄汁豆、煙肉、豬肉腸同埋牛油果。當我見到有bagel 嘅時候都有啲小驚喜，冇捻過有。佢個 bagel 整得好好果呀，佢有加熱過，所以食落去個bagel 嘅皮係脆嘅然後個包裏面係有陣caramel 味！你地會見到有兩種醬，應該係sweet mustard & mustard seed 同埋雞蛋沙律醬。但係個mustard 唔會太辣，同bagel 好甲。個大啡菇整得都好好，食嘅時候個菇仲有啲汁鎖住左，唔會好dry。不過個all day breakfast 嘅beacon 就煎得有啲乾啦。(餐湯)南瓜蓉湯佢個湯好好飲呀，啲紅蘿蔔呀，洋蔥粒呀同南瓜打到成蓉好creamy，而且飲落去係冇渣架。個湯有淡淡嘅甜味，好適合食個正餐之前飲。跟餐仲有杯野飲添！整體都覺得幾好，有正餐、湯、同野飲。成個價就係$95，然後都由1點幾坐到2點幾3點。

明明叫左個Green Breakfast（藜麥沙律🥗、大啡菇🍄、牛油果🥑、烤蕃茄🍅、茄汁豆、迷你貝果🥯）點解有一大堆薯條！？！😅😅，（餐牌上呢個breakfast冇薯條的😂）即炸的薯條，我又忍唔住食左少少😅，個迷你bagel 好食😋😋😋午餐都唔駛食😆😆

有次我同老公黎食野。有個女同事同我講爆左水管所以無咖啡供應。其實個日係因為聽到啲friend講呢到咖啡好飲先特登黎試下。個女同事就話咖啡就無。一係飲其他。下次再補返比我地。一言為定咁。到到對上個星期五我又見到個個女同事，佢竟然認得我。仲記得我係想飲咩咖啡(呢個係驚喜既)。今次我同媽媽黎食早餐。媽媽都想叫咖啡個時。個女同事留意到我媽媽拎左個葯盒出黎要食葯，個女同事出奇地話:要食葯就吾好飲咖啡。咁樣對身體吾好架！個一刻我係o左咀。因為我冇諗過一個樓面都會咁細心去留意咁小既事。仲要沖杯Flat White出黎係好好飲。而且叫左個歐陸雞扒餐都好好食。好滿足😋。係啲賣相有啲一般。所以之後我會再同老公黎食(要黎再飲杯咖啡☕️)。我媽媽同爸爸都有經常去食lunch。因為我媽媽都好中意個個女同事😝其實我自己都曾經係老闆。見到員工細心質素好係一件好好既事既👍🏻👍🏻希望呢間餐廳會繼續保持水準

【 食物精緻，但服務態度有待改善 】🍅美孚新村一到左Lunch hour就會勁多人係唔同餐廳排隊等位食飯，所以一定要提早去揾位。今日約左朋友見面食lunch，想搵間坐得舒服d既，我哋揀左唔使等位的「The Planet」，但入到去先知道點解無人等位😂🍝「The Planet」的食物做得幾精緻幾大碟，但職員的態度真係好麻麻，無咩禮貌，態度好唔友善，所以難怪會唔使等位呢！我地幾個叫左 :🔹蒜香辣肉腸意大利粉超濃郁蒜香味意粉，上面有好多辣肉腸，意粉口感彈牙，唔錯！🔹香蒜白酒煮蜆肉意粉意粉好多汁好正，蜆肉都幾多，整體不錯。🔹煎蛋漢堡扒飯漢堡扒大小厚度適中，但略嫌比較乾身，冇乜肉汁，流心煎蛋的蛋汁配白飯好夾。

看到其他群組介紹專門一行四人過來，要個最大路嘅午餐（牛扒）沒有，餐飲要該店招牌咖啡☕️店員答沒有（咖啡機壞了)，33度高溫之下問店員可不可開大少少冷氣，因為四個人都喺度不停的流汗店員答開不了（冷氣壞了)叫嘢食個陣店員全程沒有任何表情沒有任何回答可以形容為黑面。最後唯有嗌左個豬扒食落去更失望成塊柴皮咁。此店除咗食物，飲品之外服務也是令人失望到絕望。

之前經過見個裝修幾chill都想試了難得今日係呢頭做野就來食個早餐10點左右入去冇乜人環境係舒服既坐低冇耐就決定叫個簡單早餐雞翼，炒蛋，餐肉，全麥包加杯凍奶茶上到來望落還好，但整體味道真心淡而無味沙律菜冇汁好乾，個炒蛋冇落鹽咁冇味雞翼係最好食了新鮮整熱辣辣最後個包好淋同un口感唔好整體唔算係好食然後出去俾錢行到收銀度⋯其實正常收銀係咪會主動講1次埋單幾錢？我企左係度見佢冇講就抬頭望下佢佢個樣好似唔願意地講xx錢呀我知一個人食飯應該易記得俾幾錢，但都唔洗一副咁都要我提你呀？的態度嘛⋯

Let’s be serious - in a neighbourhood like Mei Foo there really isn’t any “Western” type eateries (Starbucks and Pacific Coffee don’t count!), so the Planet Cafe/Bistro is a little refreshing.The cafe itself isn’t huge and it actually is rather cramped with the seating. Tables all come with 1-2 hand sanitizers and the menu consists of All day breakfast choices, other meals and drinks. Our meals arrived after 10 minutes or so. Nothing really special to be honest. The Mac & Cheese was quite cheap

午餐點牛扒$132，都有D祈望，五成熟煑到七八成，刀切都唔入。要求換，黑松露意粉，唔知以為食湯意粉。不如去隔離燉奶佬食平啲冇咁嬲😡😡以為去間好少少，結果😤冇下次

專登避開LUNCH HOUR繁忙時間，中午去食飯，無乜客，諗住D野食唔駛等咁耐。坐低落完單問可唔可以比幾杯水飲下，坐左陣野食未黎，水都無黎。然後再問可唔可以比杯水飲下，個呀姐黑口黑面話要等陣。等左陣野食黎左，但野飲仲未黎，再問可唔可以比幾杯水？呀姐再話要等陣，見佢處理緊FOOD PANDA D單，其實野飲都只係3杯americano，唔明點解坐低左20分鐘都整唔倒，亦唔明倒幾杯水點解要問三次，但三次都無。望住個barista，終於知點解，整果幾杯americano，倒完D冰落去水到，D冰都差唔多熔喇，佢仲o係到同客傾計，都未捨得倒d shot落去。結果等左半個鐘，出面排哂長龍，野食都食完，佢先慢慢比幾杯咖啡我地。野食已經唔覺得特別好食，d服務其實可以好返少少，我係比緊差唔多$80一個飯加$40一杯咖啡，唔係去茶餐廳食緊$50碟頭飯。基本上譚仔呀姐d service都好過呢個呀姐，個妝化得幾濃都無用。出面排哂長龍，唔係因為呢間野好食，係因為佢地沖杯幾americano都要20 分鐘。

餐廳另有加一下午茶時間入，有小量客人環境舒適😍💛💛💛下午茶餐:迷你雞扒漢堡包配薯角薯角同包都好脆身。雖然迷你但對於女仔來講都夠食雞扒都幾滑身，味道唔算重配左個普通沙律醬，呢個位有啲R頭。反而唔係配番茄醬🍅仲叫左個 全日早餐全餐正正常常，2個餐都包飲品。大約$160(連加一)

早幾個月去荔枝角公園賞花，之後過咗美孚食晚餐。選擇唔多，最後決定試下呢間。當晚客人非常少，有段時間甚至只得我呢一枱😐。叫咗個晚餐茄蓉藍青口意大利飯，首先上枱嘅南瓜湯比一般餐廳嘅出品味道冇咁甜，幾合我口味。之後就嚟兩隻意式煙肉焗青口，我覺得青口略嫌焗嘅時間唔太夠，而上面嘅蕃茄香草醬料亦同青口有啲格格不入，唔算得上係 perfect match。至於主角意大利飯，要讚既係飯同藍青口嘅份量都算多，飯嘅調味亦唔錯，可惜藍青口就比較淡口，鮮味爭啲，呢個真係要有待進步呀！

一丁友星期六中午去食，叫午餐set。我選了黑松露磨菇意粉。因為本人係磨菇同黑松露fans。本來諗住都係普通其他餐廳咁，有啲菇切碎，點知有驚喜！睇樣已經有驚喜，比想像中不同，唔係一般hea磨菇意粉。啡菇烘了但咬落有汁，外香內軟，咬一啖菇一口意粉，很不錯。旁邊仲有一抽菜、車厘茄，意粉就變得不沉悶，幾refreshing。而意粉中又有切片磨菇，絕無揸流攤！甘荀湯也不錯，有心機整。要改善地方：意粉雖然說黑松露，但黑松露味略嫌不足。如果係黑松露愛好者，更覺完全不夠，黑松露味道只係若隱若現。不過總體係good嘅。而且價錢算十分相宜。

美孚作為一個藍籌屋苑，原來都唔少小店。今日早上有緣經過 The Planet，即刻入去食個靚早餐先早餐選擇好多，有通粉餐，又有輕盈嘅三文治餐。今次揀咗炸魚柳作為主食，配菜有沙律菜、炒蛋、午餐肉，仲有一塊多士！炸魚柳好出色，外表脆卜卜，入面又好Juicy, 剛上檯時仲熱辣辣👏🏻👏🏻小心辣親咀呢！烘底多士都好好味，如果可以加埋牛油就更加好😉最後奉上一杯熱Americano ，成個早餐好圓滿早上嘅環境十分寧靜，叉滿電就可以好好上班了😁