The Point - Pizza & Pasta (The ONE)

Open Now

Now Closed

伏！伏！伏Carbonara D蛋汁熟哂，好難吃，無味，意粉硬的，點解可以比客人食，lunch 唔係平，可以煮成咁，不會再去吃，同層幾間西餐好食好多，真係唔會再去吃！

The Point 主打自家製出獨一無二的創意手工薄餅和意粉。尤其係招牌薄餅用上幼滑意大利麵粉製作麵糰，並用以高溫的火山石窯即叫即烤製。晚市二人餐：包括前菜、主食，以優惠價加購小食及甜品，飲品仲有半價優惠，酒精飲品除外。今日餐湯：蘑菇湯濃稠，鮮味濃郁，口感綿滑，食到粒粒蘑菇好有口感。北京烤鴨pizza是中西合璧的配搭，以傳統意大利薄餅塗上海鮮醬、鴨肉、青瓜，加上香葱增添香味，薄餅厚度適中，囗感煙靭。鹹蛋黃雞肉長通粉：長通粉軟硬適中，通粉沾滿濃濃的醬汁好惹味，雞肉唔鞋口，鹹蛋黃味比較淡。蜜糖芥末雞翼：雞翼外層脆卜卜，肉質鮮嫩有汁，點些蜜糖芥末醬味道更佳。巴馬臣黑松露薯條：薯條炸至香脆，上面灑上巴馬臣芝士碎，再配埋黑松露蛋黃醬，美味至食不停口！

在尖沙咀行街，去到 The One，發現了間意大利餐廳，今日想食 pizza 就毫不猶豫坐下來2人套餐，包括2個前菜，1個 pizza 及1個主食另外用優惠價追加小吃及甜品，幾抵食南瓜湯香滑清甜，每啖都軟綿綿意大利香腸里哥特芝士披薩披薩軟綿綿，煙煙韌韌，有口感，上面鋪滿里哥特芝士及羊奶芝士碎，很香，沒有羊膻味冬陰功海鮮意大利飯新鮮爽口的大蝦，藍青口，大蜆，魷魚圈及每粒意大利飯都沾滿了香濃的冬陰功汁，飯的口感非常好，很好味水牛城雞翼炸得脆卜卜的雞翼，混合香濃的水牛城汁，酸酸辣辣，非常冶味朱古力布朗尼濃郁的朱古力香味，外面少少脆，加上熱辣辣的香蕉，香脆的合桃粒及雪糕球，非常滿足

和朋友在The One 四樓一間西餐廳食晚飯，餐廳採用半開放式設計，環境舒適。點選咗一個二人套餐，還可以優惠價追加小食！《 南瓜湯 》入口有濃濃的南瓜蓉，口感豐富 ，香滑而濃稠！《 意大利香腸里哥特芝士披薩 》 用上香腸、菠菜、里哥特芝士焗製而成，面上還加有羊奶芝士碎，極濃郁芝士香味，齒頰留香！ 《 冬蔭功意大利飯 》意大利飯用藍青口、大蜆、虎蝦、魷魚和冬蔭公湯烹煮，味道香濃，微酸而帶有少許辣味，感覺好醒胃！ 《 水牛城雞翼 》炸香的雞翼，用特別的醬汁再烹調， 酸酸辣辣， 肉質嫩滑多汁！ 《 朱古力布朗尼 》用鐵盆盛著的布朗尼蛋糕，朱古力味濃郁，用香蕉片伴碟， 再配上雪糕， 冷熱交融，口感好特別！

🔹️經OP訂了尖沙咀 “The Point Pizza & Pasta” 晚餐🍽 餐廳環境開揚舒適🎶 食物新鮮、夠熱🍲 服務貼心🧑‍💼👩🏻‍💼 價錢合宜💰我們點了Dinner Set🍴🔸️蘑菇湯🍄🍵以香濃蘑菇味道, 質感綿密、口感順滑🤤🔸️巴馬臣黑松露薯條🧀🍟以咸香巴馬臣芝士配濃郁黑松露脆炸薯條, 巴馬臣芝士切絲後, 質地也不會太硬身, 薯絛色澤金黃, 十分惹味😋🔸️海鮮醬墨魚汁意大利麵🍝食材有車厘茄、蝦、魷魚和帶子, 帶有海鮮的鮮味, 意大利麵配墨魚汁鮮香幼滑👍🔸️意大利風乾火腿夏威夷薄餅🥓🍕食材有鹹香芬芳風乾火腿、香甜菠蘿、鮮嫩火箭菜、營養豐富松子仁配鮮香蕃茄醬, 味道細緻、口感充實😋🔸️餐飲🍋點了消濟解膩檸檬茶和檸檬水🤗

今午來得輕鬆自在🫠竟在尖沙咀熙來嚷往的商場裡偶遇舊同事，隨意選擇了一家西餐廳聊天及午膳。我們各自選了頭盤，我點了是日餐湯：蘑菇忌廉湯😋暖笠笠的端出來，味道更香濃，綿滑柔順，而舊同事選擇了意大利巴馬火腿伴蜜瓜配黑醋火箭菜沙律。我的主菜是海鮮醬墨魚汁意大利麵條😋我喜愛墨魚汁的獨特風味，而這道菜又以帶子、蝦和魷魚來搭配車厘茄的清新酸甜味，廚師的擺盤很有心思，把滿滿的海鮮放在碟邊圍繞著墨魚汁意大利麵條，暖暖的一道菜，味道既香濃又讓整道菜的層次感豐富起來，這道菜確讓人垂涎欲滴，回味無窮。而舊同事選的美國肉眼牛扒，她讚口不絕，會同朋友再訪👏最後嘆杯清新怡人的洋甘菊柑橘綠茶來完結這頓悠閒的午餐🫠

午餐時候在這甲級商場大樓見到一間以意大利麵及薄餅作主打的西餐店, 正好入內探店😗簡約開揚的堂座佈局, 全開放式店舖門面, 舒適悠悠😗侍應殷勤安排座位後推介新出自選午餐套餐, 客人先從主菜單挑選一道主菜, 同價跟是日餐湯及餐飲, 亦可加付費（$20）轉為 特色沙律, 或半價享用飲品單内非酒精飲料👏一於快速落單:加錢點了特色頭盤: 意大利巴馬火腿伴蜜瓜配黑醋火箭菜沙律， 鹹香巴馬火腿包裹著甜美蜜瓜，上面鋪上火箭菜，入口味感豐盛😋主菜來了一道:美國肉眼牛扒配牛肉燒汁，田園沙律及薯條， 斤兩十足的肉眼牛扒食五成熟， 新鮮嫩滑富肉味又好嚼勁， 伴碟沙律爽脆甘甜， 薯條熱度保持足夠，入口外脆内軟😋胃纳已用光， 捨了甜品而用半價選定飯後茶飲:洋甘菊柑橘綠茶， 精緻茶壺奉上， 夠氣勢， 清淡菊花香正好平衡牛扒濃烈肉味👌一次意大利餐好經驗👏

这家的点评都是假的吧…点了个冬阴功意大利饭里面的海鲜花蛤一股腥味，没有煮熟，整个饭很咸…跟服务生说了，就把花蛤去厨房换了两颗新的出来给我…😅太小气了吧…在大陆起码这盘不收钱或者整单打折了。这餐厅根本没人还让人90分钟吃完，搞笑。pizza的味道也都很新奇，奇奇怪怪的组合，只能挑了个主厨推荐的pizza，里面啥都有，火腿五花肉焦糖洋葱青椒，都是什么跟什么，沙拉长在面包上。实在是吃的很无语，整单花了500当捐款了…

有日同朋友去尖沙咀呢間THE POINT Pizza &Pasta 食飯，餐廳都有好多特別的菜式都幾吸引，於是我地決定係度開餐喇~餐廳位置係尖沙咀THE ONE 4樓位置，位置相當優越而且方便，餐點平均價錢都合理。環境方面，餐廳都幾有Bar 個陣氛圍感，高級感滿滿，可以好Chill咁坐住享用晚餐。座位都算舒適。首先黎左Nibble的招牌菜香蒜辣椒白酒煮蜆，啲蜆吐沙處理得幾好食落無乜沙，而且隻隻蜆肉質飽滿size都幾大隻，煮個陣啲肉無甩開個殼，證明啲蜆非常新鮮。酒味唔會搶過味，辣度都岩岩好，作為開胃菜好合適。水牛城雞翼基本可以試到一間餐廳廚師的功力，雞翼酸酸辣辣又香口，肉質柔軟，配埋藍紋芝士醬真係好好味。芝士醬味道稍微濃烈，包裹住雞翼個下令雞翼風味更柔和。餐廳的Pizza有好多異國風味的選擇，可以揀泰式、日式或者中式Pizza，真係好特別。我地點左份北京烤鴨Pizza，薄底的Pizza上面裹滿左好多配料，烤鴨份量都好多，同海鮮醬夾埋一齊真係好似食緊正宗北京填鴨，得意又滋味。講開食意式菜，點可以無意粉?呢間餐廳的卡邦拿拉意粉啲奶油醬汁真係好濃郁，意麵煮得有咬口，每束意麵都沾滿厚厚的醬汁，芝

忙左成個月啦，昨晚同朋友到尖沙咀逛街，最近天氣真的太熱，唔想周圍再搵，系The ONE 4樓見到嘅#thepoint ，二話不說就入左去喇，同朋友放鬆一下！1）香蒜辣椒白酒煮大蜆 $128.0一入口就好淡淡白酒味，蜆肉肥美鮮甜，而且係無沙，湯頭酒味得不是太重。最啱D不勝酒力嘅朋友。2）（辣）水牛城雞翼 $88.0係西餐經常都有得食嘅菜色，炸得剛剛好，醬汁酸中帶點辣味，雞翼肉質都好嫩，咬落去啖啖肉！辣味慢慢滲出嚟，好惹味！3）北京烤鴨披薩11" $178.0碎條形狀鴨肉惹味 ，食得出肉汁 ，Pizza個底唔似坊間一樣，口感小小酥脆，仲要輕輕焗濃個邊，整體味道特別。4）卡邦拿拉意粉成個意粉都好creamy濃郁，忌廉醬落左勁多，令到個口感好creamy！意粉唔太淋，剛剛好，食完個口仲齒頰留香。整體黎講，食物環境都高質，之後有機會都會再黎！

好耐冇食The Point 尖沙咀分店，經過見佢dinner set都好吸引，而且餐廳環境唔錯，簡約時尚又好坐。前菜沙律酸酸咪咪用咗香醋油醋汁十分開胃，最鐘意用牛油果、甜橙、沙律菜嘅配搭，清新爽口，而且新鮮有營養。南瓜湯，濃郁綿密，口感細膩，充滿南瓜香氣。北京烤鴨pizza，加入烤鴨元素，夠晒fusion，配上香嫩的烤鴨肉、蔥花和甜麵醬、烤意大利青瓜、野苗、青蔥、海鲜醬餅底香脆可口，口感豐富。紙包焗香草三文魚配刁草牛油汁，用咗牛油紙包烘烤茴香頭、車厘茄、水瓜榴、新薯、刁草、檸檬烤三文魚，三文魚肉質細嫩，表面烤得恰到好處，配以青檸汁提味。另外加咗個卡邦尼意粉，卡邦尼醬濃郁香滑，意粉軟硬適中而且很掛汁。

尖沙咀the point餐廳，最出色係佢哋嘅手工意大利薄餅和意粉，餐廳裝修以簡約的意大利風格為主，色調柔和，讓人感到放鬆，非常適合與朋友聚餐或家庭聚會。夜晚二人餐好抵食。南瓜餐湯，湯底濃郁，可以食到南瓜蓉，口感滑順，非常適合開胃。新鮮的沙律，有甜橙同牛油果，清新爽口，特別適合炎熱的夏天，讓人感到神清氣爽。北京烤鴨Pizza，非常fusion。薄餅底部烤得香脆，配上手撕的北京烤鴨、青瓜、青蔥和海鮮醬，口感豐富，鹹香中帶有甜味，好正！紙包焗香草三文魚嘅肉質鮮嫩，用鐵鍋呈上，新鮮熱辣，鍋內用咗紙包焗製，魚外皮微脆，保持了魚肉的鮮甜同嫩滑，搭配的刁草牛油汁更是為整道菜增添了香氣。卡邦尼意粉以煙肉、蛋和芝士為主料，意粉軟硬適中，Q彈爽口，卡邦尼醬濃郁邪惡，尤其欣賞佢哋落咗好足料嘅煙肉，令口感層次豐富。

地理位置十分方便位於尖沙咀The ONE 4樓環境開揚舒服 平日有一個性價比超高嘅二人套餐只需$398就有兩個前菜一個主菜 一個意粉或者意大利飯前菜 龍蝦湯非常濃郁 鮮味推介北京烤鴨披薩原來北京烤鴨同Pizza 係咁夾材料包括手撕填鴨烤意大利青瓜、野菌、青蔥、海鮮醬非常惹味烤鴨皮層酥脆外焦裏嫩 火喉控制得十分好青瓜清新爽脆 可以中和番油膩感紙包焗香草三文魚配刁草牛油汁賣相十分吸引紙包魚的好處就是能夠做到鎖水效果魚肉可以保持嫩滑原汁原味加入了薯仔 洋蔥 車厘茄蔬菜都盡吸收了精華

朋友相約去尖沙咀逛街食飯，街上天氣太熱，只好轉去商場，The One係其中之一，四樓有不少食店，我哋去咗食意大利菜，The Point 裝潢簡約，座位舒適，主打特色意粉和薄餅。是日餐湯：蘑菇湯香滑濃郁。北京烤鴨pizza：pizza好足料，pizza餅底口感煙靭，上面舖滿唔同材料，鴨胸份量都多 仲有蔥絲、青瓜片和甜麵醬，十分惹味！鹹蛋黃雞肉長通粉：雞肉嫩滑，鹹蛋黃惹味，長通粉口感煙靭好掛汁 。蜜糖芥末雞翼：雞翼皮脆肉嫩，芥末醬的微嗆辛辣提升了整體的層次。朱古力布朗尼：布朗尼朱古力味非常濃郁，配以烤香蕉、合桃、雲呢拿雪糕合成的甜蜜滋味，令人回味無窮！凍榛子朱古力：朱古力香濃，口感順滑。

之前食過The Point既北京填鴨pizza今次試巴馬之前食過The Point既北京填鴨pizza今次試巴馬臣黑松露薯條和煙三文魚溫泉蛋Pizza 這些菜式在食材選擇和創意上都展現了極高的水準 以下是我的品嚐體驗巴馬臣黑松露薯條🍟巴馬臣黑松露薯條是一道不容錯過的開胃小食 薯條外脆內嫩 調味上乘 黑松露的香氣在每一口中都顯得十分突出 這道小食適合用來配搭啤酒或作為餐前小吃 無論是口感還是味道都令人印象深刻 係我地每次去The Point都會叫既野食煙三文魚溫泉蛋Pizza🍕煙三文魚溫泉蛋Pizza則是一道極具創意的披薩 Pizza的餅底薄脆 配料新鮮且豐富 煙三文魚的細緻煙燻味道和溫泉蛋的絲滑口感完美結合 讓每一口都充滿驚喜 溫泉蛋的蛋黃在切開時流出 與煙三文魚和芝士融合 形成了濃郁而不膩的風味 這款Pizza既保留了傳統披薩的魅力 又融入了創新的元素 展現了主廚的獨特創意 得知最近megabox分店結業都覺得可惜 希望之後會係其他地方再開番可以更加方便去食啦