大興餐廳 (第尾牛扒)

Open Now

Now Closed

有冇人同小編一樣唔知幾多年冇食過第尾牛扒，突然間小們醒起黎食個late dinner 都好似幾過癮！不過就發現餐牌價錢貴左之外（己預料），但晚餐價錢好似都受日子時間影響，可能周日緣故，小編當日食什扒個價係加一前都over $100, 同幾日前openrice 其他食客post 出黎貴左差唔多3成。 不過小編果刻好想食下懷念下港式鋸扒嘅感覺，所以已經唔再理會個價錢！😆【 鐵板西冷牛扒 】今餐有餐包同埋白湯或者羅宋湯選擇，個羅宋湯辣辣地幾好飲！麵包亦好鬆軟！👍🏻牛扒份量足，唔會太靭，食得好飽好滿足。【 鐵板什扒 】 超級有份量嘅一個set！淨係視覺效果已經覺得好滿足，其實個份量少一半小編都足夠，不過觀感的確唔錯！咩扒都有啲食得超級滿足！久唔久可以再食密d encore encore 😋😋💰人均大約～$150

每次行經太子，都會見到第尾牛扒🥩大大個招牌，不過真係開左咁多年都未試過😅反而隔離花園餐廳就試過😛原來佢正式名叫大興餐廳🤣睇網上最近評價好似唔差，諗唔到食咩既情況下決定黎呢度試試🧐周末過左8點到都仲幾旺場😅燈光昏暗，幾有格調，走懷舊風座位都幾多，應該可以坐到100人晚餐選擇都唔少，價錢好相宜✅==========點左兩份晚餐🥩跟餐餐包🍞賣相唔吸引，有d 乾柴感，所以冇食到🤥餐湯揀左羅宋湯🥫，辣辣地幾醒胃，不過略嫌甜左少少，湯渣俾既菜同牛肉都唔算少，牛肉已經煲到冇咩味🤭 紅蘿蔔🥕反而俾得好少鐵板配菜三色豆從來唔係我杯茶，完全提唔起食慾🤣 薯條🍟都算幾香薯味重，不過如果鍾意脆口既可能未必咁啱，因為佢浸哂汁口感會偏腍跟餐既餐飲揀左檸水，檸檬幾香同唔苦，不過只有2片🍋==========🔹鐵板西冷牛扒🥩配蒜蓉汁（跟餐包，餐湯及餐飲） $109叫左7成熟份量都真係好大，目測最少有12安士，扒既厚度應該超過1cm, 算幾厚切西冷既牛味真係唔重，勝在肉質口感都算嫩，仲保留到肉汁蒜蓉汁味道好大路，蒜蓉味唔重推介指數：5/10==========🔹鐵板鑊仔牛柳🥩配黑椒汁（配餐包，餐湯及餐飲）$113同樣叫

4點幾嚟食下午茶，咖喱牛腩飯、豬扒炒烏冬和雞翼薯條都超鍾意！鍋氣夠！咖哩味純正！雞翼外脆內軟！環境望落有啲舊，但乾淨坐得舒服！職員友善有禮！好驚喜！價錢合理又好食！一定會再返嚟食過！下次食埋佢哋最代表性嘅鐵板牛扒餐！

第一次嚟食，我哋叫咗一份鐵板肉眼牛扒同鐵板西冷牛扒，兩份都係五成熟。好好味😋值得推介👍🏻一間舊式既西餐廳☺️好有懷舊既風味☺️會再次光顧😋整體都好滿意👍🏻

Long time no come for 第尾牛扒.We ordered two steaks on sizzling plates. One was eye fillet with black pepper sauce and another one was sirloin steaks in garlic sauce. The steak was tasteless and texture was a bit weird however it's good to come back for childwood memories.By the way, their vegie soup and bun are still nice as the old times.Happy to come back again for memories.

舊式扒房越來越小見，所以趁仲有就要即興去下，唔係等佢結束營業先幫襯就太遲，呢間喺正旺角花園街，位置非常方便。裝修就唔洗抱太大期望，正正常常。舊式格仔枱布，配上西式卡位，起碼唔會坐得迫，但黎到就係想食呢種氣氛。餐廳不時都會聞到各種鐵板散發出既味道同醬汁曬上鐵板既聲音，呢啲就係港式鐵板既精粹。鐵板肉眼牛扒 $99 （包餐湯及飲品）餐湯揀左羅宋湯，味道唔錯，有牛肉粒牛扒配左黑椒汁同薯條，由侍應淋上黑椒汁肉眼質地一般都係較西冷軟淋一d，目測牛扒都有200g左右。鐵板西冷牛扒 $99 （包餐湯及飲品）西冷因為較為細塊，所以有2塊，比起肉眼薄身小小，但肉味的確較肉眼重，亦都較有咬口。人均消費：$100

今日同事帶我去lunch，話去鋸扒喎，咁就遷就下佢一齊去試吓。上到去已經見到企門口個位啊姐西口西面，地方殘夠不在話下，見一場嚟到照叫左個午餐，黑椒汁肉眼牛扒配飯($57)，附送餐飲餐湯。個餐湯係羅宋湯，OK嘅，味道算係咁。一上到主菜時，明明叫咗少飯都仲係大大碟。真心唔想浪費，但係真係食唔晒。講返佢個牛扒，絕對唔係平時食開超市買開的牛扒質地。似存放咗好耐，有一小陣雪味，用左黑椒汁遮蓋到大部份雪味，其中有一塊就完全咬唔開。老實講呢個價位我唔會有咩期望，但係啲侍應態度好差。俾錢時又收返客人張收據，我埋咗單你比收據我唔係好合理咩？做咩要主動收返呢？仲要黑我面！呢啲餐廳真係唔會再去！

第三次來食第尾牛扒，星期六反而人不多，可以坐卡位，幾舒服。羅宋湯非常足料，酸味好足夠，好味。牛扒大大份，佔據整塊鐵板，熱辣辣，底下還有薯菜，黑椒汁在鐵板上吱吱響，冒著熱，飄著陣陣黑椒香氣。牛扒軟淋，一點都不韌，好食。有湯，有飲品，一個鐵板扒套餐只需$72，抵食！

嚟到旺角諗唔到食咩晚餐男友話想鋸扒 我哋好自然就會諗起呢間港式扒房出名嘅懷舊扒房都試過好幾間講接受到嘅味道同位置方便始終都係第尾牛扒-晚上6點幾上到去已經爆場我哋想坐卡位，等咗陣就入得今次揀咗晚餐set 西冷牛扒同海陸空套餐羅宋湯依然係出色仲係以前細個飲到果份回憶嘅味道湯有雜菜仲有牛粒，味道有層次，且不會太酸-鐵板上的西冷牛扒(七成熟)侍應淋上黑椒汁，一陣煙霧同香氣湧上來嚟扒房就係想要呢種氣氛牛扒雖然唔係靚牛，但烹調同調味將塊牛發揮極致至於海陸空嘅雞扒同豬扒意外地幾好味最後飲埋杯有好茶底的凍檸茶，完滿！

起碼7年無黎過，八點幾上到黎都爆曬場，今時今日咁既疫市仲可以做到咁堅犀利。西多好似屋企整嗰啲，賣相太普通，只因有最低消費先叫，毫不特別，糖漿瓶無乜剩，勁難倒，入面花生醬又好少咁，正正常常。肉眼扒餐紅湯好多料，質感中規中矩，少少酸甜好醒神，唔大碟。餐包細細，都幾傳統，普普通通，都夠zip下牙。鐵板叫蒜汁，難得薯條濕完都仲好脆，出色。扒五成熟仲好粉嫩，肉幾好，唔肥，份量一個女仔都輕鬆駕馭。唔怪得咁多客，有人一個都黎食。紅豆🫘冰紅豆幾淋，味道幾唔錯。雖然冇乜服務，但平過旁邊嗰間一半，都係因為窮先食，亦是回味老扒房的一餐。情侶拍拖的話幾懷舊古典下，可以再去。

今日放假，去完覆診就來了太子吃牛排餐。今次是第2次來，第1次是好朋友帶我來的，住港島區的我，從小去吃牛排的地方都是波士頓，不過之前也有聽過在九龍吃牛排就要來第尾，果然是真的。跟上次一樣，我點了是日鐵板餐，西冷。羅宋湯好飲，不過我覺得可以再濃啲。西冷排很淋，雖然牛味唔濃，但配上黑椒汁和蕃茄醬已經可以滿足到我啦。我覺得這裡很有親切感，而且服務一流，店員都好幫忙，真想每天都來。今日自己來是有點失色，下次要同好朋友再來。

朋友介紹後，帶家人朋友去食，一次便愛上。一星期仲吃左3次，睇怕個老闆都認得我了🤣早2日同爸爸6:00就到餐廳不用等位，直接入座。Order 一個 T字扒和肉眼扒，真係好大塊😍上菜速度又快。兩款汁又濃郁，蒜蓉汁有驚喜😋扒又大塊又淋又多汁，好juicy 🤤🤤🤐配菜有3色豆和少量薯條，已經夠飽，不用額外加飯或意粉😍湯方面: 我就覺得忌廉湯又正，比羅宋湯好飲，羅宋湯咸左小小。整體十分滿意，性價比相當高👍🏻，值得推薦🎃PS. 之後聽到隔離台加10元有意粉🍝，好大份。

都有一排無食鐵板餐了。花園巳列入我的黑明單。於是去第䇻試吓。太子店有D舊及有股霉味。一個人叫咗個基本鐵板牛柳黑汁紅湯。諗住正路無得輸。1/ 個紅湯夠熱，有牛肉絲。夠味，唔係水。（中午無餐包）2/ 鐡板有鑊燶，薯條抵有黑色鑊燶。牛扒無問要幾成。目測7成左右，問題係有苦味（梳打粉太多）。黑椒汁又無味，冚唔到牛扒苦味。失敗之中失敗。3/ 凍啡，一般茶記水平。瞇埋眼飲，唔知佢係咖啡☕️嗰隻。做飲食點解要造成咁呢？俾啲心機出嚟啦，心機唔使成本㗎。

今日又嚟咗第尾lunch點咗個午餐，有羅宋湯餸，凍奶茶鑊仔牛柳飯想像中有驚喜，$57就有牛柳飯食味道都幾好食，淡淡洋蔥汁都OK喎至於我朋友點嘅咖喱牛腩飯就麻麻哋啦，食咗啖，牛腩真係好硬

近幾日突然好想知香港仲有冇啲鋸扒餐廳個餐有沙律同甜品～啫喱……search下，youtube 見到有一間但已是兩年前的東張訪問，不過吾肯定係咪我好耐之前去過的哥登……其實而家都吾知仲有冇呢啲咁完整嘅套餐呢……睇睇下youtube，彈咗星星介紹懷舊餐廳嘅短片(多謝sing sing)，原來仲有好幾間呢啲懷舊餐廳，不過有冇有齊前菜(沙律)，飯後甜品就吾知了....不過，吾睇吾知原來有啲懷舊餐廳都吾識(maybe我吾係愛鋸扒的人嚟)---好似成日經過果頭嘅第尾牛扒(個名好搞笑)……一早plan左今日放下午，心也想今日不如去第尾試下呢度d嘢食(定還是再去哥登)...去吾成nikon服務中心後，還掂嚟到呢區就行去第尾啦，佢就係在花園餐廳隔離...入到去，格局格調也同我以前去過的花園餐廳、紅屋、波士頓相似，枱、SOFA都花了，有懷舊feel....好彩係下午茶時間吾駛等(因為網上講成日要等位),...坐低侍應比左個午餐及下午茶餐餐牌我....我一直以為只可叫呢2張牌內嘅嘢 (咁我又真係冇問)....點知，原來係有人下午茶鋸扒哦....大鄉里的我..不過算啦，我叫左個茶餐----xo醬豬扒炒烏冬+紅