Video
3-min walk from Exit A, Quarry Bay MTR Station
continue reading
Opening Hours
Mon - Fri
08:00 - 20:00
Sat
10:30 - 17:30
Sun
Closed
Above information is for reference only. Please check details with the restaurant.
Recommended Dishes
在開飯見到沙律款式算多且品種吸引故且嘗試幫襯。叫了鴨胸羽衣甘藍沙律按照預定時間去取餐。一拿起外賣袋就覺得超輕看看就是淺淺一盒大約比女性手掌大些許。感覺不夠飽唯有去對面麵包店分購麵包加料。 沙律汁美味但偏少汁不夠全盒用。而鴨胸有小難咀嚼。說好的生果只有小小碎塊而不明顯。應該只幫襯一次了。
continue reading
剛做完運動，所以便選擇到來點了一份番薯藜麥拼雞肉沙律的外賣。這款沙律味道豐富多彩，帶來了一種健康又美味的感覺。番薯的自然甜味與其他配料相互融合，在口中帶來一種獨特的滋味。此外，番薯還提供了豐富的纖維和維生素，讓這道沙律更加營養豐富。接下來是藜麥。藜麥是一種古老的穀物，富含蛋白質和纖維，是一種非常健康的食材。在這款沙律中，藜麥煮熟後口感鬆軟，與其他配料一起提供了豐富的口感層次。藜麥還帶有一種微妙的堅果味，與其他成分相互呼應，增加了沙律的風味。搭配了嫩雞肉，提供足夠的蛋白質。
continue reading
多款特色沙律任你選擇🥗呢間位於鰂魚涌既沙律專門店每日提供多款特色沙律，仲可以自由配搭到三拼都得，再貪心啲既話可以好似我咁，試下呢款有6種沙律既試食便當👻🥗特選沙律試食便當入面包含6種廚師發辦既沙律，試得多款啲既代價就係冇得自己揀🤷🏻♀️我就試到呢6款：▪︎🍠蕃薯球藜麥沙律：蕃薯球質感幾滑，不過冇額外調味，甜味亦欠奉，簡單嚟講就係一個冇乜味既薯球，仲唔知點解有啲青瓜粒係入面，完全唔夾👎🏻▪︎🎃南瓜凱撒沙律：南瓜幾綿但唔甜，最好味係個一小舊蛋▪︎🐮韓式泡菜牛肉椰菜碎沙律：好辣不過好惹味，都有幾多牛肉粒係入面，好食👍🏻▪︎🐤西蘭花雞胸芥末沙律：雞胸肉質幾嫰滑，唔韌唔痴牙，都唔錯▪︎🐟希臘式吞拿魚沙律：芝士同吞拿魚既份量都幾多，味道幾好，不過個組合就較普通▪︎🌱煙肉蝦仁青醬蝴蝶粉沙律：依家寫食評睇返個名先知原來有煙肉蝦仁，但就比曬成堆蝴蝶粉我，會唔會過份左啲😡張相我係冇郁過既情況下影，真係一舊明顯既肉都冇!味道就重橄欖油味，蝴蝶粉太重麵粉感，仲要冇配料👎🏻👎🏻主打沙律但唔係樣樣好食，係幾個泡菜牛肉同希臘沙律好味啲，整體麻麻地😕
continue reading
之前已經食過呢間既沙律好多次第一次食既係雞胸芥末沙律舊雞胸好juicy好滑，菜都有檸檬味之後食過2,3次都仲係好好食，可以無限翻兜因為個人中意濕d既沙律，所以會叫多醬之後韓式辣醬牛肉沙律果個就麻麻地可能關我食唔得辣事，但食得辣既人應該會覺得好爽然後都試過南瓜沙律，d南瓜好甜好滑，呢個都係可以無限翻兜既款黎。今次就試左雙拼鴨胸紅菜頭沙律+和風蓮藕沙律。講左鴨胸沙律先：呢間d肉點解可以整得咁好食(笑喊😂紅菜頭同橙都幾甜但紅菜頭要小心d食，d汁會染色雨衣甘藍草青味重左dd, 但都可以接受mvp係果3塊鴨胸！！！但呢款沙律比較乾身d, 冇咁多醬汁和風蓮藕沙律：蓮藕幾脆，粉絲比想像中多，鹹鹹地咁價位在呢個地段算ok 啦食材新鮮健康份量女仔食落夠飽味道好食期待試埋佢其他款既沙律~
continue reading
有時早餐食太飽，或者想食餐健康，要快靚正的話，可以試試呢間呢～配搭嘅自由度都好高，可以雙拼或者三拼沙律，亦可以半份wrap/蛋餅拼1份沙律，直接叫一份三文治都可以。💡南瓜凱撒沙律 x 香草醬車輪粉沙律 $68南瓜凱撒沙律係當日special，本身我就好鍾意南瓜，輕輕有啲調味就已經好鮮甜，沙律菜夠新鮮，沙律醬唔會太多同太重口味。車輪粉味道唔錯，但我自己唔鍾意太稔，食落冇咩口感咁。對於想輕食，但又怕淨係食菜冇澱粉質嘅人都幾適合，份量唔會太多，又有飽肚感。💡韓式牛肉椰菜花碎沙律 x 雞胸忌廉芝士捲餅 $68見到都幾多人叫韓式沙律，紅卜卜嘅賣相比起其他青綠色鮮艷得多，重口味嘅我本身都好喜歡韓國風味，點知就咁中咗大伏。口感係似飯與藜麥之間，一粒粒好入味，但因為係用韓式辣醬，一路食一路覺得好重口味，仲有啲油……唔係唔好食，但味道重到要撈飯個隻，齋食有啲奇怪……捲餅因為用雞胸，所以雞胸唔係嫩滑都明白，唔柴都過得去，調味有芝士實唔差，都比較飽肚啲。結論係要叫得啱，價錢就見仁見智啦，有啲人覺得食沙律咁嘅價錢好貴，但食材食落都幾新鮮，輕食嚟講係個唔錯嘅選擇。
continue reading