泰國簡單廚房

Open Now

Now Closed

係時候食lunch，日日諗食咩諗到頭爆，我問個fd，佢又問番我，於是行下入一條街睇下，見到呢間食泰國菜，都有啲人流，試下都好喎！好，坐低睇下有咩好食先。無骨海南雞飯，擺得幾靚仔喎，大肥雞好有肉地，油飯入味粒粒分明，仲有個蘿蔔湯，抵食又大件。炸蝦餅冬蔭功湯河粉，個湯底夠辣夠酸，河粉爽滑。呢個蝦餅最讚，我地兩個都覺得超好味，炸到金黃色，炸皮薄又脆，裡面蝦膠好QQ，正！跟餐可以配飲品，就叫左凍泰式奶茶同龍眼冰，都幾大粒，整體唔錯！

同朋友👩🏻‍🎓一齊喺灣仔，肚餓要搵嘢食，咁我哋喺橫街行吓，見到呢間泰國🇹🇭餐廳，裏邊都坐咗好多中外客人，朋友👩🏻‍🎓話不如試吓，咁我梗係贊成啦🤣$98「泰式海南雞半隻」：海南雞🐓浸煮到啱啱熟，雞肉夠嫩滑，仲拆咗骨，淡淡都係肉，食得好方便🤩$68「香蒜炒芥蘭」：芥蘭菜新鮮又爽脆，用蒜蓉簡單炒，已經好好食🤩$58「芒果糯米飯🍚」：芒果🥭非常新鮮又鮮甜😋；糯米飯煙煙韌韌🤩，配埋白色嘅甜椰漿，食得人好開心🤣$28「青檸梳打」：要咗走甜，夠晒清新🤣

灣仔咁多打工仔🤹🏻‍♀️lunch hour最緊要快靚正 見呢間泰國菜新開 約埋同事試下 午市似茶餐廳咁嘅快餐形式 味道又唔錯喎 🍛青咖喱雞飯 $66咖喱都幾多料喎 有雞又有菜 香茅味同椰香都重 雞肉幾滑 撈飯無難道🍜自選泰式湯麵 $65起豬頸肉 + 白魚蛋 + 白蘿蔔 + 船湯 + 金邊粉好似泰式車仔麵咁 有好多配餸揀 又可以自選湯底同麵 船湯濃味但唔會好鹹 好飲喎 豬頸肉好食 肉質好爽脆好嫩 🍢串燒 +$22兩串 豬雞各一串 燒得幾好 唔會太乾 配埋沙嗲花生醬夠惹味

今日lunch 同同事去堂食。同老職員落單1） 燒豬頸肉船湯金邊粉2） 燒豬肉叻沙3） 生牛肉叻沙之後出單發現佢全部都係打湯低 ：船湯咁我地同啲職員講入錯單。之後岩岩老職員行埋黎同佢講係有2個係叻沙湯低叫佢改。 佢就似明又唔似明咁走去同廚房講之後另1個職員黎問我地錯咩。當我想講時，個老職員又大叫話佢同廚房改左。到上菜。所有湯低都變晒叻沙我同佢講我果個係船湯，佢指住個叻沙話係船湯。 之後我問另1碗另沙係咩。 佢又話叻沙。 果下佢終於知道 叻沙 同船湯係2樣野。之後又話啲野煮好晒。 叫我將就下。最後我忍住食左。 但因我腸胃唔好唔想食辣逼住食。 依加胃痛同腸痛, 好嬲！

展會第一天, 同事想吃泰國菜, open rice 搜索灣仔有什麼好吃的泰國菜, 看了這家評語也不錯, 於是晚上到了這家試試看, 晚上也坐滿人, 點了幾個菜和冬陰功湯, 上菜也比較混亂, 有些菜還可以, 有些就一般般,服務也差勁, 冬陰功湯最後才來, 真是太讓我們失望, 我從來沒喝過這樣的冬陰功湯, 我覺得像羅宋湯多些, 結果剩了一半. 我實在忍不住, 埋單的時候和服務員說, 你們的冬陰功湯真是不太行, 他就反駁我說, 他們的冬陰功湯很出名, 每天可以賣上百多碗, 如果我這樣說他真的沒有辦法, 遇上這樣的食店我真是無語了

泰國簡單廚房地址: 灣仔謝斐道110-116號美暉大廈地下1-2號舖家常菜對胃口，泰國簡單廚房，主食澱粉質有麵飯，亦有satay 串燒及泰國小食同沙律，其實一點都不簡單呢！串燒6串$88要了豬及雞混搭，satay 惹味，靠美味的蘸醬加了好多分數，甜甜地又有花生香，肉用了黃薑粉醃過，再烤至香噴噴。$88 香葉肉碎煎蛋飯，份量足夠，正宗肉碎size唔大唔細剛剛好，配合泰式香葉有咬勁，加埋隻煎雞蛋及白飯，最好係每一口輪流交合，好好味。(飯加錢) +$3 熱泰式奶茶 重茶香，很好飲

公司在灣仔，不時過來謝斐道吃午餐，見到從前茶餐廳舖位，開了間「泰國簡單廚房」，吸引了我同好鍾意食泰國野的同事幫襯，果然又簡單又美味😋泰式海南雞飯（$70）將泰式口味融入了海南雞飯的經典配方中。海南雞飯以嫩滑的雞肉和香氣四溢的飯粒為主，再搭配泰式調味汁和一些清爽的青瓜片，增添了獨特的風味，給人一種新鮮而美味的感覺。香葉肉碎煎蛋飯（$66）結合了香葉和肉碎的香氣，再加上煎蛋和飯粒，形成了一道美味的煎蛋飯。肉碎和蛋的組合帶來豐富的口感，而香葉的香氣為整道菜品增添了特殊的風味。這是一道簡單而美味的午餐選擇。串燒雞、串燒豬（+$22）串燒雞和串燒豬經過烤製，表面烤得金黃酥脆，內部保持了肉質的嫩滑。搭配上沙爹醬汁，增添了獨特的風味，適合與朋友分享。泰式蝦餅（+$20）蝦餅外脆內嫩，帶有微辣的味道，非常適合作為小吃。泰式凍檸茶（+$5）清涼解渴，具有濃郁的檸檬香氣和微酸的口感，非常適合搭配泰式菜肴。泰國簡單廚房 (灣仔)地址：灣仔謝斐道110-116號美暉大廈地下1-2號舖

約朋友到灣仔event 早到食個tea  嘆番個下午茶🪴 入到去地方清幽 🪷 食材鮮明 😋 員工都好健談 😄 🖐🏼 重視食客 😄超有水準既食店  亦都灣仔金融區🇭🇰黃金地段探店發現係抵食既餐廳🍴📌蝦餅自己打 非常之彈牙 📌串燒🐷🐔🐮拼薯條好彈牙 大大份📌叻沙豬頸肉湯河🍜叻沙好泰式🇹🇭回味無窮 👏👏📌泰式奶茶好有港式x泰式🇹🇭風味📍 灣仔謝斐道110-116號美暉大廈地下1-2號舖🏷️泰國簡單廚房            #灣仔 #泰國菜 

有時簡簡單單，唔會過於複雜，讓味蕾更能夠細味每種食物嘅本質，就係幸福嘅味道。嚟到灣仔嘅泰國簡單廚房，餐廳唔玩花巧，返璞歸真，從正宗嘅味道入手，以各種不同嘅香料調味，簡簡單單呈現正宗嘅泰國菜。泰式無骨鳳爪沙律泰式無骨鳳爪沙律嘅份量十足，主角當然係鳳爪，醬汁酸酸辣辣夠晒入味，配角就有甘荀絲，洋蔥絲，夾埋一齊食，口感爽脆，整體嚟講夠晒開胃。沙嗲串燒食泰菜又點少得沙嗲串燒，串燒有豬肉同雞肉，燒到帶有微微嘅碳焦香，但肉質都依然可以好juicy，至於沙嗲醬非常香濃，除咗花生香味，仲有種蜜汁嘅微甜味道，極具層次。蝦醬炒芥蘭一上枱就已經聞到好香嘅蝦醬味，廚師除咗落蝦醬之外，仲加左蒜蓉同辣椒，令芥蘭變得不只有一種蝦醬味道而過於單薄。泰式炒雞肉金邊粉金邊粉可以揀蝦、雞肉或豬肉，而我哋就揀左雞肉。啲雞肉夠晒大舊，而且非常嫩滑。其他配料仲有豆卜、芽菜、蛋絲等，而醬汁分量啱啱好，唔會太濕，但又可以令到每條金邊粉都掛上醬汁。凍奶茶、凍青檸水泰式奶茶一向都係奶味較重，不過用嚟解辣都係個唔錯選擇；凍青檸水無額外加糖，所以非常清新。

今日喺公司附近搵食，搵到呢間餐廳，夠大間，舒服好坐！平時返工過嚟lunch都真係好舒壓，價錢公道實惠超足料，口味正宗！📌香葉辣肉碎煎蛋飯 $66 每次食泰式必點！香蔥羅勒令肉碎好香，味道香濃，當中配合角豆，辣椒等，有口感，相當好味，白飯殺手，配飯一流！📌泰式鹹豬肉檬粉 $65 另加魚餅先$10有多款湯底選擇，我揀咗喇沙湯底，好濃郁，檬粉亦都好吸湯，好好味！重點係啲餸，好高質素，泰式鹹豬肉肥瘦平均，超級高質！魚餅都很可以，值得一食！📌跟餐龍眼冰$8想不到跟餐符龍眼冰都可以咁高質！龍眼味道相當濃郁，而且裏面都有好多粒龍眼！📌加蝦餅$20跟餐小食有兩件，即叫即炸，相當趣口，滿滿蝦肉，好滿足！📌加招牌串燒，$22跟餐加購，一份有2串，一雞一豬，可以試晒兩款口味，配搭埋佢啲沙嗲醬汁，超級正！

鹽焗烏頭 🥰 焗過既烏頭充滿魚油香氣，黎到係勁多煙，真係新鮮熱laklak。蘸埋佢地個泰式酸辣汁，岩岩好平衡到條魚既油膩感，味道更鮮味十足，而且一D腥味泥味都冇!! 骨量正常，啖啖魚肉，大大條，好抵食~ 😄蝦醬炒雜菜 🤗 泰式蝦醬有淡淡閎乾蝦米，蝦膏同魚露既香氣，味道鹹中帶鮮甜味，蝦醬味非常濃郁，夾埋幾款雜菜一齊食，真係好香口，送飯一流! 如果份量再多D就更好😆厚燒香茅豬扒 🤗 一D都唔柴皮，肥瘦岩岩好，香茅味同肉汁豐富，趁熱食都好嫩，肉質彈性岩岩好，入口香甜有嚼勁。😊

3點3夠鐘去hightea今次揀咗間泰國餐廳食下午茶揀佢係因為好少會食泰國嘢做下午茶叫咗個叻沙豬頸肉湯河湯底香濃惹味加上燒到香噴噴嘅豬頸肉同嫩滑嘅河粉 正呀迷你青咖喱雞飯適合減肥或者生酮中人士因為飯量的確好mini🤣但個青咖喱汁非常適合撈飯又香又好味 而且碗仔細細居然有好多雞肉真係估你唔到最後追加左個蝦餅魚餅薯條全部新鮮熱辣即炸蝦餅彈牙鮮味 魚餅無腥味再加杯泰式奶茶 茶味香濃 一個好滿足嘅下午茶—————————————————————⦾ 蝦餅魚餅拼薯條 $49⦾ 迷你青咖喱雞飯 $49⦾ 叻沙豬頸肉湯河 $49

去完會展，就去附近的街道食晚餐。在謝斐道見到一間新開的泰國餐廳 #泰國簡單廚房 The Satay Club，餐牌簡單得來食物也很有水準。.Noodle Soup Set有不同肉類、粉麵及湯底的配搭，我選擇了生牛肉配油麵和叻沙湯底，湯底的味道非常濃郁，金黃色好正。Rice Set則是香葉辣肉碎煎蛋飯，這道菜的味道很特別，辣味和香葉的香氣完美結合，辣肉碎伴飯食一流！套餐包飲品，也可以加錢upgrade特飲-泰式奶茶和椰汁冰來解渴，泰式奶茶的味道濃郁香甜，椰汁冰則是清涼又爽口。 .另外，我還點了泰式蝦餅、雞肉串、牛肉串和豬肉串作為小食。泰式蝦餅外脆內嫩，肉串則是炭燒過的，帶有獨特的燒烤香氣，非常美味。 .整體而言，泰國簡單廚房 The Satay Club的餐牌簡單卻精彩，食物的水準也很高。如果你喜歡泰國菜，不妨來這裡品嚐一番。

簡單泰國廚房😘😘😘簡單搵好嘢食灣仔金融商業區、黃金時段、午晚餐搵嘢食、最緊要快靚正、簡單最佳之選！精選湯麵餐：*奉送熱檸水一杯**凍飲加$5*特飲加$8*炸魚餅金邊河喇沙湯$78喇沙湯底味道真係夠濃、夠惹味、色彩艷麗、吸引眼球👀、炸魚餅冇🉐️輸、爽口煙煙韌韌夠彈牙、魚香味濃、微煎香、帶點香脆、夠滋味、金邊河幼條、軟綿綿煙韌度剛好、凍檸茶、泰國feel！鑊氣炒菜飛天炒通菜$68泰惹味飛天通菜、最緊要夠鑊氣、上菜菜要夠嫩、綠、新鮮、配蒜蓉、紅椒、泰國荳醬、魚露、爆炒、提升味蕾口感⋯⋯沙爹及小食牛肉串$98/6串牛肉切小塊後用醃料先醃漬、肉質更入味、用竹籤串成一串、即叫即燒🔥、牛肉香濃味撲鼻、肉質juicy夠嫩、軟嫩的牛肉粒沾上濃郁嘅沙嗲醬、充滿東南亞特色風味😁泰式甜品：芒果糯米飯$58是傳統泰國甜點、主要材料為芒果、糯米與椰奶😘煮糯米飯都要點功夫、加清水泡至少3個小時、將糯米稍微沖洗後、和1杯過濾清水一起放入電鍋中、外鍋加一杯水蒸煮、電鍋跳起後米飯需燜15分鐘、煮出軟綿綿香腍糯米飯、重要烹煮拌飯椰奶醬汁、糯米吸收哂醬汁、帶出糯米椰香腍甜、伴泰國芒果粒、伴吃時再淋椰奶醬、白黃色澤奪目👀、真係飽

今晩嚟到位於灣仔的一間新開嘅泰式餐廳食晩飯。餐廳幾大，亦有好多卡位，坐得舒服。食物選擇唔少，而且價錢好合理。青木瓜沙律（$78）- 青木瓜十分爽口，仲加咗新鮮嘅蕃茄同豆，同花生碎令口感更豐富。整體味道酸酸甜甜，更帶少少辣，令人越食越開胃👍厚燒香茅豬扒（$52）- 豬扒即叫即燒熱辣辣，而且厚身啖啖肉，性價比最高。仲配咗個秘製醬汁，不過我覺得本身已經好夠味～雞肉串燒（$16）- 千奇唔好錯過炭燒雞肉串，配上沙嗲醬好惹味呀！