漁小館

Open Now

Now Closed

昨天晚上,我和朋友一起去了一家小餐館用餐。我們點了好幾道廣東菜,全都非常美味。首先,脆皮豬手做得很好。皮脆肉嫩,恰到好處。深炸牛坑腩也很出色,外脆內香,口感佳。涼瓜炒豆豉清新可口,瓜的苦味被豆豉的鹹香完美平衡。不過,最令人難忘的是胡椒豬肚腐竹豬腸湯。豬肚和豬腸清洗乾淨,沒有內臟的腥味。腐竹口感彈牙,吸收了湯汁的精華。連帶著簡單的粉絲節瓜煲也煮得恰到好處,粉絲彈牙,蔬菜脆嫩。份量很足,價格也很實惠,物超所值。唯一小小缺憾是靠近門口的位置空調稍弱,但高朋滿座也證明了這家餐館的受歡迎程度和食物水準。總的來說,這是一次難忘的用餐體驗,我期待下次再來嘗試這家餐館的其他菜品。

漁小館是一家主打港式風味小炒的餐廳，以其美味的菜品和合理的價格而聞名。這裡不僅提供豐富多樣的小炒選擇，還免收開瓶費和切餅費，是與朋友相聚的理想場所。這裡的港式小炒種類豐富，價錢合理，且每一道菜品都帶著濃郁的港式風味。菜品的價格相對較低，而且份量十足。而且，餐廳還免收開瓶費和切餅費，這一點非常貼心。這讓你能夠自由地攜帶自己喜歡的啤酒和蛋糕，與朋友盡享聚會時光。這種物超所值的餐廳政策使漁小館成為與朋友相聚的絕佳選擇。

咁多年未點試過嬲到上open rice 打差評外賣平台 嗌，但完全唔關外送事係個質量既問題兩個人嗌左一個差唔多200蚊籠仔蒸飯一個差唔多300蚊既薑蔥炒羔蟹個籠仔飯上面鋪滿蝦 全部蝦都係霉嘅 用筷子一掂全部爛開晒 好似麵粉水咁 冇一隻係正常 個飯，連蒜頭味都冇個膏蟹好多芡 完全睇唔到啲肉同埋睇唔到啲膏啲芡已經係炒到焦黑色應該係為咗掩飾隻蟹嘅唔新鮮咬開幾cm既芡 終於見到啲肉 係黑色！！黑色既！！！啲肉都係霉既 全部冇食 掉哂 ！！

🎈推荐指數: 🧡🧡🧡🧡🤍｜✏️環境: 6/10｜✏️位置: 6/10｜✏️服務: 7/10｜✏️味道: 7/10｜✏️選擇性: 7/10｜✏️返尋味: 7/10｜✏️Time: Dinner Time｜✏️Through: Booking ｜✏️Price: Around $500/person｜✏️Pay Attention: 可帶酒水｜✏️Recommend:  炸牛腩🚗 🚗🚗___呠呠車停泊:  周街搵咪錶👴📢 《 WK 說 》STORY TIME  :食評唔止睇環境，位置同服務都好緊要。喺深水埗嗰度，你知唔知係咪真係有好多好食？不過咁多餐廳中，漁小館嘅位置絕對係給佢加分嘅一個原因。就喺地鐵站附近，行幾步就到，咁方便嘅位置，令你唔洗跑好遠就可以食到新鮮又正宗嘅海鮮。話時話，深水埗嘅街頭食肆好多，但你要揀一間好嘅海鮮餐廳，漁小館絕對係唔會令你失望！我要同大家講下漁小館嘅服務。佢哋嘅工作人員真係好友善有禮貌，隨時都笑容滿面，好似返到屋企咁舒服。佢哋唔止係有禮貌，仲好熟悉餐廳嘅菜單同食材。你有任何問題或者要求，佢哋都能夠即時回應同解答。佢哋嘅專業同熱情，令整個用餐體驗更加愉快。啊，今次我要介紹大家一間位於深

漁小館係好多朋友都介紹我去食，當日相約了四位朋友一齊前往，呢間餐廳係位於深水埗嗰邊，但係Google Maps就話喺石硤尾落去差不多7分鐘路程，但當日我哋都選擇喺石硤尾去，由於當日有提早打去餐廳book位，所以等候嘅時間就唔係太耐，當日朋友介紹一定要飲呢個豬肚湯、小炒王、鹹豬手等的必食菜式，當晚仲嗌咗支啤酒，由於餐廳位置唔算太大，但係菜式食落去都好有鑊氣，而且佢嘅味道係可以拍得住區內的萬發海鮮菜館，之後我亦都有介紹朋友繼續來光顧，大家都對於呢間餐廳都有唔錯的評價

素聞漁小館好難訂枱，今次專誠約埋成班 friend嚟呢度試吓。週末六點多已經好多人，環境都幾迫，好彩上菜尚算快。今日值得推介嘅係古法枝竹羊腩煲，羊肉份量夠，完全唔羶；個風梨拔絲咕嚕肉亦好鬆軟。埋單價錢雖然唔算平，但勝在足料美味👍🏻

睇住這店開, 由最初好多人排隊入內食海鮮蒸鍋至防疫期水靜河飛, 海鮮蒸鍋熱潮亦過後, 變成一般小菜館。一直想來這店試一下。來到2022年底終於有機會來了, 同友人B及太座 來試了一次。一入店係滿座狀態, 裡面好嘈。坐落30分鐘後人流開始散去逐漸回復平靜。講下講下就到上菜時間燒汁蒜片牛柳粒$148 牛柳粒份量唔算多, 因為有茄子粒魚目混珠😄, 牛柳粒質素ok 啦！有個甜口嘅汁伴住食。籠仔梅菜肉崧蒸芥蘭薳$128 呢個因為係菜又有籠襯托住, 睇落豐富d, 味道不過不失。芥苿沙汁蝦球$138 蝦球加埋炸衣望落感覺滿足一點吧！蝦肉都算彈牙嘅。總括以上幾味普通菜式, 手藝/味道一般啦！價位在同區以及坐位舒適度而言, 稍稍高咗d, 不過現在哪有又平又好食呀？! "一般"已經係好好架啦！

好多炸物，邪惡之夜。碟頭唔細。味道中上，每碟餸質素平均。豬手皮脆，個人比較不喜歡炸牛腩。牛仔骨不太熟，也肯爽快換一碟新（炒另一碟）。免開瓶費，適合酒鬼。有椅背嘅櫈，坐得比一般大排檔舒適。價錢亦比一般大排檔定價高，一碟餸平均150左右。

深水埗人氣大排檔小炒，不外乎嗰幾間，要夠鑊氣又要坐得舒服，行過少少有間漁小館，地方唔大，但肯定冇咁嘈，我哋一行10人，有老有嫩，當然嗌D大路嘢黃金焗海蝦 ～ 惹味嘅鹹蛋沾滿每隻🦐，係邪惡但我鍾意燒汁蒜片牛柳粒 ～ 🐮肉唔韌，腰果同茄子作配搭，不會喧賓奪主，加入日式燒汁炒，味道不錯滋味沙汁蝦球 ～ 🦐大隻爽口，醬汁濃郁，甜酸度恰到好處撈喜手撕雞 ～ 食落去有麻椒香嘅味道，配埋個醬汁食，好酥炸脆皮牛坑腩 ～ 肉味濃，外皮凍咗依然脆口，如果改配個酸微微醬汁，感覺會夾D同冇咁油膩杏汁燉豬肺湯 ～ 呢個湯好考功夫，淨係豬肺都有排洗，個湯勁足料、雞腳、瘦肉、豬肺、 菜乾一大堆，略嫌個湯唔夠熱拔絲咕嚕肉 ～ 個糖醋汁夠甜，可惜唔夠酸，肉質鬆軟但做唔到外脆口感海味什菜粉絲煲 ～ 個煲乜都有D，加入蝦乾提鮮，啱哂老人家食脆皮雞 ～ 炸得皮脆肉嫩，要趁熱食桂花炒蟹肉瑤柱帶子 ～ 做法跟炒桂花翅大同小異，呢個炒得太乾同蟹肉好嚡

唔係第一次幫襯，－向中規中舉，不過今日真係食到成肚氣⋯皮蛋酸薑，以前係用蟲花皮蛋，今日果D唔知係，－ pat pat 食到漿曬口，D酸薑仲衰，跟本醃未夠，好似放咗塊生薑落口，失敗⋯點知$48/隻聖子皇仲差，首先係室溫，已經知道中招，跟係食到－口沙，即刻吐返出來嚟，冇嘢呀⋯都未到戲肉，個避風搪抄蟹，竟然係十級辣，我食譚仔都可以食到中到大辣，竟然都食唔到落去，試真D肉係梅嘅，即係死蟹$268俾隻死蟹我，真係頂唔順，再睇下蟹身應該有4舊，但而家只有兩舊，真係忍唔到問老闆，佢竟然答我：不如叫罐可樂飲，真係吹脹⋯我只係答：多謝唔使、以後都唔會再幫襯⋯

🍚平時去開深水埗食萬發，但係有次朋友推介呢一間，佢形容呢間係高級版萬發，價錢貴少少，裝修好少少，嘢食都好少少，所以今次約埋成班friend去試吓！🍚脆皮豬手豬手夠味，外皮好脆，配咗個芥末醬，係好食，推介一定要嗌🍚炒牛柳粒嚟到唔知係炒牛柳粒定炒翠玉瓜，呢個明顯萬發嘅傻仔牛柳粒出色勁多，可以唔使嗌，除非你好鍾意食翠玉瓜😂🍚炸墨魚餅唔錯，創意菜式🍚生炒臘味糯米飯正常發揮，就冬天係要食下糯米飯嘅🍚籠仔芥蘭正常菜，因為有梅菜，所以味道好足夠🍚拔絲咕嚕肉唔知拔絲位係邊，冇乜特色，就係正常咕嚕肉菜式，用咗新鮮菠蘿🍚海鮮小炒王真海鮮，有鮑魚仔，同平時嘅小炒王好唔同。食落有驚喜，用嘅海鮮都幾好食！🍚汽水一罐要$20，唔捨得嗌。只帶紅酒可以免開瓶費，自帶啤酒每支$20，自帶蛋糕都唔收切餅費，見到隔籬枱有人喺隔離甜品舖攞咗一碟甜品過嚟食😆🍚如果一大班friend，我諗我都會再encore！

每次喺深水埗食中菜都係食漁小館一來自帶酒水免開瓶費二來佢啲中菜真係幾出色三來地理位置方便，港九新界嘅人都就腳誠意推介大家食呢兩度菜1）燒汁蒜片牛柳粒蒜片牛柳粒嘅主角就梗係牛柳啦，新鮮的牛煎到八成熟左右，炒得剛剛好，肉質鮮嫩。至於呢道菜嘅另一靈魂角色就係蒜片，漁小館嘅蒜片切得好薄，炸得鬆脆甘香，唔會太燶太苦。2）撈喜手撕雞撈喜撈喜，撈到風生水起～呢度手撕雞菜式係每次都必嗌嘅，因為佢用原隻滑雞起肉，將雞肉撕開一條條，加埋青瓜絲、蔥花絲、扎肉絲，配埋佢地的自家酸甜醬汁一齊食真係好開胃。我地今日仲like咗佢個社交平台 page,可以$28優惠價食埋佢地嘅杏汁官燕或者冰鎮鮑魚。但我覺得兩者都普通～

以前住深水埗所以食已經係兩年前嘅事啦今次係同爸爸慶祝父親節 果然水准冇退步員工服務態度親切 我哋總共七個人佢哋都可以做到不停咁幫你碗碟執嘢同大酒樓水準一樣食物更加不在話下係非常非常之好味啦特別推介係佢個籠仔蒸蝦飯 因為食唔晒所以打包左一大半 今日翻熱再食嗰啲飯好味到呢另外杏汁燉豬肺 好多地方都冇得食呢度係佢嘅招牌菜 我哋總共埋買1700 人均$250度我哋因為食咗兩個海鮮 如果唔係的話$200都可以落到樓其實有啲慶典都唔一定需要去大酒樓去幫襯下呢啲小店大家支持下我自己之前住深水埗有好多舖頭已經頂唔住執咗笠所以希望有呢啲咁嘅小舖可以繼續落去

呢間都好出名吓，朋友啱啱去完又話再去，piggy仲以為自己未嚟過，嚟到先知2年前已經食過😅但上次無食到酥炸脆皮牛坑腩，呢個一定要食😋其實其他小炒都好得有鑊氣，係除左五味人生🤪

【#快炒大廚】#漁小館 今日中午有少許時間，專登去依度食午餐。上次相逢恨晚食唔到，結果食咗附近果間但完全唔得。點解咁想試佢呢？因為之前有朋友話依間既 #乾炒牛河好食，而且佢係用幼河粉，唔會太厚，咁特別更加想去試。中午去到唔算太多人，剛好有位就坐晒一張檯，地方幾舒服。午餐係$45。。。起，乾炒牛河係$48，包一個湯同一杯凍飲😍淨係咁已經 #抵食 啦😎可能係帶住期望來，所以要求會比較高，河粉係非常夠熱👍，唔似上次果間凍晒。不過，配料就冇預期咁多，好似芽菜果D都唔覺，或者因為咁，加上幼河粉，一路食開始笠口，牛肉亦冇預期咁好，所以最後都食淨少少🤥唔可以話唔好食，但冇預期咁好🤔 一定食得飽🤣最欣賞係佢送既 #例湯，真係好正♥♥ 我好鐘意飲湯，但出面送果D唔係淡如水就係勁咸。依度係足料好飲夠味道👍如果我下次再去，我會面皮厚少少問佢比大碗D我😄之前睇到好多朋友食個唔好食既下午茶都要$45，而家比多$3有湯有凍飲，你應該識揀👍推介指數：7/10 （乾炒牛河係6/10）