告白果屋 (Closed)

食完lunch之後返公司做一陣野，就去咗公司後面一間新開張嘅甜品、糖水、果汁店-告白果屋。小店以白色為主，裝修設計好有文青 Feel，仲附設有枱椅可以坐喺度慢慢食。知道呢間小店超人氣喺葵涌廣場搬到太子再度回歸，當中嘅飲品以足料新鮮生果制作、以及無添加既smoothies🍓、仲有全港首創嘅椰糖珍珠，最近更推出埋手工鮮制大大碗嘅芋圓，健康得黎又好味到爆呀，咁吸引一於去試吓。我就揀選左一份自家製芋圓同埋一杯飲品。呢一碗自家製芋圓，推廣價只係$38，當中有仙草、椰糖珍珠、水果星球同埋兩隻味既芋圓。芋圓好QQ好煙靱，食落真係有芋頭味同番薯味而椰糖珍珠有香香嘅椰奶味而唔太甜仙草好滑嘟嘟同埋軟淋淋，配埋牛奶底好夾，加上唔太甜！最大驚喜係水果星球，大菜糕配火龍果呢個組合好有清新、舒服感覺食完之後感到好新奇好滿足。最後都唔少得叫呢度最有特色嘅招牌飲品-椰糖珍珠鮮奶 爽一爽喉嚨，椰糖珍珠係全球首創，而且係由椰子花汁液慢火熬煮出來的糖份，係眾多糖之中指數最低的一種，難怪咬落去唔會太甜，再配合鮮奶一齊飲，味道非常match！極力推介呢一間有心思嘅小店，經過一定要試吓！

芋圓控的我每次去台灣都要吃芋圓，但香港的質素參差，很多都嫌不夠煙靱。終於我吃到了告白果屋芋圓套餐，絕對是全港最Q最彈牙芋圓無誤！套餐配料很多，還有同樣彈牙的珍珠這個是告白果屋獨有的東東，球狀啫喱，打卡一流，但除了火龍果味也沒什麼特別如日系雜貨店的文青風小店，環境優雅，適合午後來杯果茶和甜點。

告白果屋由葵涌廣場搬左黎太子，比以往更大，多左自制芋圓糖水同有位置坐住食。先點好餐後搵左個位坐今次選了自家製竽圓和初戀如夢38蚊一碗芋圓再加20元換飲品。點好後大概等上7至8分鐘就有得食啦竽圓糖水包含了仙草、地瓜圓、竽圓、椰糖珍珠和水果星球。仙草夠滑，地瓜、竽圓夠煙韌！初戀如夢 內含波蘿 士多啤梨 乳酪 牛奶呢杯士多啤梨乳酪奶真係幾酸下有啲似自己係屋企只用士多啤梨加鮮奶打出黎既新鮮味道！一啲都吾驚肥既健康飲品！落單時店員亦有提醒餐廳以自助形式點餐取餐食完啲餐具要自行俾店員。

話說上星期，襯有日老闆唔係公司，咁大好機會，我就緊爭住幫同事去收下票順手蛇一蛇啦中途經過太子見到間飲品店都幾多人，所以就入去八下睇下有咩好野吃喇店裡面又幾有文青feel，裝飾感覺幾簡單舒適。有我好鐘意嘅芋圓啊，馬上就叫小二來一碗啦自家芋圓 $38 - 冇令我失望，地瓜圓同芋圓都好煙韌，唔好睇少佢好似咁細碗，其實份量都唔算少，食完都幾夠飽。「水果星球」同椰糖珍珠都幾出色，同坊間有d唔同嘅，感覺佢應該用個奶比坊間香滑少少。試完芋圓雖然有d飽，見佢做得唔錯，我又唔係成日黎呢頭，所以⋯⋯我決定⋯⋯⋯龍珠爺椰 $29 - 其實係珍珠鮮奶+芝士奶蓋。呢杯嘅奶味又係超濃香，微微鹹香嘅芝士奶蓋，同埋杯邊位加左少少黑糖，係靚d但都唔單單裝飾用，攪勻左去飲都會飲少淡淡黑糖味。幾樣都配合得唔錯

告白果屋搬左去太子,除左地方比之前大左之外,依家仲多依掛好多人鐘意既芋圓同地瓜圓個D,加上新裝修好文青feel,可以慢慢坐係到影相打卡,果汁同之前好似差唔多,到係主打健康同新鮮,如果叫芋圓加埋野飲仲可以有得類似套餐咁。

來自葵廣的告白果屋喺葵廣消失咗 😢喺太子開咗地鋪呀，仲有少少位坐吓有別於成行成市嘅台式手搖飲品店佢哋出名無添加嘅鮮果smoothies🍎🍐🍊🍌🍇🍑🥛仲好有心思咁改咗啲好得意嘅名各樣飲品又有唔同功效💁🏻‍♀️好欣賞佢哋對健康食材嘅堅持💪🏻 不過今次唔係飲嘢🥤嚟試吓佢哋嘅自家芋圓 入面有芋圓、地瓜圓、仙草、椰糖珍珠、同埋大大粒水果星球，加上鮮奶 🥛 .🔸自家地瓜圓同芋圓煙韌彈牙，有天然嘅香味，冇額外加糖🔸椰香珍珠🥥係佢哋首創㗎，用椰子花汁液加入珍珠，健康低GI，珍珠有咬口，係成個甜品嘅主要甜味來源🔸仙草滑嘟嘟，微甜🔸水果星球即係鮮果大菜糕，入面有紅肉火龍果同芒果整體成碗都唔會好甜，自家製芋圓珍珠好味呀😋用心的小店值得大大力支持❤️

朋友聚約在太子，我和其中一位下班時間較早，決定找個地方坐。朋友熱愛珍珠奶茶，難怪會選這裡。這份芋圓很吸引，加上2個午膳時間較早的人都有點餓，當然要點。這裡有果昔、咖啡、珍珠奶茶等等，選擇也不少。座位不算多，但環境舒適，很有文青風格，隨意都可以拍照打卡。自家芋圓除了有芋圓，更有地瓜圓、椰糖珍珠和水晶星球。第一次試用椰糖做的珍珠，原來一樣好味，珍珠咬下去夠煙韌彈牙，味帶淡淡椰香。芋圓和地瓜圓口感軟糯煙韌，甜度剛好，有吃得出的芋香和地瓜香。而水晶星球原來是大菜糕混了紅白火龍果，味道好至於口感又夠清爽。點了芋圓後加$20便有一杯龍珠爺椰，朋友當然要點。我也嚐多了幾口，這裡用的鮮奶奶味香濃，口感滑溜，再加上帶芝士香、味道微鹹、口感輕盈的芝士奶蓋，香甜的黑糖漿，還有帶淡淡椰香的珍珠，味道互相配得很好又不會太甜膩。我要了杯胡塗飛鴿，即水蜜桃士多啤梨乳酪，入口滿滿桃香和士多啤梨的甜，啖啖鮮果味，加上酸度剛好的乳酪，感覺清新健康。

陪花痴朋友去花墟逛街，行到又攰又渇，見到尼間精緻小店，行去門囗睇下買嘜東東，原來係台式食品，不過主打以健康為主，珍珠是每天新鮮自家製，飮得安心揀左自家製芋圓，內有無糖地瓜圓同芋圓，仙草食落微甜，好香仙草味唔腥，椰糖珍珠係自家製，煙煙un un甜度剛好，水果星球賣相好靚，內裏包住士多啤梨同藍梅，清新可口侍應耐心介紹飲品種類，無添加果昔D名好有趣，叫左杯當恐龍遇上噴火龍，有排毒美白抗衰老作用，啱哂我尼D貪靚鬼，用左紅肉火龍果加提子同蘋果，成杯飲料紫紅色好靚，飲落清甜喜歡呢度嘅環境，舒服寫意，下次再黎試下其他飲料

經過太子看見這間裝修幾特別的告白果屋，記得他們原本是在葵涌廣場的，現在搬到去太子的地舖，位置開揚，門面簡約潮流，舖裏還很有文青的格調。幾欣賞這裏可以堂食，在這裏影相打卡都唔錯呀！ 看見餐牌上有很多款式的飲料， 水果奶昔，意式咖啡，水果牛奶，鮮沖烏龍茶，還有他們自家製的芋圓。黑老大 ~ 是芝士奶蓋黑糖珍珠鮮奶，珍珠有口感夠煙韌，他們的自製珍珠不含防腐劑和人造色素， 還是全球首創的椰糖珍珠 ( 椰糖是椰子花汁液慢火煮出來的糖份，沒有經過漂白和精煉，能保留許多礦物質，還是眾多糖之中升糖指數最低的一種 )。 奶味濃郁，夠creamy！自家製芋圓 ~ 一碗的份量已經夠兩個人食用， 一面包括有芋圓，地瓜圓，仙草，椰糖珍珠，還有很特別的水果星球。 大大粒啫喱水果星球入面有新鮮的水果肉，不算太甜，口感似大菜糕質地，有清新的感覺。喜歡這裏環境舒服，最適合約朋友來這裏打卡影相或者傾計， 最緊要試下佢哋自家製的芋圓， 下次我也會再嚟試其他的飲品。

今日去完花園街行街，行去搭巴士途中經個呢間野，見到個牌寫住自家芋圓，即刻心心眼！原來係之前葵涌廣場嘅告白果屋，之前已經係葵涌廣場飲過smoothies，相當好飲，依家搬遷左去太子！見咁有緣份，又有芋圓，即刻二話不說入咗去！一入到去，同之前葵涌廣場一貫作風，鋪頭嘅裝修相當文青，擺設精緻的角落和，仲有拍照位打造出文藝氣息，絕對係影相位 ，絕對岩一班文青黎打卡呀！店內提供咗少量座位，方便客人在店內食用，當然亦都可以Take away啦！自加芋圓 $38 
自家製無添加芋圓店家每日新鮮製造，材料亦十分豐富，有三色芋圓（芋圓、紫薯圓、地瓜圓）、水果星球，椰糖珍珠！顏色賣相都相當吸引！落單嘅時候職員好貼心咁問要唔要奶，我就試咗加奶，因為見有仙草，仙草加奶係絕配！
三色芋圓賣相好，大小一致，色澤自然。三款都甘香清甜，味道鮮明，配以牛奶都不會過甜，甜度岩岩好，Q彈細滑！食芋圓當然係個口感，呢到嘅芋圓口感煙韌，咬落爽水不黐牙，地瓜圓做得尤典出色，有天然蕃薯味，蕃薯味清香，自然香甜，唔會死實！未食已經好好奇個水果星球係咩東東黎，一食落係好爽口QQ凍嘅口感，佢又唔似Jelly 咁軟，咬開仲有一粒紅肉火龍果係

以前經過葵廣都會幫襯下，而家搬出黎太子更加方便我。雖然店鋪細小，但都幾有格調，至岩我同朋友呢類偽文青黎坐下發呆，面壁打發時間。龍珠爺椰朋友叫這個因爲想試下芝士奶蓋味道。我也試了幾口，很滑奶味很濃，而且幾creamy，和芝士味混在一起也很夾。一路飲一路食住珍珠，感覺比平時飲珍珠奶茶的珍珠更有咬口。自家芋圓我就叫了芋圓。初頭黑色的以為是涼粉，吃下去才知道是仙草。仙草很滑，滑到湯匙也盛載不到，要用喝的方式才可吃得暢快。芋圓很煙靭，很有咬口；地瓜圓也有濃濃的蕃薯味道，挺qq的。最得意係粒粉紅色波，大約1個扭蛋size咁上下，晶瑩剔透，食落去好似大菜糕。整碗甜品很清甜，每樣東西也不會搶其他食物味道。最後飲下食下坐下吹下水咁就逗留左個多小時呢！

小店總係能夠帶比人驚喜，呢間聽聞係葵廣開到過黎旺角既告白果屋都唔例外。甜品店我好少寫，寫得都係覺得佢非常有誠意先會寫店舖唔大但都有幾個位比人坐係度食，裝修係行溫馨路線Menu選擇主要係飲品，老闆仲好有心機咁改左唔同既名比佢地。唯獨有一味近期非常流行既甜品 - 芋圓芋圓我都食過好多間，標榜天然無添加手工制造既都唔少，唯獨佢地既芋圓我覺得係真正食得健康首先店員好貼心問我地想唔想要牛奶，因為部份食全素既客人如果加左奶都唔知食唔食好。仙草有好多，芋圓有6－7粒而且好大粒，每粒都食到芋頭同蕃薯既味，真材實料。中間有粒叫水果星球既波波好特別，得佢先有，咬開真係有幾粒生果係裡面，但又唔會話太酸太甜。椰糖珍珠係用左椰糖，鮮奶同埋earl grey tea去整，食落唔同坊間黑糖珍珠咁甜，有陣清香既椰子味。飲品我就叫左《野孩子的天空》，個名咁浪漫估唔到佢既功效又幾勁，抗氧又護眼咁裡面有藍莓香蕉青檸牛奶椰奶乳酪，成件事感覺好健康，個份量較得岩岩好唔會甜同過濃又會飲得出各種材料。整體感覺好好，我覺得專注做好一樣甜品係佢地既賣點，希望佢地繼續努力

葵廣告白果屋搬咗去太子😊除咗飲品仲有自家製芋圓😍依家做緊推廣價，包含有仙草，芋圓，地瓜圓，水果星球，椰糖珍珠😁特別在於佢哋嘅水果星球🌍啫喱水晶球入面有水肉果😊食落又吾會太甜，好清新！珍珠聲稱不含防腐劑及色素！係佢哋賣點之一🤡睇佢哋個牌寫住椰糖系椰孑花汁液，慢火煮出黎嘅糖份，無經漂白同精煉，可保留礦物質，亦係咁多種糖之中，升糖指數最低個種🧐聽落就比較健康啲！食落去珍珠都煙軔偏硬身，帶有微微甜味😬可以一試而且而家加$15就可以換購指定飲品😊咁就揀左黑老大，即芝士奶蓋黑糖珍珠鮮奶🤗飲品方面就一般般啦，同樣用椰糖珍珠，奶口感較creamy~因為加左奶蓋，而黑糖味偏弱，吾算太特別啦，不過見佢原價$29而家加$15就有一杯先試下😂

記得之前告白果屋是在葵廣二樓,他們有別於其他台式飲品，他們主打smoothies, 新鮮果汁加上牛奶, 他用了1/3鋪位做擺设,對於租金昂貴的葵廣來說，真的是很令人印象深刻。前一陣子看到他的鋪位已轉了另一食肆，我還以為他是頂不上租金的壓力做不下去了。今日經過,太子竟然在繁忙的彌敦道看到他轉為地鋪,真是為他高興。看看餐牌沒有太多轉變,還有我喜歡的野孩子的天空,朋友點了黑老大。點餐後轉身打算清楚看一看店鋪,發現店主利用騎樓的空間,放了一張長身的餐台幾張凳，可以做埋堂食,樓梯底的小空間放了仙人掌等等的裝飾,將整間鋪頭打造休閒舒適cafe,在繁忙都市中留下一些舒適。野孩子的天空,有我最愛的藍莓和鮮奶,沒有放糖,所以最適合減肥的我。朋友的黑老大,珍珠比起平常珍珠奶茶的珍珠較腍，芝士奶蓋好邪惡，但是一試難忘。我們還點了一份芋圓來一齊分享，他們是自家制的芋圓，份量兩個人食都可以，他還細心的問你要不要加鮮奶，我跟他說加多點，他也可以，真好！他們的芋圓有一塊好特别的，他是粉紅色的果凍似的，看看餐牌他是叫水果星球，好特別哦！感激我遇見告白，希望他們能夠成為一個成功的本地品牌飲品店啦！滿分為10分(1分最低

位於太子彌敦道的告白果屋，係一家主售果昔/水果牛奶的飲品店，主打全港首創的自家製椰糖珍珠，係眾多糖之中升糖指數最低的一種，有特色又健康哦店鋪裝修比人好舒適既感覺，內裡設有雅座，方便客人悠閑地品嚐飲品，仲有靚仔店員添餐牌既選擇唔算太多，以健康特飲為主，飲品本身無加糖，岩哂注重健康既香港人！除左飲品，仲有自家手制芋圓可以揀我同朋友都係芋圓控，就點左碗試下！大大碗地瓜圓同芋圓口感煙韌，滿有嚼勁。椰糖珍珠則係超煙韌！仙草帶有陣陣甘香，超滑溜的哦孖寶兄弟，飲品既鮮紅色源自紅菜頭，裡面既材料好豐富的啊有羽衣甘藍、蘋果、菠蘿、雪梨同紅菜頭。蘋果同紅菜頭既味道比較突出，嚐到水果本身既天然甜味，好味道喔北極企鵝，即係芝士奶蓋蜜糖鮮沖鳥龍茶，芝士奶蓋質感都幾濃厚，重芝士味但又唔會太甜，啖啖鳥龍茶清香，好飲啊