告白果屋 (Closed)

公司樓下開左間甜品店，提供左一個好好的偷懶空間比我地，話說呢條街咁多年真系從未開過甜品店。傾計偷懶一流！哈哈今天我地鼠左出來食下午茶，好多野飲吖！分別叫左杯黑糖珍珠奶茶，孖寶兄弟（果昔），自家芋圓。餐廳牆上玻璃上貼了好多宣傳優惠，跟著做仲有野飲換。自家芋圓，由仙草，地瓜圓，芋圖，水果星球，椰糖珍珠組成，樣靚，大家爭住要相機食先。中間的透明水果啫喱就系水果星球，仙草低唔滯，配芋圓同珍珠，甜度岩岩好。餐廳有好多充滿童貞的擺設，衫起鋪名略顯別緻。孖寶兄弟，呢一種果昔不含奶，系紅菜頭，羽衣甘藍，菠蘿，雪梨，萍果。像是果菜汁。很清爽，對身體有益。黑糖珍珠好香，奶味濃郁，芝士奶蓋特別滑，口感好綿，不會太甜，珍珠Q。正

呢間店一直係打卡熱點 ，一見到係太子開咗就決定去試下，飲返杯飲品之餘影靚相🤤✨-值得一讚既係呢度smoothie嘅生果全部都係新鮮榨出嚟，無添加其他人造色素😼 啱哂鍾意飲得清清地同埋想健康啲嘅人👍🏻呢度smoothie啲名都好有趣😹 同朋友叫咗兩杯share，分別係「糊塗飛鴿」，同「野孩子的天空」，一上枱就已經俾佢地既賣相吸引住，而且重點係真係幾好飲😻第一杯其實係水蜜桃配士多啤梨Smoothie🍑🍓，士多啤梨味比較突出，而且仲有好多果肉粒可以食到，加上乳酪酸酸甜甜嘅味道，整體感覺好新鮮🌱而第二杯就係藍莓配香蕉青檸Smoothie🍌🍋，呢個水果配搭幾新奇，因為有香蕉同檸檬嘅關係，所以適合一啲鍾意酸少少口味嘅人🤭 但我個人就比較鍾意傳統既甜smoothie多啲😆-黑糖珍珠既風吹得咁勁，見呢度有所以都唔執輸叫埋黎試🤪 分別係 芝士奶蓋椰糖珍珠鮮奶 同 芝士奶蓋黑糖珍珠鮮奶🥛 兩杯鮮奶味好濃郁好滑，珍珠又好煙韌，但我最欣賞既係佢整體味道唔會太甜😆-飲左咁多野之後，都想食多個芋圓埋個靚尾🍧 值得留意既係芋圓入面有一個好大嘅「水果星球」，好似火龍果嘅水晶球，食落就發現原來係大菜糕質地嘅啫喱，入口清

估唔到告白屋果由葵芳搬左過太子 仲要鋪面大左咁多 有堂食位坐鋪面裝潢好靚 走文青風 堂食位都佈置得好靚 好啱影下相打下卡我地試曬兩杯珍珠鮮奶 龍珠爺椰 同埋黑老大 兩杯都唔錯唔錯全部都係新鮮自家製珍珠 好有水準 尢其是 龍珠爺椰既椰糖珍珠 獲得我地一行四人既滿意兩款珍珠都好有咬口彈牙 黑糖珍珠黑糖味濃 而椰糖珍珠就好特別 係我第一次試既甜味 而且味道唔會過甜 好好味 感覺幾天然健康最重要係唔會好似平時飲個啲咁多冰 好似會抵啲另外都飲返告白果屋出名既健康smoothie全新都冇加糖 只係用原材料天然整出 係幾健康 呢兩杯係糊塗飛鴿 同埋野孩子的天空 我就鐘意糊塗飛鴿多啲 士多啤梨味出 又飲到乳酪既酸酸甜甜 唔會太甜 好味而野孩子的天空就青檸同香蕉味較出 偏酸自家製芋圓真心好靚好吸引 而且咩都有 一次滿足曬我既願望 芋圓地瓜圓煙韌 最重要係仲有好味既椰糖珍珠 滑嘟嘟既仙草 同埋好靚既水果星球

今日同老公返屋企等巴士嘅時候，發現一間新開嘅台式甜品店， 還掂又唔趕時間，等我地入咗去整返碗芋圓同飲杯嘢先間舖好乾淨，燈光好舒服，好整齊❤️好有文青感覺。店主很細心，有溫馨提示通知今日我揀咗自家芋圓套餐自家芋圓内有地瓜圓，芋圓，仙草，椰糖珍珠，水果星球水果星球類似係大菜糕嘅質感😆餐飲我叫咗龍珠爺椰，其實係芝士奶蓋椰糖珍珠鮮奶牛奶味好香濃，好滑！我地再叫多咗龍珠爺椰，係牛油果，蘋果同牛奶mix好特別，帶有少少蘋果酸味，正雖然只係一間小店，但睇得出店主係好有心機去做每一杯甜飲品，所有食品名字都用心去改，一邊食，一邊飲，真心去感受。

太子的告白果屋是我每次落巴士會見到的飲品店，次次經過都好有衝動想入內幫襯，今次終於可以停低感受一下告白果屋的飲品及甜品。全球首創自家製椰糖珍珠 ，咁特別點都要試一試，好多人聽到椰糖呢兩個字會誤以為會是椰奶的味道便很抗拒 ，但店員說其實椰糖是沒有椰子味的。椰糖Coconut palm sugar味道有點像黑糖 少許焦糖香味，是有一種獨有的濃香，椰糖更是眾多糖之中最為健康的糖，因為其升糖指數十分低，人體所吸收糖份相對地減少， 即使吃了甜也不擔心影響健康囉～我已經堅持健康飲食，但間中也愛食珍珠愛，可惜外面買到的珍珠的來貨成份及現成珍珠很多都是超級多防腐劑和色素的，睇報導時覺得好驚驚。告白果屋非常講究珍珠質素，他們特意在台灣訂造了機器和材料，是為了每天新鮮即製珍珠，保證提供健康的珍珠，好有良心喎。所以我決定叫了龍珠爺椰 ，香滑甜美， 珍珠煙韌彈牙，沒吃到一點色素，感受到好天然，全冇罪惡感。自家製的芋圓真心靚，而且味道都好清香甜美，芋圓珍珠煙韌彈牙，仙草香滑，果凍也清甜，在秋天乾燥日子裡幫你增添一點滋潤，so sweet 。

前期搭巴士經過太子鐵路站，見到呢個門面走小清新風既台式飲品店已經想試下，今日終於順路兜過黎唔止招牌簡約小清新，裡面仲設有堂食位置，佈置同樣文青，同姐妹黎飲杯珍奶影相打下卡岩哂飲珍奶最怕肥呢度主打全港首創嘅椰糖珍珠就岩哂～無防腐劑無色素而且低升糖，健康啲又無咁肥除左珍奶仲有咖啡、果昔等多種選擇。招牌既芝士奶蓋椰糖珍珠鮮奶～～奶蓋厚滑，芝士味濃郁，獨有既鹹香同奶味好夾，夠凍之餘無加冰，唔會越飲越稀，如果杯身設計可以更容易飲到奶蓋就更好。呢度既smoothie同樣健康～無加糖，以原材料直接打成，味道天然味道酸酸甜甜，好fresh，唔會好膩，香蕉同芒果味好突出，仲隱約飲到蘋果渣，有啲野咬下新推出既自家制芋圓，睇餐牌已經覺得好吸引主角係呢粒水果星球，裡面包住唔同既水果果肉，外層既果凍好爽滑。芋圓同蕃薯圓夠煙韌，芋圓仲食到微微芋頭特有既綿密。傳說中既椰糖珍珠，比一般珍珠更有咬口，仲自帶獨特既甜味，有啲似蔗糖味。依家仲搞梗活動，Post相hashtag返#告白果屋，夠50個likes仲可以換到杯免費野飲添呀

今日喺旺角游下游下見到呢間飲品店， 俾佢個健康主題吸引咗，反正行到又攰又口渴，所以就入去試下😀店鋪裝修簡潔， 以白色為主，牆上有啲乾花做裝飾，店內亦都提供咗少量座位畀人可以一路飲嘢一路喺度hea下👍我哋試左恐龍遇上噴火龍，芝士奶蓋黑糖珍珠鮮奶同埋自家製芋圓 恐龍遇上噴火龍其實係一杯smoothie，溝咗新鮮紅肉火龍果，蘋果同提子， 好重火龍果味，甜甜地，好清新，功效排毒美白抗衰老，好適合女士飲用😁芝士奶蓋黑糖珍珠鮮奶面頭鋪左一層厚厚嘅芝士奶蓋， 混合埋鮮牛奶， 滑得嚟又有珍珠既“趙”口，都幾夾👍👍而個芋圓同珍珠都係自家製，勁煙韌😮😮珍珠係椰糖珍珠，食落去面頭有淡淡嘅椰香味， 同市面食到嘅好大分別👍個水果星球口感有啲似大菜糕， 裡面有舊火龍果肉，幾特別😁芋圓底係仙草凍， 食呢個甜品都幾飽幾滿足🤗成日都覺得呢啲飲品唔會健康，今次令我改觀嚕👏👏👏

行行下街見到巴士站旁邊有間睇落幾fresh幾小文青嘅飲品店，而且鋪頭入面仲有得坐，見個款幾好，又飲fruity野就入去試下。款都有好多得揀的，有特色椰糖珍珠。最後揀左嘅係香蕉奶同sawadika~香蕉奶都中規中矩，冇乜亮點，唔難飲，好普通嘅蕉奶，飲到冇落雪糕or cream。呢杯sawadika有芒果蘋果椰子同牛奶，混落啲味都幾雜，飲唔出重點，而且味道淡，冇乜味環境其實ok的，買完坐低飲埋至走，不過要花啲時間等，又冇話好好服務。。。

同朋友在太子食飽飯好有意欲去食甜食行到來告白果屋朋友說他飲過葵涌廣場嗰間的smoothie 好飲一於就入咗告白果屋度食甜品我就叫左杯芝士奶蓋椰糖珍珠鮮奶芝士鮮奶控必選芝士奶蓋好出色芝士味甚濃孖寶兄弟 smoothie 抗癌雙星我偷飲左一啖用料豐富水果味分明又濃厚重本之作我首創新食法🤣不用飲管用匙羹不d 椰糖珍珠加上好香濃芝士奶蓋一起放入口更能食出層次口感味道因飲管直插入到底只能飲到小小奶蓋🤘🏻我喜歡嘴邊先有濃濃奶蓋味道再有些小鮮奶入口最後咀嚼椰糖珍珠這樣層次食法是最好食的👍🏻🤤自家制芋圓有兩粒大大粒食落口感好似大菜波波咁但入面是火龍果同蘋果餡料味道非常清新鋪滿全球首創椰糖珍珠口感同一般珍珠差無幾但甜度好特別不會過甜𡁻出椰糖甜度的味道是天然甜第一次食橙色芋圓原來係番薯做的番薯🍠味道非常突出粉紫色當然就是芋頭做的味道底層是鋪滿涼粉再配上淡奶混合在一起味道百感交集好有感覺枱上有兩個士兵仔好可愛可以打卡用

行行下街口渴想買嘢飲，首選當然係我好喜歡嘅珍珠奶茶啦！搵搵下真係俾我搵到！！好難得飲珍珠奶茶都有位坐，於是同朋友入去歎一歎店舖入面裝修幾骨子， 好多擺設，幾有特色..除咗珍珠奶茶之外，仲有果昔呀，同埋其他甜品或者飲品...店員介紹呢度啲珍珠係自製㗎，而且仲有佢哋獨家嘅椰糖珍珠，又真係未聽過咩叫椰糖喎，咁特別有新嘢梗係要試啦果昔都有好多選擇，鍾意蔬果嘅朋友可以試下。原來仲有我好鍾意嘅芋圓，咁一定係必食埋丫！！自家芋圓材料有仙草，地瓜圓，芋圓，椰糖珍珠同埋好特別嘅水果星球。芋圓好香芋頭味，地瓜圓既地瓜味都好濃 ，椰糖珍珠就非常煙韌，仲有佢大大粒嘅水果星球呀！原來係大菜糕黎呢，入面仲有水果，成粒好靚呀！！龍珠爺椰我最想試嘅芝士奶蓋椰糖珍珠鮮奶終於嚟喇！！試一啖我已經愛上咗佢奶味非常濃郁，甜甜地感覺超正，珍珠又非常煙韌！！成杯好快就咁畀我飲曬 呢杯絕對係必飲，極力推介！！朋友就揀咗胡桃飛鴿，呢杯果昔係水蜜桃 士多啤梨奶酪。酸酸甜甜，士多啤梨味好豐富，味道非常清新，好解渴

葵廣一向係小食店既臥虎藏龍之地，而告白果屋可以喺葵廣打出名堂，自然亦有佢既過人之處。所以，今日行經太子見到告白果屋，我亦唔算太驚訝。起初以為係分店，但原來係搬遷左過黎，不過呢度地方闊落啲，又有堂食既位，環境上一定勝過葵廣。餐廳做緊唔同既推廣，post 相上Facebook 或者Instagram ,夠50個likes 就可以換一杯飲品！3pm-8pm優惠時段又有珍珠奶茶買一送一優惠太子店有自家芋圓食，$38一份，加$15可以換飲品點左一份芋圓，有齊唔款配料，另外加左鮮奶，同珍珠幾夾，另外又有仙草中和下，唔會太膩。地瓜圓同芋圓都好大粒，而且夠煙韌加左杯龍珠爺椰，係鮮奶加上椰糖珍珠，飲落有陣陣椰香，比起黑糖既甜層次更豐富。雖然鋪仔細細，但呢度比人感覺好舒服，有陣陣既花香味，有cafe 既感覺，可以比人飲杯野傾下計，下次再試其他

經過太子，得知有間即叫即榨既水果奶昔專門店，裝潢好精緻由牆壁頂到檯上都有綠色植物，這就是文青風吧！果昔 smoothies 🥤糊塗飛鴿：有水蜜桃、士多啤梨、乳酪清淡果甜味，帶有點點乳酪酸味，幾片士多啤梨黏響杯邊，增添幾分文青少女味道！黑老大：芝士奶蓋黑糖珍珠鮮奶奶底有少量黑糖，厚厚芝士奶蓋，珍珠新鮮自家製都夠韌度，不含防腐劑、人造色素！自家芋圓最吸晴的就係晶瑩剔透既水晶果啫喱，好似在食藝術品咁長方粒的芋圓，最喜歡就是煙韌口感，配上軟軟的小明珠！整體來說有幾種不同口感，即使小店份量亦不會太小，估唔到都幾大份！限時優惠

Happy friday~ 輕鬆relax 飲杯smoothie, 又食下甜品。告白果室地方雖然細細，但環境幽靜，走文青風，同朋友邊飲邊食邊吹水真係啱晒。一個人清清靜靜諗下嘢、睇下書，順手打嗰卡都非常合適。我杯恐龍🦕遇上噴火龍嘅smoothie真係充滿新鮮水果味，飲一啖就係紅肉火龍果嘅清香，嗒真啲有香蕉嘅甜，蘋果嘅香。成杯無加糖，只有果汁，飲多都唔怕，好健康。 另外碗自家甜品一樣出色。細細碗但包羅萬有，有自家製椰汁珍珠、仙草凍、水果星球、地瓜圓、芋圓等。仙草凍奇香，又軟又滑好好食 😋 新推出嘅水果星球就唔單止好睇，仲好食，充滿驚喜。透明嘅星球裏面有有水蜜桃、芒果同紅肉火龍果果粒，食落有陣鮮果汁嘅甜香。椰汁珍珠、地瓜圓、芋圓全部都煙韌有咬口。如果打卡有50 likes, 下次仲可以免費飲 😂 所以食之前就努力📸😆

最近告白果屋 由葵涌廣場搬到太子仲要咁近我屋企 緊係去再飲啦新店 靚左 設計感重左 好鍾意呢種灰啞色門口放左最新ge product 自家芋圓同椰糖珍珠一入門口就係收銀落order 再入少少係等order 轉角位 係堂食位 野飲野食選擇都幾多我地叫左黑老大 （黑糖珍珠鮮奶）糊塗飛鴿（水蜜桃 士多啤梨奶昔）自家芋圓Post上Fb/ig仲有換野飲Tim可愛的熊大燈添加不少植物 好小清新等左一陣就有野食野飲啦黑老大芝士奶蓋唔係好漏飲落唔heavy 黑糖珍珠好inum 仲帶有少少甜味 正糊塗飛鴿新鮮生果打成ge奶昔 水密桃剛好中和左士多啤梨ge酸👍🏻自家芋圓份量好大 有芋圓 地瓜圓 水果星球 仙草 椰糖珍珠 全部都係我鍾意食 芋圓地瓜圓inum又好食 椰糖珍珠食食下有蕉糖ge味道 好特別

葵廣大受歡迎既長龍店之一告白果屋竟然開左喺太子。地點方便好多之外仲有位坐，而且大量位比你幫杯飲品影靚相打卡，岩哂女仔，我女朋友都係咁吸引左黎。佢就要左杯少女味濃既粉紅色糊塗飛鴿，其實係水蜜桃士多啤梨乳酪。飲得出係用左新鮮水果打出黎，唔會好假既死甜味，十分refreshing。我就冇要到 smoothie，要左杯黑老大，姐係近期大熱既芝士奶蓋黑糖珍珠鮮奶。奶蓋好香奶味，感覺好厚，但芝士味就真係淡左少少。底層嘅黑糖珍珠好煙靭好有咬口，而且唔會太甜，如果多d就更好。跟住發現原來呢度除左飲品仲有甜品，雖然得一款，但入面材料都好豐富，有竽圓，地瓜圓，都好QQ。仲有仙草同椰糖珍珠。最後仲有個好靚既水果星球，其實就係大菜糕加水果，夠爽口又靚。難怪一直都咁受歡迎！