意粉屋 (Closed)

同朋友一齊睇完戲...諗唔到去邊就黎左意粉屋..叫左一個sun dried tomato 雜菌天使麵..好似差左...以前食過好好食,,,但係今次炒得好乾..但幾靜同幾舒服...服務都唔錯...因為我地早食飯...大約$70有埋湯...

兩個人叫了一個龍蝦餐..餐湯還可以接受...但先來來的龍蝦意粉...那些意粉雖質感不錯,但因部份出水平夠,但上面的龍蝦汁,真是一點也不討好1.像水一樣,但不是熱,是暖暖的,所以未食時看到那個滿是芝士的樣了已經飽了,2.至於那個天使面真是完全不能夠接受,部份天使面黏在一起,又唔熱,樣了就會上面一些橙色汁加上天使面上總括而言,是完全唔惦,2個人還要食左近280元,絕對不建議大家再去.

老婆同個friend嚟食lunch。佢話一坐低，個waitress就表示十二點九前埋單有特價(重有個條件喺要十二點三前入座)，set lunch$45減到$38。佢哋結果各要了一客。唔食沙律，兩個都係要湯，係酥皮周打蜆肉湯，老婆話好好飲，而且幾多料。主菜就一般喇，一個要咖喱雞飯，其實係咖喱雞絲飯，分量又少，俾我就唔夠飽。另一個要肉醬意粉，雖然唔係差，但係亦唔覺得特別出色。至於餐後杯咖啡幾香濃，老婆好滿意。雖然有加一，不過佢個friend拎番上次嚟食過嘅舊單出嚟，再有八八折，結果埋單只係$73.6，抵食喇。

假期最後1日想食意大利菜，平平地加上DBS有折，就去附近叫個龍蝦天使麵+豬肋骨套餐。龍蝦湯夠味道，水準之上。炸蝦普通。龍蝦天使麵太黏，汁唔錯，俾佢合格。豬肋骨夠大份，點燒汁幾好食。Coffee幾好。

有朋友生日，一行四人黎同佢慶生。Happy Friday好多人呀! 等左好耐先有位。等位等到我勁肚餓，一坐低二話不說即點了兩個二人餐。湯叫了龍蝦湯同忌廉湯，龍蝦湯好香龍蝦味、幾特別，忌廉湯都好香濃，好味! 食物方面，pizza 點了厚批，但係個皮比平時食開個0的更厚，都係pizza hut 的好食0的。黎Spaghetti house最好食既都係意粉，三文魚天使麵配蕃茄，天使麵好煙韌好好味，三文魚都幾新鮮。另一碟係腸仔磨菇意粉，意粉就好好食但係0的料唔係好得咯，齋腸仔同磨菇我自己係屋企整都得啦! 個咖哩炒飯都係普普通通。成餐飯最好食既反而係個小食---黑椒燒烤雞翼。BBQ 味加上甜甜既蜜糖，值得推介! 跟餐既咖啡同荔枝soda 都好甜，難以入口，我飲左兩啖就冇飲啦~呢餐都唔算好貴既，因為二人套餐用信用卡埋單有折，食物份量多都連我呢個大胃王都食唔哂咯。不過食物質素就好一般，同一班friend 慶生gather 一下都係一個唔錯既選擇。

尋晚同朋友黎左呢道食. 雖然坐門口第一張台, 但都幾舒服用匯豐卡有優惠set dinner.叫左呢個餐...意大利菜湯- 唔太咸, 唔錯黑椒雞翼- 味道唔錯, 但0的肉好實, 仲唔係好熟pizza 一個- 好食, 都幾大個, 兩個麻甩佬食剩兩件.唔記得咩意粉一碟- 份量又係好大, 雖然配料只係腸同煙肉, 但個茄汁配得好食, 掂不斷有侍應同你斟水, 讚.餐飲, 凍奶茶埋單200 蚊. 打包兩件pizza.p.s. 黎意粉屋梗係食意粉啦, 上次真係發左神經走去叫飯食, 人都癲

個超級什錦好似至尊咁, 不過好多cheese同好脆, 好正, 好似比pizza hut好味!!另外個小食拼盤... 有雞翼, 春卷, 洋蔥圈, 薯角, 一d唔知咩肉... 一般啦, 我最鐘意食薯角!!

創意之選(二人套餐) 1.鮮蘑菇麡忌廉湯(兩客) 或 冰凍螺片青芥末汁配鮮雜菜條 (西芹、甘荀、珍珠荀及翠肉瓜) (任選一款) 2.鐵板汁海鮮闊麵3.意國風情鐵板薄餅 (香草雞胸、乾蕃茄及西蘭花) 配以即磨咖啡/ 茶/ 可樂(兩杯) $ 208 加一服務費嘩！勁難食呀！>_< 上次我係lunch time去，食果d野幾好食，所以今次咪去哩間食囉！我選擇左鮮蘑菇麡忌廉湯，都幾好飲！但可能太多人啦，我地等左好耐先有個湯，都冇咩所謂。但係飲完湯之後，我地等左成半個鐘先黎第一個食品→鐵板汁海鮮闊麵，哩個麵係最新推介，好失望呀，好難食呀！難食既程度都可以忍受，但d海鮮竟然有沙，有冇搞錯，等咁耐仲有沙。再得15mins先有第二個食品→意國風情鐵板薄餅，哩個仲難食，難食指數爆燈，一d pizza feel都冇，唔食好過食。好在佢d服務都唔錯，因為太多人，好多人地門口排隊，我見到佢地每人派一杯汽水，雖然太多人，我地想換位，佢地都努力辦到，d服務態度非常好。值唔值得去試就見人見至啦！可能係我order既野唔好食，其他好好食啦！又或者只係dinner 唔好食。

同男朋友睇完戲, 見到有宵夜時段D餐幾好, 便入去這一間意粉屋。當時我有幾聲咳的, 沒有想到個女侍應拿兩杯水埋嚟, 好主動咁同您講~不如我比杯熱水您吖! 個侍應真細心, 講真去高級的餐廳D服務都冇佢咁好。難怪間餐廳全部評分都是開心啦~ VERY GOOD SERVICE~^^至於食物也不錯的, 我叫了個龍蝦天使麵, 個龍蝦幾爽口, D天使麵幾幼細, 另外叫了杯奇異果汁, 這裡的奇異果汁比較其他意粉屋分店較濃好好飲。間餐廳不論食品, 服務, 及環境都好好, 十分滿意~

凡中午十二時十五分前入座﹐十二時四十五分結賬離座﹐都可以享用$38的午餐﹐連加一都係45 元﹐好抵。不過主菜的味道非常麻麻﹐我都係志在吃它的酥皮忌廉湯(見圖)。酥皮好軟熟﹐又新鮮﹐湯雖然只是普通的忌廉湯﹐但連埋酥皮一齊吃﹐味道非凡。主菜只有好普通的雞絲飯、肉醬意粉、白汁長通粉等﹐其實都算喇﹐不過味道就非常唔得﹐只係將些預先煮好的材料和醬汁倒落D飯度﹐我次次都食得五分一都冇。不過只係飲個湯都幾飽﹐再加杯飲品﹐算係咁囉﹗

我同朋友去果度食lunch，好好食，d員工服務好好，好有禮貌。好多選擇，可以一試。價錢不貴

意粉屋的下午茶餐幾多選擇﹐想當飯吃的可選意粉配茶﹐簡單點的可以好像我那樣選牛扒天使麵﹐有白汁和番茄兩種湯底可揀﹐唔食番茄的我當然選白汁喇。另外我最中意佢的蒜蓉帶子焗薯蓉﹐試過不同分店﹐間間的帶子都好大隻﹐不過蒜蓉就不是間間都落得夠味喇。香蕉pancake 都好味﹐不過唔係次次都食倒﹐點解﹖因為實在太飽了﹗圖片是蒜蓉帶子焗薯蓉。

兩個女仔6點幾就黎左dinner唔記得左佢話7點or7點半前可以order special dinner set個d special dinner set真係好抵呀因為我有張coupon送個拿破崙意粉，所以我地只係order左1個dinner set：酥皮忌廉蜆肉湯+茄汁焗意大利雲吞薯蓉+iced lemon tea全部都好好味~上table個時仲係有個膠cover保證d food 夠熱~d waiters真係好nice wor~尤其1個中年帶位既女人~埋單都係$64~同場加映向展平同佢gf Rene黎撐table腳

一直很喜歡吃天使麵﹐麵條幼幼的﹐煮得淋淋的﹐但並不是每家餐廳都會有的。意粉屋的菜色經常轉變﹐就連下午茶餐都很有心思。牛扒天使麵配凍茶﹐牛扒普普通通﹐但天使麵很可口呢。重新裝修後﹐很清爽的感覺。

28/9 和亨亨去左這分店食夏日豐盛龍蝦餐,連加一$246.套餐包括有龍蝦湯2客, 南方雞翼, 芝士焗龍蝦帶子天使麵, 醬燒豬仔骨配香辣薯角, 凍檸茶2杯.雞翼和天使麵幾好, 豬仔骨就唔夠淋, 好“鞋”, 個餐兩個人食會食唔曬, 天使麵多d 汁會好味d !!