意粉屋 (Closed)

與友第一次黎依間食,環境雖然OK,不過枱與枱之間距離比較近2個人叫了一個意粉, 一個飯+一個小食併盤意粉好味,幾多腸仔磨姑,有忌廉汁/意式蕃茄汁揀焗飯都唔錯,小食併盤,有雞翼,薯條,洋蔥圈同豬仔骨豬仔骨個汁唔太MATCH,其他都OK

下午茶時間去到意粉屋食雖然意粉屋已經存在o左好耐, 但之前我真係未食過意粉屋的, 通常都係去食pizza hut, 兩間賣的食物都係差唔多je不過原來意粉屋比pizza hut好食, 服務更好, 環境更靚! 今次食o左個白汁煙肉意粉, 連餐湯同飲品, 意粉好煙靭, 係煙靭, 但唔靭, 口感好好! 白汁的芝士味豐富, 煙肉粒好香肉味, 整體的感覺很好忌廉湯好味, 又滑又香, 這一下午茶, 食得好滿足了

呢間意粉屋環境一般啦....分兩層6點幾去到就要上樓上我哋叫咗2個2人餐...有三文魚沙津...豬隻骨燒到黑...太空館意粉味道ok肉醬意粉...味淡而無味最唔掂係服務太態...去咁多間意粉屋從未試過咁嘅服務太度有個侍應唔願做...無水又唔加...碟又唔收行行企企食飯幾味...黑面叫餐飲15min都未黎我哋叫結賬扮聽唔到意粉屋服務差唔會再黎呢間鋪

The Spaghetti House 意粉屋. 今次系 旺角彌敦道594號1樓 果間.2 年無去過. 只因每次去食都系失望而回. 意粉, 雲吞...完全無味....正常, 我會去 Pizza Hut 囉. 芝士味好香. 尤其是 Pizza Hut 的經典 好經典. 好香. 好味. 言歸正傳. 我個 friend 生日, 佢話去 Spaghetti House , 好! 去囉.$198 - 2 人套餐~1.醬燒豬仔骨配香辣薯角2. Pizza (另有飯, 意粉 可擇)3. 湯 + 1 片蒜蓉包4. 咖啡 ( or 茶)1. 醬燒豬仔骨配香辣薯角. 好大條. 燒醬捈了好厚. 味道ok. 但唔夠香口.2. 要 Pizza. (因為我對佢地既意粉印象太差.) Pizza 無 mug 料. 得幾粒菠蘿. 但OK.3. 湯. 好味, 好香. 1 片蒜蓉包, 是干的類型. 好味. 4. 咖啡. 奶, 糖水, 分開上. 幾認真.出品系好過以前. 而家有 真好.

老公從未食過所以試試,7:30黎到都仲有幾多位,好快我地已經叫左一個有RIBS同PIZZA既套餐,餐湯仲加左$11轉酥皮湯,湯既蕃茄味好濃,不過個酥皮唔好食,都唔脆既! RIBS既汁都OK,份量對2人黎講都合理,PIZZA就無PIZZA HUT咁好食,上枱都無PIZZA HUT個D芝士既香味!餐飲叫左凍奶茶,勁唔掂好苦澀,但係服務態度OK!

尋晚同3個朋友去完 disney land玩..最後決定食Spaghetti House去到時岩岩10點幾唔多客..個usher帶我地去左好入既台由於我地有coupon，上面寫係一客免費意粉..咁我就問個waitress LING YEUNG ，意粉係咪所有pasta跟住佢黑住面講 剩係得意!大!利!粉~我地自問都唔係d好挑剔既客果個moment我地冇咩不滿then我地嗌左個288既餐 + carbornara 同 onion ring當個carbornara 同另一個天使面都未黎時，個staff 就走過黎last order我就同佢講我地仲有野食未到齊wor之後total前後3次被佢用差劣既語氣同我講係問我仲有冇野嗌跟住我個fd見我個樣黑左面就代我平心靜氣同個STAFF講多次我既meaning同埋叫佢一陣再問~嘩!!憫到我呀咩態度呀，我都係想食餐好既令我有個完滿既一日一直以黎我都覺得Spaghetti House係一個ok既食飯好去處，前2日我先去完tst間分店食lunch，一般黎講態度比pizza hut好點知呢個staff既態度真係令我好不滿連我同行既fd算係d好唔介意既人都

叫左個$288蚊的set. 龍蝦湯, 龍蝦天使面, 煙三文魚鮮果沙律.個天使面同煙三文魚都苦苦地o既. 水準好似不及尖沙咀同埋屯門店.人手好似唔係好夠, 而呢間又好大. 所以叫左好耐都無人應. 餐茶叫左又被遺忘. NG.明明有coupon 話埋單總金額滿$150 就可以減$50, 比人取巧話加一之前的總金額才算. 搞到只可以用1張 (我有3張架, 諗住可以用到2張架嘛)不過算啦, 咁o既時勢, 比人賺下啦. 唔係真係又多間玩裁員.

(5/8/08)同兩個o靚仔shopping,累得求其踱上附近食店 (其實意粉屋唔抵食,真係唔多鍾意)。咁就選左信用咭優惠套餐:龍蝦湯,一般。在ThreeSixty買到的罐頭,應該更好味law。挪威煙三文魚螺絲粉沙律,意粉屋沙律是最buy的東西,生果大粒又甜。陽光pizza,有沙樂美腸,菠蘿,火腿,很不錯,pizza邊都好食好脆芝士香~芝士龍蝦帶子天使麵,好”漏”太多芝士蓋過龍蝦汁味!原先最抱期望,到來是膩膩。另order兩個酥皮海皇湯、特級拼盤。

數一數手指, 師傅大大話話都有成十年冇黎過呢間食店, 就算冇十年都真係有八年! 早幾日兩口子唔知食咩好, 但又好想食意粉喎, 於是師傅只係諗起呢間食店, 喺呢一區就揀左呢間食為晚餐對象!去到門口, 冇人排隊, 於是乎攞張飛仔等下位, 等左一陣就有侍應帶位入座! 一坐底兩口子即刻睇下有咩好食, 大家商量左一陣, 就柯打左一客龍蝦湯, 茄汁肉丸, 卡邦拿芝士意粉, 焗小龍蝦菠菜薯茸同埋兩杯飲品, 一杯係杧果奇冰, 另一杯係草莓奇冰!等左一陣龍蝦湯率先登場, 龍蝦湯唔算好大份, 但龍蝦肉都唔少, 加上肉身爽口, 都唔錯喎, 而且味道唔會過濃, 幾好; 飲完湯個後, 茄汁肉丸同焗小龍蝦菠菜薯茸一齊上枱, 好先試下個茄汁肉丸, 茄汁肉丸一客有六粒, 都幾大粒添, 咬落口發覺肉身幾鬆, 唔會實的的, 加上茄汁都幾新鮮, 好味開胃, 唔錯!焗小龍蝦菠菜薯茸嘅碟邊件著幾塊多士, 多士都幾香脆, 而焗小龍蝦菠菜薯茸嘅份量就略為細d, 小龍蝦真係幾小同幾少, 肉身都幾爽口, 不過真係冇咩幾多粒龍蝦比你食; 而菠菜嘅份量就仲少, 不過菠菜都幾嫩口, 可以啦, 再多少少菠菜就仲正; 薯茸嘅份量就最多, 都焗得

今日同幾個朋友係旺角行完街!!!諗起有意粉屋會員卡食下茶餐第二份半價,就上左去食野.一睇餐牌先知多左好多選擇,唔係黎黎去去得個幾樣,搞到我地揸唔定主意!!!!好彩D侍應都好主動走過黎解答我的問題.仲有個龍蝦汁長通粉好好味呀!!!!又有龍蝦湯飲,真係好抵食.服務都幾好,好親切!!!!!!下次一定會再黎試吓其它野食....

自己比較少去意粉屋,這天朋友要買電話,當然要到出旺角. 買完在大雨中走到意粉屋吃晚飯.首先點了個芝士焗西蘭花 - 味道都OK,不過得六棵西蘭花... 個人覺得勁唔抵;這個其實最適合叫碗白飯再撈汁吃,雖然白汁芝士會勁肥...海鮮墨汁飯 - 從前只會吃墨汁意粉,原來也有墨汁飯;不過對我來說都是差不多,就似是一般的意大利飯,味道幾好.香芒烤雞Pizza - 這個值得推介! Pizza上有不少芒果,味道十分清新,令人感覺沒有一般pizza的"漏". 好吃到只剩兩片才記得要拍照...這餐意粉屋確實有點驚喜,尢其是那pizza;一定會再去.

２００８／５／３０午餐今天再動用餘下兩張免費意粉屋四重奏的贈券。雖然今天的主菜選擇其實不太合口味，但也到了，唯有照上去。前菜是三文魚鮮果沙律，三文魚我不吃，落單時已經叫分開上，等了十幾分鐘，點知沒有跟我指示分開上，最後又等多一陣才有得吃。三文魚份量幾多的，不過也全‘奉獻’給朋友；鮮桃等生果吃得出是新鮮貨，不過不知沙律是否早早撈定好，未吃已經出了點水。兩個也是喝酥皮羅宋湯，不論是酥皮的鬆化度還是湯的味道﹑材料多少，本身是幾好的，無比較尢自可，有比較之下就會發覺，和上次在屯門分店喝過就真的遜色了些了。主菜三選一，其中兩款是牛肉，唯有選了較少牛肉製成的肉醬長通粉和白汁煎龍利柳白意粉。肉醬的味道很濃，肉碎有很多很多，夠撈通粉有突，長通粉未煮得夠淋，最後兩個人吃也吃剩三分一（好飽肚的一味）；白汁傑傑地，味道淡淡的，龍利柳得三件細細塊，高興在沒有用大量蛋漿包住，淡淡魚肉才是正路，意粉不過硬又不過淋。是否由於坐第一層的角落位關係﹖侍應們很少行過來，服務態度只是算不太好又不太差，但以西餐廳來說，當然可以服務得更好吧。

今日我和幾嗰 friend去意粉屋食嘢.啲服務好差個個黑口黑面.好似欠咗佢.差唔多埋單時見到個女waitress帶位帶咗啲客入嚟 ,幾個大人同一位小朋友,咁入嚟時個女waitress己無禮貌地呼喝嗰家人,跟住黑口黑面要佢地坐低,嗰家人轉身話去另一間食(如果當入坐時佢咁衰樣帶位,我地都會即走啦, 做乜要受佢氣) 點知個女waitress Rain Lee居然攞張櫈車去個小朋友度(個小朋友度睇落under 5 yrs old )跟住見到嗰家人揾經理,之後見到個經理重離譜佢話（女waitress）喺小朋友渦（咁比佢車既小朋友喺乜？嗰女waitress點睇都有18–20 ）之後佢地既對話聽唔到啦（距離太遠）嗰經理黑口黑面兼服務好差. 咁啲員工咪好似佢咁囉我和幾嗰 friend食完後即走,唔會再去呢間意粉屋

多謝Openrice，令我和老老有得去意粉屋嘆個tea,對我地兩個黎講，平日真係無咩機會咁悠閒去食tea。有贈券，就多一個理由給自己躲個懶。呢度既環境都好靚，我地既酥皮龍蝦湯set, 一個湯加一款主菜加一杯飲品，$59/位。份量唔係話好大(如果你係未食lunch去的話)。個湯好味，不過好漏。主菜我要了龍蝦汁雜菌長通粉，又係好漏，不過全都是我喜愛的元素，都覺好好。老老要的是焗肉醬意，這個嘛，味調得太濃，肉醬太多。服務是值得一讚的，快，醒目，有禮。唔知繁忙時間黎係咪都會咁好呢？

星期六睇完戲就來此店食PIZZA, 唔知係咪太耐無來真係覺得佢地D食物差左, 覺得仲差過PIZZA HUT好多又無咩選擇..睇左一陣MENU最後決定叫個2人餐..個餐包左個2個帶子湯; 2杯野飲, MAIN COURSE就選左個什錦PIZZA及火腿什菌通粉..個湯就唔多夠味, PIZZA亦唔算可口, 最好味算係個通粉啦...此店既服務麻麻, 下次都係去回PIZZA HUT比較好D