Video
Read full review
2008-07-04
28 views
數一數手指, 師傅大大話話都有成十年冇黎過呢間食店, 就算冇十年都真係有八年! 早幾日兩口子唔知食咩好, 但又好想食意粉喎, 於是師傅只係諗起呢間食店, 喺呢一區就揀左呢間食為晚餐對象!去到門口, 冇人排隊, 於是乎攞張飛仔等下位, 等左一陣就有侍應帶位入座! 一坐底兩口子即刻睇下有咩好食, 大家商量左一陣, 就柯打左一客龍蝦湯, 茄汁肉丸, 卡邦拿芝士意粉, 焗小龍蝦菠菜薯茸同埋兩杯飲品, 一杯係杧果奇冰, 另一杯係草莓奇冰!等左一陣龍蝦湯率先登場, 龍蝦湯唔算好大份, 但龍蝦肉都唔少, 加上肉身爽口, 都唔錯喎, 而且味道唔會過濃, 幾好; 飲完湯個後, 茄汁肉丸同焗小龍蝦菠菜薯茸一齊上枱, 好先試下個茄汁肉丸, 茄汁肉丸一客有六粒, 都幾大粒添, 咬落口發覺肉身幾鬆, 唔會實的的, 加上茄汁都幾新鮮, 好味開胃, 唔錯!焗小龍蝦菠菜薯茸嘅碟邊件著幾塊多士, 多士都幾香脆, 而焗小龍蝦菠菜薯茸嘅份量就略為細d, 小龍蝦真係幾小同幾少, 肉身都幾爽口, 不過真係冇咩幾多粒龍蝦比你食; 而菠菜嘅份量就仲少, 不過菠菜都幾嫩口, 可以啦, 再多少少菠菜就仲正; 薯茸嘅份量就最多, 都焗得
去到門口, 冇人排隊, 於是乎攞張飛仔等下位, 等左一陣就有侍應帶位入座! 一坐底兩口子即刻睇下有咩好食, 大家商量左一陣, 就柯打左一客龍蝦湯, 茄汁肉丸, 卡邦拿芝士意粉, 焗小龍蝦菠菜薯茸同埋兩杯飲品, 一杯係杧果奇冰, 另一杯係草莓奇冰!
等左一陣龍蝦湯率先登場, 龍蝦湯唔算好大份, 但龍蝦肉都唔少, 加上肉身爽口, 都唔錯喎, 而且味道唔會過濃, 幾好; 飲完湯個後, 茄汁肉丸同焗小龍蝦菠菜薯茸一齊上枱, 好先試下個茄汁肉丸, 茄汁肉丸一客有六粒, 都幾大粒添, 咬落口發覺肉身幾鬆, 唔會實的的, 加上茄汁都幾新鮮, 好味開胃, 唔錯!
焗小龍蝦菠菜薯茸嘅碟邊件著幾塊多士, 多士都幾香脆, 而焗小龍蝦菠菜薯茸嘅份量就略為細d, 小龍蝦真係幾小同幾少, 肉身都幾爽口, 不過真係冇咩幾多粒龍蝦比你食; 而菠菜嘅份量就仲少, 不過菠菜都幾嫩口, 可以啦, 再多少少菠菜就仲正; 薯茸嘅份量就最多, 都焗得幾香, 但食得多都會幾滯, 味道合格!
最後姗姗來遲嘅就係卡邦拿芝士意粉, 卡邦拿芝士意粉真係好香芝士味, 而且份量極夠, 絕對唔使落芝士粉; 至於意粉煮得軟硬適中, 咬口一流, 味道香酥, 真係好好味, 可惜由於芝士都太多, 所以都幾濃幾膩下; 兩杯奇冰以杧果奇冰較為特出, 夠凍夠香夠味, 唔錯; 其實杧果奇冰即係杧果奶昔, 草莓奇冰都係一樣, 所以草莓奇冰就相對冇咁香同咁夠味, 淡口少少啦, 不過仍然唔差!
總括黎講食物質素都幾好, 而且服務殷勤, 態度又有禮貌, 加上地方環境都非常舒服, 價錢就唔算太貴, 埋單唔使三舊水, 都可以啦; 闊別十年八載, 感覺依然未別; 雖然係同一間食店, 但同座的已非同一人, 十年人士幾番新呢句說話黎形容師傅同呢間食店都冇錯架! 有機會一定會再黎!
Post
