意粉屋 (太古城中心)

Open Now

Now Closed

常來幫襯，因為這裏食物質數都不錯。整體也很比較穩陣，坐位空間比較闊，不會有擠逼感。最近假日午市套餐，點了以下蘑菇湯都ok，味道ok夠菇味，今次偏咸一點，湯可以稠身些更好。牛肩肉ok，不會過熟，肉質ok，不韌。至於黑松露蒜茸醬的蒜味夠，只是欠松露味。芝士焗海蝦•蟹肉意粉不錯啦，蟹肉可能已溶入醬汁，不太食到蟹肉，和蟹肉味不出，撇除蟹肉，整體都不錯。值得一讚都是凍咖啡，夠香濃整體都不錯，以現時普遍的餐飲業服務質數來說，這裏已算是不錯，食物質數都比較可靠，所以會重覆幫襯。

I cannot imagine the service would become worse and really disappointed after dinning in. It is full of expectations to have an enjoyable dinner on Friday while the service from the staff really turns me a bad mood.All the staff look like busy and unhelpful at all. When they put down the strews for the drink, they were on top of the pizza. When we needed some utensils, they replied there were no extra without thinking for a while. All the impolite experience drove me eating as soon as I could an

太古城好多嘢食，想食pizza及意粉就想起這店。那時已下午5點左右，沒有人等位即入去坐低。叫咗2個下午茶餐 - 至尊雜錦薄餅拼檸檬雞翼及凍檸檬茶，另一份叫海鮮龍蝦湯天使麵和熱檸檬茶。主食夠熱唔錯，龍蝦湯也好味，Pizza是厚批也有d d脆卜卜，雞翼d肉好嫩，皮有少少脆，茶飲正正常常。坐得舒服，環境也不錯，地方清潔。服務就係叫落單掃QR code，雖然叫了兩個餐，但想share來吃，遞餐時一放低就走咗，要提出及等咗一陣才有個碗仔（提出時佢無反應，以為佢唔記得），欠缺主動，服務一般。

都數唔到嚟呢度食咗幾多次，主要係因為食物啱小朋友食，兒童餐亦都好抵食。今次試咗set dinner，整體都唔錯，食物質素幾好，服務都好好，服務員笑容好好，呢個亦都係我鍾意嚟嘅原因。

5月1號公眾假期，第一次嚟到太古城意粉屋幫襯，雖然未係全店爆滿，但係入坐率都有七成，食物質素非常合格，價錢大眾化，要講嘅係現今多人談論的服務質素，一班員工走來走去，帶位捧餐清潔樣樣做齊，但係服務態度keep得非常好，問問題會慢慢回答，真的值得讚賞👍🏻👍🏻👍🏻

因早前消費滿指定金額，有2張現金劵快到期，於是乎琴晚就去「食」咗佢啦🤭千挑萬選揀了意粉屋The Spaghetti House，自從多咗無數同款餐廳出現後，就好耐都無幫襯意粉屋了，食完發現水準好咗同抵食咗👍🏻👍🏻👍🏻🌝先分享小小笑話「神奇地，永遠講第一次：𝙏𝙝𝙚 𝙎𝙥𝙖𝙜𝙝𝙚𝙩𝙩𝙞 𝙃𝙤𝙪𝙨𝙚都係講唔清同發音不良🤣🤣🤣變咗The 是+Get+pretty House唔知大家係咪都會咁😂😂😂」小妹連同父母共三人，Order一份《Dinner Set For 2》，一份2人餐配2份小食，足夠3人共享❣️❤️餐湯（2客）～黑松露蘑菇忌廉湯：超濃郁 粒粒蘑菇肉～意大利菜湯：料多好飲🧡升級體驗（加配）～脆炸魷魚圈10件：香脆美味～蜜糖烤蔬菜：香甜可口、蔬菜軟硬適中（蘿蔔仔、薯仔、椰菜花）💛主菜（六款任揀兩款）～愛爾蘭黑毛豬鞍配薯蓉&藜麥牛油果沙律：唔好睇小，份量十足，豬鞍超好食😋香噴噴又juice！～薄餅二重奏：原始版普通厚度 味道還可以💚餐飲（2杯）～凍檸檬🍋紅茶：每杯有3️⃣片檸檬埋單後習慣性開Apps儲埋分，發現有商場優惠🤭「購物多重賞：現凡7/3-1/4/2024（11AM-8PM)，LIVE+

如果兩個人去嘅話建議叫一個主食再搭配其他小食，例如拼盤呀薄餅咁！個人就比較推薦悠閒下午茶拼盤呢個包檸檬雞，炸薯條，沙拉等款款都有少少咁就唔會怕悶啦🥱主食嘅話就會推菠菜煎魚柳扁意大利麵！魚柳煎得夠香脆，份量多而且醬汁都好惹味～最後一定要加返個酥皮周打海鮮湯！佢嘅酥皮真係做得幾出色浸埋落湯食又係另一種風味，正呀

星期六，我和家人一起去太古吃晚餐，最後我們選了意粉屋。我們對意粉屋有情意結，由細食到大，以前要慶祝生日才去，因為當時未有經濟能力。那裏的環境舒適，寬敞，食物質素能保持水準。

其實都好耐無嚟過意粉屋，如果唔係因為老細中意食都一定唔會揀佢😂 我都唔記得由幾時開始想食意粉都唔會去佢到😅 我自己最唔中意意粉上碟係醬還醬，意粉還意粉(唔知點解我有嗰印象佢係咁樣😂) 🪖除咗肉醬意粉😂不過今次的確令我對佢有啲改觀🤣 今次過嚟係食lunch set，包嘢飲，前菜就再加錢🤔 食物大部份都好okay😉 性價比計埋地段就中規中矩，但如果一個set要超過$150，我會寧願行去鰂魚涌食PiCi😂 staff介紹我哋食天使麵，佢話整得好好😌我哋係share嘅，所以嗌咗幾樣🤓 的確香蒜番茄汁海鮮天使麵 $127 係真係幾唔錯，整得好入味😛 溫泉蛋蟹肉扁意大利粉 $137 都整得幾好👍🏻 但係雞肉牛肝菌汁意粉 $117 同肉醬長通粉 $85就有啲失分，明顯食得到有分別🫣夏威夷式板板薄餅🍕$95 正常，佢係簿嘅pizza🍕 性價比唔高之餘，我覺得份量唔係好足夠，食完我仲有肚餓嘅感覺🤣

外賣訂左個pizza 5:30pm 拿。一拿到手覺得奇怪，點解會係凍既。走返去餐廳職員話佢地廚房5-5:30pm休息，所以pizza係凍既。我話如果你地某個時段接唔倒order咪清楚列明或唔好嗰個時段接order，點可以預先焗個pizza放係counter超過一個鐘，凍左都比客人，要客人投訴你先話：幫你整返熱囉！真係不知所謂。太古城Spaghetti House 態度真係好差。其實意粉屋係大家樂 Cafe de Coral 經營既，上個月食大家樂都food poison, 依家幫襯太古城依間意粉屋，賣d pizza 就又凍又酸既！😥

唔係咩特色餐廳，因為阿仔話要食薯條所以即刻諗起佢，兒童餐有啫喱糖、薯條、脆皮腸，再可以揀pizza或意粉，一個餐齊晒佢最想食嘅嘢，我都可以靜靜食吓飯😂我叫嘅蘋果豬扒焗飯都可以呀，不過不失。爸爸個扒都ok，一嚟太耐無食鐵板扒咪叫吓囉🤣同埋個扒嚟到時應該係最多得5成熟，塊板咁熱，攤咗成5分鐘左右等佢「炸」完，塊扒砌開都仲好粉紅，不過食第2塊就真係隔耐咗，熟晒😂😂扒又跟薯條，兒童餐又有薯條，2仔爺食咗個薯條放題，好開心😂

去意粉屋試吓意粉🍝，舖頭都好大，入邊嘅卡位好適合一家大細家庭樂，眼見有好多細蚊仔同佢哋嘅父母食吓Pizza食意粉。芝士鮮蝦蟹肉意大利粉 4/5芝士鋪滿意粉，蟹肉係一絲一絲嘅，鮮蝦都幾大，醬汁掛滿晒喺個意大利粉，鹹鹹香香，味道濃郁，一個人都食得晒。🤭珍寳雜錦薄餅 3/5好豐富嘅材料，有意大利辣肉、加拿大煙肉、辣肉腸、莎樂美腸、蘑菇、洋蔥、青椒及菠蘿，始終芝心批先係pizza，食到最後批邊無乜味好飽好乾😂😂。地點:位於太古城入邊一樓嘅餐廳，商場嘅餐廳勝在夠大，又方便，行街shopping都好。環境:寬闊嘅環境，坐得舒服，距離夠大私隱度較高，燈光適合舒服，家庭樂樂也融融。價錢:$200一個人，已經唔飲嘢，算係咁啦。服務:可以手機自助落單。

同朋友喺太古行咗一陣街有啲攰，見到差唔多下午茶時間，呢間spaghetti house都幾多人排隊，望餐牌覺得都幾抵食，於是就試吓👍🏻叫咗兩個套餐都跟咖啡或者茶，有一個套餐就加咗$15要多客薯條🍟芝士牛肉蘑菇漢堡配薯條🍟 $95份量都幾多，以呢個價錢嚟講性價比幾高👍🏻牛肉漢堡比想像中有驚喜，都幾Juicy😆薯條，啱啱炸起，亦好脆口👍🏻👍🏻推介兵加腸香蒜蕃茄汁長通粉 $88呢個真係必叫！蕃茄汁好香羅勒香料味之餘亦都食得出佢唔係就咁用茄膏👍🏻味道好豐富！長通粉亦都好掛汁，每食一啖都好正🥰推介too!!下午茶餐真心抵食，難怪咁多人排隊🤣下次去太古一定會再食

A款是扁意粉🍝，菠菜碎加魚柳，喜歡扁意粉的朋友可以嘗試一下B款式海鮮，材料也是妥妥的，不竟有蝦🦐，還有蜆肉 兩款的味道其實都蠻好吃的，而且忌廉也沒有想像中那麼膩，就是覺得盤子太大，桌子太小另外點了酥皮周打海鮮湯，這個真的很好喝，光是端上來，就是熱呼呼的，讓人忍不住想要立刻戳一下那個酥皮😍，而且很熱真的喝起來整個就是濃郁😍😍，這個真的不得不推，真的超好喝另外配上一杯餐茶，真的可以讓你飽飽的離開餐桌😌😌

同朋友喺太古城行咗一段時間，覺得有啲攰，想喺附近休息吓，可能仲未到晚餐時間，所以就冇咁多人，好快就可以入座，可能我哋都唔係話太過肚餓所以最後我哋嗌咗一個Pizza就食到好飽啦我哋揀咗珍寶雜錦薄餅，入邊有意大利辣肉，加拿大煙肉，辣肉腸，莎樂美腸，蘑菇，洋蔥，青椒同菠蘿，我見手機落單可以揀剔走唔想要嘅配料，所以我哋走咗洋蔥其實配料都幾豐富，兩個人食咁大個Pizza其實都幾飽，如果想食其他嘢嘅話，最好叫多幾個朋友一齊食，咁就咩都可以食下